جم تكلف هذي المشاريع وجم ارباحها

الموضوع في 'الوظائف والأعمال التجاريه' بواسطة englandq8, بتاريخ ‏14 يوليو 2010.

  1. englandq8

    englandq8 عضو نشط

    التسجيل:
    ‏6 ديسمبر 2009
    المشاركات:
    132
    عدد الإعجابات:
    0
    السلاك عليكم

    اشلونكم اخواني شخباركم ان شاء الله بخيير

    حبيت استفسر عن هذي المشاريع جم تكلف وجم ارباحها سواء شهرية او سنوية وياريت تذكرون الايجابيات والسلبيات حق المشروع واي واحد عنده مشروع يحب يستفسر عنه خل يحطه بالموضوع وان شاء الله الكل يستفيد

    1 - محل تليفونات
    2 - قهوة
    3 - دي جي او مكتب افراح
    4 - مطبعة
    5 - ملعب الثيييل
    6 - محل العاب مثل كاونتر او وااو
    7 - صالة افراح
    8 - محل العاب بلاي ستيشن وربعه هههههه

    انا الحين هذيلا المشاريع اللي في بالي

    واللي عنده مشاريع خل يحطها واتمنى من اخواني اللي عندهم خبره يفيدوناا من هالشغلات وتسلموون ماقصرتوووا ^^

    انا حطيت هالمشاريع اللي في بالي واللي عنده مشروع حلوو خل يحطه وان شاء الله الكل يستفيد

    مع ان محل التليفونات اربح ( في اعتقادي )
    وسامحوني عالاطالة ^_^
     
  2. Low Fat

    Low Fat عضو مميز

    التسجيل:
    ‏2 سبتمبر 2009
    المشاركات:
    3,276
    عدد الإعجابات:
    661
    مكان الإقامة:
    قطعه 13
    وأنا أقولك المشغل النسائي

    فيه رزق وخير إن الله وفقك

    الدينار يطلع أربع دنانيير بإذن الله وعليك الحسبه

    عليك بالأستخاره في كل أمورك

    والله يكتب لك الرزق الحلال.
     
  3. englandq8

    englandq8 عضو نشط

    التسجيل:
    ‏6 ديسمبر 2009
    المشاركات:
    132
    عدد الإعجابات:
    0
    يزاك الله خير اخوي لوفات تسلم ماقصرت ويعطيك ربي الف عافية ^^

    شباب اللي يقدر يفيدنا بعد ياريت يحطلنا اقتراحات ولا اشياء اا اهوه يعرفها وتسلمون ^^
     
  4. الشايب 2010

    الشايب 2010 عضو جديد

    التسجيل:
    ‏11 يوليو 2010
    المشاركات:
    32
    عدد الإعجابات:
    0

    كلهم حلوين و سهلاين إلا الي بالاحمر صعبة جداً

    و متطلع لاي احد ...
     
  5. englandq8

    englandq8 عضو نشط

    التسجيل:
    ‏6 ديسمبر 2009
    المشاركات:
    132
    عدد الإعجابات:
    0
    يعطيك العافية اخوي تسلم عالملاحظة صراحه هم الوالد قالي نفس الكلام ^_^

    تسلم عالمروور ويعطيك العافية ^^
     
  6. Mazad-Q8

    Mazad-Q8 عضو جديد

    التسجيل:
    ‏26 يناير 2010
    المشاركات:
    123
    عدد الإعجابات:
    0
    1 - محل تليفونات

    ركز عليها وعلى المكان المناسب اهم شي لان المكان يحكم لك الارباح بهالشي

    واذا محلك اعتمد على البرمجه وتليفونات يديده وارقام ومع الوقت تبدا بـ 3000 للمستعمل وشطارتك والمكان ممتاز راح تحصل ارباح وزباين ممتازين

    والبرمجه هالايام مع الايفون وربعه قاعده تدخل مدخول شهري ممتاز والشغله مريحه وسهله لكن تحتاج اداره طيبه وموقع طيب ومبرمج ومتحدث عن مواصفات الاجهزه للزبون بشكل ممتاز يقدر يشرح الجهاز من جميع النواحي للشراي

    واحسبها هالشغله تضرب 20 عصفور بحجر برمجه + مستعمل + تثمين + جديد + ارقام + اكسسوارات = مجال واحد + زباين متنوعين

    وهذي نصيحتي لكن ماجربت الارياح شخصياً لكن اشوف الربع والمعارف ماشيه امورهم تمام مع الشغله ومرتاحين عكس الاشغال الثانيه الي تتعب التفكير والجسد والارباح تكاد ان لاتذكر
     
  7. englandq8

    englandq8 عضو نشط

    التسجيل:
    ‏6 ديسمبر 2009
    المشاركات:
    132
    عدد الإعجابات:
    0
    يعطيك الف الف عافية اخووي تسلم على هالمعلومات ماقصرت يزاك الله خييير ^^
     
  8. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    انجلاند ان بطلت محل تلفونات لا تنساني بآي فون4 حلوان حقي:)
     
  9. عويشق

    عويشق عضو نشط

    التسجيل:
    ‏23 يونيو 2009
    المشاركات:
    201
    عدد الإعجابات:
    1

    كلام اخوي مضبوط بس فيه مشكله ان التلفونات هبه وترووح
    يعني البلاك بيري هبه والناس قامت تشتريه وبعدها يا الايفون والله لو تبي نصيحتي قهوه وبمكان مضبووط وعماله جيده تطلعلك بالشهر مو اقل من 3000 مكسب انشالله لو مكان كبير وواسع ...

    المطبعه كذلك بس مو مطبعه مثل تصوير اوراق وهالسوالف
    لا مطبعه كبيره بوسترات واجهزه متطوره تطلع حقها وزود بموسم الانتخابات سواء الجامعيه او مجلس الامه او البلدي او اي كان
    او عندك شركة دعاية واعلان مشروع جيد وناجح

    والله يرزقك من خيره
     
  10. fawazzz

    fawazzz عضو نشط

    التسجيل:
    ‏4 أكتوبر 2005
    المشاركات:
    300
    عدد الإعجابات:
    0
    انا رفيجي اخذ قرض وفتح قهوة واستمر فيها سنة كاملة ماشاف منها غير الخساير وبعدين باعها برخص التراب والحين عليه قرض فوق ال 20 الف
    مع انه ماقصر وتعب فيها حيل ومجابلها ليل نهار واحنا ربعه علطول متكين فيها
    والبلدية كل اسبوع مسوية عليهم مخالفة مطلعة ارواحهم كأن مافي قهوة بالدنيا غيرهم
    والربح بس وقت لما تكون في مباراة قوية او بطولة مثل كاس العالم وغيرها
    انا اشوف ماكو احسن من العقار بس يبيله راس مال طبعا
     
  11. englandq8

    englandq8 عضو نشط

    التسجيل:
    ‏6 ديسمبر 2009
    المشاركات:
    132
    عدد الإعجابات:
    0
    ههههههههههه ان شاء الله اخوي بوشيشه حاضرين للطيبين ^_^

    عاد تدري اخوي عويشق بخصوص القهوة انا كنت افكر مثل كلام اخوي فواز بالنسبة للبلدية

    وبالنسبة لي محل التليفونات صح اهيا هبة اخوي بس لاحظ كل ما نزل جهاز الناس باعت اللي قبله وتبي تشتري يديد والتليفونات كل شهر او شهرين جهاز يديد وان خذيت القديم بيعه حق اللي يبي مستعمل في ناس ماعندها عشان تشتري يديد وجذي << علشان جذي انها فكره ناجحه اعتقد يعني

    العقار زييين بس مثل ماقلت اخوي فواز يبيله مبلغ حلوووو
    وهم يتني فكره ليش ما وااحد يشتري شقه وياجرها وجذي تصير مدخول حلووو بالنسبة له ^_^

    وشباب ياريت اللي عنده فكره عن ملعب الثييل يقولنا لان هم فكره حلوووووة
    يوم كنت اتصفح في ناس يقولون روح سو عند المدارس الخاصه
    كنت افكر جم التكلفة راح تكون سواء اذا انا سوييت ولا حطيتها عند مدرسة خاصة

    اعتقد اذا سوييت راح تكون اغلى بوااايد لاني راح اشتري ارض جذي

    على العموووم سامحوني عالاطالة

    وتسلمون شباب ويعطيكم العافية ^^