منو استعمل جراند شروكي ؟؟

الحالة
موضوع مغلق

فودري

عضو نشط
التسجيل
12 أكتوبر 2008
المشاركات
610
الإقامة
الكويت
السلام عليكم ...
بغيت اسال منو استعمل جراند شروكي من الجدد
ياريت يفيدني عنه
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
الله بالخير
الجراند 3 انواع
4,7 لتر ليمتد
5,7 على ما اعتقد الي يكون مكينته ( هيمي )
6.1 srt8 الي قزوزاته بالنص

للأمانه
خوش سياره
الي طب عندي 8 سلندر 2008 ليمتد مكينه 4.7

محرك جبار والسياره مريحه
بس عيبها بالنسبه لي البنزين
تفويلته 4 دك
لو تانكيه عود جان مرتاااااااااااح لأنه 8 سلندر فيصرف بسرعه وانا أدوس
عاد بالنسبه لغيري مادري عنه

وبالنسبه للسيرفس بالوكاله
من 5 آلاف الى 35 تقريبا كل سيرفس بين 25 و 30 دك
اغلى واحد 40 و 80 ألف تقريبا من 180 لي 220 دك

سفايف ودسكات ما بدلتهم الا بالــ 40
سنتين أستعمله بدون لا أبدل سفايف ولا دسكات
بدلت السفايف وخرطت الدسكات بس
صج سفايفه غاليه بــ 110 دك بس تسوى العمر الي تعطيك اياه لو بتقارنه بباجي السيارات

السياره تسوى :)
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
يعني اتوكل على الله ؟؟؟ واخذه ؟؟
انزين وبالنسبه للحراره والمكيف بالصيف ؟؟ ويفرق الأمريكي عن الوكاله ؟؟؟
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
يعني اتوكل على الله ؟؟؟ واخذه ؟؟
انزين وبالنسبه للحراره والمكيف بالصيف ؟؟ ويفرق الأمريكي عن الوكاله ؟؟؟

حرارته ماتتحرك كلش
ومكيفه ممتاز

بس مرات حتى اللكسز مايلحق بالحر الي عندنا
بس انا ما اشتكيت منه

وبالنسبه للأمريكي والله يخوك مادري

ونسيت اقولك تره فيه 6 سلندر ( لاريدو )
والأوبشن يختلف من واحد لي الثاني

استخير وسو الي يريحك
 

BO JASSIM 1983

عضو نشط
التسجيل
25 أغسطس 2009
المشاركات
139
انحششششش شريته 2007

كان موديل 2005 وعلى كفالة الوكالة

تم عندي سنه ونص وبعته على طلبه بطلعة الروح

علشان ابيعه كان مطلوب 6900 دفعت للي شراه 2100

متخيل يالله انباع

كان 8 سلندر 4.6 لتر

تم بالوكالة تصليح اكثر من ما استعملته

صج ماكنت ادفع بس غث عيشتي شريته ماشي 25

بعته ماشي 61

عارف سياره تخترب طرمبة البانزين 3 مرات ويغيرونها الوكالة

سعر الطرمبة 184

عارف سياره من اروع مايكون واوكي عالخط وثابته لان فورويل فل تايم

تسفطها ترجع تدقها سلف ماتدق

تشيلها بونش تفتر بشويخ محد يستقبلك

تروح الوكالة يقولك برمجه كمبيرتر

قلتلهم 6 مرات برمجة كمبيوتر

يقولون السياره فيها 8 كمبيوترات

متخيل ان سعر المعاون الواحد مالها 56 دينار ماينباع الا بالوكالة

لان اضطريت اغير معاونين لان وانا امشي فيها من غير مطب ولا حفره واحد منهم طلع دهنه

نفس انفجر

متخيل ياخوي ان مجمع اللي يوصل للاقزوز على جنب المكينه بروحه انشلخ

وغيروه عالكفالة علما ان سعره فوق ال360 دينار

طبع كراجهم خايس

ومعاملتهم الحين اقول ما اروح الا اتهاوش معاهم

لان كله السياره مافيها شي لمن اتناجر يصلحونها

ياعمي ابعد عن الشر وغني له
 

BO JASSIM 1983

عضو نشط
التسجيل
25 أغسطس 2009
المشاركات
139
شوف السياره كانت القصه الاخيره

وعلى فكره سو سيرج بالنت 2011 راح يتغير شكله

وازيدك من الشعر بيت جم اسبوع احط اعلانات بالجرايد الوسيط 808080

مادقو علي الا 3 اشخاص

واحد عرف ان موفل اوبش مايبي

والثاني قالي اسف اخوي كنت ادق عالاعلان اللي فوقك دقيت عليك بالغلط

والثالث شراه
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
لوووووووووووووووووووووووووووووووووووووووووووووووووووووووووووووووووووووووووووول
الله يعينك ويرحم والديك عالنصيحه ... انزين ياجماعه انا ابي سياره بحدود 5 - 6
سياره ازقرتيه ... شرايكم ..؟؟؟ فيدوني ؟؟؟ وابيها هالجم يوم يعني ماعندي سياره
 

Se7T

عضو نشط
التسجيل
25 يونيو 2009
المشاركات
1,079
اخوي اذ تبي جيب اخذ يوكن او تاهو
عندي يوكن slt وعيال عمي يوكن عدد 2 و وتاهو lt و ls سيارات صح راحة واستعمال ولا مشاكل وشكلهم مايتغير الا بعد 5 سنين او اكثر وسعرهم فيهم ومشاكلهم قليلة جدا والكل يشتغل فيهم ... وراحة بالخط ومركوبهم مريح فرق عن الياباني و اليوكن على مستوى العالم الاول بالنسبة للسيارات العائلية

لاتاخذ شيئ الناس مناحشة منه بسبت الوكيل ماله
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
هم صح بس المشكله انه مو عاجبني شكله وحجمه كبير ... يعني انا طول عمري كورافت وكل سياييري الثانيه باب واحد
والحين باخذ لي جيب يكون حجمه معقول .... او يمكن اخذ لي صالون ... ياجماعه بالعربي انا حدودي من 5 - 6 .. وبشوف لي شي ازقرتي مايتعبني
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
لوووووووووووووووووووووووووووووووووووووووووووووووووووووووووووووووووووووووووووول
الله يعينك ويرحم والديك عالنصيحه ... انزين ياجماعه انا ابي سياره بحدود 5 - 6
سياره ازقرتيه ... شرايكم ..؟؟؟ فيدوني ؟؟؟ وابيها هالجم يوم يعني ماعندي سياره

شنو نوع الجراند الي حصلته؟

قولي مواصفاته وموديله وجم سلندر

انا كنت عارض سيارتي للبيع ويابتلي السعر الي ابيه بس لظرف عائلي مابعته وخليته عندي

واستغرب الخرابات اللي حاشت العضو ( بوجاسم )

لكن دامها مستعمله انا أشك باللي استعملها قبله


عموما

السياره سلعه بالنهايه
تعجب البعض وماتعجب البعض الآخر

والإستعمال هو الحكم
انا مطلعها من الوكاله لي اليوم ولله الحمد ما اشتكيت
حاليا ماشيه 45000 موديل 2008
مواضب عالسريفس بالوكاله واشيك عليها بنفسي كل شهر

تره السياره مكينه ويبيلها صيانه ومتابعه مو معقوله ما تخترب :confused:
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
انا قاعد ادور الفل اوبشن شاشه وفتحه وجلد ويكون سعره زقرتي
 

BO JASSIM 1983

عضو نشط
التسجيل
25 أغسطس 2009
المشاركات
139
انا قاعد ادور الفل اوبشن شاشه وفتحه وجلد ويكون سعره زقرتي

والله ياخوك نصيحتي لك بحكم تجربه اخذ همر

انا استعمل همر h2 وماشاء الله من اروع مايكون

بس عيبه ان السياره خشنه بالشارع او تقدر تقول يابسه

فببيعها علشان عندي دسك بظهري مو اكثر

مادري اشلون الh3 بس اتوقع زين وشكله زقرت

واتوقع يتناسب مع السعر اللي طرحته طبعا على حسب الموديل والنظافة

شوف ما اقدر احكم الا h2 لان اصلا اغلب قطعه نفس اليوكن والتاهو ومكينته نفس الشي

فقطعه متوفره وكل واحد يشتغل فيه حسب ما اعرف لاني انا دايما ما اتعامل الا بالوكالة

بس اذا عاجبك الh3 اسأل عنه وشكله زقرت وحجمه مناسب مايفرق عن الجراند شيروكي وايد

وهذا مجرد اقتراح من اخو ومايندرا الشباب ان شاء الله مايقصرون

والله يوفقك ويوفق الجميع
 

q81963

عضو نشط
التسجيل
8 أغسطس 2008
المشاركات
331
والله انصحك بالفورد فكتورياا موديل الفين وعشره من الوكاله تاخذه ست الاف وسيااره لايعلى عليهاا
واذا تبي جيب خذ برادو سته سلندر موديل الفين وثمانيه ولا الفين وسبعه سياره لايعلى عليهاا
والبرادو معرووف جنه كامري بس جيب مكيف باااااااارد وطيااره والفوورد بعد نفس المواصفاات وانت بكيفك
 

heart

عضو نشط
التسجيل
15 نوفمبر 2007
المشاركات
341
اخوي اذا تبي كرف وتكييف وبر وقلص وسفر واهم شي ماتصلح ولاتعرف الصناعيه الا للضروره برادو سته سلندر وانت مغمض موديل 2005 الى ال2007 طبعا اهو حتى القديم صخر بس على قد بيزاتك ولاتقولي تغير شكله وطاح سوقه موتر سعره ثابت وفلوسه فيه واحسن جيب متوسط الحجم للكويت واكسسوارات على كيف كيفك وفي منه شاشه جلد فتحه يعني دلع وكرف وشكله للحين حلو ومشاي
 

فودري

عضو نشط
التسجيل
12 أكتوبر 2008
المشاركات
610
الإقامة
الكويت
الله يرحم والدكم ........
والله بشوف البرادو على جم اسعارهم والله كريم

انزين ياجماعه .. صج كامري اليديد مكيفها مو قوي ؟؟؟ لا دفع الهوا ولا بروده ؟؟
لان واحد من الربع بالداوم عنده وكل ما أركب وياه اقوله زيد المكيف يقولي حاطه حده .. اقوله مو بارد .. يقولي توني مطلعها من سيرفس ومجيكين على غاز المكيف
يعني والله انا عندي الشروكي مالي مكيفه ابرد من الكامري الي عند صاحبي .. ولما سألته قالي مو بس سيارتي كل الكامريات الجديده جذي !!!
 

rock404

عضو نشط
التسجيل
30 يوليو 2008
المشاركات
581
عندك 5 او 6

شايجر وكالة

تبي ارحص من فلوسك

اخذ انفوي

تبي سيارة الابد

برادو اليديد كل انواعه
 
الحالة
موضوع مغلق
أعلى