فيدوني الله يرحم والديكم

[i-phone]

السلام عليكم ورحمة الله وبركاته

اخواني عندي يوكن دينالي 2007 وكالة الكويت ... المعاونيات الاماميه صلبت .. وفحصته وقالو من كثر الوقفه وحبيت ابدلهم وكل ماروح لواحد يقولي انا مو مسئول اذا طلعت عندك علامات بالطبلون ... لان المعاونيات كهرباء وسنسر فيهم ويقولي روح الوكاله احسن لك ورحت الوكاله يا اخوان وتفاجئت بسعر المعاونيات عندهم الواحد 140 دينار والتركيب 50 دينار قلت اوكي اشتري من شركة الاهليه علي 33 دينار الواحد وقالي الفني اللي بشركة بهبهاني اذا من برا القطع مانركبهم لك لان اللي عندنا نعطيك كفاله عليهم وياجماعه فيدوني اذا فيه محل رخيص ولا محل يسويلي برمجه بعد التركيب والله يجزاكم خير


واسف على الاطاله ت : 67799776 اخوكم بو طلال

 

[عاشق الليل]

ان شاءالله يفيدونك الاخوان

 

[i-phone]

الله يجزاك خير واتمنا احد يفيدني

 

[wooow]

روح حق كراج كونكورد المعلم محمد وسهالات ان شاءالله

 

[Bo-SaNaD]

السلام عليكم

اخوي الدينالي من السيارات الحساسه والله تبي نصيحتي ركبهم من الوكاله واخذ عليهم كفاله لا باجر يلعبون فيك لعب اهل الكراجات اخوي حط فلوسك بالسمش واقعد بالضلال ريح بالك ويكفي عليهم كفاله

 

[hassan_abu3eed]

يالغالي انا بدلت التواير بره

شبت عندي لمبة السنسر
ومره بدلت البطاريه بره شبت لمبة الماكينه رحت كراج البشر قالي روح الوكاله رحت بهبهاني قالي الفحص بفلوس واذا صلحت ينخصم فلوس الفحص من القطع

الشركه غاليه ونصابين والموتر اليوكن اي شي تسويه بره تشتغل اللمبه
مالك الا تشتغل بالوكاله والوكاله غاليين وحراميه والله للحين مادخلته سيرفس خايف يزلغوني ب 300 او 400 دينار وحنى بالصيف على وشك سفر :d

 

[bader__7]

السلام عليكم...

اخوي لاتخاف افصل البطاريه ساعه وراح تروح كل العلامات واذا ما راحت سولها برمجه كمبيوتر Reset باي كراج عنده كمبيوتر وشوف.

 

[i-phone]

الله يجزاكم خير بخصوص اخواني اللي يقولون اشتغل بالوكاله احسن هو صح احسن بس ترا 330 على معاونيات اثنين ومو هدروليك جايده شوي والمشكله يااخواني نفسهم بالاهليه على 33 الواحد بس وين اللي يركبهم لي من غير مشاكل وشاكر لمروركم الكريم

 

[Old_Nevy]

روح حق كراج كونكورد المعلم محمد وسهالات ان شاءالله

انا وياك شغلهم عدل وناس خايفين الله

 

[i-phone]

الله يجزاكم خير