الرجاء المساعدة من أهل الخبرة .

[abushagy]

السلام عليكم اطلب مساعدة أهل الخبرة .. أرغب في التداول في السوق الأمريكي فيرجى المساعدة في إرشادي إلى أحسن شركة تداول في الكويت مع عمولة معقولة وجزاكم الله كل خير.

 

[abushagy]

يا إخوان ترى الموضوع مو صعب بس أبغى شركة وساطة أتعامل وياها وجزاكم الله كل خير.

 

[FreeTrader]

بالكويت وعموله معقوله ما اعتقد بتلاقي

ونصيحتي لك .. تبي تشتغل بالامريكي يا تشتغل صح مع وسيط امريكي ولا لا تشتغل

السبب مو بس في العموله ... التعامل هو اهم مافي الموضوع وبالاضافه الى الخبره داخل الاسواق

لكن اذا ماتهمك العموله عندك بنك الكويت الوطني اسرع وسيط شفته وخدماتهم زينه لكن العموله عاليه جدا

 

[ALBASSAM]

https://wwws.ameritrade.com/
الافضل على الإطلاق ,,

تحياتي,

 

[abushagy]

وبالنسبة لشركة الأوسط و kfic والتجاري بورصة هل تنصح فيهم ؟

مشكورين وجزاكم الله كل خير

 

[FreeTrader]

وبالنسبة لشركة الأوسط و kfic والتجاري بورصة هل تنصح فيهم ؟

مشكورين وجزاكم الله كل خير

الاوسط يعتبر وسيط داخل وسيط ... والاخطاء ممكن تكثر

الي اعرفه الوطني وبنك الخليج شغلهم مع البروكر دايركت
يعني تعاملك يكون مع الوسيط على طول لكن العموله عاليه جدا

 

[anaahmad]

اخوى انا اشوف كفيك زينين بس العموله مرتفعه ياخذون 18 دولار على كل صفقه وسمعت انهم بخفضونها بداية الشهر القادم الى 14 بس ياريت تتأكد منهم تلفونهم 1886000

 

[FreeTrader]

اخوى انا اشوف كفيك زينين بس العموله مرتفعه ياخذون 18 دولار على كل صفقه وسمعت انهم بخفضونها بداية الشهر القادم الى 14 بس ياريت تتأكد منهم تلفونهم 1886000

هالكلام سامعينه من زمان مو توه !!

اخوي انا ماتهمني العموله كثر ماتهمني الخبره بالشغل والتعامل مع المشاكل

عط الخباز خبزه ... والشي المهم الثاني اخوي الادوات يوفرها لك باحسن الشارتات والادوات مجانا وتلاقي تنافس حلو بين الشركات الاجنبيه كلها تصب في مصلحتنا
سواء مع امير تريد او ايتريد او غيرهم ...

حاول تبدأ من حيث ما انتهى الاخرون مو ترجع الى الوراء من جديد

 

[abushagy]

الاوسط يعتبر وسيط داخل وسيط ... والاخطاء ممكن تكثر

الي اعرفه الوطني وبنك الخليج شغلهم مع البروكر دايركت
يعني تعاملك يكون مع الوسيط على طول لكن العموله عاليه جدا

أخوي أبو ابراهيم التجاري بورصة سمعت أنهم يستعملون نفس نظام الوطني بس عمولة أقل 19 دولار .. وش رايك تنصح فيها أو لأ ؟

 

[FreeTrader]

اذا نفس الوطني نعم انصح بس اسال ناس جربته .. لا تسال البنك نفسه

بالاخير اخوي الشغله تعتمد عليك انت ... اذا تداولك كثير يعني مضاربه ؟ العموله راح تكسر الظهر
اذا شغلك خفيف جدا بقولك توكل على الله وماراح تفرق معاك

اذا تبي مساعده اكثر وشرح اكثر دزلي رقمك على الخاص وانا اتصل فيك واسال على راحتك

 

[aliii]

أخوي أبو ابراهيم التجاري بورصة سمعت أنهم يستعملون نفس نظام الوطني بس عمولة أقل 19 دولار .. وش رايك تنصح فيها أو لأ ؟

التجاري ان شاء الله ممتاز وتوكل على الله كمبتدأ أحسن لك من الوسطاء

الامريكان مثل أميريتريد وغيرهم تراهم جدا متعبين واذا احتجتهم يوم بشغله

ما تخلص منهم الا بطلعة الروح ... فنصيحتي لك خلك مع الوسطاء المحليين

أبرك لك ولكن ما انصح مع الوطني والخليج هذيل سالفتهم سالفة أقولها لك من الحين وخر عنهم

واذا عندك أي استفسار عن الوسطاء الامريكان وطرق نصبهم راسلني على الخاص


بالتوفيق


.

 

[abushagy]

توكلت على الله وفتحت حساب في التجاري بورصة وجزاكم الله كل خير.