شلون أبني دور ثالث بدون ما أدفع شي ؟

[فارس العنزي]

عندي بيت للتو مشتريه ورممته بالكامل وأكل مبلغ محترم ، ولله الحمد على كل حال وأنا ساكنه ما صارلي 7 شهور .

وودي يكون عندي مدخول يساعدني بالمصرف وماعندي إللي إبني دور ثالث حق شقتين ، هل عنده أحد فكره أو جهه ممكن تبني لي ومدخول الشقق يكون لها ، علماً بأني متورق وراتبي مافي مجال قسط لو دينار ؟ هل يوجد حل ، أم أبلع العافيه ​

 

[zidantheking]

نصيحه لا توهق نفسك

 

[الونيان]

أبلع العافيه

 

[يامكو]

سلام

الله يرزقكك انشاء الله
ماكو مشكله مالهاا حل
دور لك صديق او عزيز او مستاجر
وخله يبني الشقتين على حسابه ووخصمهااا من الاجار بمقابل الاجااار يكون مغري على شان اهو يتشجع ويبني وكنه عطاك اجااارك مقدم ونت بنيت فيه بس بشرررط تخفضله بالاجار يعني اذا كان الاجار 250 تخليه 150
ووبعدين تروح تحسب التكلفه ووتحسب متى بتخلص اذا كان الاجار 150 وبعد المده هذي يبدى يعطيك الاجااار طبيعي بعد مايتقاضى الفلوس اللي دفعهااا
طبعااا هذي وجه نضري بالموووضوع
طبعا الضمانات ايصلات اجار تعطيهااا له مقدم وسسسسسسسسسسسسسلامتك

 

[كويتي2]

اخوي الحل انك تطلع من بيتك .. وتروح تأجر شقة مع اهلك ..
وبعدين تأجر الدور اللي انت ساكن فيه .. وتاخذ فلوسه .. وتبني فيه شوي شوي كل شهر ..
بس شرط انك ما يغرك فلوس الايجار ..
هذه طريقة وحده .. وفي اكثر من طريقة بس لو في بيانات اكثر .
وبعدين انت ساكن بدورين ؟؟ ولا بدور واحد ؟؟ ترا ما فهمت كلامك ولو توضح اكثر افضل .

 

[albraiky]

عسى الله يوفقك ان شاء الله