استفسار عن محلات الافنيوز و 360

[Bo-3adel]

السلام عليكم و رحمة الله و بركاته.
اخواني انا ابي اعرف من اهل الخبره عن الاستئجار في الافنيوز أو 360 هل هو بخلو أم بدون؟ و كم سعر المتر إذا أمكن و لكم جزيل الشكر

 

[Jahra]

التأجير للماركات العالمية والمعروفة فقط

 

[Bo-3adel]

مشكور أخوي على ردك بس مو هذا سؤالي، أنا ابي اعرف بخلو او بدون و سعر المتر

 

[Bo-3adel]

للرفع

 

[investor100]

اخوي اذا ما خاب ظني ... كأني سمعت ان الافينيوز المتر للخلو 2000 د.ك و لكن التأجير لا اعلم... و تقدر تسأل الاداره اتصل فيهم.... مع العلم ان التأجير فقط للعلامات التجاريه العالمية... و الله اعلم

 

[Bo-3adel]

شاكر لك اخوي و جزااك الله خير

 

[zohdy]

السلام عليكم 360 بالمتر بدون خلو المالك شركه تمدين العقاريه واتوقع انها موجوده بنفس المجمع ممكن تروح تسالهم اذا ماخاب ظني لكن الافينو اتوقع في خلو اداره الافينو هيه شركه الري العقاريه وبرضه الاداره موجوده في مجمع الافينو وبخصوص سعر المتر الله اعلم بس هحاول اعرف ليك .

 

[Bo-3adel]

شاكر لك تعبك أخي زهدي و انا بانتظار الرد منك

 

[Bo-SaNaD]

السلام عليكم

بوعادل انا قبل اسبوع كنت في اداره الافنيوز كنت ابي ارضيه في المجمع وسئلتهم

المساحه مترين في مترين اذا تبيها بالحوش سعرها 2800

اذا تبيها بالممر 2500

انا تبيها فوق يم الاصنصير 2000

وللعلم هذي اجره اسبوع فقط وللعرض واستقبال الطلبات مو للبيع يعني ماتقدر تبيع بس تعرض بضاعتك

وراح تصير تأجير حالها حال المحلات مع بدايه السنه ىالجديده ان شاء الله يعني تقدر تبيع وتروج منتجك كأنك مأجر محل هذا بالنسبه للارضيات

اما المحلات ماسئلتهم عنها والله بس اعتقد انها للمحلات المعروفه فقط

وتقدر تمر الاداره عند واحد اسمه ابو مشاري راح يفيدك بكل شي وادارتهم موجوده في المجمع

ان شاء الله اكون فدتك يالغالي

 

[Bo-3adel]

مشكور و كثر الله خيرك بو سند

 

[::فزاع::]

والله اعتقد الخلو وصل سعر فووق 20 الف الأقل مسااحه هذا للافنيوز و عند الاداره تلق يعطونك نص محل بدون خلوو بأجار عالي واي وقت يطلعوونك يعني مو مرتبط بعــقد..