معلومات عن الألماس وقيمته

[عجبي]

طقم الماس قيمته 3000دينار .. تم شراءه منذ شهرين كم يسوى حاليا علما انه ليس للبيع ولكن لمعرفة قيمته الحقيقية وأيهما أفضل سعر في أسواق دول الخليج أو في أوروبا.. فنرجو من عنده خبره أن يشارك أو يسأل لنا أحد عنده خبرة ،،،،، ولكم جزيل الشكر

 

[الاحمـد]

يمكن نفس السعر والله اعلم

يفيدونك اصحاب الخبره ان شاء الله

 

[سيف راكس]

3000 سعر ذهب طقم الالماس اقل سعر 20000

 

[العاشق]

3000 سعر ذهب طقم الالماس اقل سعر 20000

بعد عمري ياسيف طلعت من رواد سوق الجمعه ​

 

[سيف راكس]

بعد عمري ياسيف طلعت من رواد سوق الجمعه ​

هلا العاشق كيف احوالك .... والله بالسوق شايف طقم ذهب 3000 شلون الالماس يصير 3000 وعليك الحسبه ممكن الماس بلجيكي

 

[fawazzz]

اللي اعرفه ان الالماس غالي عند الشراء
ورخيص عند البيع مومثل الذهب اللي اذا بعناه مايفقد شي من قيمته

اذا انا غلطان ياليت تصححون لي معلومتي

 

[بو شيشه]

حطلي صورته يامعود.....ابي احس ان الدنيا بخير

 

[هامور 2000]

يا اخوي عن خبره الالماس تشتريه غالي بس ينباع رخيص

اذا لك نية بيع

1 - توديه للتجاره عشان يفحصون لك الالماس و يكتب لك جم قيراط و اذا في شي مكسور بعلمونه لك بقلم احمر
2 - تآخذه عند صايغ و تخلي يفج لك الالماس من الطقم و تقول له انك موديه التجاره و عندك ورقه و تآخذ ورقه من الصايغ ان اهو اللي فتح لك الالماس عشان تضمن ان ما يبدل لك الالماس بدرجه اقل
3 - عقب ما تفتح الالماس من الطقم ترجع التجاره عشان تتأكد ان الماس اهو مالك مو مبدل و لا انهم كاسرين لك الالماس لان في بعضهم اعليميه او دفشين يكسر الالماس و اهو يفتحه

بعدين بيع الالماس بروح و الذهب بروح راح ايب لك سعر احسن من لما اتبيعه كامل

و على فكره الفحص و انت واقف بس لما يفتحونه لك يآخذ له يوم او يومين


و أي استفسار حاضرين للطيبين

 

[العاشق]

هلا العاشق كيف احوالك .... والله بالسوق شايف طقم ذهب 3000 شلون الالماس يصير 3000 وعليك الحسبه ممكن الماس بلجيكي

هلااااا بالعزيز الغالي والله

صدقت الالماس انواع فيه درجات ماتسوا واعتقد له علاقه بالنقاوه

والبلجيكي هم انواع ودرجات بس اعتقد انه من ارخص الالماس

شريت مره الماس من تايلند قص علي واحد وجبته عند واحد من الربع شافه قاااال يبه مايسوا هذا حده عشرين او ثلاثين دينار

طبيعي رديته للبيت وماقلت للمره هالخبر

عشان ماتدري اني قاص عليها ​

 

[اليوفي الثاني]

شريت مره الماس من تايلند قص علي واحد وجبته عند واحد من الربع شافه قاااال يبه مايسوا هذا حده عشرين او ثلاثين دينار

طبيعي رديته للبيت وماقلت للمره هالخبر :d

عشان ماتدري اني قاص عليها ​

ضحكتني ولله

جني بسويها وافتك :d

 

[الهمس الخجول]

اللي اعرفه ان الالماس غالي عند الشراء
ورخيص عند البيع مومثل الذهب اللي اذا بعناه مايفقد شي من قيمته

اذا انا غلطان ياليت تصححون لي معلومتي

المعلومه صحيحه

 

[fawazzz]

يا اخوي عن خبره الالماس تشتريه غالي بس ينباع رخيص

اذا لك نية بيع

1 - توديه للتجاره عشان يفحصون لك الالماس و يكتب لك جم قيراط و اذا في شي مكسور بعلمونه لك بقلم احمر
2 - تآخذه عند صايغ و تخلي يفج لك الالماس من الطقم و تقول له انك موديه التجاره و عندك ورقه و تآخذ ورقه من الصايغ ان اهو اللي فتح لك الالماس عشان تضمن ان ما يبدل لك الالماس بدرجه اقل
3 - عقب ما تفتح الالماس من الطقم ترجع التجاره عشان تتأكد ان الماس اهو مالك مو مبدل و لا انهم كاسرين لك الالماس لان في بعضهم اعليميه او دفشين يكسر الالماس و اهو يفتحه

بعدين بيع الالماس بروح و الذهب بروح راح ايب لك سعر احسن من لما اتبيعه كامل

و على فكره الفحص و انت واقف بس لما يفتحونه لك يآخذ له يوم او يومين


و أي استفسار حاضرين للطيبين

اخوي وين مكانهم هذيلة اللي يفحصون الالماس ؟ وهل يفحصون الذهب بعد ؟