ارتفاع حرارة المكسيما

الموضوع في 'اعلانات المركبات' بواسطة Maxima, بتاريخ ‏20 يوليو 2010.

حالة الموضوع:
مغلق
  1. Maxima

    Maxima عضو جديد

    التسجيل:
    ‏24 سبتمبر 2007
    المشاركات:
    830
    عدد الإعجابات:
    1
    السلام عليكم
    عندي مكسيما 2001
    صايره عندي مشكله ارتفاع حرارة بالمكسيما
    بداية مشواري مافيه حرارة
    لكن ترتفع تدريجيا
    واذا صار مشواري مدته ربع ساعه تقريبا بنهاية المشوار يكون واصل النص واذا طولت ترتفع فوق النص بشوي
    ماادري من شنو الخلل
    اللي اعرفه اذا الترموسات خربان تكون الحرارة عند الوقوف او المشي البطئ
    ممكن تكون من الراديتر او طرمبة الماي؟
    ماني اعرف شنو ابدل بالاول
     
  2. Se7T

    Se7T عضو جديد

    التسجيل:
    ‏25 يونيو 2009
    المشاركات:
    1,082
    عدد الإعجابات:
    0
    اول شي ركب معاك فني وخل يشوف تماتيك المروحه واذا تمام شوف الراديتر ويبين مع راعي الراديترات من يتفحه يشوف العيون بعدها الطرمبة ...

    ان شاءالله شيئ بسيط لأن المكسيمة اذا خرب فيها شي ماراح تسد حلجها
     
  3. ابو سلطان79

    ابو سلطان79 عضو جديد

    التسجيل:
    ‏12 يونيو 2010
    المشاركات:
    55
    عدد الإعجابات:
    0
    اخوي شيك علي طرمبة الماي اول شي بس لا تفكها لأن صايره بالمكينه ومكانها صعب وياخذون عليك فلوس طريقته سهله شغل السياره وافتح غطا الراديتر انطر ليمه تحتر بعدين شوف الماي يمشي بحركه دائريه ولا لا اذا يدور معناته الطرمبه سليمه واذا الماي واقف خربانه

    عندك احتمال ثاني الراديتر افحصه اذا تعبان بدله اذا يتشيش شيشه وجيك علي هوزات الراديتر اذا تعبانه بدلهم

    آخر احتمال ان شاء الله مايكون صحيح ان عندك راس مكينه وعلي فكره مكينة المكسيما حساسه والراس مال المكينه المنيوم اي حراره قويه تحوشه ينعوي علي طول

    حاول توديها واحد شاطر لا توديها عند اي واحد المكينه اذا انفكت وماضبطها اول واحد خلاص تنتهي


    وانشالله السياره مافيها شي من اللي قلته
     
  4. -_-كولكشن-_-

    -_-كولكشن-_- عضو جديد

    التسجيل:
    ‏15 مايو 2010
    المشاركات:
    141
    عدد الإعجابات:
    0
    اخوي
    ان كان عندي مكسما موديل 2002وكنت اعاني منها من ارتفاع الحراره
    ورحت صناعية الفحيحل وشيشت الراديتر وماتت الحراره
     
  5. q8q822

    q8q822 عضو نشط

    التسجيل:
    ‏11 أكتوبر 2005
    المشاركات:
    1,383
    عدد الإعجابات:
    14
    مكان الإقامة:
    kuwait
    اسمع وانا اخوك صارت معاي سالفتك شيشت راديتر مانفع شريت راديتر وكالة اخر شي طلعت المروحة ولا تشتري تجاري اصلى وادعيلي بس اول شي افحص الراديتر مافيه شي ولا الترمستات على طول غير المروحة تجي ثنين مع بعض :)))
     
  6. Bo-SaNaD

    Bo-SaNaD عضو نشط

    التسجيل:
    ‏23 أغسطس 2007
    المشاركات:
    414
    عدد الإعجابات:
    0
    مكان الإقامة:
    الكويت
    حبيبي شيش الراديتر وامورك تكون تمام وانسى الحراره بعدها وربي يوفقك
     
  7. abu shehab

    abu shehab عضو نشط

    التسجيل:
    ‏12 يناير 2009
    المشاركات:
    330
    عدد الإعجابات:
    0
    السلام عليكم اخوي ان شاء الله سيارتك ما فيها الا العافيه
    اول شي سوها شيش الراديتر لأنه تشيش الراديتر من صالحك ان كان مفتوح او مسكر من الناحيتين من صالحك اذا ضبطت كان به ما ضبطت خلي فني الراديترات يشيك على غطا الراديتر لأنه بالمكسيما وايد يخرب وسعره من الوكاله 1.5 او 2
    وبالنسبه لترمبة الماي انا اللي اعرفه اذا كانت شغاله 100% وانت عالخط اتطيح الحراره ليش لأنه مثل اتفضل اخوي اللي قبلي وظيفتها اتدور الماي بشكل دائري وازيد على كلامه وبالخط كل ما ادوس بانزين الترمبه اتضخ ماي اكثر اما بالنسبة للترموستات خلي فني الراديترات يلغيهم فترة الصيف وااذا جه الشتا روح الوكاله واتشرلك وحده جديده سعرها لل2001 9.5
    بس انت قوله ابي ترموستات موديل 99 عشان السعر 5.5 لأنه المكسيما من موديل 95 إلى 2001نفس الترموستات ونفس البلاكات فمال ال99 يركب على 2001 بإذن الله واذا انت قريب من الشويخ روح الصناعيه ودشها من الدائري الرابع رايح يجيك دوار كمل سيده بعد الدوار بشوي راح يجك لفه عاليمين لا ادشها امشي اشوي بعد اللفه مباشره راح اتلاقي سوري مال مكيفات بعدها بمحل راح اتلاقي واحد ايراني مال راديترات رجال امين وشغله مضبوط واهوا شايب وقصير ويلبس نظارات وارجو اكون افدتك وآسف على الاطاله
     
  8. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    كانت عندي مكسيما 2004
    عمري ما اشتكيت من حرارتها
    بس تقريبا كل سنه ترتفع الحراره عندي ويوم افحصها يطلع يبيلها تشييش راديتر وتشييشها بحدود 7 دنانير وهذا دايما الأغلب تصير بلصيف مع ارتفاع الحراره
    ممكن تصيده من ماي الراديتر شوفه اذا مغبر.....اذا مغبر يسد فتحات الراديتر والتنفيس فأكيد ترتفع الحراره
    والفني الشاطر يصيد اذا تشييش الراديتر من نظره ما يبيلها شي
     
  9. اليوفي الثاني

    اليوفي الثاني عضو نشط

    التسجيل:
    ‏12 أكتوبر 2008
    المشاركات:
    569
    عدد الإعجابات:
    0
    نفس حالتك بالضبط 2001

    اذا بعز الحر وصفت ورديت شغلت الموتر الحرارة 3 ارباع من تدق التكييف ترد اقل من نص

    ماكو الا نشيش الموتر بعد ما شيشيوني الربع هني

    جزاكم الله الف خير
     
  10. بو شيشه

    بو شيشه عضو جديد

    التسجيل:
    ‏12 ابريل 2010
    المشاركات:
    2,006
    عدد الإعجابات:
    1
    مكان الإقامة:
    السره
    بطل غطا الراديتر وخل السياره شغاله....راح تشوف الماي فوق مغبر....وقتها اكيد يبيلها تشييش راديتر
     
  11. تاجر3

    تاجر3 عضو جديد

    التسجيل:
    ‏31 أكتوبر 2009
    المشاركات:
    666
    عدد الإعجابات:
    0
    والله ياخوي هم انا عندي مكسيما2001 ونفس الشي حراره وبدلت لها كل شي طرمبه ماي وراديتر ومراوح واخرشي طلع راس المكينه وانشاء الله سيارتك اتكون شغله عاديه
     
  12. Maxima

    Maxima عضو جديد

    التسجيل:
    ‏24 سبتمبر 2007
    المشاركات:
    830
    عدد الإعجابات:
    1
    الله يعطيكم العافيه لجميع من شارك بالموضوع
    واعتقد من كلامكم ان طرمبة الماي خربانه
    لأني طبقت طريقة الاخ ابو سلطان79 والماي واقف بالراديتر
    ونفس الشي كلام الاخ abu shehab الحرارة ترتفع اذا زدت السرعه
     
  13. بوسعد@

    بوسعد@ عضو جديد

    التسجيل:
    ‏18 مارس 2009
    المشاركات:
    252
    عدد الإعجابات:
    0
    مكان الإقامة:
    كويت العز
    السلام عليكم
    حبيت اضيف شغله كلنا نجهل عنها لسبب أرتفاع الحراره وهي العلبه الأضافيه حقت الراديتر اللي أهي تكون الأحتياطي للماء اللي يزيد بالراديتر اذا فول الماي بالراديتر ....لأنه قبل فتره شيشت الراديتر والترمستات شلتها وطرمبة الماي بدلتها من الوكاله وعيار الحراره اللي يجي بالماكينه بدلته ومافيه فايده فا أشتكيت لواحد من الشباب عن الحراره وعن الاغراض اللي بدلتها فا قالي شيكت على العلبه الاحتاطيه لايكون مكسوره أو فيها خرم ..رحت وشفت العلبه وفعلن كانت مشقوقه وبدلتها ونسيت الحراره لأن الهواء يدش داخل الراديتر عن طريق الشق ويبخر الماي وبعدين يكون الراديتر كله هواء من الشق
    أرجوا أني فدتكم أسف ع الأطاله
     
حالة الموضوع:
مغلق