خدمه بسيطه من اهل الخبره

الموضوع في 'اعلانات العقار' بواسطة الدمقراطي, بتاريخ ‏21 يوليو 2010.

  1. الدمقراطي

    الدمقراطي عضو جديد

    التسجيل:
    ‏9 يونيو 2008
    المشاركات:
    173
    عدد الإعجابات:
    0
    السلام عليكم ورحمة الله وبركاته



    يا اهل الخير بارك الله فيكم ... انا عندي ( جبره ) للخدم فوق السطح حاطها للخدم , وتخبرون جو الكويت حار جدا وتقدر تشوي همبرجر وقت الظهيره بواسطة شمسنا الله يكافينا الشر

    والمشكله تكمن في اني حاط لهم مكيف ولا توفي بالمره , وقت الصبح والظهر كأن المكيف مو شغاله بتاتا , وهذا كله بسبب الشينكو اللي يحتر من الشمس ويمتص الحراره لين يخلي الغرفه فرن عليهم ... بالوقت الحالي يمكن ماهي مشكله كبيره لان الخدم وقت الصبح والظهر مايكونون بالغرفه .......... لكن المشكله في رمضان ما يكون عندهم شغل وهم مسلمين ويصومون مثلنا ويبون الراحه



    فجزاكم الله خير انا اطلب مشورتكم في هالامر لقلة الخبره ,,, لعلي اجد حل لهذه المشكله , وربي يجزاك كل خير يا من يفيدني وتنتفع من اجر المسلمين

    وشكرا
     
  2. الدمقراطي

    الدمقراطي عضو جديد

    التسجيل:
    ‏9 يونيو 2008
    المشاركات:
    173
    عدد الإعجابات:
    0
    افيدونا قبل رمضان جزاكم الله من خيره ومن فضله
     
  3. كويتي2

    كويتي2 عضو نشط

    التسجيل:
    ‏11 مايو 2010
    المشاركات:
    207
    عدد الإعجابات:
    3
    السلام عليكم .
    اخوي لبس الجينكو بالخشب .. راح يقلل الحرارة ..

    ويفضل انك تبنيه بالطابوق .. وسهل جدا وما يكلف ..

    او انك تركب جبس بورد حولينه ...

    يعني اقعد مثلا على المسا وافتحلك كم كشاف ينورلك .. وطقطق فيهم مع السايق يساعدك .. خصوصا اذا كانت الجبرة صغيرة مو كبيرة حيل .
     
  4. كيدي كاو

    كيدي كاو عضو جديد

    التسجيل:
    ‏11 سبتمبر 2009
    المشاركات:
    699
    عدد الإعجابات:
    0
    السلام اخوي
    الحل طابوق والسقف قرميد وحط ديكور ساده يعطي منظر حلو وتاخذ اجر فيهم اعتقد حرام حتي في الليل ما تبرد الغرفه
     
  5. الدمقراطي

    الدمقراطي عضو جديد

    التسجيل:
    ‏9 يونيو 2008
    المشاركات:
    173
    عدد الإعجابات:
    0
    جزاك الله خير يا اخوي كويتي انت و اخوي الفاضل كيدي كاو على هالشور وبارك الله فيكم


    لكن المشكله لا استطيع ان ابني من الطابوق شي



    لذلك انا محتاج طريقه ابسط وفي نفس الوقت اسرع لأن الشهر الفضيل على الابواب



    اللي عنده شور طيب ومناسب لا يبخل علينا بارك الله فيكم


    ويا ليت احد من ذوي الخبره والاختصاص يجاوبني على هالسؤال : ينفع احط دار مدار الجبره اسفنج , وهل الاسفنج يمتص الحراره بحيث يبرد الجو داخل الشينكو ؟


    وجزاكم الله خير يا اخوان
     
  6. بحريني1972

    بحريني1972 عضو نشط

    التسجيل:
    ‏26 مايو 2009
    المشاركات:
    3,222
    عدد الإعجابات:
    1
    مكان الإقامة:
    الكويت الحبيبة
    هلا فيك

    اخوي في شركة بالشويخ مقابل شركة البغلي للاسفنج اسمها الغانم كيمكو للعازل

    عندهم عازل مثل الرول وايد ممتاز ويركب مع شبك علي الكيربي او الشينكو عازل ممتاز وراح تنسي الحراره للابد وسعره وايد زين تقريبا من 6 الي 9 دينار

    اذا ماعرفت توصل لهم اتصل علي وانا اوديك حقهم وتشتري اللي يناسب مقاس الغرفه عندك واعلمك طريقة التركيب بعد

    واي خدمه تري اخوك ابو فيصل حاضر لك ولجميع اعضاء منتدانا الغالي

    اخوك ابو فيصل تلفوني بالتوقيع واي وقت انا حاضر
     
  7. المطرود

    المطرود عضو نشط

    التسجيل:
    ‏22 أغسطس 2004
    المشاركات:
    2,246
    عدد الإعجابات:
    1,621
    أخوي الله يعطيك العافية

    أخوي من خبرتي البسيطة أنا أقولك خطوات ممكن تقلل من حرارة الغرفة وهي كالآتي :

    1. تشتري لفة عازل حراري ( 5 ملم ) من الشويخ ( محلات الصفار عندهم منا ) وتعزل الشبرة كلها من الداخل ( الحوائط والسقف ) ، أو تشتري ألواح العزل الحراري ذات اللون الأبيض ( مثل الفلين )
    2. تجيب ألواح خشب لاتية معاكس وتحطه فوق العازل وتثبت الخشب بواسطة براغي .
    3. إما تخلي الخشب على لونه وتصبغ الخشب باللون اللي يعجبك بس لا يكون أحمر :)

    وان شاء الله تضبط الشغلة وياك لأني كنت أشتغل في شركة وكنت مسئول عن سكناتها وكنا نعزل الشبرات الكيربي بهذي الطريقة وكانت كافية لتخفيض حرارة الغرف ، وترى المواد المذكورة اعلاه مو غالية وتكلفتها بسيطة والله يوفجك وإدعيلي إذا اضبطتك معاك .
     
  8. المطرود

    المطرود عضو نشط

    التسجيل:
    ‏22 أغسطس 2004
    المشاركات:
    2,246
    عدد الإعجابات:
    1,621
    بارك الله فيك اخوي بحريني 1972 طريقتك صحيحة وهي مجربة ومشكور على المشاركة
     
  9. بحريني1972

    بحريني1972 عضو نشط

    التسجيل:
    ‏26 مايو 2009
    المشاركات:
    3,222
    عدد الإعجابات:
    1
    مكان الإقامة:
    الكويت الحبيبة
    هلا فيك مشكور علي الرد

    لازم اي واحد عنده رد انه يشارك ونساعد بعضنا البعض وبالنهايه الفايده للجميع صحيح

    شكرا لك
     
  10. بوفلاح1

    بوفلاح1 عضو جديد

    التسجيل:
    ‏3 يوليو 2010
    المشاركات:
    239
    عدد الإعجابات:
    0
    حسبي الله على الازاله اللي حدتنا على الضيق
     
  11. abo_fahad9

    abo_fahad9 عضو جديد

    التسجيل:
    ‏18 يوليو 2009
    المشاركات:
    328
    عدد الإعجابات:
    0
    مكان الإقامة:
    عروس الخليج
    هذا احسن حل وبيومين تخلصه
     
  12. الدمقراطي

    الدمقراطي عضو جديد

    التسجيل:
    ‏9 يونيو 2008
    المشاركات:
    173
    عدد الإعجابات:
    0
    الاخوان بحريني والمطرود و ابو فهد الكرام , اشكركم جزيل الشكر وعظيم الامتنان على شوركم الطيب
    ونسأل الله العلي القدير ان يكون في ميزان اعمالكم يوم القيامه ... لأن لدي جهل في هذا الامر وبمشورتكم استفدنا بارك الله فيكم :)


    الاخ الكريم بوفلاح ... انت صدتها من غير لا اشتكي .. الازاله خربطت الحسبه علينا فوق تحت
    نسأل الله العلي القدير ان يكفينا شرها :)
     
  13. بومحمـد

    بومحمـد عضو جديد

    التسجيل:
    ‏4 يوليو 2010
    المشاركات:
    364
    عدد الإعجابات:
    0
    بارك الله فيك
    شي طيب أن الواحد يقدر مشاعر الناس حواليه و يحس فيهم

    ماعليك الله راح ييسر أمورك بإذن الله