شسالفة ارامكس ؟

[سـعـود]

السلام عليكم



ارامكس الايام الاخيرة تغيرت

الخدمة تغيرت ولا شسالفة
في احد طلب شي من امريكا ولا بريطانيا وتاخر الطلب بعد وصولة للكويت
وجم يوم بالعادة يتاخر

انا اللي اذكرة يوم واحد ويوصلك الطلب

فيدونا ياشباب او اذا كلش نغير ارامكس الي شركة ثانية وشنو الخيارات

 

[ikdla]

والله يا اخي ماكو شركه بديلة
او بالاصح لو بتلاقي بديل فتلاقيه اغلى وبنفس الجودة او اقل

رارمكس تتاخر لان المطار حطو فيه قسم تابع وزارة الصحه يجيك على كل شي
انا طلبت لوشن ماخذين ربع العلبة يفحصونه ؟؟؟؟؟؟؟؟؟؟ شكله جايب قرشه ومعبيها "ماخذ تقريبا 50 ملي"
اللوشن اجمالي العلبه 250 طبعا



واخذ اكثر من 10 ايام بالمطار متعلق


اذا في خيارات اخرى اتمنى الافادة لاني بصراحه تضايقت من مساله الجمارك وايضا من مده التوصيل

 

[b07amod]

هلا اخوى

التاخر من المطار مثل ماقال الاخ العزيز

عندك القطعه وتابع التراكر تلاقى وصولها عادى كل المعتاد طبعا على حسب الولايه والوقت
عند وصول الكويت بالشحن يتم التاخر هذا قرار جديد صارله تقريبا 7 شهور اواكثر اى قطعه خاضعه للتفتيش والتدقيق.

 

[سـعـود]

ليش التعقيد
الدول تتقدم واحنا نرجع للخلف
المفروض يسهلون علي الناس امورهم
عشر ايام ليش شطالب انا كلها شغلة خاصة

 

[ikdla]

اخوي بالنسبة للتقدم والتخلف فانا اشوف هالموضوع يعتبر تقدم
لا تواخذني على اختلاف وجهات النظر

لان جميع دول اوروبا فيها تفتيش وتدقيق , ولكن مشكلتنا لما حطو التفتيش حاطين بس موظفين اثنين واحد منهم يزرق يقز بالمطار والثاني يفتش عقب عشر الصبح عقب ما يخلص من التثاوب

لو ديرتنا تركز على هالاقسام الحيوية وتعدلها زين, وانا اشوف لو يحطون حريم احسن "ترى انا رجال" ولكن بنظري المرأة بالعمل تنجز اكثر بالذات عندهم حب الفضول والتنبيش باغراض الناس ههههههههه

وجهة نظر يجماعه

 

[ukhrep]

السلام عليكم

اخوي الكريم راح اشرح لك سبب تاخر الشحنات عن طريق ارامكس

والتاخير سببه الجمارك وقوانينهم الجديده (الخربوطه)

وقبل هل قرار كانت الجمارك تفتش الشحنات الكبيره فقط

بس

بعد القرار الجديد
الجمارك قامت تفتش كل الشحنات
وتاخذ عموله 1 دينار على كل شحنه تحت 100 دولار واذا كانت اكثر ياخذون نسبه من قيمة الفاتورة

وتخيل ربعنا باليوم اشكثر يفتش جم شحنه وهذا غير تاخير الجمعه والسبت لانه عطلة مايفتشون​

 

[net1]

السلام عليكم

اخوي الكريم راح اشرح لك سبب تاخر الشحنات عن طريق ارامكس

والتاخير سببه الجمارك وقوانينهم الجديده (الخربوطه)

وقبل هل قرار كانت الجمارك تفتش الشحنات الكبيره فقط

بس

بعد القرار الجديد
الجمارك قامت تفتش كل الشحنات
وتاخذ عموله 1 دينار على كل شحنه تحت 100 دولار واذا كانت اكثر ياخذون نسبه من قيمة الفاتورة

وتخيل ربعنا باليوم اشكثر يفتش جم شحنه وهذا غير تاخير الجمعه والسبت لانه عطلة مايفتشون​

انا اتفق معاك 100%

انا يوم الخميس الى طاف وصلتني طلبيه من امريكا قعدت 4 ايام في الجمارك!!!!!!!!!!!!! وخذو عليها فلوس اكثر مثلا انت لما تطلب قبل ما توصل الطلبيه تعرف انت جم راح تعطي الريال الى راح يوصل لك الاغراض المبلغ يبين بموقع ارامكس

شرايك انا اغراضي كان مبين لي بالموقع على حسب الوزن اني اعطيهم تقريبا 12 دينار ولما وصلت الطبيه دزو لي مسج انه لازم اعطيهم حولي 21دينار شسالفه مادري


الخلل اعتقد انه مو ب ارامكس الخلل في الجمااااااااااااااااااارك الى يعطلون الشركه

 

[ba7aar]

ـ انا واصلتني طلبية من امريكا عن طريق فدكس قعدت من الاربعاء للاربعاء بمطار الكويت تصوروا اخواني من امريكا للكويت ثلاث ايام عن طريق باريس ودبي وبالكويت تنام اسبوع

 

[sport man]

السلام عليكم

حبيت اقولكم ان شركة ارامكس قاصين عليكم و شركة جلوبل ( اللي ماسكين الجمارك )

بعطيكم معلومه يعلمها البعض ان الضريبه صارت 5%

حق الاشياء اللي فوق 100 دولار سواء كانت شخصيه او لغرض البيع

ولايكون عبالكم ارامكس زينين لا اهم ياخذون شي اسمه تخليص جمركي من كل شخص قيمته 1 دينار وهنا محور حديثنا

الجمارك لما تفتش على الاغراض مالهم شغل فيك الا اذا كان هناك اغراض ممنوعه حيث تخلي شركة ارامكس بذلك مسؤوليتها

لكن شركة جلوبل تاخذ تخليص جمركي على شحنة ارامكس سواء كانت بحجم الطيارة او اكبر من قارة اسيا ( وكله على أفى العملاء يعني الاثنين مو خسرانين شي )

غير اللي ياخذونه ارامكس على اول نص كيلو 3.5 والنص الثاني 2.5

قبل كانت اول نص كيلو 2.5 والنص الثاني 1.75

وياخذون من كل شخص 1دينار يعني لو 5000 شخص طالب يعني 5000 دينار دش جيب ارامكس بدون اي تعب

 

[ابي اشتري]

والله صدقتوو


قاصين علينا ارامكس

وغير جذي انا طلبت اول رمضان ماوصلني طلبي الا بعد اسبوعين


ادق عليهم يقولون ماندري بالجمارك


ومطرشين لي مسج يبوني ادفع 17 دينار وبالموقع مالهم مكتوب 10 ونص

شوي وانام فيهم لو ماكنت مستعجل على الدوام

 

[net1]

انا وصلت لي طلبيه بسيطه ووزنها خفيف في موقعهم مطلوب مني 3 دنانير ولما وصل الريال الفاتوه فيها 4 دنانير شسالفه !!!!! ليش ما يزيدون الدينار من قبل

 

[بث مباشر]

ياخذون جم دينار اراميكس ولا النصابين آلي هني يعني شغله قيمته بره ١٥٠ ولا ٢٠٠ بالكويت تنباع على ٣٠٠ ليش الطمع هذا
فا عادي لو ياخذون دينار ولا دينارين الامر طبيعي جداً

 

[mohamm3d]

اتعس شركات شحن بالكويت واتعسهم ارامكس حراميه غير الاغراض ملعون خيرها عبال ماتوصل

وتلاقيها مبطله وملعوب فيها ومو مرتبه وتخبط وبطء من ارامكس بعد لان ارامكس نحملها الذنب بالتاخير وعلى العموله المبالغ فيها حسبي الله عليهم ومن خدمتهم السيئه

 

[مساهم11]

صديق ارسلي تلفون من دبي
واخذوا علي 12 دينار ليش مدري
بغيت اقولهم رجعوها

ارامكس نصب بنصب