اسحب فلوسك

[علمونى]

اسحب فلوسك وقعد فوق واشرب (قهوه) سوده بدون سكر

 

[albederi]

علمني أنت؟؟؟

اسحب فلوسك وقعد فوق واشرب (قهوه) سوده بدون سكر

ليش ؟

 

[أحمد بورصة]

اسحب فلوس من وين ؟ و ليش؟

و اقعد فوق وين ؟ و ليش؟


و اشرب قهوه وين ؟ و ليش .. .. .. بدون سكر ؟


شسالفه اخونه علموني؟

 

[بوحميد]

لا حول ولا قوة إلا بالله ..... إذا عندك اخوي علموني خبر أكيد و تحب تشارك اخوانك ...فكلنا عيونٌ تقرأ.... إما لا ....فلماذا هذه الواضيع المفزعة...

على فكرة أنا حاشني مغص ذكرني بمغص شهايد الإبتدائية و الدواويح

 

[الراقي]

مابغينا نربح شوي وانت تخرعنا تكلم شنوفي تبي نشرب جاز نشرب بس تكلم

 

[بوحميد]

أخوي علموني ... انا سألت نفسي سؤال وقلت لنفسي ليش اخوي علموني متشائم جذي .... فرحت بحثت في مشاركاتك... لقيت مشاركة بتاريخ 9-2-2005

تقول فيها
اخوانى هل اخرج من السوق رغم انى عندى خساره قويه ارجوا من عندكم النصيحه الاسهم اللى عندى جيزان 1220 عقارات ك 300 مجموعه د 162 اسمنت خليج 830 اهليه 440 ارجوا منكم النصيحه جاده رجاء والف شكر

فصراحة هل هذا سبب تشائمك ... وإذا كانت كذلك.......ز

................. اخي الكريم مالك الا الصبر و محاولة الدخول على اسهم اخرى
.................عليك بالجناعات

 

[الراقي]

بوحميد انت مباحث ولا استخبارات

 

[علمونى]

بو حميد عزيزى ربنا ما قصر وبيان ووطنيه عقاريه انشاء الله عوضتنا لكننى اقولك اطلع اطلع اطلع وما اقدر اقول اكثر.
وعلشان لا تزعل سيل الربحان لمدة 10 ايام فقط وراح تشترى برخص بعدها ___________

سامحونى تري ما اقدر اوضح اكثر (والله اعلم)

 

[بوحميد]

أنا موقصدي أي شي و لا تفهمني غلط ... بس المعلومات بالمنتدى متاحة للجميع وإحنا لما نسمع خبر من أي مصدر لازم نحاول نقيم الخبر و صراحة آنا لما قريت مشاركة أخوي علموني ( خضني بطني ) ....وإذا راحت فليساتي .. رحت آنا وطي
.... آنا ما عندي شجرة تطلع فلوس كلها جم بيزة اطقطق فيهم عسى الله يرزقنا وياكم الرزق الطيب الحلال...

 

[آه يل بورصة آه]

وانا اقول

لا للخروج من السوق بالوقت الحالي




لا للبيع لا للبيع لا للبيع لو خرج علينا 1000 كمال السلطان

 

[بوحميد]

متــــــى نطــــلع

 

[الناصح_1]

أخي الكريم
اخذها نصيحة من أخ له خبرة سنوات بالسوق
آنا ماشفت مثل مجموعة المخازن شيء حتى الآن

تبي تعوض فلوسك ؟!

بيع كل اللي قلته وادخل على مركز سلطان بسرعة وخلك ماسكة

راح تعوض كل خسايرك وبفترة بسيطة

والله الموفق،،،

 

[آه يل بورصة آه]

متــــــى نطــــلع

عزيزي لا تطلع

عام 2005 هو الافضل بلا منازع


من يريد ان يخرج فليخرج


ومن يريد ان يواصل فلا خوف عليه......هذا العام سيكون الافضل.......


ولكن مع مجموعة المخازن






لا للبيع لا للبيع لا للبيع لو خرج علينا 1000 كمال السلطان

 

[بوحميد]

عزيزي لا تطلع

عام 2005 هو الافضل بلا منازع


من يريد ان يخرج فليخرج


ومن يريد ان يواصل فلا خوف عليه......هذا العام سيكون الافضل.......


ولكن مع مجموعة المخازن






لا للبيع لا للبيع لا للبيع لو خرج علينا 1000 كمال السلطان

بعد راسي كلامك يسرسح على القلب....روح ربنا يوفأك

 

[بيل غيتس]

يجوز كلام علموني صح لان خلال مراقبتي لمؤشر السوق القطري قبل شهر والكل يعلم ان المؤشر صعد بقوه من 6400 الي 8200 وبعدها ارتد الي 7400 ومن ثم صعد الي 11000 واحتمال السوق عندنا يرتد الي 7400 ومن بعدها يصعد الي 10000 ولاكن بنهايه العام الجاري بصعود بطيا وليس كما يحصل الان

 

[ربحت]

اسحب فلوسك وقعد فوق واشرب (قهوه) سوده بدون سكر

اولا الف مبروك اخوى علمونى على الترقيه الحديثه لعضو نشط...والظاهر انت كتبت هذه المشاركه لكى تبشرنا بالترقيه ولتجاوزك 100 مشاركه لك بالمنتدى وحبيت تزيدهم 105 وعلى العموم الف مبروك وانصحك بسهم سلطان على سعر 2260 ولما تدوبل فلوسك ابى منك الحلاوووووووووه

 

[آه يل بورصة آه]

بعد راسي كلامك يسرسح على القلب....روح ربنا يوفأك

الله يوفقك عزيزي



بعديين هناك نقطه مهمه

هل تعلم ان بنك بوبيان سيدرج في هذه السنه او بالكثير السنه القادمه؟؟؟

مامعنى هذا الكلام؟؟


ببسلطه شديده سيكون هناك دخول غالبية الشعب الكويتي الى البورصه من خلال ملكية الجميع - وجزا الله وزير التجارة خير الجزاء- لبيع مايملكونه في اسهم البنك...

فكم ستدخل سيوله مع هؤلاء الزبائن الجدد؟؟؟

وايضا شركة القرين ينطبق عليها الحال



واليوم يااخي الكل في جميع الدواوين لاحديث لهم الا البورصه......الا تتفق معي على هذا؟؟؟؟



ولازلنا نقول



لا للبيع لا للبيع لا للبيع لو خرج علينا 1000 كمال السلطان

 

[علمونى]

كلام واضح سيل وبعد 10 ايام اشتر بارخص
انا ما قلت روح بيتكم و2005 عام جيد انشاء الله 250 نقطه نزول مثل الشارب اللى عليك كلام واضح وما هو محتاج فلسفه من البعض بالمؤشر الوزنى اشتر لما ينزل لغاية 367 وبكيفكم

 

[البواردي]

كمل جميلك

السلام عليكم
اخوي المحترم علموني
انت ما قصرت وخظيت بطونا وقلت طلعو من السوق وسيلو الارباح ولكن ما اعطيتنا حيثيات ولا حتى اسباب منطقيه لهذا الخروج فقولنا جزاك الله خير عن اللي انت شايفه او سامعه لان هالكلام يخوف والناس والجماعه اساساً خايفين من اشياء كثير منها

القضيه بين المخازن وكمال السلطان
ومن السنه الماليه الجديده 1/4/2005
ومن ارتفاع الفايده
ومن مؤشر السوق وارتفاعه ونزوله
ومن التصحيح وما يدرون هذا تصحيح ولا جني ارباح
الخ الخ الخ

اخوي العزيز علموني الوضع في الوقت الحالي لا يسمح لاي كلام غير موثوق منه ولا اي اشاعه وهذا حلال ناس وفي ناس كثير خسرانه وطبعانين بشركات


اخوي بيل غيتس العزيز
الله يعطيك العافيه على التحليل الحلو
ولكن هل من المعقول ان نقارن سوق الكويت باسواق الخليج او الاسواق العالميه الاخرى واحنا وضعنا غير ؟؟؟
يعني ما يصير اذا ارتفع الخبز في البحرين ولا الامارات او اي دوله ثانيه نخاف احنا إن يرتفع الخبز !!! لان اهم لهم اسبابهم واحنا لنا اسبابنا
وانا من وجهة نظري كل سوق وله ضروفه واحنا بالكويت ضروفنا لله الحمد قاعده تتحسن وترتقي



وموفقين خير يا جماعه


ولا تخافون واللي يخاف من العفريت يطلعلوووو

 

[bo yousef]

اذا السوق بأنتظار الاعلان عن عقود ضخمه بغض النظر لمجموعة المخازن او مجموعة المشاريع او مجموعة البحر في اي لحظه فلماذا بنزل السوق تصحيح يومي معقوله وجني ارباح واشوية ضغط لكن هبوط الله لا يقول