مطلوب ايجار بيت حكومه بسعد العبدالله .......ندفع حتى (5) سنوات مقدم

بومحمـد

عضو نشط
التسجيل
4 يوليو 2010
المشاركات
364
425 (1) سنه 5100 دينار
400 (2) سنتين 9,600 دينار
375 (3) سنوات 13,500 دينار
350 (4) سنوات 16,800 دينار
325 (5) سنوات 19,500 دينار

اللي عنده بيت ما يبيه و يبي يأجره بهذة الأسعار أنا مستعد أدفع كاش مقدم بالأسعار أعلاه

ابي عقد ايجار يضمن حقي و حق المالك , ورقه عند محامي بعقد ايجار 10 سنوات , و مع العقد و ورقة المحامي أركب تكييف سنترال على حسابي و أسوي تعديلات البيت كلها على حسابي
الإيجار يدفع مقدم فقط (6) شهور بسعر 450 دينار بعد مضي مدة الايجار المقدم أو أكثر و تذكر في العقد , و اذا تبي بالأسعار المقدمه ماعندي مشكله
تكتب بورقة المحامي حق المالك برفع الإيجار 50 دينار بحد أقصى بعد مضي 5 سنوات حسب سعر السوق , علشان تضمن حقك يمكن الايجارات ترتفع
و إن شاء الله ورقة المحامي هذة ننساها و مالها أي داعي

أنسى شي أسمه ايجار متأخر , هذة المشكله التي يعاني منها أغلب أصحاب البيوت , و لا تقدر تطلع المأجر و لا تقدر تشتكي , مشكلة الكاش إنساها بالمره
الكاش موجود و الحمدلله

بالعربي الفصيح مابي عوار راس , أبي أأجر بيت صاحبه ما يبيه بالمره
و الثقه موجوده و الحمدلله و لكن العقد و ورقة المحامي هي لسبب أن الواحد ما يضمن عمره بهذة الورقة و لكن يضمن حقه

أنسى أحد يقدر يشتكي عليك أنك مأجر بيتك , أنا رفيجك و مأجر عندك ببيتك و أنت مسافر أو مو موجود حاليا , محد يقدر يفتح حلجه
و بعدين وين قاعدين يسحبون بيوت الناس , السالفه فيها انذار اول و انذار ثاني و ثالث

العائله كويتية صغيرة من أربع أطفال و أكبر طفل بالرابع إبتدائي
+ خدامتين و سائق

تبي ترتاح نفسيا خذ 5 سنوات 20 ألف دينار و أنسى و بعد 5 سنوات يصير ألف خير
اذا حسبنا وديعة بيت التمويل كمعدل 5% ال 20 ألف تجيب 1000 دينار بالسنه بمعدل 83 دينار بالشهر , و نسب بيت التمويل مو ثابته , سنه 2.8% و سنه 8.6%

كل الأرقام أعلاه قابله للتفاوض حسب موقع البيت
يعني الزاوية 3 جهات رواق المنطقة هذا سعره أكيد أكثر شوي

و بيتك لما أطلع منه كل شي مضبط و مظلات و تكييف مركزي و سيراميك و مطبخ , و يمكن حتى الأثاث اتركه
فكر بالموضوع جيدا , انا بصراحه لو عندي بيت ابي أأجره ما أصدق أطيح على واحد مستعد يدفع كاش مقدم و ماعنده مشكله
هذا يسري على منطقة النعيم ايضا و أفضل النعيم على سعد العبدالله , بس معتقد في بيت فاضي بالنعيم !!!

انا مسافر بكره و ارجع باذن الله بعد اسبوع
و متواصل بالمنتدى

بالتوفيق
 

abo abduola

عضو جديد
التسجيل
18 يوليو 2010
المشاركات
2
شنو مستفيد؟

انا عندي بيت بسعد العبدالله
65953899
 

دكتور طفشان

عضو نشط
التسجيل
28 أغسطس 2007
المشاركات
210
الإقامة
الكويت
السلام عليكم

اخوي بومحمد عندي بيت قطعه 8 زاويه على شارعين
وهذا رقمي 99258620

اخوك بوعبد الله
 
أعلى