يا أخي الكريم أحب أوضحلك شغلة
أولا أنا ما اعرفك شخصيا ولا أعرف غيرك من الاخوان المشاركين ولا تشرفت بمعرفتكم لهاللحظه واللي يدس السم بالعسل على قولتك هذا الشخص لابد انه يعرف الاطراف اللي موجهلها هالكلام ولكن انا واله على ما اقول شهيد اني ما اعرف احد فيكم عشان ادسله السم بالعسل ويا أخي يقولك المثل الكويتي اللي ما يعرفك ما يثمنك وهالشي يطبق عليك وأنا واضح لأبعد الحدود وانا ما اعرفك عشان على قولتك اوجهلك كلمة الشكر الملغومة وعموما الله يعلم بالنيات وانا اقول خلك مميز بحوارك مع الغير مثل تمييزك بقراءة الشارتات
والله يسامحك
وانا بعد ماتشرفت بمعرفتك
يا طويل العمر
خلني ابينلك شغله انت يمكن تغفلها
في ناس تؤمن بالتحليل الفني
وفي ناس تدور الخبر
لكن احتياج الباحث عن الخبر للتحليل الفني يفوق المؤمن بالتحليل الفني
التحليل الفني يبين لك مواري السهم والطريق العام له بناء على معطيات ومؤشرات يدرسها المحلل ويبني قراره عليها بعد التوكل على الله
يعني عنده أسس علميه وإثباتات تبين وجهة نظره
ومن يبحث عن الخبر لا يعرف متى البيع أو الشراء الا بعد سماع الخبر
انا أؤمن بالتحليل الفني لكني لا اخفي عليك بحثي عن الخبر
لكن إن لم أجده أستطيع بناء قرار
لكن انت هل تستطيع؟
هل يستطيع راعي الخبر معرفه الدعم والمقاومه؟
هل يبين لنا الإرتدادات؟
والمقوله تقول الخبر يقتل التحليل
وانا معها
لكن كيف أستفيد من التحليل الفني بهالحاله؟؟
راعي الخبر مايقولك متى البيع
انما اقولك وين بالضبط أو قريب منه واقولك بعد متى ترد تشتريه
والأمثله كثيره
وبالنهايه
آسف على الإزعاج
لك مني كل ود وإحترام
