هل التحليل الفني مناسب للسوق الكويتي؟

[أم عزيز]

اختي ام ضاري طرشتلج رسالة بالخاص 00 مع الشكر

 

[shraay]

يعطيك العافيه اخوي على هالموضوع الشيق والمفيد للجميع ان شاء الله واللي كثر عليه الجدل بالاونة الاخير لدرجة انني ارى انه في بعض الناس قام ينتابه الشك بالتحليل الفني والبعض الاخر يقول ماكتبته انت في عنوان الموضوغ التحليل الفني ماينفع للسوق الكويتي !!!

انا من وحهة نظري التحليل الفني ينفع مع جميع الاسواق لانه علم واحث كل واحد على تعلمه وقراءة كتب التحليل واذا مايقدر على الاقل مبادئ التحليل لانه الحلال عزيز

بالنسبة لتجربتي مع التحليل قبل كنت اعرف ادخل على السهم لكن لااعرف شلون اطلع كنت اول مايجيني ربح تكه تكتين اقط السهم على طول اخاف لاينزل علي واخسر اللي ربحته وبعد ما اقطه اشوف السهم راخ لاهداف عاليه واذا نزل عليه السهم اصبر عليه من 3 الى 4 تكات وبعدها ابيع ومن اول ما ابيع اشوف السهم رد شلع فوق ولا ادري شنو وضع السهم فنياً يعني بالعربي اطرش بالزفه اللحين ولله الحمد قمت اعرف على الاقل منين اشتري ووين ابيع

وفي البداية والنهاية الرزاق هو الله سبحانه الكريم المعطي وما التحليل الفني الا سبب من اسباب الرزق​

 

[Cozmo]

اسمحولي اقص عليكم قصه قصيره على شكل سؤال وجواب من تأليفي


س : اليوم شنو ؟
ج : اليوم السبت

س : جم الساعه زين ؟
ج : الساعه 5:45 مساءا

س : ليش جذي ملل زين ؟
ج : الوقت ميت وعندنا مقاومه قويه جدامنا وصولا الي اليوم التالي مو قادرين نتجاوزها وهم ماكو فلوس نطلع ونكسر هالمقاومه

س : انزين اذا يبت لك فلوس نطلع ؟
ج : في هالحاله نكون كسرنا المقاومه وقدرنا نطلع ونستانس ونوصل لهدف اعلى

س : واذا ما يبنا الفلوس ؟
ج : راح نقعد ننطر ببطئ لين تصير الساعه 12 وتالي نكسر المقاومه او يمكن من الملل ننام لين تصير 12 وتكسر نفسها بنفسها المقاومه

س : اشمعنى 12 ؟
ج : علشان وقتها نكون خلص يومنا ووصلنا للهدف الي اهو اليوم الي بعده يوم الاحد ويكون عندنا دعم قوي مستحيل نرجع للسبت الا بعد فتره ( اسبوع )

س : انزين ليش ما ننطر لين يصير عندنا فلوس احسن علشان نطلع ونكسر المقاومه ونتجاوزها تالي نطلع ونستانس ؟
ج : وانت ضامن بتعيش باجر علشان انطر ؟ ولا ضامن باجر الاسعار

هذا هو التحليل الفني
مستحيل ان يخطأ صاحبه لانه يقول اذا ما ارتفع راح ينزل واذا ما نزل راح يرتفع

 

[Q8 Stock]

عزيز وغالي اخي المشرف

بضصراحه استغرب من مداخلاتك وصدقني لك معزة انت وكل مشرفين هالمنتدى المحترم يعني احنا سكرنا الموضوع بكل احترام بعد ما وضحنا لبعض وجهات نظرنا وبالوقت الضايع رجعت وفتحت الموضوع ولو اني اشوف انه من اهم واجبات المشرف وقف اي موضوع ممكن تكون نهايته خسارة لاخوان بهالمنتدى

عموما انت لمن تقول دليل كأنك بتحطني بزاوية وبتطلعني جذاب وانا ولله الحمد مو هذا اسلوبي ولا تعلمت اجذب وبخصوص الدليل انا وبكل اختصار ومن غير تحديد اي اسماء لاي فنيين بهالمنتدى سبق وبمرات عدة اني كنت متابع جيد لتحليلاتهم ولكن وللاسف كل التحاليل بلحظاتها كانت عكس ما توقعوا وانا هني مو القصد انهم ما يفهون لا حشى هذا علم ومحد يقدر ينكره وارجع واقولك كلمتي الشهيرة السوق الكويتي ما يحترم اي تحاليل وتقدر انت كمشرف ترجع للعشر سنوات السابقة وتشوف جم سهم كسر بقاعدة الدعم والمقاومة وبتعرف معنى كلامي وصدقني لو بحطلك الادله ما راح نخلص وعشان ترتاح حط جدامك جدول بسنة 2004 مثلا وجدول ثاني بسنة 2010 وبتعرف الفرق ولا تقنعني انه كل المحللين نجحت تحليلاتهم بهالنزول وشاكرلك مداخلتك وكل احترامي لاخواني المحللين واتمنى اشوف لهم مشاركات بالسوق الامريكي لانه من اكثر الاسواق تأثرا بالتحاليل وشكرا

غريب امرك ؟
انت اللي تطرقت للموضوع
وقلت انه التحليل غير سليم
وطلبت منك الدليل
وهذا حقي ومن حق الكل
علشان الكل يقتنع

اعتبر هذا الهروب الكبير منك
لانك انت من تطرق للموضوع وتقول انا فتحت الموضوع
وشوف وقت مشاركتك وشوف متى رديت عليك
ولما طلبت منك الدليل تتهمني اني اكذبك
والحين تحط امثله بشكل عشوائي
انت اقنعنا وحط تحاليل اللي تتكلم عنها


افهم من كلامك
ان اي شخص يسأل صاحبه
انه راسه يعوره
وصاحبه يقول له اخذ حبة بندول وتصير زين
يعني صار صاحبه دكتور....!!!!

انت اللي ذكرت عشر سنوات
حط الچارتات اللي تذكر هذا الشي
وخل الناس تعرف
وليش اروح ادور لك عشر سنوات؟؟؟؟

ما عمره صار ان الدعم ما ينكسر
ولا المقاومة ما تخترق

يا تتكلم بشكل علمي وتثبت كلامك
ولا تتهم غيرك انه يكذب لما يطلب الاثبات
فهذا حق لي مثل ما هو حقك في ابداء الرأي
لكن مو بشكل "تشييري"

دامك تقول البحث سهل
حط هالتحاليل اللي فشلت

اول مره اعرف انه اذا طلبت من شخص يثبت
يعني انا اكذب كلامه..!!

منطق غريب عجيب

 

[Q8 Stock]

واحد تقول له اثبت
يقول تتهمني بالكذب
بالله وين بكون في نقاش
اذا كان جذي التفكير
بهذا المنطق الضيق جدا..!!!

 

[Q8 Stock]

هذا هو التحليل الفني
مستحيل ان يخطأ صاحبه لانه يقول اذا ما ارتفع راح ينزل واذا ما نزل راح يرتفع

هذي النظره فقط في مخيلتك
هذا لا يعتبر تحليل فني
ندري اذا ما صعد ينزل والعكس صحيح او ثابت

ذكرتني في تاجر بن تاجر

 

[TAHOE]

اسمحولي اقص عليكم قصه قصيره على شكل سؤال وجواب من تأليفي


س : اليوم شنو ؟
ج : اليوم السبت

س : جم الساعه زين ؟
ج : الساعه 5:45 مساءا

س : ليش جذي ملل زين ؟
ج : الوقت ميت وعندنا مقاومه قويه جدامنا وصولا الي اليوم التالي مو قادرين نتجاوزها وهم ماكو فلوس نطلع ونكسر هالمقاومه

س : انزين اذا يبت لك فلوس نطلع ؟
ج : في هالحاله نكون كسرنا المقاومه وقدرنا نطلع ونستانس ونوصل لهدف اعلى

س : واذا ما يبنا الفلوس ؟
ج : راح نقعد ننطر ببطئ لين تصير الساعه 12 وتالي نكسر المقاومه او يمكن من الملل ننام لين تصير 12 وتكسر نفسها بنفسها المقاومه

س : اشمعنى 12 ؟
ج : علشان وقتها نكون خلص يومنا ووصلنا للهدف الي اهو اليوم الي بعده يوم الاحد ويكون عندنا دعم قوي مستحيل نرجع للسبت الا بعد فتره ( اسبوع )

س : انزين ليش ما ننطر لين يصير عندنا فلوس احسن علشان نطلع ونكسر المقاومه ونتجاوزها تالي نطلع ونستانس ؟
ج : وانت ضامن بتعيش باجر علشان انطر ؟ ولا ضامن باجر الاسعار

هذا هو التحليل الفني
مستحيل ان يخطأ صاحبه لانه يقول اذا ما ارتفع راح ينزل واذا ما نزل راح يرتفع

بوبدر اذا قال المحلل الفني وقف خساره لدعم فهو يعرف ان السهم سينزل الى مستويات اوطى واذا قال اختراق للمقاومه يعرف ان القادم اسهل والاهداف اعلى
اريدك ان تدخل الى الروابط ادناه وترى هل ربح من اتبع التحليل الفني ام خسر وبالذات لمنا القابضه ولا اتكلم عن غيرها لان الكلام يطول والشارتات لا تعد ولا تحصى ولكن لانك من المهتمين بمنا القابضه ؟؟

http://www.indexsignal.com/vb/showpost.php?p=2767938&postcount=182

http://www.indexsignal.com/vb/showpost.php?p=2869268&postcount=832

 

[Cozmo]

هذي النظره فقط في مخيلتك
هذا لا يعتبر تحليل فني
ندري اذا ما صعد ينزل والعكس صحيح او ثابت

ذكرتني في تاجر بن تاجر

ما صارت هالتاجر الكل يشبهني فيه

بوبدر اذا قال المحلل الفني وقف خساره لدعم فهو يعرف ان السهم سينزل الى مستويات اوطى واذا قال اختراق للدعم يعرف ان القادم اسهل والاهداف اعلى
اريدك ان تدخل الى الروابط ادناه وترى هل ربح من اتبع التحليل الفني ام خسر وبالذات لمنا القابضه ولا اتكلم عن غيرها لان الكلام يطول والشارتات لا تعد ولا تحصى ولكن لانك من المهتمين بمنا القابضه ؟؟

http://www.indexsignal.com/vb/showpost.php?p=2767938&postcount=182

http://www.indexsignal.com/vb/showpost.php?p=2869268&postcount=832

اهلين تاهو
وانا اكو احد مسهرني الليل الا هالمنا

شفت اول شارت 80 قلت متى نزل جذي وانا ما صدته ههههههههههههه

فانا عندي الجواب القاطع ليش نزل هالنزول من 280 او 270 وما استقر الي عند 170 وبالضبط والتحديد بعد تفسيخ السهم واعلان ارباحهم

بس محتاج تدور صانع سوقهم ( السابق ) وراح تعرف ليش نزل
وسأله عن حجم الخساره الي صارت للشركه بس علشان يحافظون على السعر من 270 الي 290

الي بالعين ممكن تبين انها ولا شي لكن هم اسأل وتعرف انه صانع سوقهم ( الحالي ) ما شال الدعم وطيح السهم ( متعمد ) الا بعد ما شاف انه كسر السعر الي بلغ عنه المحللين ما بين 270 و 275 الا علشان ينزل ويطيح الدنيا مره ثانيه ويأسس على اسعار يديده ويبدي من اول يعوض الخساره الي صارت للشركه

ولاحظ انا متى قلت دخول على السهم بعد تفسيخة السهم وقلت دخول على 170

و 3 جولات من الصعود والنزول

الاولى من 166 ( بعد التفسيخ ) وصولا الي 236

الثانيه نزول الي 174 صعودا الي 228

الثالثه نزول الي 194 وصولا الي السعر الحالي 216

فمنو استفاد اكثر برايك الكريم ؟ الراغب بالتحليل الفني ؟ او الي تم توصيتهم وعلى الاقل دشوا في جولتين ؟

 

[يوسف_007]

السلام عليكم ورحمة الله وبركاته،،،

أول شي أنا غير محلل وأنا نقلت تحليل قبل عن طريق واحد من الربع وراح أنقل لكم بالرابط للتعليق معارضين التحليل وأنا قبل هذا التحليل كنت من الناس اللي معارف شنو التحليل وسراحه كنت أحسبه تنجيم ولا تلومنا قبل لاني سوف اقول مثل مطابق الحين بوقتنا هذا لما تجيب شايب وتقوله هذا فلان بأمريكا شوف بالكام عن طريق النت شلون يستقبل الموضوع أكيد راح ينصدم بس إذا علمته التكنلوجيا حبه حبه راح يستقبل مثل التليفون بعدها البلوتوث بعدها النت وهذا المثال أنا ضربته لنفسي وقسته في حياتي الشخصيه وهذي وجهت نظري الخاصه ما أعممها على أحد حتى لايفهم كلام غلط بس هذا اللي حصل معي وشكرا لجميع ​

http://www.indexsignal.com/vb/showthread.php?t=123916

 

[Winchester SX3]

ما صارت هالتاجر الكل يشبهني فيه



اهلين تاهو
وانا اكو احد مسهرني الليل الا هالمنا

شفت اول شارت 80 قلت متى نزل جذي وانا ما صدته ههههههههههههه

فانا عندي الجواب القاطع ليش نزل هالنزول من 280 او 270 وما استقر الي عند 170 وبالضبط والتحديد بعد تفسيخ السهم واعلان ارباحهم

بس محتاج تدور صانع سوقهم ( السابق ) وراح تعرف ليش نزل
وسأله عن حجم الخساره الي صارت للشركه بس علشان يحافظون على السعر من 270 الي 290

الي بالعين ممكن تبين انها ولا شي لكن هم اسأل وتعرف انه صانع سوقهم ( الحالي ) ما شال الدعم وطيح السهم ( متعمد ) الا بعد ما شاف انه كسر السعر الي بلغ عنه المحللين ما بين 270 و 275 الا علشان ينزل ويطيح الدنيا مره ثانيه ويأسس على اسعار يديده ويبدي من اول يعوض الخساره الي صارت للشركه

ولاحظ انا متى قلت دخول على السهم بعد تفسيخة السهم وقلت دخول على 170

و 3 جولات من الصعود والنزول

الاولى من 166 ( بعد التفسيخ ) وصولا الي 236

الثانيه نزول الي 174 صعودا الي 228

الثالثه نزول الي 194 وصولا الي السعر الحالي 216

فمنو استفاد اكثر برايك الكريم ؟ الراغب بالتحليل الفني ؟ او الي تم توصيتهم وعلى الاقل دشوا في جولتين ؟

بو بدر

وشارت المثلث الهابط وتعليقي عليه وين راح؟
شوف التحليل


كاهو التشارت من أحد العضاء
( هنا )
وكاهو التحليل مني انا
( هنا )

 

[Cozmo]

بو بدر

وشارت المثلث الهابط وتعليقي عليه وين راح؟
شوف التحليل


كاهو التشارت من أحد العضاء
( هنا )
وكاهو التحليل مني انا
( هنا )

هلا القناص
ها صفحة باجر عليك ولا اسبقك ابطلها من الحين هههههههه

بالنسبه للشارت انا بصراحه ما ادري ليش بعض المحللين يحطون شارت بدون شرح خاصه انه اغلب المتداولين ما يعرفون شنو هذي الاسهم او الالوان الاخضر والاحمر

فهذا عتب ( اخوي ) بصراحه عليهم لعدم وضع الشرح

اما عن كلامك الي ذكرته بشرح للشارت

اذا ما كنت غلطان هذا الارتفاع الي كان يوم ملامسة ال 220 الي اليوم الي انقال انه احتمال التصريف ؟ عدل ولا انا غلطان ؟

في حال كان عدل والله النزول كان غلطه كبيره جدا جدا جدا جدا وما كان لازم يصير
الغلطه صارت في دخول محفظه على سعر مقاومه مو بس صعبه الا مشكله ضخمه

طارت عن الحسبان هذي النقطه وكانت سبب انه يكون التحليل الفني مصدق في ذاك الوقت

ولاحظ قبل النزول اني قلت فيه محفظه راح تدش تشيل وفعلا شالت اول شي 500 ثم 300 الف وبعدها صار التحذف والقصف

لولا هذي الغلطه الشنيعه جان السهم متجاوز ال 220 ووقتها تدري شراح يصير يا ونشستر ؟

راح يطلع احد من اخوانه المحللين يقول انا قلت لكم في حال كسر المقاومه راح يطير السهم للأهداف الاعلى

مثل ما قالوا احنا قلنا اذا ما قدر يكسرها راح ينزل ومثل ما قالوا راح يصير تصريف في ذاك اليوم

لكن الموضوع كله غلطه بغلطه وهم استفدنا من الغلطه وراجع اليوم الي بعده تم الضغط على السهم ( تعمد ) للتجميع بالادنى وتم تجميع مليون سهم بالادنى
واليوم الي بعده تعمد ثاني ماكو طلبات ولمه صارت العروض بالادنى انشال السهم من 194 وصولا الي الحد الاعلى عند 212 ثم استقر الخميس عند 216

فوين التحليل الفني بكل هاللعب ؟ ما شفنا احد يقولونا دخول اعلى هالسعر وطلعوا على هالسعر

كل الي شفناه تحليل يقول في حال كسر المقاومه بيصعد وفي حال ما قدر بينزل

انزين انا انسان بسيط على قد حالي شاري لي وحده ولا وحدتين
بسمع كلام التحليل يقولي مقاومه قويه طبيعي بقط قبلها
قطيت على 216
الاحد كسر ال 220 وطار 226
منو يعوضني عن هالربح الي راح ؟ التحليل الفني طير علي 10 فلوس ؟

فهني تكون التوصيه اقوى من التحليل وتضمن الربح اكثر

والحمد لله انا ودي شخص واحد بس ( لاحظ شخص واحد ) ييني يقولي يا كوزمو انت خسرتني بتوصيتك

بينما لو تبي اييب لك ناس ( ضااااااااعت عليهم فرص ) والسبب التحليل الفني عندي بالهبل

 

[السهم الامريكي]

اسمحولي اقص عليكم قصه قصيره على شكل سؤال وجواب من تأليفي


س : اليوم شنو ؟
ج : اليوم السبت

س : جم الساعه زين ؟
ج : الساعه 5:45 مساءا

س : ليش جذي ملل زين ؟
ج : الوقت ميت وعندنا مقاومه قويه جدامنا وصولا الي اليوم التالي مو قادرين نتجاوزها وهم ماكو فلوس نطلع ونكسر هالمقاومه

س : انزين اذا يبت لك فلوس نطلع ؟
ج : في هالحاله نكون كسرنا المقاومه وقدرنا نطلع ونستانس ونوصل لهدف اعلى

س : واذا ما يبنا الفلوس ؟
ج : راح نقعد ننطر ببطئ لين تصير الساعه 12 وتالي نكسر المقاومه او يمكن من الملل ننام لين تصير 12 وتكسر نفسها بنفسها المقاومه

س : اشمعنى 12 ؟
ج : علشان وقتها نكون خلص يومنا ووصلنا للهدف الي اهو اليوم الي بعده يوم الاحد ويكون عندنا دعم قوي مستحيل نرجع للسبت الا بعد فتره ( اسبوع )

س : انزين ليش ما ننطر لين يصير عندنا فلوس احسن علشان نطلع ونكسر المقاومه ونتجاوزها تالي نطلع ونستانس ؟
ج : وانت ضامن بتعيش باجر علشان انطر ؟ ولا ضامن باجر الاسعار

هذا هو التحليل الفني
مستحيل ان يخطأ صاحبه لانه يقول اذا ما ارتفع راح ينزل واذا ما نزل راح يرتفع

غريب امرك ؟
انت اللي تطرقت للموضوع
وقلت انه التحليل غير سليم
وطلبت منك الدليل
وهذا حقي ومن حق الكل
علشان الكل يقتنع

اعتبر هذا الهروب الكبير منك
لانك انت من تطرق للموضوع وتقول انا فتحت الموضوع
وشوف وقت مشاركتك وشوف متى رديت عليك
ولما طلبت منك الدليل تتهمني اني اكذبك
والحين تحط امثله بشكل عشوائي
انت اقنعنا وحط تحاليل اللي تتكلم عنها


افهم من كلامك
ان اي شخص يسأل صاحبه
انه راسه يعوره
وصاحبه يقول له اخذ حبة بندول وتصير زين
يعني صار صاحبه دكتور....!!!!

انت اللي ذكرت عشر سنوات
حط الچارتات اللي تذكر هذا الشي
وخل الناس تعرف
وليش اروح ادور لك عشر سنوات؟؟؟؟

ما عمره صار ان الدعم ما ينكسر
ولا المقاومة ما تخترق

يا تتكلم بشكل علمي وتثبت كلامك
ولا تتهم غيرك انه يكذب لما يطلب الاثبات
فهذا حق لي مثل ما هو حقك في ابداء الرأي
لكن مو بشكل "تشييري"

دامك تقول البحث سهل
حط هالتحاليل اللي فشلت

اول مره اعرف انه اذا طلبت من شخص يثبت
يعني انا اكذب كلامه..!!

منطق غريب عجيب

بصراحة انا ارشح قصة اخوي كوزمو احلى واونس وقصته هدافة

اما بالنسبة لاخوي المشرف ما راح اعلق على كلامك لاني على قولتك نظرتي ضيقة بالتالي ما راح تستفيد منها بشي

واتمنى يجي اليوم اللي تتوسع نظرتي وتصير مثل اللي عندك بس بشرط من غير تحليل بالاخبار وبس

 

[Cozmo]

بصراحة انا ارشح قصة اخوي كوزمو احلى واونس وقصته هدافة

اما بالنسبة لاخوي المشرف ما راح اعلق على كلامك لاني على قولتك نظرتي ضيقة بالتالي ما راح تستفيد منها بشي

واتمنى يجي اليوم اللي تتوسع نظرتي وتصير مثل اللي عندك بس بشرط من غير تحليل بالاخبار وبس

شكرا لك على هذا الاطراء الجميل من شخص اجمل
شكلي بسوي كتب عن التحليل الفني

 

[Winchester SX3]

كوزمو

تره المحافظ لا دشت ماتدش بــ 400 او 500 الف سهم !!!

المحفظه تتكلم عن 5 مليون وطالع
تحت المليون ناس تطقطق بالسهم

ولو تبي تقارن بين الي خسروا بسبب توصيه ومنهم خسروا بسبب تحليل فني
بقولك الي خسروا بسبب التحليل الفني لم يحترموا التحليل الفني
والي خسروا بسبب التوصيه لأنه الموصي مو كفو

يعني إتبعوا العاطفه

في أمان الله

 

[Q8 Stock]

بصراحة انا ارشح قصة اخوي كوزمو احلى واونس وقصته هدافة

اما بالنسبة لاخوي المشرف ما راح اعلق على كلامك لاني على قولتك نظرتي ضيقة بالتالي ما راح تستفيد منها بشي

واتمنى يجي اليوم اللي تتوسع نظرتي وتصير مثل اللي عندك بس بشرط من غير تحليل بالاخبار وبس

لانه ماعندك اي دليل او حجه حتى يكون لك تعليق
تدعي فشل التحليل الفني وانت تعتبر الاثبات هو تكذيب لك...!!!

هات خلنا نتناقش بالتحاليل اللي اثبتت فشلها

 

[Cozmo]

كوزمو

تره المحافظ لا دشت ماتدش بــ 400 او 500 الف سهم !!!

المحفظه تتكلم عن 5 مليون وطالع
تحت المليون ناس تطقطق بالسهم

ولو تبي تقارن بين الي خسروا بسبب توصيه ومنهم خسروا بسبب تحليل فني
بقولك الي خسروا بسبب التحليل الفني لم يحترموا التحليل الفني
والي خسروا بسبب التوصيه لأنه الموصي مو كفو

يعني إتبعوا العاطفه

في أمان الله

من قال دخلت تبي تاخذ 500 الف بس ولا 400 الف ؟

شالوا بس بذاك اليوم 800
ولمه شافوا النزول كملوا 200 على 202 واستفادوا على ظهر صغار المتداولين الي باعوا من تخويف الشارت لهم

يعني مليون سهم سعرهم فيها 200 الف دينار ناس تطقطق بالبورصه ؟

اكو احد يطقطق ب 200 الف دينار في الوقت الحالي ؟؟

عيل المحفظه الي قبلها دخلت ب 2 مليون هذي تهويشه اذا مليون سهم يطقطق :\

اما الي ما احترموا التحليل الفني خل نتكلم على مثال مثل منا نظرا للتحليل الفني المصدق يوم قالوا تصريف شصار في ذاك اليوم المشؤوم ؟
من 220 بغمضة عين وصولا الي 212 وعرض بدون شراء
وين الواحد يمديه يطلع ؟ وناس كثيره سألوني عن الي صار وليش قلت لهم لحد يطلع على 202 اليوم الي بعده ما سمعوا كلامي سمعوا كلام التحليل الفني وهم بعدها قلنا لحد يعرض بالادنى او اعلى منها مسكوا وبعد محد سمع الكلام والكثير خسروا والبعض منهم مثل ما وصلتني الرسايل انهم حطوا ردود بصفحة منا تم حذفها لاحتوائها على بعض العبارات الي ما تليق انها تنذكر لكن انذكرت من حرة قلوبهم على الفلوس الي راحت والسبب التحليل الفني ... مثل ما وصلني من العضو الي تم ايقافه وما اطلعت على الرد ماله لكن فعلا تم ايقافه بدون لا يكون رده الي تكلم عنه موجود

اتوقع رده كان قوي كفايه انه يتم مسحه

ولنا لقاء باجر في صفحة التداول

 

[السهم الامريكي]

اخوي كوزمو واللي يعافيك جابل اخوي المشرف تره من صج تعبت وشكرا لك مقدما

 

[Q8 Stock]

والحمد لله انا ودي شخص واحد بس ( لاحظ شخص واحد ) ييني يقولي يا كوزمو انت خسرتني بتوصيتك

بينما لو تبي اييب لك ناس ( ضااااااااعت عليهم فرص ) والسبب التحليل الفني عندي بالهبل

كوزمو
منو قال لك نقاشنا عن توصيتك ؟
ومنو قال لك انه فشلت توصيتك ؟

احنا نتكلم عن التحليل الفني بشكل عام

ضحايا توصيات الناس بالمنتدى كثيره جدا
السر وينه الى الجيماز الى تاجر بن تاجر والى والى والى
هؤلاء كانوا نفس كلامك بالضبط
وبعدها اختفوا...!!!

متابعتي للمنتدى من سنة 2005 الى الان
كثيرين هم ضحايا هؤلاء وكلهم نفس طريقتك في الكتابه والحوار
وعلى نفس الهدف التحليل خاطئ وانا صح فقط..!!!

بعدين مو كل من قال علاج الصداع البندول
نقول عنه دكتور


قلت لك سابقا
من يملك حاليا 100 الف دينار
يستطيع ان يكون صانع سوق على كثير من الاسهم

 

[Cozmo]

كوزمو
منو قال لك نقاشنا عن توصيتك ؟
ومنو قال لك انه فشلت توصيتك ؟

احنا نتكلم عن التحليل الفني بشكل عام

ضحايا توصيات الناس بالمنتدى كثيره جدا
السر وينه الى الجيماز الى تاجر بن تاجر والى والى والى
هؤلاء كانوا نفس كلامك بالضبط
وبعدها اختفوا...!!!

متابعتي للمنتدى من سنة 2005 الى الان
كثيرين هم ضحايا هؤلاء وكلهم نفس طريقتك في الكتابه والحوار
وعلى نفس الهدف التحليل خاطئ وانا صح فقط..!!!

بعدين مو كل من قال علاج الصداع البندول
نقول عنه دكتور


قلت لك سابقا
من يملك حاليا 100 الف دينار
يستطيع ان يكون صانع سوق على كثير من الاسهم

السموحه يا بوعلي الكلام جر بعضه بخصوص منا

الجيماز وتاجر انا ما حضرتهم ( هني بالمنتدى ) علشان اقولك وين دبسوا العالم او اشلون فما اقدر اعلق عليهم

وال 100 الف تخليك صانع سوق اي سهم هذي قويه بوعلي

علشان تكون صانع سهم على الاقل يبيلك حسب رايي مليون تلعب بالسهم على كيفك
وان مشيت مع التحليل وقتها بيساعدك ( كصانع سوق او مستثمر ) في حال شلت المعروض كله على المقاومه مثلا والي فوقها وصرف على الفقاره المساكين بالاعلى منها ... صعبه ؟

وين دور التحليل هني الا انه فاد صانع السوق او شخص يمتلك كاش ضخم بمقدوره يلعب بالامور

انا معاك بوعلي التحليل الفني علم ودراسه ولا خلاف على هذا الكلام
وكل محلل موجود في هذا المنتدى او المنتديات الاخرى او حتى في الاسواق ما تعلم ودرس الا علشان المصلحه العامه

لكن المستفيد الاول والاكبر من التحليل مو صغار المستثمرين
وان كان فيه مستفيد من الصغار فهم بعدد اصابع اليد وبربح اجمالي يطلعه صانع سوق في ساعه واحده من عمر التداول

وانا اسمع عن كثير من موظفين في شركات مدرجه يكون وجودهم فقط للتحليل الفني وقياس نظرة الناس للأسهم فلو شخص منهم يتكلم هني بالمنتدى راح يوضح انه السوق لعب بلعب والشاطر الي يعرف يلعب مع الكبار

وحاليا تحليل اخونا الكريم دكتور اسهم ( الله يذكره بالخير ) يقول السوق دخول

الريال والنعم فيه مليون مره طبعا لكن فيه اسهم اليوم اسعارها ارتفعت بشكل حلو قبل لا يقول انه السوق دخول
منها على سبيل الذكر لا الحصر :-

ايفا : من 47 اعتقد وصولا اليوم الي 62
بيتك : 960 وصولا الي دينار و 40
زين : نزول الي دينار و 20 وصولا الي دينار و 180 اعتقد او 200 مو ذاكر
السلام : نزول قوي فصعود فنزول فصعود ... مو ذاكر الاسعار
صلبوخ : مو ذاكر الاسعار
منا : 174 وصولا الي 216
بنك الخليج : ارتفع من 300 فلس اعتقد وصولا الي اعلى سعر ممكن كان 430 او مو ذاكره بالضبط الي سعره الحالي
الساحل : نزل الي تحت مستوى ال 100 اعتقد ثم رجع الي سعره الحالي

هذي امثله للأسهم الي انا شخصيا دخلت عليهم وقت نزولها
لو اني سامع كلام التحليل ؟ والسوق ما ينفع الدخول حاليا ؟ جان ما ضاعت علي هذي الاسعار اليوم ؟؟

هل التحليل في حالتي افادني ؟ او كان راح يضرني لو اني مشيت وراه يا بوعلي ؟

 

[السهم الامريكي]

السوق لعب بلعب والشاطر الي يعرف يلعب مع الكبار كلام كبير يا كوزمو ببروزه واحطه باكبر غرفة عندي بالبيت

فعلا هذا الكلام ووين اللي يقدر ويلقطها

المشكله اني سامع هالكلام من اكثر من شخص له باع بالبورصه ودايم يقولون انه سوقنا سوق كبار وبس وقالوها قبل الكبار بدوا يتضايقون واعتزلوا من البورصة من اللي قاموا يشوفونه اللي داش يبجي واللي يصرخ واللي مناجر الشرطي عند مبنى البورصة على 5 دنانير ممنوع الوقوف واللي راز الوانيت على مدخل البورصه فقالوا هذيله شغلهم عندنا وفعلا لعبوا فينا لعب