إجراءات التعويض

[bo_walid]

قواكم الله

حكملي القاضي (دعوى مستعجله )راح الكتب صيغة الخكم بالضبط مثل ماحكملي
فلهذه الاسباب :

حكمت المحكمة في مادة مستعجلة بإلزام المدعي عليهما بصفتهما تسليم الطالب رخصة المركب رقم *** ملف رقم *** والمسمي بمركب *** وتسليمه المركب المذكور وهويات الصيادين المسجلين على هذا المركب مع إلزامهما بالمصروفات وعشرت دنانير مقابل اتعاب المحامات وامرت تنفيذ الحكم بمسودته بغير وضغ الصيغة التنفيذيه .

سؤالي هو الحين شنو الاجراء الي اتخذه عشان ارفع تعويض مادي لانه ضليت اربع اشهور متعطل والرخصه محجوزه دام انه صدر الحكم لصالحي .
سؤالي الثاني مو خبركم أهل البحر نملة تمشي على ريح الدسم ههه الربع هم بيشتكون يصير يستندون على حكمي لي بقو يرفعون قضيه يعنى يرفقون حكمى بقضيتهم عشان ينحكملهم مثلي لانه على كلام موظفي الهيئه يقولون انه الهيئه ماقدمة اوراقها حق الفتوى والتشريع .

السؤال الثالث عندي هويه صياد مسحوبه سنه 2008 ولازال تحت اقامتي هل لي الحق اخذ هويته لانه القاضي ذاكر وتسليم المركب وهويات الصيادين المسجلين على هذا المركب وانا كافله على المركب بس مسحوبه هويه الصيد.

السؤال الرابع يقدرون يستأنفون وله لا لانه على حسب افادة سكرتير الجلسه يقولي الحكم قطعي .

ولكم جزيل الشكر واسف على الاطاله

 

[فريح الكوح]

1- قضية التعويض مستقله ، اذا ما تبي محامي روح لضباط الدعاوى. واطلب ندب خبير لتقدير الاضرار .

2- يقدرون ربعك يقدمون حكمك على سبيل الاستئناس .

3- تقدر تحتج بالحكم لرخصة صيادك (زلقه بطيحه) وان كان موضوعه يختلف .

4- الحكم المستعجل ما يستأنف .

 

[bo_walid]

شاكرلك اخوي فريح

بس ولد عمي اليوم انا رحت المحكمه قلت بطلع رقم القضيه وله جان تقولي الموظفه تره على حكم استئناف شهر 11
اثاري الخمه مستئنفين مشكله والله

 

[فريح الكوح]

ما يعطل التنفيذ .