ماهو الحل؟ الوالد يرفض الذهاب للمستشفى

الحـــوت

موقوف
التسجيل
3 أكتوبر 2007
المشاركات
174
اخواني

بصراحه مالقيت احد استشيره وإلا ما استشرته

الوالد عمره يتجاوز ال70 يطول بعمره ويرفض الذهاب للمستشفى وعنده موعد لعمليتين موعد للقلب وموعد ثاني للباطنية. ولكن للأسف ما بقى واحد من الأهل يترجاه ويبوس ايدينه لناخذه على المستشفى

تكفى شورتكم شنو نسوي ولو صار فيه شي هل احنا نتحمل ذنب وشنو الطريقة اللي نقدر نقنعه فيها ومشكلته انه ينسى اللي صار بعد 5 دقايق

:( :confused:
 

qadsawi

عضو نشط
التسجيل
24 أغسطس 2009
المشاركات
686
حطوله منوم وشيلوه وهو مايدري او اتصلوا علي الإسعاف والله يعينكم علي بر والدكم
 

Cccom

عضو نشط
التسجيل
6 يوليو 2010
المشاركات
437
الله يطول لكم عمره ويشااافيه
كلم الطبيب علشان يجبون اسعاف ويخدرووونه وياخذوونه للمستشفى ويسووون العمليات ويخلصون
اعتقد انى افدتك
 

الحـــوت

موقوف
التسجيل
3 أكتوبر 2007
المشاركات
174
حطوله منوم وشيلوه وهو مايدري او اتصلوا علي الإسعاف والله يعينكم علي بر والدكم

منوم !! مايؤثر على صحته ؟؟ او نتسائل قانونيا" لو درى الدكتور؟؟

مشكور
 

الحـــوت

موقوف
التسجيل
3 أكتوبر 2007
المشاركات
174
الله يطول لكم عمره ويشااافيه
كلم الطبيب علشان يجبون اسعاف ويخدرووونه وياخذوونه للمستشفى ويسووون العمليات ويخلصون
اعتقد انى افدتك

والله يرحم والدينك

كلمنا الطبيب مارد بشي نستفيد منه إلا حاولوا معاه وبس وقال الله يعينكم
 

المهندس حسين

عضو نشط
التسجيل
16 مارس 2008
المشاركات
1,359
الإقامة
الكُـــوَيـْــــــتْ
أنا مو مع المنوم أو غيره

لأن صحته في النهاية وهو مسؤول عنها

يعني مايجوز نتحايل عليه عشان نسوي له عملية... أنا والدي عمره 74 ومايرضى يروح للطبيب وهذه حريته الشخصية... نحترمها.... نسوي معاه المستحيل بس في النهاية هو صاحب القرار في دخول المستشفى أو غيره... ولما يتعب يوافق يروح

إن شاء الله مايشوف شر...

ممكن تتفقون مع الطبيب و تنسقون معاه... ويمكن لو الطبيب يزوركم البيت ويعرف الوالد ويرتاح له ويسولف له عن نسبة نجاح العملية ممكن يأثر بقراره
 

سرور

عضو نشط
التسجيل
11 أغسطس 2009
المشاركات
6,904
والدي قبل وفاته يرفض الذهاب للمستشفى أو يزوره الطبيب .. وبعد ذلك استطعنا نقله بالاسعاف ولكن بعد فوات الأوان .. وأنا أشعر بمعاناتكم وهو أمر صعب .. صعب جـدا ،، الله يعينكم
 

مستثمر73

عضو نشط
التسجيل
14 يناير 2004
المشاركات
708
الإقامة
الكويت
الله يعينكم ..
 

قانوني

عضو نشط
التسجيل
24 أبريل 2005
المشاركات
242
فيه كذا فكره ..
- لا تتشنجون بالكلام او تهتمون وايد جدامه كأن الامر حياة أو موت .. و اذكرو له حالات ناس وايد بنفس حالته وراجعوا المستشفى و اليوم ماشالله حالتهم ممتازه .. و حاولو تستشهدون بناس يعرف اسمائهم .. و بأنهم عقب المراجعه او العمليه صاروا قويين و صحتهم ممتازه .. و تبينون له ان هالامور اليوم سهله و الطب متطور و كلها شغلات بسيطه .

- حاول تواعده بشي اهو يحبه مثل السفر لمكان معين .. و بأن العمليه راح تخلص بسرعه و تالي تسافرون معاه لمكان اهو يحبه او تهادونه بشي اهو وايد يحبه .. و كأن السفر متوقف على العمليه بأنها يخلصها و يرتاح ..

- بكل الاحوال اسلوب و طريقة المعامله و تشجيعه اهو المطلوب ..

يعني مجرد وجهة نظر
 

MOHAMMED11

عضو نشط
التسجيل
24 يوليو 2006
المشاركات
3,046
الإقامة
قلب امــــي
الله يكون بعونكم
مريت في مثل هالحالة . مالكم إلا الصبر وتكرار المحاولة .
والله يقدم اللي فيه خير ..
 

الحـــوت

موقوف
التسجيل
3 أكتوبر 2007
المشاركات
174
مشكوووووووووووووووور حيل على ردودكم الطيبة اللي خففت عني شويه
وردودكم تشرفني وجزاكم الله الف خير
المشكلة بالوالد انه عنده مرض الزهايمر من 10 سنوات وينسى اي شي تقوله بعد 5 دقايق
والله لا يحط احد بهالموقف
والله كريم
 

فوارق

عضو نشط
التسجيل
18 يناير 2009
المشاركات
80
الله المستعان اخوي صارت معانا من قبل الكل عجز عنه حتى الدكاتره ما سمع لهم وآخرتها جت سستر اسلوبها حلو واقنعته ولي يومك يسولف عن هالسستر
 

الحـــوت

موقوف
التسجيل
3 أكتوبر 2007
المشاركات
174
الله المستعان اخوي صارت معانا من قبل الكل عجز عنه حتى الدكاتره ما سمع لهم وآخرتها جت سستر اسلوبها حلو واقنعته ولي يومك يسولف عن هالسستر

اخوي عندنا ممرضتان وحده شفت صبح ووحده شفت مسائي وصارلهم شهر والوالد يسمع منهم إلا انه يروح المستشفى

الله يعينه جميع
 

n.1

عضو نشط
التسجيل
30 أبريل 2008
المشاركات
143
==

انت بدال الممرضه اقعد عنده واشتغل له وساعتها يطيعك

==
 
أعلى