شركة منا القابضة (منا قابضة) ...... 1

[أبو عمر]

[/color]

حسافة عليك يا بيتك

بس عسى ما صادوك اليوم و (صرفوا ) عليك اللي ما

يخافون الله

لاحول ولا قوة الا بالله العلي العظيم

وهذا ليش ما انشال يا مشرفين ؟!

 

[bonoor]

منا قابضه كان الدخول الصحيح في اسعار 184 -190 بسبب الفجوه وارتداده منها

وكان هدفه 206 وهي الفجوه العلويه وتم اغلاقها كان السهم من خلال شهرين تقريبا يتبع فجواته السعريه ويغلقها ثم يعكس اتجاهه

السهم في مجال 18 فلس مابين 208 الى 190 التعامل مع السهم بحذر فصعوده ونزول بنسب كبيره تفوق 30% خلال اسبوعين افضل دخول لسهم منا بعد اغلاق اسبوعي في مستوى 216 بتداول لاباس فيه

مازال السهم فوق البولينجر الوسطي والثبات فوق هالبولينجر الوسطي اشارة انعكاس الى البولينجر العلوي عند مستوى 224

السهم لم يعطي خروج ولم يعطي دخول

التوفيق لحملة السهم


..............

الدخول السليم على السهم يجنبك الكثير من المشاكل والخسائر

بارك الله فيك الرشيدى شرح وافى

 

[rahaly]

احبتي مضطر اكرر لكم نفس الكلام .. لانه بلغني ان في مراسلات على الخاص تدعو لتداول السهم بطريقة غير منطقية ..
وارجع اقولكم ديروا بالكم على حلالكم ..
ترا الربح حلو .. بس الخسارة تعور

ما هي الا نصيحة .. والقرار لكم ..
ما نقول لا تبيع او تشتري .. لكن نقول تحذر ودير بالك

والله اعلم

حقيقة فيلم ممتع جداااا - كله اثارة ومغامرات من الاول للاخر



نصيحتي لاخواني

هذا سهم للمضاربة البحتة
والمقصود من اللي قاعد يصير تصريف كميات مجمدة

اللي يعرف كيف يضارب - عليه بالف عافية
واللي دارس السهم كوضع مالي واستثماري ومقتنع فيه هم عليه بالعافية

بس بعض المندفعين اللي قاموا الحين يحلمون بالارباح الخيالية ويبي يبيع على اعلى سعر يظن ان السهم بيوصل سواء تخمين او واصله معلومة عالخاص ... كيفكم والفلوس فلوسكم

بس ما نبي بعدين نشوف مناحة - وفلان قص علينا وفلان ورطنا و و و

عقلك براسك واعرف خلاصك

تكسرت على روسنا قحوف - وياماااا شفنا من افلام الاثارة هذي

ومو قادر الا اقارن ما يحصل هنا بموضوع المجموعة الدولية - جمبازي/ بو عبدالله والكثير يتذكرونها

وما كنا اشطر من غيرنا بكثير
يعني انصدنا احيانا


في ناس خارج الحسبة حاطله مبلغ مو هامه لو يخسرة كله لانه مغامر
اما اللي يبي فلوسه يدير بااااله

غلط اذا قلنا يدير باله ؟
طيب نعيد تاني
يدير باله - ياخد باله - بي كيرفول - ترا باييكم الذيب .... في وقت ما في يوم ما وستنوح النوائح - حينها لا عزاء للي ما يحميهم القانون مدري شاسمهم


الله يشهد حاب مصلحتكم ولا لي اي مصلحة من قريب ولا بعيد وفليساتي عزيزة ما ادخل بهيك سهم
ليش داخل الموضوع ؟
مو قلنا اثارة ؟


الله يوفقكم

 

[ADEL ALAZMI]

شكرا كل من قال رايه بالسهم سوا بالمحللين او الناصحين

انا عن نفسي اقووول .... الصبــر ثم الصبــر

 

[الفهلوي]

رابط الجزء الثاني

http://www.indexsignal.com/forum/showthread.php?p=3022303#post3022303