صج الشؤون بدوو يوظفون ابناء الكويتيات ؟؟

[englandq8]

السلام عليكم

اشلونكم شخباركم ان شاء الله بخيير

صراحه حبيت استفسر عن هالموضوع انا من غير محددي الجنسية بس امي كويتية او واااايد شباب يقولولي روح قدم انا اعرف جم وااحد من حالتك تووظف هنااك انتو ابناء الكويتيات اشلون مايصيير ومنو قالك مايصير ولمن اروح يقولولي الموظفين منو قالك القرااار مانزل من الديوان اول مره نسمع فيه وكل مره على هالحااال فياارييت تاكدولي هالمووضوووع لان صراحه ضعت بيينهم ؟؟ ويعطيكم العافييية ...

 

[فجر الكويت]

يا رب اتلاقي احد يجاوبك على سؤاك وتقبل كامل مروري واحترامي والله يعطيك على قد نيتك يارب

 

[englandq8]

آآميين يااارب الله يسمع منج تسلميين اختي عالمروور المنووور ^_^

 

[fawazzz]

كلام فاضي
اتذكر قبل جم سنة وزارة الصحة طلبت ابناء كويتيات وخصصت لهم يمكن 20 وظيفة او اكثر بشوي المهم انا رحت ويا رفيجي اهوا امه كويتية ولا اللي متقدمين فوق ال 10000

 

[أبـو راشـد]

انا سمعت التربية بدوا يوظفون والكلام 90 % والتمريض 100 % والتمريض حتى للبدون حاف

والله يجلعها فاتحة خير

 

[englandq8]

اخوي فواز عدل كلامك هذا من زماان بس حاليا يقولون بدووو يسهلووون المسألة وهالكلام مثل ما قاله اخوي بوراشد 90 بالمية من التربية و التمريض 100%

بس انا عندي شهادة محاسبة يعني لا اقدر اقدم من الصوبيين يعني مكان ثاني غيرهم جذي على العمووم يزاااكم الله خييير وتسلموون عالمروور المنووور ^_^

 

[جرح الورق]

التمريض يوظفون بدون وحتى لو كان امه وابو بدون يوظفونهم

عسالله يعينكم

 

[fawazzz]

...

اخوي فواز عدل كلامك هذا من زماان بس حاليا يقولون بدووو يسهلووون المسألة وهالكلام مثل ما قاله اخوي بوراشد 90 بالمية من التربية و التمريض 100%

بس انا عندي شهادة محاسبة يعني لا اقدر اقدم من الصوبيين يعني مكان ثاني غيرهم جذي على العمووم يزاااكم الله خييير وتسلموون عالمروور المنووور ^_^

اخوي تابع بين فترة وفترة اعلانات وزارة التربية بالجرايد مرة شفت اعلان لهم انهم يبون محاسبين غير كويتيين لكن ماادري اذا يعينون بدون او لا
اخوي ترى القطاع الخاص اشوفه احسن انا كنت اشتغل بشركة فني كمبيوتر بس الله لايوريك التعب اللي نتعبه لكن في عالاقل زيادات سنوية الحين انا اشتغل مدرس بالوزارة لكني احس انها وظيفة تدفن الواحد ماكو زيادات سنوية ولا ترقيات غير عن الشركة اللي بالقطاع الخاص ممكن تتدرج وتترقى وبالحالتين الحمدلله خير وفضل ورزق من رب العالمين بس القطاع الخاص ماديا افضل

 

[englandq8]

التمريض يوظفون بدون وحتى لو كان امه وابو بدون يوظفونهم

عدل كلامك اخوي جرح الورق ^_^
عسالله يعينكم
اجمعيين ان شاء الله تسلم اخوي عالمروور المنوور

اخووي فواااز

اخوي تابع بين فترة وفترة اعلانات وزارة التربية بالجرايد مرة شفت اعلان لهم انهم يبون محاسبين غير كويتيين لكن ماادري اذا يعينون بدون او لا

الله يسمع منك اخووي مع ان صراحه كل ما اروح اقدم يقولون لي مايصير مانزل قراار بس راح اروح مره ثانيه وان شاء الله خييير

اقولك شغله اخوي فواز انا اخوي اشتغل بمعهد واهوه يدرس كمبيوتر بعد 3 سنين شالوه علشان يحطون واحد من ديرتهم وبالاخير عطوه شهادة تقدير مو شهادة خبرة يقولون شهادة الخبرة حق البدون مايقدرون يطلعونها وفوق هذا دوامه من 8 لي الساعه 12 ومن 4 لي الساعه 9 مادري 10 والراتب 100 دينار ؟؟؟

بس مثل ماقلت اخووي الحمدلله خير وفضل ورزق من رب العالمين

ويعطيكم العافية اسعدني مرووركم صراحه

 

[fawazzz]

...

اقولك شغله اخوي فواز انا اخوي اشتغل بمعهد واهوه يدرس كمبيوتر بعد 3 سنين شالوه علشان يحطون واحد من ديرتهم وبالاخير عطوه شهادة تقدير مو شهادة خبرة يقولون شهادة الخبرة حق البدون مايقدرون يطلعونها وفوق هذا دوامه من 8 لي الساعه 12 ومن 4 لي الساعه 9 مادري 10 والراتب 100 دينار ؟؟؟

مافيات الجناسي هذي انا عانيت منها وايد الهنود مافيا والمصاروة مافيا والفلسطن مافيا لكن الرازق الله وربك يفرجها
انصحك بالمداومة على صلاة الليل وصلاة الفجر بوقتها ( شفيني قلبت مطوع )
ترى عن تجربة والله وربنا يرزقكم ويفرج كربتكم

 

[englandq8]

اي والله صاااج اخوي فواز
ويزااك الله خيير في ميزان حسناتك ان شاء الله ^_^
ويعطيك العافية منوورني دايما ^^

 

[^DREAMY^]

اخوي بالواسطه كل شي يصير بس اللي اعرفه التربيه يعينون بشكل قليل جدا

 

[englandq8]

ايي عالواسطه عدل كلامج اختي بس بالنسبة للتربية اخر خبر قريته قبل جم يوم بالجريده انهم حاليا مجمديين البدون اللي مقدمين على الوظيفة الله يعيينهم صراحه

وطبعا سمعت الييووم من الاهل ان نقدر نقدم بوزارة الصحة طلب التوظيف ( على ما اعتقد وزارة الصحة جنيي ضييعت لووووووول ) بس ان شاء الله اذا عرفت ويين المكاان عطيتكم خبر ^_^

اتاكدلكم بالسالفة وان شاء الله خيير ^^

 

[fawazzz]

التقديم في وزارة الصحة نفسها بالشويخ الصحية اعتقد الكل يدلها
لكن لاتعول عليهم وايد لان يخصصون اعداد قليلة حيل حق ابناء الكويتيات بينما المتقدمين يكونون اضعاف العدد المخصص لهم ب 10000000000 مرة

 

[englandq8]

اييي اخووي فوااز نسييت اقول هالنقطه ان مثل ماقلت المتقدميين شكثرهم ما شاء الله
وهم كنت ذاكر لمن قلت يوم كنت رايح مع رفيجك ولقيتوو الناس شكثرها مقدمه^^

بس مايمنع ان الواحد يقدم يمكن ربك يفرجهااا الواحد لازم مايوقف خل يقدم مره مرتين ثلاث ليين ان شاء الله يقبلونك ^_^

وبالنسبة للتقديم يعني بالوزارة مثل ماتفضلت يعطيك العافية اخوي فوااز تسلم ماقصرت

 

[Golden8]

التربية يوظفون مدرسين ...

الصحة تبي ممرضين

أما وزاراة الدولة الباقي مو ملحقين على الكويتيين بالديوان

فـ أنسى تفكر فيهم الحين

 

[englandq8]

عدل كلامك وخصوصا الصحة اما التربية قالوو يبون يوظفون وطلع ان مجمدينهم ؟؟

وبس ترى اعرف بدون يشتغلون بال koc واليوم سمعت من عمي ان في موظفين بدون بوزارة الاشغال يعني باختصار اهني اذا الواحد عنده فيتامين وااو يمشي خلها على الله بس الواحد مايمنع ان يقدم ومايوقف او ويين الله كاتبلك الرزقه بتاخذها ويعطيك العافية عالمروور المنوور ^_^

 

[englandq8]

اللهم لا سهلا الا ما جعلته سهلا وانت تجعل الحزن سهلا ان شئت سهلا

 

[englandq8]

اول شي حبيت اقوول مبارك عليكم الشهر وعساكم من العايدين الفايزيين ان شاء الله

نسيت اقولكم شغله ان في تقديم بعد في ادارة العلاج بالخارج اللي يم معهد التمريض بشويخ
عطتني ياه اخت ماقصرت صراحه يزاها الله خييير قلت اعطيكم العنوان

اليوم رحت عند قسم ادارة العلاج بالخارج قالولي ان مكتفيين ماكو الا تنطروون لي الشهر الياي وان شاء الله خييير ^_^

ادعو بالشهر الكريم وان شاء الله ربكم يفرجهااا ^_^

 

[fawazzz]

الله يوفقك ويعطيك على قد نيتك اخي الكريم
اعيد عليك لاتبحث بس بالقطاع الحكومي هم ابحث بالقطاع الخاص