منو يعرف مطاعم بوفيه مفتوح ؟

[مساهم11]

كان مطعمي المفضل للبوفيه المفتوح
بندروزا بالسيتي سنتر السالميه
ولكن للاسف سكروه ولا اعرف الاسباب

فياليت الي عنده خبره يدلني علي مطعم بوفيه مفتوح وسعر معقول
ياليت تحديد المكان والسعر

وشكرا لكم

 

[yoyo1983]

عندك ابراج الكويت وسعر الشخص 8

اوخ نسيت اسلم عليك شلونك وشخبارك


عندك بوفيه تكا الي على البحر يم مركز سلطان

 

[مساهم11]

هههههه يا مرحبا يا مرحبا باختنا الغاليه والله ليلي

اهم شي راسك سالم

والف الف شكر لمبادرتك الطيبه
وانا اسمع عن مركز سلطان سبق جربتيه ؟

والف الف شكر واسعدني حضورك وردك

 

[B-A-1983-A-B]

عندك مطعم البلد رخيص وكويس وطعمه روعة وقعدة تطل على الديرة من فوق تشرح الصدر ،،، وبعد عندك مطعم النوخذة بفندق كويت بلازا الفروانية اسعارهم جدا معقولة وخدمة حلوة بس الله يعينك على زحمة الفروانية
وهم بعد في مطعم ريز ون عتبر مطعم بوفية مفتوح على البلاجات مقابل شوبيز سابقا وسعر همن معقول وتقبل تحياتي طويل العمر

 

[مساهم11]

عندك مطعم البلد رخيص وكويس وطعمه روعة وقعدة تطل على الديرة من فوق تشرح الصدر ،،، وبعد عندك مطعم النوخذة بفندق كويت بلازا الفروانية اسعارهم جدا معقولة وخدمة حلوة بس الله يعينك على زحمة الفروانية
وهم بعد في مطعم ريز ون عتبر مطعم بوفية مفتوح على البلاجات مقابل شوبيز سابقا وسعر همن معقول وتقبل تحياتي طويل العمر

اخوي كم الاسعار لو سمحت
وهل فيه استقلاليه للعائلات ولا مختلط

 

[B-A-1983-A-B]

الاسعار البلد من 7 الى 11 دينار للشخص الواحد ماعتقد في كباين للعائلات لاني ماشفتهم عدل لاني قعدت على طاولة عادية بس الشكل العام حلو
كويت بلازا نظام فنادق وانت عارف اشلون المطاعم تكون فيها تختلف الاسعار من السي فود يبدى من 10 دنانير لشخص ولك الحرية تترس الصحن مالك اكثر من مرة واللحوم والخضروات تبلش من 12 دينار للشخص غير السويت
ريز ون مايكلف عليك كل شغلك اذا معاك المدام والعيال 2 اكثر من 40 دينار ويمكن اقل وهالمطعم طاولات مافي كباين بس غالبن كلة عوايل قليل تحصل شباب

 

[سرور]

فندق( كوستا دل سول) في الشعب البحري يطل على شارع الخليج العربي
بوفيه مفتوح وما فيه زحمة

 

[مساهم11]

اشكركم وبارك الله فيكم

 

[دبس الرمان]

مطعم الوالي بحولي يم مسجد العثمان او بالفراوانية دوار المخفر

من 3 الي 4 دنانير الشخص

بالتوفيق

 

[بو عبدالله 007]

جميع الفنادق اخوي فيها بوفيهات مفتوحه

 

[مساهم11]

اشكركم جزيل الشكر
وبارك الله فيكم

 

[abatchy007]

فندق( كوستا دل سول) في الشعب البحري يطل على شارع الخليج العربي
بوفيه مفتوح وما فيه زحمة

والله احسن اختيار اخوي نصيحة نصيحة نصيحة لكل الاخوان قبل لا يغيرون الطباخ عمري ما اكلت مثل هالاكل كل شي عندهم عجبني رحتله مره على العشى ومره الريوق بوفيه على كيف كيفك عالمي وطعم ولا اروع وسعره زين وهادييييييي والله جربوه واذا ما عجبكم لا تقطون فاتورتكم علي بس صدقوني لي ذوق بالاكل ومو كل شي يعجبني احب استطعم الاكل الي اكله واعطيه هالمطعم 10/10

 

[بدون مجامله]

مطعم النوخذه على كيف كيفك 10 دنانير للشخص قريب من مجمع الكوت

 

[مساهم11]

اشكركم الشكر الجزيل
وامتناني العميق لكم

 

[ياسر الروقي]

والله احسن اختيار اخوي نصيحة نصيحة نصيحة لكل الاخوان قبل لا يغيرون الطباخ عمري ما اكلت مثل هالاكل كل شي عندهم عجبني رحتله مره على العشى ومره الريوق بوفيه على كيف كيفك عالمي وطعم ولا اروع وسعره زين وهادييييييي والله جربوه واذا ما عجبكم لا تقطون فاتورتكم علي :d بس صدقوني لي ذوق بالاكل ومو كل شي يعجبني احب استطعم الاكل الي اكله واعطيه هالمطعم 10/10

صدقت الفندق ملك الميلم لكن خوش فندق بالنسبه لسعر 8 دنانير لشخص يعتبر احلا اكل بأقل سعر كنت فيه البارح

وبالنسبه اللي يقول البلد سعر البوفيه من 7 الى 11
مطعم البلد البوفيه فيه لريوق بس وسعره 4.250
اما العشاء والغدى على الطلب واكله جدآ عادي المكان طاغي على الاكل
وهنيه الفرق انت تبي اكل حلو ولا قعده حلوه ​

 

[بو شيشه]

مطعم النوخذه على كيف كيفك 10 دنانير للشخص قريب من مجمع الكوت

حبيب قلبي انا رايحه مع رفيجي
بوفيه مفتوح و2 عصير برتقال خارج البوفيه
طلع علي 31 دينار ما ادري على شنو وبصراحه مطعم ردي مو دسم
نصيحه لا تصدقون الإعلانات
مره حاطين اعلان حق مطعم ايامي بكراون بلازا ان البوفيه للشخص 5.5
رحنا ثلاثه وبصراحه اكله حلو بس الفاتوره طلعت علينا تقريبا 29 طبعا اكو 3 عصاير خارج البوفيه
وقتها صار موقف جدامي ما انساه
عالطاوله اللي جدامنا مصري وزنه تقريبا 2طن مع عائلته عاد والله ان زوجته ملكة جمال...يهب هالمصري ما ادي ليش حظي ردي
يوم طلب الفاتوره همن انصدم من السعر جان يقولهم انا حشكي عليكم وهم مو رادين عليه وتناجروا معاه
جان يقولهم انا اعرف شلون اوصل للمدير واخذحقي منكم لاني ان اصلا كنت شغال بهالفندق
والله العظيم صاروا يطقطقون منه ونزلوله صحن حلويات ويقولوله الحساب على المطعم وهو ما يستحي ما صدق وطلع من غير ما يدفع

 

[B-A-1983-A-B]

حبيب قلبي انا رايحه مع رفيجي
بوفيه مفتوح و2 عصير برتقال خارج البوفيه
طلع علي 31 دينار ما ادري على شنو وبصراحه مطعم ردي مو دسم
نصيحه لا تصدقون الإعلانات
مره حاطين اعلان حق مطعم ايامي بكراون بلازا ان البوفيه للشخص 5.5
رحنا ثلاثه وبصراحه اكله حلو بس الفاتوره طلعت علينا تقريبا 29 طبعا اكو 3 عصاير خارج البوفيه
وقتها صار موقف جدامي ما انساه
عالطاوله اللي جدامنا مصري وزنه تقريبا 2طن مع عائلته عاد والله ان زوجته ملكة جمال...يهب هالمصري ما ادي ليش حظي ردي
يوم طلب الفاتوره همن انصدم من السعر جان يقولهم انا حشكي عليكم وهم مو رادين عليه وتناجروا معاه
جان يقولهم انا اعرف شلون اوصل للمدير واخذحقي منكم لاني ان اصلا كنت شغال بهالفندق
والله العظيم صاروا يطقطقون منه ونزلوله صحن حلويات ويقولوله الحساب على المطعم وهو ما يستحي ما صدق وطلع من غير ما يدفع

اهم شي مايبي يدفع هههههههههههههههه ,, وانت الله يهداك تطالع حريم الناس ليش ؟ ياخي خلك باكلك وعصيرك احسن جان طالب شيشة بالمرة ههههههههههه​

 

[مساهم11]

حبيب قلبي انا رايحه مع رفيجي
بوفيه مفتوح و2 عصير برتقال خارج البوفيه
طلع علي 31 دينار ما ادري على شنو وبصراحه مطعم ردي مو دسم
نصيحه لا تصدقون الإعلانات
مره حاطين اعلان حق مطعم ايامي بكراون بلازا ان البوفيه للشخص 5.5
رحنا ثلاثه وبصراحه اكله حلو بس الفاتوره طلعت علينا تقريبا 29 طبعا اكو 3 عصاير خارج البوفيه
وقتها صار موقف جدامي ما انساه
عالطاوله اللي جدامنا مصري وزنه تقريبا 2طن مع عائلته عاد والله ان زوجته ملكة جمال...يهب هالمصري ما ادي ليش حظي ردي
يوم طلب الفاتوره همن انصدم من السعر جان يقولهم انا حشكي عليكم وهم مو رادين عليه وتناجروا معاه
جان يقولهم انا اعرف شلون اوصل للمدير واخذحقي منكم لاني ان اصلا كنت شغال بهالفندق
والله العظيم صاروا يطقطقون منه ونزلوله صحن حلويات ويقولوله الحساب على المطعم وهو ما يستحي ما صدق وطلع من غير ما يدفع

ابو شيبشه دققت بهذي العباره بالاحمر ؟

 

[متابع الســــوق]

ابو شيبشه دققت بهذي العباره بالاحمر ؟

ههههههههه اخطاء املائيه بالاول 0 والثانى

 

[الأرستقراطي]

بوفيه فندق كوستا ديل سول بالشعب مقابل الماكدونالدز اللي عالبحر ،،، بوفيه 9 دنانير للشخص لكن يطيح مع البوفيه سي فود ربيان و اذا تحب السوشي ( آنه ما أحبه ) لكن البوفيه بالنسبة للقيمة ممتاز ،،، أفضل يوم بوفيه عشاء الجمعة ،،، بالهناء والشفاء ،،،​