الى فطاحلت الاسهم مع التحيه

[خالد7]

الى فطاحلت الاسهم مع التحيه
من خلال متابعتب للمنتدى يوجد فيه محللين وفطاحله وناس فيها خير ماشاء الله عسى الله يوفقهم ويرزقهم
وصراحه
انا عندي مبلغ طيب وضخم وودي استثمر ماهو افضل سهم وماهو احسن توقيت

 

[خالد7]

مافي رد؟؟؟؟؟؟؟

 

[kakpal]

إذا مستثمـر عــندك { جـلوبـل } <<<<<<<<<<<<< 3 سنـوات وينزل اسمك بملـيارديرات الكويت

 

[Navigator]

استثمر في نفسك

والسوق لاحق عليه ما راح يطير

الله يوفقك

 

[napoli]

نصيحتي إنتظر الى ورا رمضان راح تحصل أسعار طيبة ماتخطر على بالك والله اعلم

وعليك بالخرافي وشركاته الرخيصة فقط ( المال - السورية - المغاربية - الاستثمارات - الباقي غاليات ماتنفعك )

بالتوفيق إن شاء الله

 

[المهذب جداً]

أنصحك بالعقار يالغالي ؛

تشتري عمارة و تستفيد من الإجارات


الربح من 8 - 12 % مضمون بإذن الله


فترة إسترداد راس المال من 9 إلى 11 سنة


وإن كان ولابد فلا تضع راس مالك بالكامل في البورصة مهما كان


جزء بالعقار و جزء بالبورصة و سيولة جاهزة بالبنك إحتياط و للطوارىء و لإقتناص الفرص المتاحة (خارج البورصة) طبعاً


هناك العديد من رؤوس الأموال قد إختفت بالبورصة


راعي الأسهم الشرعية فقط و تعرف عليها


عليك بصلاة الإستخارة


الإقتصاد العالمي بأزمة و الخسارة واردة أكثر من الربح بكل قطاعات الإستثمار! (داخل البورصة و خارجها)


التروي أفضل و لو حتى تخلي الفلوس مقطوطة بالبنك على ما هي عليه!


وأسهم قطاع العقارات - أعتقد - أنها أقل الأسهم تعرض للخسارة المستقبلية لأنها قد نزلت للقاع تقريباً

 

[@مساعد@]

اخوي اذا انت جديد بالسوق وماتعرف بالتحليل الفني .... تعلم التحليل الفني واختبر نفسك فهمت السوق اولا .... على فكرة السوق الكويتي مو للأستثمار بالوقت الحالي .... الا البنوك
بقولك نصيحة ... السوق عوار راس اشتر محلات وظمنهم أحسن لك

 

[طنش تعش]

الى فطاحلت الاسهم مع التحيه
من خلال متابعتب للمنتدى يوجد فيه محللين وفطاحله وناس فيها خير ماشاء الله عسى الله يوفقهم ويرزقهم
وصراحه
انا عندي مبلغ طيب وضخم وودي استثمر ماهو افضل سهم وماهو احسن توقيت

أخوي خالد ... مافي شي إسمه فطاحلة الأسهم ...
أكبرها واسمنها طاحوا وإخسروا بالإسهم ...
لكن هناك محللين يفيدونك في معرفة وقت الدخول على السهم ووقت الخروج

ويضعون أهداف للسهم وفد تصيب هذه الأهداف وقد تخطىء

وبالنهاية القرار قرارك ...

واللي راح يربح إهو إنت ,,,, واللي راح يخسر كذلك إنت ... فياخوي خالد شوف وتابع
المحللين أحسن من إنك تسأل ويمكن ناس ماخذتهم العاطفه ....
ويقولك إشتر السهم الفلاني ... وبعدين تشوف السهم في نزول ....

ومحد راح يجاوبك من المحللين الكبار ... وأنا متأكد من هذا الشي .

وإذا جاوبك راح يجاوبك عالمدى القصير ... ويعطيك وقف الخسارة ...
لكن إنت مستثمر وليس مضارب ...
بالتوفيق ياخوي خالد في حياتك البورصوية ....

 

[صبا]

رد

سهم المعامل سيكون في المستقبل من الاسهم الديناريه مناقصات بلملايين شركه تشغيليه وماعليها خوف وباعتقادي افضل سهم الحين واذا تبي اسهم رخيصه جلوبل ترى فيها خير لان اصحابها مو مخليينها وان شاء الله السهم بيرتد للاعلى

 

[3lgm]

مواضيع تسلى بقراءتهم قبل لا تجدم على أي شي :

نصائح للتداول في سوق ضبابي :
http://www.indexsignal.com/forum/showthread.php?t=166732


اعتمد على نفسك لإدارة محفظتك :

http://www.indexsignal.com/forum/showthread.php?t=173110


الأسهم الورقية والتشغيلية:
http://www.indexsignal.com/forum/showthread.php?t=138338


توزيع المخاطر:
http://www.indexsignal.com/forum/showthread.php?t=139262


الاستثمار الناجح :

http://www.indexsignal.com/forum/showthread.php?t=139112


كيف تبني محفظتك :

http://www.indexsignal.com/forum/showthread.php?t=24443


نصائح من ذهب:

http://www.indexsignal.com/forum/showthread.php?t=153940


والله يوفقك ويرزقك ويباركلك بحلالك

 

[Q8 Stock]

سلفني اياه :d :d :d

 

[3lgm]

والله يا بوعلي الفلوس هم بالوقت الحاضر , العقارات بنزول وفي أزمة مستأجرين وقاعدة تستفحل ووالله العالم إنها بتجر السوق إلى مزيد من التراجع , والودايع كسر وتزيد فوق فوايد وديعتك من جيسك علشان تدفع زكاتك , والأسهم حرام تدش فيها بأكثر من 10% من راس ماك , سوق بربس كله تلاعب ولا أكو أنشطة صجية ولا أكو مصداقية ولا أكو أحد يخاف الله وقلبه على المساهمين , قولي لو عندك مبلغ شتسوي فيه .

 

[abu yousef]

جم المبلغ !!

 

[Q8 Stock]

والله يا بوعلي الفلوس هم بالوقت الحاضر , العقارات بنزول وفي أزمة مستأجرين وقاعدة تستفحل ووالله العالم إنها بتجر السوق إلى مزيد من التراجع , والودايع كسر وتزيد فوق فوايد وديعتك من جيسك علشان تدفع زكاتك , والأسهم حرام تدش فيها بأكثر من 10% من راس ماك , سوق بربس كله تلاعب ولا أكو أنشطة صجية ولا أكو مصداقية ولا أكو أحد يخاف الله وقلبه على المساهمين , قولي لو عندك مبلغ شتسوي فيه .

هم ؟؟
ليش هم ,,!!

حسب المبلغ بومبارك
ماتدري يمكن يكون مثل المبلغ اللي ابالي
واصير صانع سوق :d :d

 

[Balloons Shop]

عسى الله يزيدك من خيره

 

[3lgm]

هم ؟؟
ليش هم ,,!!

حسب المبلغ بومبارك
ماتدري يمكن يكون مثل المبلغ اللي ابالي
واصير صانع سوق :d :d

والله يا بوعلي سوقنا مو ثقة , عادي يكسرون دعم مهم وقاع سابق ويرد يخترق مقاومة وترند هابط رئيسي , سوقنا عشوائي وفوضوي , وكثر ما تتعلم تتأكدلك هالحقيقة , هذا غير التلاعب والحرمنة وبوق المساهمين بدون حيا ولا خوف من الله .

أمس قعدت أقلب موضوعين بديوان الجمان (أنظر أدناه) وقررت أطلع 75% من الكاش اللي بالمحفظة وأخليهم بحساب (السحب الأسبوعي ببرقان) وايد أشرف من سوقنا .

 

[جمبازي]

الى فطاحلت الاسهم مع التحيه
من خلال متابعتب للمنتدى يوجد فيه محللين وفطاحله وناس فيها خير ماشاء الله عسى الله يوفقهم ويرزقهم
وصراحه
انا عندي مبلغ طيب وضخم وودي استثمر ماهو افضل سهم وماهو احسن توقيت

اخوى خالد


اول شى فطاحلت ..خطأ ...الصح فطاحلة .


ثانى شى ..انت مستثمر ..يعنى تبى نتيجة استثمارك بعد مده طويله .

((انصحك ..بابقاء اموالك بالبنك ((واعتبار نفسك دخلت على سهم ))

وانتظر مدة سنه ..بعد ذلك ..انظر لسعر السهم ..ستلعن الساعه الى دشيت فيها البورصه ..))


لذلك .:: دع استثمارك بعد سنه ...على الاقل تعيش مرتاح سنه كامله


ولا الفلوس ..بضامنتى رايحه منك يعنى رايحه بالبورصه .وبعد ماتدمن على البورصه ..راح تقترض غيرهم .وتدخل ..وتخسر فلوسك وصحتك ووقتك .

 

[ADEL ALAZMI]

كــلام جمبازي 100%100 ..... نصيحه ياخالد سم وطع شورى


لاتدش السوق ....

 

[خالد7]

جزاكم الله خير واتشكر كل من شارك واعطاني من النصاح
بس زبدة الكلام معظمكم لايؤيدني بدحول البورصه والظاهر ماراح ادخل الا بعد رمضان اذا كان في دخول
(مع اني كنت حاط عيني على سهم ((المستثمرون)) بس هونت )
شكري واحترامي لجميع من شاركني

 

[Navigator]

اخوى خالد


اول شى فطاحلت ..خطأ ...الصح فطاحلة .


ثانى شى ..انت مستثمر ..يعنى تبى نتيجة استثمارك بعد مده طويله .

((انصحك ..بابقاء اموالك بالبنك ((واعتبار نفسك دخلت على سهم ))

وانتظر مدة سنه ..بعد ذلك ..انظر لسعر السهم ..ستلعن الساعه الى دشيت فيها البورصه ..))


لذلك .:: دع استثمارك بعد سنه ...على الاقل تعيش مرتاح سنه كامله


ولا الفلوس ..بضامنتى رايحه منك يعنى رايحه بالبورصه .وبعد ماتدمن على البورصه ..راح تقترض غيرهم .وتدخل ..وتخسر فلوسك وصحتك ووقتك .

أول شيء بضامنتي خطأ .. الصح ... بضمانتي