عسى الله يبارك بذريته اللي يجاوب على سؤالي

[طارق المانع]

السلام عليكم
يااخوان انا حصلت شقه ووقعت العقد للايجار بمنطقة سلوى ارضيه وعباره عن غرفتين كبار وحمامين وصاله ومطبخ (داخل المطبخ غرفه صغيره تصلح للخدامه) ايجارها 230 دينار ، شامله كهرباء وماء وصيانه ، تكييف سنترال ، البنايه قديمه ، محتاجه شوية ترميم مثل الصبغ وتبديل سراميك ، وصاحب البنايه مو راضي يرمم على حسابه المهم
1- شرايكم بالايجار ؟
2- منطقة سلوى شنو مميزاتها وشنو عيوبها؟
3- صاحب البنايه يقولي العقد سنوي ويمشي على خمس سنوات هل هالحجي صحيح؟
4- شنو المفروض اسجله بالعقد علشان يحفظ حقي؟
تكفون ابي نصيحتكم اي شي تقولونه راح ينفعني والله ويوضح لي الامور

 

[nasanet]

السلام عليك الفاضل
الله يوفقك اخوي انا ابي اجاوبك على السؤال الثالث
موشرط سنه او خمس سنوات
متى ما بغيت تطلع على كيفك مو غصب يقعدك بالشقه
بالعكس المؤجر اهو اللي يغث صاحب الملك
ومره اخرى الله يوفقك

اخوك في الله ابوعبدالعزيز

 

[بوخالد2009]

عزيزي العقد يتجدد كل سنة لكن له الحق بزيادة الايجار انتبه

بالنسبه للترميم حاول انه يخصم نص التكلفه

 

[tmh]

الايجار زين ومعقول

سلوى بنص الديره بس هذه ميزتها

لو تبي تطلع بعد شهرين تقدر بس لازم تبلغه قبل شهر علشان يعرضها للايجار

تتأكد ان مسجل الكهرباء والماء عليه بالعقد , اكثر العقود نفس الشي تحمي المالك اكثر

بالنسبة للترميم راح يقول لك انا ما ارمم اذا تبيها على حالتها اخذها ولا غيرك ياخذها اذا الشقه تستاهل وخاطرك فيها وراح تقعد فيها مدة طويله انت رممها وامرك لله

 

[طارق المانع]

عزيزي العقد يتجدد كل سنة لكن له الحق بزيادة الايجار انتبه

بالنسبه للترميم حاول انه يخصم نص التكلفه

اخوي انا اقصد انه هل من حقه يزيد كل سنه ولا كل خمس سنوات؟ وهل من حقه يطلعني بره بأي وقت؟

 

[طارق المانع]

وين اهل الخبره نبي نصايحكم

 

[Fire MaN-]

اخوي انا اقصد انه هل من حقه يزيد كل سنه ولا كل خمس سنوات؟ وهل من حقه يطلعني بره بأي وقت؟

مرحبا اخوى طارق 000 مومن حقه يزيد دينار واحد طول مدة العقد ومدام

انت ما اخليت فى العقد ولاتاخرت فى دفع الايجار( يعنى ماطفت 20 الشهر

وانت مودافع ) _______مايقدر يزيد عليك اى مبلغ

2_ متى مابغيت تطلع تبلغه قبل طلعتك بشهر وتاخذ منه براءة ذمه

مكتوبه_______ وبس وموفق انشالله

 

[أبو مبارك 2010]

السلام عليكم
يااخوان انا حصلت شقه ووقعت العقد للايجار بمنطقة سلوى ارضيه وعباره عن غرفتين كبار وحمامين وصاله ومطبخ (داخل المطبخ غرفه صغيره تصلح للخدامه) ايجارها 230 دينار ، شامله كهرباء وماء وصيانه ، تكييف سنترال ، البنايه قديمه ، محتاجه شوية ترميم مثل الصبغ وتبديل سراميك ، وصاحب البنايه مو راضي يرمم على حسابه المهم
1- شرايكم بالايجار ؟
2- منطقة سلوى شنو مميزاتها وشنو عيوبها؟
3- صاحب البنايه يقولي العقد سنوي ويمشي على خمس سنوات هل هالحجي صحيح؟
4- شنو المفروض اسجله بالعقد علشان يحفظ حقي؟
تكفون ابي نصيحتكم اي شي تقولونه راح ينفعني والله ويوضح لي الامور

1-انت تقيم السعر بالنظافةوالسعه2-مزدحمة حيل خاصة حزت الدوام ويعتمد هذا حسب القطعه(لا تسألني بس هذا ما سمعت)3-كلامه صحيح لأن يتجدد كل سنه بروحه 4- تأكد من سالفة الكهرباء والماء والصيانة مذكوره على المالك خاصة التكييف حتى لو اتفاق شفهي بالنسبة للتكييف. ..........طبعا الإيجار لازم ينذكر وخذ وصل أول بأول وادفع اول ايجار مقدم وخل الدفعة أو 10 ايام من كل شهر يعني لا يعدي 20 الشهر له حق اخلاء البيت فورا وبدون سابق انذار بحكم القانون.

 

[أبو عبد الرحمن]

حبيته أفيدك وأستفيد من دعائك

السلام عليكم
يااخوان انا حصلت شقه ووقعت العقد للايجار بمنطقة سلوى ارضيه وعباره عن غرفتين كبار وحمامين وصاله ومطبخ (داخل المطبخ غرفه صغيره تصلح للخدامه) ايجارها 230 دينار ، شامله كهرباء وماء وصيانه ، تكييف سنترال ، البنايه قديمه ، محتاجه شوية ترميم مثل الصبغ وتبديل سراميك ، وصاحب البنايه مو راضي يرمم على حسابه المهم
1- شرايكم بالايجار ؟
الإيجار قيمته زينه
2- منطقة سلوى شنو مميزاتها وشنو عيوبها؟
مميزاتها إنها بوسط الديرة وعيوبها مداخلها ومخارجها غالبا مزدحمة خاصة وقت الدوامات الله يعينك
3- صاحب البنايه يقولي العقد سنوي ويمشي على خمس سنوات هل هالحجي صحيح؟
هم جذي يبونها سنوي علشان متى ماتضايق منك يقضبك الباب ، إذا بترمم اشرط عليه خمس سنوات وإذا ما وافق حط عليه شرط جزائي بالعقد خلال السنة الأولى إذا ما جدد معاك العقد وحب يطلعك يدفعلك قيمة الترميم وأذكر قيمته بالشرط الجزائى ، وترى في الغالب ملاك العقار إذا شافوا المستأجر عائلة وملتزم بالأجار يتمسكون فيه ومايطلعونه ، بس أخاف إنه بيأجرك سنة وبعدين بيهدم العقار
4- شنو المفروض اسجله بالعقد علشان يحفظ حقي؟
الشرط الجزائى ذكرته لك بالسؤال السابق وخل يثبت ويكتب بالعقد إن الكهرباء والماء على المالك
تكفون ابي نصيحتكم اي شي تقولونه راح ينفعني والله ويوضح لي الامور

أجبتك في حدود علمي القاصر وإن شاء الله أفدتك ، عموما شاور نفسك واستخير الله عز وجل ، وإذا المنطقة قريبة لأهلك ودوامك توكل على الله وأخذها ، وبالنسبة للسيراميك والصبغ ترى لو يضبطهم لك غالب المستأجرين يغيرونهم لأنهم يبون شي على ذوقهم وتراها مو ذيك الكلفة

 

[صقر3]

عندي نقطه مهم العقد لمدة سنه افضل لك واذا تبي تطلع بعد سنه مافي مشكله او تقعد بس خلال سنه يلزمك صاحب البنايه يطلب منك الاجار في حالة فسخ العقد يعني مثل ماتكرم اخوي فاير مان كلمه وعسا منزل مبروك

 

[متوازن]

اولا منطقه .... مزدحمه طوال الوقت ... وبالنسبه للاجار سعره معقول نوعا ما

ثانيا ... احسن شئ تبتعد من هذه المنطقه ... لقله الامن والامان فبها وكثرت مشاكلها

والله المستعان في كل الاحوال

 

[الحياة جوهره]

السلام عليكم اخي طارق

قانون السكن الخاص مايقدر يزيد كل سنه القانون السكني الخاص كل 5س سنوات 10 بالميه واذا كنت تبي تطلع في اي شهر عادي ادفع الايجار وخله يوقع خلف العقد بالمخالصه واذا ماوقع روح لامحكمه عندهم قسم للايجارات سلم العقد وادفع الايجار وسلم مفتاح الشقه يعطونك المخاصه اسف علا الاطاله