أسواق القرين

[UNDER_0]

السلام عليكم ..

استفسار صراحه انا بخاطري محل بأسواق القرين ( مطعم ) ناس تقول المنطقه عليها مشاكل وناس تقول ماكو تراخيص بنفس الوقت في محلات يديدة قاعده تفتح و اخرها لولوهايبر !

يريت لو أحد يفيدني من اللي عنده معلومه

 

[أم عبدالعزيز]

والله انا مثلك اخوي خاطري اخذ هناك بس قالولي ما يترخص المحل ....

ورحت الاسبوع الى طاف والا ما شاء الله محلات تشتغل ولولو هايبر فتح ....شلون يشتغلون بدون ترخيص ؟؟؟؟

يا ريت الى عنده فكره يفيدنا جزاه الله خير ....

 

[soud_ss]

ثقدرون تراجعون الادارة ويفيدونكم اذا في تراخيص هالايام
لمن التراخيص الموجوده كلها قديمه قبل ما حمرو العين على المشروع

 

[كويت 2020]

اى مساكين

تدرون ليش لان لولو هايبر حق هندى
و وراه اكيد ظهر انتم من وراكم وكلامكم صح ما يترخص على حد علمى
الله المستعان

 

[كويتي صعب]

السلام عليكم ..

استفسار صراحه انا بخاطري محل بأسواق القرين ( مطعم ) ناس تقول المنطقه عليها مشاكل وناس تقول ماكو تراخيص بنفس الوقت في محلات يديدة قاعده تفتح و اخرها لولوهايبر !

يريت لو أحد يفيدني من اللي عنده معلومه

بالنسبه للولو هايبر والكترو الوزان عندهم تراخيص من التجاره رسميه اما الباقي لايوجد لدهيم تراخيص رسميه وصادر امر اغلاق في المقاهي الموجوده ,,,,,ونصيحتي لك أسال وزارة التجاره وراح يفيدونك اكثر....وبالتوفيق ان شاءالله....والمنطقه حسب ماسمعت منطقه حرفيه

 

[لسه فاكر]

اخواني ترى المشكله الي حاصله هناك هي مشكلة تراخيص لبعض الأنشطه وليس كل المنطقه .... وما لها علاقة بلولو هايبر وعشان صاحبه هندي

انا عندي محل زينة سيارات هناك ومطلع رخصه وهم الأسبوع الي فات خلصت رخصة الاعلان بدون مشاكل والحمدلله فتحت وربك الرزاق

لا تسمعون كلام الناس روحوا ادارة السوق من 9 الصبح الى 5 العصر وكل واحد يسأل بنفسه ويعرف القصة أحسن من الفتاوي

وبالتوفيق ​

 

[بو عبدالله 007]

التراخيص سالفتها طويله بس اللي يفتح محل ما يقدرون يسكرونه لو يحطون رجل بالقاع ورجل بالسما ... والترخيص تقدر تحصل عليه بحكم محكمه بناء على التراخيص اللي تم منحها بالسابق .

 

[أم عبدالعزيز]

جزاكم الله خير اخواني على الرد ما قصرتوا .....

يا ريت تكملون معروفكم وتقولون لنا وين نراجع ....مكان ادارة السوق وين ؟

عساكم على القوة

 

[bu-abdullaziz]

عليها مشاكل و تم توقيف قيادين في البلدية و السبب اسواق القرين

المنطقة نشاطها حرفي غير جذي لا

لاحد يوهق نفسه و الي يبي يتاكد من نفسه يروح بلدية مبارك الكبير ويسال من نفسه

تحياتي

 

[UNDER_0]

مشكورين وجزاكم الله خير

 

[Just Dream]

نصيحه من قلب ونصيحة مجرب ابعد عن اسواق القرين وغنيلها ..
اغلب اللي خذو هناك توهقوا وبالاساس حتى لولو تنتهي رخصته شهر 2 والله اعلم يجددون لهم ولا لا
ورامز مايندرا فاتح بترخيص ولا بدون ترخيص للحين الامور مجهوله !!
اللي حاط بباله فكرة انه ياخذ بأسواق القرين حاليا بعز المشاكل اتمنى ينساها وهذي نصيحة لوجه الله ونصيحة مجرب واحنا مالقينا من ينصحنا وتوهقنا
وانا واحد ماخذ محل هناك وصارلي سنه معلق مو عارف مصيري شنو !!