حسبي الله ونعم الوكيل في كل من يظلم الناس من تجار العقار

الموضوع في 'اعلانات العقار' بواسطة م ارضي غ الجليب, بتاريخ ‏1 أغسطس 2010.

  1. م ارضي غ الجليب

    م ارضي غ الجليب عضو جديد

    التسجيل:
    ‏2 يونيو 2010
    المشاركات:
    5
    عدد الإعجابات:
    0
    حسبي الله ونعم الوكيل في كل من يظلم الناس من تجار العقار
    حرام عليكم والله عندكم عيال ماتخافون عليهم لما توكلونهم مال حرام؟؟
    لانه بوووق والله
    يعني مو حرام المكتب يأجر بيت ب300دينار من المالك
    ويعرضه للايجار ب 500 او600؟؟
    حرام والا لا؟؟
    منو عنده يدفع الف دينار كل شهرين ؟؟
    ترا الرواتب مهما زادت مااا توفي مصاريف
    حرام عليكم والله حرام
    يعني احنا صارلنا حول 4شهووور ندور بيت مومحصلين !!!
    كل ما ادق على واحد يطلع مكتب ؟؟
    غرفتين وصاله بــ550؟؟
    ليش؟؟؟؟
    مخترعين حدكم الارضيه سيراميك؟؟
    ترا متر السيراميك بــ 600فلس
    والله حرررااااااااام خافووو ربكم اتقوا الله في انفسكم وف هالناس المساكين
     
  2. Duke wahid

    Duke wahid عضو جديد

    التسجيل:
    ‏12 فبراير 2010
    المشاركات:
    214
    عدد الإعجابات:
    0
    الصبر الأجار اكل الناس

    على الله سبحانه وثم صقر الصقور احمد الفهد
     
  3. صقر3

    صقر3 عضو نشط

    التسجيل:
    ‏25 مارس 2010
    المشاركات:
    716
    عدد الإعجابات:
    2
    وليش ترحون للمكاتب في علانات في صحف وعلانات في شارع عن نفسي رحت للمكاتب يبون عموله تكون نصف الاجار :)والاجار غالي جدا علي العموم نصيحه في علانات في كل المناطق خصوص عند الجمعيات التعاونيه
     
  4. investor100

    investor100 عضو جديد

    التسجيل:
    ‏3 ابريل 2010
    المشاركات:
    433
    عدد الإعجابات:
    2
      • من ادخلوا الوافدين السوق العقاري و اهو مخترب اكث بكثييير من الاول....
      • نطالب الحكومه بالتدخل السريع ووقف هؤلاء المخربين بأسرع وقت...
      • و حسبي الله و نعم الوكيل...
     
  5. أبو عبد الرحمن

    أبو عبد الرحمن عضو نشط

    التسجيل:
    ‏21 مايو 2004
    المشاركات:
    414
    عدد الإعجابات:
    0
    مكان الإقامة:
    الكويت
    أخوي اسمحلي كلامك غير دقيق

    مافيه بيت حاليا أجاره ٣٠٠ دينار ولا فيه شقة غرفتين وصالة أجارها ٥٥٠ دينار ، كلامك غير معقول وغير مقبول .

    غالب المكاتب يمكن ٩٩٪ يستلم عمولته ويتوكل على الله و واحد بالمية يديرون العقار على قولتك ياخذونه من المالك مباشره بسعر أقل من سعر السوق ب ١٠٠ دينار تقريبا ويأجرونه ويستفيدون من ال ١٠٠ أو ال ٥٠ دينار وغالبا يكون صاحب البيت معرفه ويبي يريح باله من معابل المستأجر لا وأبشرك يعطونه مقدم كم شهر جدام واهم يجابلون المستأجر .

    وترا الي يستفيدون راح ذاخذون بيوت غالية ويأجرونها على الغير كويتيين ( أمريكيين وأوروبيين ... إلخ ) اهني يستفيدون صح أما الكويتي ماراح يستفيدون منه إلا القليل هذا إذا مايطلعهم خسرانين في الغالب :) لأن أكثرهم يطوف عليك الأجار وماتقدر اتطلعه إلا بمحكمة .

    أنا أقولك هالكلام وأنا صاحب مكتب وهالكلام من واقع خبره ومعرفه بالسوق مع العلم بأني عمري ما أجرت بيت في الباطن وقمت بتأجيره على الغير ، وقلت هذا الكلام لأن كلامك فيه ظلم وتجني كبير الله يسامحك ، وكلامي هذا ما أبرر لأحد وإذا خليت خربت .

    ونصيحة مني المكتب إلي مايباشره صاحبه بنفسه وخر عنه والكلام هذا مو على اطلاقه ولكنه الغالب .

    الله يحفظك ويرعالك ويوفقك في بيت ملك لك لا أجار ولا منت أحد ، خذ كلامي بسعة صدر
     
  6. جامعي2010

    جامعي2010 عضو جديد

    التسجيل:
    ‏10 يوليو 2010
    المشاركات:
    38
    عدد الإعجابات:
    0
    اي والله صحيح حسبي الله فيهم
    اصحاب مكاتب العقارات حرااااميه والله
    يعني يرفع الاجار عشان ياخذ عمولته ماخاف من الله لما يظلم الناس
    والا واحد من اللي يأجرون يدعي عليه اذا قعد على بساط الفقر
    الله اكبر وياليت الحكومه تتدخل


    صقر3 الله يعافيك ان شفت او خبرت لك بيت حكومي جنوب الجهرا اجااار
    من المالك نفسه بلغني وتكسب فيني اجر صارلي اكثر من 6 اشهرادور اجااار مومحصل
     
  7. صقر3

    صقر3 عضو نشط

    التسجيل:
    ‏25 مارس 2010
    المشاركات:
    716
    عدد الإعجابات:
    2
    انشالله اخوي انا ساكن اجار في القيروان في اعلانات سعر شقه 230 الي 280 اما جنوب الجهرا ماعرف فيها اذا تبي في القيروان شقه اشوفلك
     
  8. ::فزاع::

    ::فزاع:: عضو جديد

    التسجيل:
    ‏12 يونيو 2010
    المشاركات:
    293
    عدد الإعجابات:
    0

    ما يصح الا الصحيح

    مااعتقد الاسعار هذي موجوده
    بس قول اصحاب المكاتب يطمعونه انه يرفع الاجار من 300 الى 600..!!ممكن
     
  9. box

    box موقوف

    التسجيل:
    ‏24 يوليو 2010
    المشاركات:
    389
    عدد الإعجابات:
    0
    مكان الإقامة:
    الكويت-المنقف - العزيزيه - ق4مقابل فرع الجمعية ال
    السلام عليكم اخوى اسمحلى

    ترى كلامك مو صحيح الشقة ال ب550 موليك انت يا كويتى هذة الشقة تكون مؤسسة با الكامل

    للاجانب فقط حتى انت ان بغيت شقة ما راح حد يعطيك لا مكتب ولا مالك

    تيبى شقة غرفتين عندى ب 180 دينار وب200 دينار يا اخوى ان حبيت

    ولو تبى 3غرف عندى يا اخوى با القسائم 270دينار عرفت ان كلامك موصحيح

    وترى انا مكتب عقارات يعنى تجيب معاك العمولة قبل ما تيجى

    واقولك ليش لان المالك الكويتى ما بيعطى عمولة لما بنأجر لكويتى

    لكن لو المؤحر اجنبى او اى وافد المالك بيعطى العمولة تدرى ليش لان للاسف بعض المؤجرين

    ولا اقول الكل مايدفعون الايجار ولا با المحكمة ولا با الطبل البلدى

    واسمحولى بس حبيت اوضح الامور التى كلها لبس

    واللهم ارنى الحق حق وارزقنى اتباعة وارنى الباطل باطل وجنبنى اتباعة

    والسلام عليكم
     
  10. box

    box موقوف

    التسجيل:
    ‏24 يوليو 2010
    المشاركات:
    389
    عدد الإعجابات:
    0
    مكان الإقامة:
    الكويت-المنقف - العزيزيه - ق4مقابل فرع الجمعية ال
    يا جامعى 2010

    اتقى اللة فى دينك وكلامك

    انت من تكون كى تحكم على اصحاب المكاتب ان كلهم حرامية وتحلف با اللة

    انت لو تعرف اللة صدق ما حلفت بية

    خاف اللة واحزرة واعرف ما تقول ربما يلقى العبد بكلمة لا يلقى لها بال تهوى بة فى النار سبعين

    خريفا ولا حول ولا قوة الا با اللة العلى العظيم
     
  11. investor100

    investor100 عضو جديد

    التسجيل:
    ‏3 ابريل 2010
    المشاركات:
    433
    عدد الإعجابات:
    2
    سؤال للأخ اشرف هل انت محامي عن السوق و الوافديين اللي بالسوق ... ليش مو عاجبك الانتقاد؟؟
    اذا مو عاجبك لا تتحفنا بأرائك اللطيفه ... هنا مكان يجب عليك تحمل النقد...
    و اذا مو عاجبتك الديمقراطيه الموجوده بالمنتدى فلك الاختيار بعدم المشاركه...
     
  12. صقر3

    صقر3 عضو نشط

    التسجيل:
    ‏25 مارس 2010
    المشاركات:
    716
    عدد الإعجابات:
    2
    ابي اعرف العموله نصف الاجار قانونيه او لا
     
  13. قانون 8و9 2008

    قانون 8و9 2008 عضو جديد

    التسجيل:
    ‏29 مايو 2010
    المشاركات:
    108
    عدد الإعجابات:
    0
    الاخ باين من كلامه انه مصري ويحاول يقلد كلامنه لاكن صعب عليه وانه اقول محد خرب سوق العقار الا الوافدين اللي دخلو من مده بسيطه للسوق وصارو دلالوه وقاعدين ينقلون مشاكل العقار اللي عندهم ببلدهم حق الكويت
    وهني السؤال يطرح نفسه
    هل هو من باب الحسد ؟
    او من باب الحقد ؟
     
  14. جامعي2010

    جامعي2010 عضو جديد

    التسجيل:
    ‏10 يوليو 2010
    المشاركات:
    38
    عدد الإعجابات:
    0
    اول شي انا ما ظلمت قلت الصج واللي صاير وياي والاخ اللي حط الموضوع قال (( من تجار العقار))
    يعني مو الكل ((إلا من رحم ربي ))
    ان كنت مو منهم لا تحط نفسك بينهم يا اخوي...
    الحين ادور بيت ادق على مكتب يرد على حدا الوافدين
    اقووله عندك بيت يقول لي جنسيتك شنو ؟؟ من اي قبيله او عايله !!!؟
    وين تشتغل ؟؟ كم مدخولك ؟؟ عندك اعمال غير الوظيفه والا بس الوظيفه؟؟
    سؤؤؤؤااااااااااااال
    انا ابي ااجر بيت والا بتزوج؟؟

    للحيـن مافي بيت ليش مو حرام؟؟
    فعلا بيوت اسعارها جنونيه وغاليه جدا
     
  15. f.f.j.r.2010

    f.f.j.r.2010 عضو جديد

    التسجيل:
    ‏2 ابريل 2010
    المشاركات:
    137
    عدد الإعجابات:
    2



    لان ماعاد فيه ثقة بين الناس صار الكل يخاف من بعض

    ماعاد يخافون الله الناس ولا يراعونه اهم شي ياكل على ظهرك ويعيش يومه

    ونسي ان فيه حساب وعقاب يوم القيامة والله ان اللي يتعمد السرقة

    والكذب والنصب انه ياكل زقوم في بطنه اهو وعيالة وراح يشوف عذابة بالدنيا

    قبل الاخره لان الله سبحانه وتعالى يمهل ولا يهمل .