شركة منا القابضة (منا قابضة) ........... 2

[sulphuer]

منقرص من سيناريو نمويل الخليج , وشكله والله اعلم قاعد يتكرر مع المعفنه القابضه , ياليت يفيدنا اصحاب العلم بلموضوع بالذات الي يقول الوعد بعد شهر ؟؟؟ ماني ناقص فطاحله المنتدي , انا حذرت انا قلت , يطلعلي مشاركة من سنه .......... بلعربي

ابيع ولا لا .

 

[alshammery]

اليوم سجل السهم سعر تاريخى ماوصل لة الا يوم كانت الشركة اسمها الكية سبان فى اخر 2006 وصل يومين 150 فلس وارتفع بعدها الاحين الشركة خبرها الرئيسى ارض العياط المصرية ومتى يوافقون على تحويلهامن زراعى لسكنى احد عندةخبر عن هالموضوع شكل التداول اليوم يدل على خبر مو زين بهالموضوع المحللين وينهم ..........

 

[أبو عمر]

اليوم سجل السهم سعر تاريخى ماوصل لة الا يوم كانت الشركة اسمها الكية سبان فى اخر 2006 وصل يومين 150 فلس وارتفع بعدها الاحين الشركة خبرها الرئيسى ارض العياط المصرية ومتى يوافقون على تحويلهامن زراعى لسكنى احد عندةخبر عن هالموضوع شكل التداول اليوم يدل على خبر مو زين بهالموضوع المحللين وينهم ..........

المحللين من زمان حاطين تحاليلهم وخالصين

http://www.indexsignal.com/forum/showthread.php?t=249466&page=65
واضح طبعا كسر 162 كان نهاية المطاف لهذا السهم .
وطبعا كانت فيه تحاليل قبلها لهذا السيناريو من هو في خانة ال التسعينات .
ومن زمان قايلين رايح 110 وما دونها !

يبيله الحين خبر صاروخي لانقاذ الموقف !

 

[Winchester SX3]

ولد عمي ..انا استثمر ما اضارب وبعدين ادري اني حلالي بيدي وانا ادرى فيه

لالا ولدعمي ادري بس ممكن اخر هدف يطلع بالجارت وين ..؟؟ علشان الواحد يبني استثماره

بمعنى

اخذت منا ع 164 او 168 ...ترند الهابط وين اخر شي يعطيني جم..؟؟؟

علشان ناخذ المتوسط ونستثمر عدل ..

وادري كل واحد فينا عنده قناعاته الخاصة فيه من ناحية الشراءوالبيع ..

الهدف الاخير جم هذا المطلوب ..؟؟؟

اذا بالامكان تعطيني ابو شنو علشان اناديك فيه ...(بارك الله فيك ..والله يجازيك بالف خير )

تقبل تحياتي

بو غازي اللي ليلحين ما تزوجت أمه
إدعيلي أتزوج والله يرزقني غازي إن شاء الله



الله يجزاك خير



ودامك تحب التنبش عن الشركات
أنصحك بقوري شاي مخدر ولو تدخن حطلك أربع باكيتات وطفايتين لأنك بتترسهم!!

شوف هالموضوع ( مــــــــنا قــــــابضة .... معلومات خطيرة وكارثية للشركة ... حصريا لكم ) للعضو الحاضر الغائب ( يونكس ) بوخالد

الموضوع قديم لكن نتايجه قويه قويه قويه وبينت بالسهم


ولي متى بيروح؟

لو ما كسر الــ 224 وارتفع

اشوفه 122

تبي تستثمر انطر لما يخترق بوضوح الــ 224 أو أنصحك شوفلك سهم ثاني يسوى

مثل ( ياكو )

والله أعلم

Cigar_70
تذكر هالمشاركات؟

تاريخ 4/8/2010

كان سعر منا القابضة 190 والحين 152

ياكو كان سعرها 236 والحين 265




<<<< يسحب زقارة النصر

 

[الهدف البعيد]

cigar_70
تذكر هالمشاركات؟

تاريخ 4/8/2010

كان سعر منا القابضة 190 والحين 152

ياكو كان سعرها 236 والحين 265




<<<< يسحب زقارة النصر

اختيارك لسهم ياكو يدل علي ثقافتك العالية بعالم الاسهم
فعلا ياكو سهم تشغيلي من الدرجة الاولي
موفق خير اخوي

 

[Winchester SX3]

اختيارك لسهم ياكو يدل علي ثقافتك العالية بعالم الاسهم
فعلا ياكو سهم تشغيلي من الدرجة الاولي
موفق خير اخوي

أكون صادق معاك وشفاف بالمصداقيه

ثقافتي ليست كبيره مثل ما تتخيل
لكن لدي ما يسندني

أكتفي بهذا الرد
والعذر والسموحه

 

[العاشرة وبس]

اعرف واحد من الشباب يدعى
على سئ الذكر (كوزمو) والذى طرد من منتدنا ليل نهار

 

[مضارب بورصوي]

اعرف واحد من الشباب يدعى
على سئ الذكر (كوزمو) والذى طرد من منتدنا ليل نهار

ليش شنو مسوي كوزمو

 

[جمبازي]

ليش شنو مسوي كوزمو

ولا شى


بس حاول يبيع ميه بحارة السقايين

 

[adventurer]

المحللين من زمان حاطين تحاليلهم وخالصين

http://www.indexsignal.com/forum/showthread.php?t=249466&page=65
واضح طبعا كسر 162 كان نهاية المطاف لهذا السهم .
وطبعا كانت فيه تحاليل قبلها لهذا السيناريو من هو في خانة ال التسعينات .
ومن زمان قايلين رايح 110 وما دونها !

يبيله الحين خبر صاروخي لانقاذ الموقف !

صدقت اخوي التلميذ

انا كنت اقول حق كوزمو انه عنده هدف و بيروح بين ال 100-150
و ارجع حق المشاركات و شوف
و انت و شوزن و سويره بنت الفريج كنتوا معاي عالخط لو تذكر

 

[مراقب سابق]

Winchester SX3 حبيب قلبي ابيك تفهمني اشوي اشوي بارك الله فيك

يقول الاعلان لصالح الدائنين عدل ...

انزين منو الدائنين ؟ ومنو اللي باع او حول هالاسهم ومنو اشترى ؟؟؟

انزين يطلع ربح للشركة منا القابضة كيف هالامر ....؟؟؟؟

من الاشخاص او الشركات ((والذين رغبوا فى ذلك وهم اطراف ذات صلة))

اسأله كثيره غير واضحة عدل اخوي ...ولا انا ما افتهم
ابيك 10 دقايق من وقتك تفهمني بارك الله فيك

انا لو من ادارة السوق اوقف السهم لحين استيضاح الامر بالكامل من الشركة

أول مشاركة لي ومتدبس

هذا خبر قديييييمم

البيعة القديمة :
لكن يتضح إن سعر التكلفة = 7 دنانير للسهم

(منا قابضة) تحقق 3 مليون د.ك من بيع 2 مليون من اسهم احدى الشركات
بورصة الكويت 26/06/2008
اعلن سوق الكويت للاوراق المالية عطفا عن اعلانة السابق بتاريخ 24-06-2008‏ والخاص بان شركة منا القابضة (منا قابضة) بصدد مفاوضات نهائية لبيع حصة ِ من اسهمها في الشركة المصرية الكويتية ، تفيد الشركة بانها اتمت عملية ‏ بيع عدد 2,000,000 سهم من اسهم الشركة المصرية الكويتية للتنمية والاستثمار بسعر 8,5 د.ك للسهم الواحد باجمالي قيمة 17 مليون د.ك بما يحقق ارباحا لشركة منا القابضة تصل الى 3 مليون د.ك سوف تدخل ضمن ارباح الربع الثاني للفترة المنتهية في 30-06-2008 .‏

البيعة الجديدة :
مجلس إدارة "منا القابضة" يقرر التنازل عن بعض الاصول المقدرة بقيمة 82.4 مليون د.ك إلى بعض الدائنين
بورصة الكويت 07/11/2010
أعلن سوق الكويت للاوراق المالية بان شركة منا القابضة افادت بان مجلس ‏ادارة الشركة قد اجتمع يوم الخميس الموافق 04-11-2010 ،وقرر التنازل ‏عن بعض الاصول والتي هي كالتالي : ‏

ِ9,908,877 سهم من اسهم الشركة المصرية الكويتية للتنمية والاستثمار ‏باجمالي قيمة بيع 75,787,054 د.ك .‏ِ10,000,000 سهم من اسهم المجموعة الدولية للمشاريع العقارية باجمالي ‏قيمة بيع 2,500,000 د.ك وبصافي ربح 220,000 د.ك .‏

ِ245,000 سهم من اسهم الشركة الكويتية المصرية للاستثمار العقاري ‏باجمالي قيمة بيع 4,165,000 د.ك وبصافي ربح 26,313 د.ك .
‏
حيث بلغت القيمة الاجمالي لهذه الاصول فى تاريخ صدور القرار ‏ِ82,452,055 د.ك الى بعض الدائنين المسجلة ذممهم بالدفاتر بقيمة ِ82,205,742 د.ك والذين رغبوا فى ذلك وهم اطراف ذات صلة ،وقد نجم عن هذا القرار تحقيق ارباح بلغت قيمتها 246,313 د.ك وسوف ‏تظهر هذه الارباح فى البيانات المالية للربع الرابع لعام 2010.


يعني المفروض في ربح أكثر من 5 مليون دينار .. لكن لم تذكر .. وين راحت ؟

قوية

 

[متدرب أصيل]

اعرف واحد من الشباب يدعى
على سئ الذكر (كوزمو) والذى طرد من منتدنا ليل نهار

يدعي ربه يغفرله أحسن
اللي يبي يشتري ويبيع على توصيات منتديات لا يدش البورصة

 

[Aljoman]

" مسجات " الاثنين الموافق 08/11/2010 :

1- منا قابضة
2- زين
3- الأسهم الخاملة
4- أداء المؤشر السعودي
5- أداء القطاعات السعودية

للاطلاع على أرشيف joman sms لسهم منا قابضة يرجى الضغط على الرابط التالي :
http://diwan.aljoman.net/showthread.php?t=2593​

 

[أبو عمر]

صدقت اخوي التلميذ

انا كنت اقول حق كوزمو انه عنده هدف و بيروح بين ال 100-150
و ارجع حق المشاركات و شوف
و انت و شوزن و سويره بنت الفريج كنتوا معاي عالخط لو تذكر

هلا أخوي adventurer
لا أدري وأذكر انك نبهت بارك الله فيك
الله يعين ملاكه .

 

[(طموح وقنوع)]

شمعة امس ابتلاع خضراء رااائعه
المقاومات 176 و 180 و 186
للعلم
السهم كاسر مثلث متماثل للاسفل وهدف الكسر 140 فلس تقريبا
والله اعلم

للرفع والمراقبه

 

[سعد7171]

السلام عليكم
يا اخوان انا شريت سهم منا اليوم في الحد الادنى 152 فلس
محتاج نصيحه منكم واكون شاكر لكم
هل اصبر على السهم ام ابيع بالمطلوب باجر