ارجوا الافاده بخصوص اللوحات الكويتيه

[القياده]

السلام عليكم
مرحبا انا اخوكم من السعوديه
يااخوان انا حصلت سياره بالكويت بس للاسف ماتدخل السعوديه لان موديلها 2003 واقل شي لدخول السعوديه موديل 2005
وانا اريد هذي السياره علما اني اشاهد عندنا بالسعوديه الكثير من السيارات تحمل لوحات كويتيه ويملكها سعوديون

فسؤالي كيف اشتري هذي السياره واخليها باسمي وعليها اللوح الكويتيه مالنظام المتبع عندكم بالكويت
ارجوا الافاده ياكرام

ولكم الشكر الجزيل

 

[اساهيم]

عندك طريقتين

ياتخليها بأسم واحد كويتي وتاخذ وكاله عليها
او تطلع بطاقه مدنيه((لها شروط)) وتحطها بأسمك

 

[القياده]

الله يعطيك اعافيه اخوي اساهيم

طيب بخصوص الوكاله يعني تكون الوكاله من محكمه كويتيه ويوكلني ان السياره تابعه لي وانا المسؤل عنها ولي حق التصرف بها وببيعها والا كيف

وشاكر ومقدر تعاونك اخي الكريم

 

[Man On Fire]

اخوي التوكيل من محكمة كويتية

انا كنت ماخذ سيارة وراعيها مسويلي توكيل عام عالسيارة

لاكن كبيع ما تقدر لانه لوحاتها كويتيه ما تقدر تبيعها الا بالكويت

لاكن تقدر تسوق فيها وتروح وتجي فيها

فيه نقطه مهمه لازم تنتبه لها

عيب التوكيل انك ما تقدر تسافر بالسيارة برى حدود السعودية والكويت

هذا الشي اللي كان يزعجني بالتوكيل

طلع بطاقه مدنية اذا لك احد بالكويت
فقط يضيفك عنده بالسكن وكم شرط تحققه وتاخذ بطاقه

ولا ريح راسك واشترلك سياره تقدر تجمركها

لان الشغله بيني وبينك دوووخه

التوكيل كل سنه ينتهي
دفتر السيارة والفحص لازم كل سنه تجي للكويت تسويه

وشووف من هالشرووط

هذا غير دخولك للسعوديه لازم تسوي تامين والكويت تامين

انا اخذت سياره واخرتها والله بعتها سكراب لانها مو مستاااهله عواار الراس اللي جاني منها

 

[بن غلاب]

السلام عليكم ....
اخوي القياده روح لاقرب هجره وطلع رقم موحد وتصير السياره بسمك عادي

 

[تركي فيصل]

السلام عليكم ....
اخوي القياده روح لاقرب هجره وطلع رقم موحد وتصير السياره بسمك عادي

كلامك عدل 100%

 

[تركي فيصل]

السلام عليكم
مرحبا انا اخوكم من السعوديه
يااخوان انا حصلت سياره بالكويت بس للاسف ماتدخل السعوديه لان موديلها 2003 واقل شي لدخول السعوديه موديل 2005
وانا اريد هذي السياره علما اني اشاهد عندنا بالسعوديه الكثير من السيارات تحمل لوحات كويتيه ويملكها سعوديون

فسؤالي كيف اشتري هذي السياره واخليها باسمي وعليها اللوح الكويتيه مالنظام المتبع عندكم بالكويت
ارجوا الافاده ياكرام

ولكم الشكر الجزيل

احتمال يعطونك رقم موحد من الحدود بالجواز
ولو ماحطوه
ما تاخذ معاك المسأله 5 دقايق
خذ رقم موحد من اي هجره وروح حول السياره
ومبرووك مقدماً

 

[القياده]

الله يعطيكم العافيه وانا ماعندي مشكله لو ارجع ابيعها بالكويت مو مشكله عندي\\\


وانا عندي رقم موحد من اداره الجنسيه طلعته من الكويت مكون اعتقد من تسع ارقام اذكر سويت معامله باداره الجنسيه وقدمت خطاب وصورت الجواز ودفعت مبلغ مالي وسجلوا لي الرقم باخر الجواز

هل يكفي هذا الرقم لكي اسجلها باسمي ام لا

وهل هذا الرقم يغني عن البطاقه المدنيه ام لايغني

ادري اسالتي كثيره بس مالقيت اجوبه من احد

والله يوفقنا واياكم لكل خير

 

[بن غلاب]

اي اخوي هذا الرقم هو البديل عن البطاقه المدنيه الحين تقدر تخلي السياره بأسمك وماعندك أي مشكله

 

[MraseeL]

السلام عليكم
كلام اخوي بن غلاب صحيح وانا توني مسوي لصديق سعودي هالطريقه بدون تعقيد ولا متاعب

 

[القياده]

الله يعطيكم العافيه ياشباب ويبارك فيكم

فعلا خدموتني

بارك الله فيكم وللجميع شكري بدون استثناء