تعلم كيفية تحديد العطل في سيارتك..الشيروكي..الدوج..الشارجر وتخلص من نصب بعض الكراجات

[فسكره]

هلا وغلا بوهديل لوتكرمت اتوضحلي صورت القطعه الهوي مال منضم اللي خربان بالتفصيل وتحطلي صورت القطعه مالت الوانيت مالي مكينته فايف بوينت ناين همي موديل 2000 واسم القطعه بالنجليزي عشان اسال عنها بقطع الغيار وشكرا للك واسمحلي على الاطاله

 

[ابوهديل]

جاري البحث
أروح أصلي وأجي أحطها لك

 

[ابوهديل]

أسف أخوي فسكره أني تأخرت عليك بلأجابه

لأني كنت أبحث عن حل وهو عيب مصنعي في السياره وكثير من ملاكه

أمريكا يعانون ن هالمشكله وأنشالله أني لقيت لها حل

طبعا الحل هذا مفيد جدا لجميع لأعضاء وهو طريقة

1-تنضيف الثروتل Throttle

وتبديل الحساس حق الهوا Throttle Position Sensor

وهوا مايسبب هذه المشكله وأنشالله يضبط معك

بسم الله نبدأ

الطريقة

1- نقوم بفك أصبع البطارية لتجنب وقوع شورت وهذا يعطل كمبيور السياره

2- قم بإزلة أنتيك الهوا ((الغطاااا بالون لأسود))

3- صورة مقربة للثروتل أخي فسكره وهذا هو المشكلة لأولى عندك

4- أفصل الكيبل الخلفي ((للجوك))((Idle Air Control)) وهو الذي يتحكم

في عملية زياده ضغط المكينه علشان ماتطفي لما تكون مشغل المكيف

5- وهذا هو المشكله الثانية في سيارتك أخي فسكره لازم تشتري واحد جديد وأسمه Throttle Position Sensor وهو حساس الثروتل
أفصل الكيبل عنه أيضا

6-وهذا هي المشكلة الثانيه عندك أخي فسكره
Manifold Absolute Pressure Sensor

أفصل الكيبل عنه

7-أفصل هوزات الفاكيوم ((لأخراج))

8- قم بفصل سيم الدعسه حق البنزين والمسيم المتحكم بالجيييير

طريق الفصل سهلة جدا كما في الصور وهو شد السيم الى الخلف

يتبع الموضوع​

 

[ابوهديل]

بسم الله نبدأ

نقوم بفك الثروتل من مكانه وهو عن طريق فك البراغي وطريقة الفك

بأستخدام بوكس رقم 8 مم

وأيضا بالجههه المقابله للثروتل

لأن قم بفك لأربع براغي بأستخدام بوكس 13مم

مشكلتك لأخيره أخي فسكره وهي جازجيت الثروتل

قم بأزلته وأستبداله

الجازجيت

نظف مكان الثروتل

قم بأزالة السنسورات ألي على الثروتل وعددها ثلاثة سينسورات

الثروتل المعفففففففففففففففففننننن

قم بتنظيف الثروتل عن طريق البنزين وبخاخ أي سي ديلكووو

كل شي نضيف وتمام التمام

أترك الثروتل يجف وركب جازجيت جديد وأدعيلي أنشالله

بدي خمسين دينار يازلمة حك تنضيف دير بالك تروح للسوري ينضفه لك

ماراح ينظفه يقولك خل السيارة عندي يازلمة وتجي باليل خالصه

وأتمنى أخواني أني أفدتكم ولو بالقليل وأرجو التثبيت

تحياتي لكم أخوكم أبو هديل

​

 

[mohamm3d]

انا ارفع القبعه لك احب الاشخاص اللي يكتشفون العطل بنفسهم ولازم الواحد يكون مفتح بالسيارات واشكرك انك عطيت هالناس المعلوومه وساعدتهم ويعطيك الف عافيه

 

[ابوهديل]

انا ارفع القبعه لك احب الاشخاص اللي يكتشفون العطل بنفسهم ولازم الواحد يكون مفتح بالسيارات واشكرك انك عطيت هالناس المعلوومه وساعدتهم ويعطيك الف عافيه

لله يعافيك وجزاك لله خير علي التشجيع شاكر لك مرورك

الناس للناس والكل لله

 

[ابوهديل]

الطريقة هذي تصلح للكثير من السيارات ليس فقط الدودج تصلح لجميع السيارت ذات المحرك 8 سلندر وانشالله عن قريب احط حق 6سلندر وياريت يطبق اخونا فسكر الطريقه ويقولنا يضبط معاه ولا لا بشرط ان تكون سيارته سليمه من ناحية الوايرات بروح .........*

 

[ابوهديل]

سبحان الله وبحمده سبحان الله العظيم ​

 

[تاجر3]

ردودك صعبه يبو هديل

 

[تاجر3]

استغفر الله

 

[ناصر الصقري]

123

 

[ناصر الصقري]

456

 

[فسكره]

مشكور يابوهديل وانشالله رايح اشتري القازقيت وافكه وركبه واعطيك الرد مشكور ياخوي وماقصرت والله يوفقك انشالله والرجاء التثبيت للا ستفاده ياصاحب المنتدي ومشكور

 

[soud_ss]

يعطيك العافية

 

[ابوهديل]

أخوي فسكره القازقيت و السنسرين ألي يركبون على الثروتل

 

[red dead]

السلام عليكم أخوي أبو هديل

أخوي أنا عندي جيب شركي كلاسيك ((البوكس)) 6 سلندر

الموتر وأنا ماشي وطفىوماعاد يشتغل يعني أضل أدق سيلف ألين ما

البطارية تنام ولا يشتغل وديته بسطحه للشويخ فحصو السيارة

فحصوا طرمبة البانزين مافيها شي ووايرات البلكات ماخلو شي مافحصوووه

ولا قدرو يطلعون المشكلة


الله يخليك يابوهديل

تشوفلي الحل بأسرع وقت ولو بفلووووس بعد

أبي الحل اليوم بروح أصلحه اليوم

يالله ورنا شطارتك يابوهديل ​

 

[ابوهديل]

هلا والله حبيبي red dead

وأنشالله بأذن الله الحل عندي ومايكون خاطرك إلا

طيب وبالنسبه للفلوس راجع الموضوع من أول

أنا أبي الدعاء مابي فلوس نبي دعواتكم لا أكثر ولا أقل

وحل سيارتك عندي بإذان الله

بس طبق طريقة الكود وعطنياه

 

[red dead]

هلا أخوي بوهديل وعساك عالقوة وبارك الله فيك وبأمثالك

ياريت كل الناس مثلك وأنشالله بس تضبط السياره بخلي الوالدة تدعي لك

حبيب قلبي الموتر موديلة 99 وهذا الكود طلعلي p0320

وعلى فكره كذا كراج وديته لهم يفحصونه البخاخات مايوصلهم كهربا

يقولون لي الكمبيوتر حق السياره عطلان وسعر الكمبيوتر في الوكالة

اللهم ياكافي أغلى من السيارة بوهديل السياره أذا ماضبطت

بصقطها سكراااااااب وعلى الله العوض ​

 

[ابوهديل]

هلا حبيبي red dead

موترك أنشالله مافي شي واهل الكراجات هذول حرامية

أحمد ربك أنه عندك سيارة تقولك أنا شفيني ((تعلمك بعطلها))

وانشالله ماتصقطها وعطلها بسيط جدا

الكود P0320


يدل على No Crank Reference Signal at PCM

يعني بالعربي مافيه أي أشارة أو كهرب يوصل للكمبيوتر ((مخ السيارة))

وهذا يدل على

أنه الخربان عندك ((crankshaft position sensor))

تروح لقطع الغيار وتشترية

سعره تقريبا 12 دينار

أسمه كرنكشفت

وهو ألي يفصل الكهرب عن البخاخات

وهذي صورته وتغييره سهل جدا بوكس حجم 10 mm

وبدله بالبيت أودعيلي

وهذي صورة من خلف المكينة

وهذا شكله

وهذا مكانه وهو راكب

يالله أخوي red dead روح غيره وأدعيلي تراني ناطرك
​

 

[red dead]

​

مشكور يابوهديل

روح الله يوفقك دنيا وأخره

السيارة أشتغلت

بارك الله فيك يابعد راسي والله

والله أن موضوعك يستحق التثبيت لتعم الفائده على أهل المنتدى

تحياتي لك