للبيع أراضي بالخيران السكنية

[man-kuwait]

اخوي الخيران السكنية مدينة متكاملة
مو مثل المدن الحالية فيها جمعية وماكو استثماري ولا خدمي
واذا انت من سكان المنطقة العاشره انصحك بالخيران السكنية لان اسعارها في صعود مستمر
اذا ما عجبك الموقع تقدر تبيعها وتحصل سعر زين فيها
والخيران السكنية حسب موقعها وخطه التنمية مالت الحكومة تعتبر افضل استثمار للي يفكر في العقار
ابوفطيره راحت لانها الهوامير داشين عليها
وصباح الاحمد تداول عليها مستمر
وسعد العبدالله هم بعد وياها
والخيران للحين ماكو تداول قوي واسعارها زينه
واكييد اسعارها بترد نفس قبل.
واللي يشتري من السوق او الرعاية السكنية اعتقد انه ما بيخسر اذا لقى بالخيران السكنية

 

[man-kuwait]

مازال العرض مستمر

 

[المحلل المالي75]

سلام عليكم شلونكم ياأخوان

شلون المنطقة وكم أسعارها ياأخوان ؟ وهل هي تابعة للأسكان ولا شنو ؟

عندي طلب 2000 أقدر اخذ فيها ؟ وأبي أفضل موقع يكون خارجي وإرتدادات

 

[man-kuwait]

اسعار المنطقه
شارع واحد يمكن تلاقيه ع 41,000 ــ 45,000
والمواقع تختلف بالسعر
والباجي مااعرفه

 

[man-kuwait]

واللي يبي بالخيران وعنده مبلغ محدد يدز رساله بالمبلغ وانا اضبطه بالموقع
مع العلم ان الاسعار تبدا من 41,000 د.ك
ولغاية 65,000 د.ك

اللي يبي بين السعرين يدز سعره وانا ان شاء الله اضبطه بالارض اللي تعجبه

 

[man-kuwait]

مازال العرض مستمر

 

[man-kuwait]

مازال العرض مستمر

 

[man-kuwait]

مازال العرض مستمر

 

[المحلل المالي75]

يون العروض أخوي ياليت أشوفها : مثلا أبي على 3 شوراع وإرتداد كبير راس خارجي كم يسوي عندك ؟

 

[man-kuwait]

ثلاث شوارع ماعندي
الموجود بطن وظهر شارع رئيسي وارتداد بقطعه 2
سعر 58,000 د.ك


وعندي زاوية قطعه 52,000 د.ك
بطن وظهر 50,000 د.ك

وشارع واحد بـ41,000 د.ك

 

[شمس العصر]

احصل عندك سد على 25 الف
وشكرا

 

[man-kuwait]

مازال العرض مستمر

 

[man-kuwait]

تم تاجيل عرض القسائم
لان في ارتفاع بالاسعار
وان شاء الله
الاسبوع الجاي
اعرض اسعاار جديده
وماعندي زوايا كلها راحت
والله يوفق الجميع

 

[الكابتن1]

والله يا حبيبي (مان) ماعندك من العلم شي ...عندك كم ارض بتسوقهم او اكثر دقة طاحين بجبدك وتبي تصرفهم ... انت وين وهالاسعار وين ... من طلعت هالمنطقة وانا اطقطق فيها ... المواقع حدها 38 الى 40 اذا الموقع مسكت .... والشارع ما تتجاوز 35 ؟ من وين جبت اسعارك ما ادري؟ بيت كامل في ام الهيمان ب 80 الف واقرب ... اشتري ارض ب50 وتبعد 80 كم ليش ... وبعدين العقار بينهار اخر السنة بسبب الضرايب ... اراضيك احتمال يردون على سابق سعرهم 15 و 20 الف فقط .؟

 

[ماجد العلى]

تم تاجيل عرض القسائم
لان في ارتفاع بالاسعار
وان شاء الله
الاسبوع الجاي
اعرض اسعاار جديده
وماعندي زوايا كلها راحت
والله يوفق الجميع

لو كنت صادقا فبارك الله فى رزقك,,فان كان غير ماقلت,,فاتق الله فى رزقك ومن دعوه الناس.

 

[man-kuwait]

اخوي الكابتن ياريت اذا عندك الاسعار اللي تقولها تنشرها وتفيد الجميع لان واايد يبون هالاسعار
اذا بس تبي تسوي نفسك عارف كل شي وتحب المظاهر وما يهمك اذا كلامك صج ولا جذب اقول لا تدش بموضوعي لان المصداقية والشفافية اهم شي عندي
واخوي ماجد العلي اذا مو مصدق عندق راجع وزاره العدل وطالع شهر سبتمبر بيعه الخيران شارع واحد تمت البيعه بـ 42,000 د.ك

اذا عارض الشي ماعنده مصداقية ولا شفافية ولا امانه فلا يستحق الثقه
أما اذا عنده الدليل ويتكلم بمصداقية يجب احترام رايه

وياريت اللي يقولون ان الاسعار تنزل يجيب ارض بسعر حسب ما يقول ويعرضها ليش كله بس كلام؟؟؟؟

وللعلم انا قلت انا مو راعي مكتب
بس اعرف مكاتب ثقه
عندي هالاراضي كان سعرها رخيص الحين ارتفع سعرها شوي قلت انطر اذا اسعارها ما تزال فرصه اعرضها
والله اغلى من السوق ما اعرضها

والله يرزق كل انسان على نيته

 

[الكابتن1]

انت ليش معصب هذا عرض وطلب ... وبعدين احب المظاهر على ايش ... لاتخبص بالكلام ... انا ما املك بهذه المنطقة اراضي عشان اعرضها ... وكلامي واضح انا اشتغل بالعقار وابخصة عدل واشتغلت بالخيران قبل لا انت تعرف اسمها ..؟ لي مكاتب بالخفجي اتعامل معاها وعمري ما عرض علي نفس الاسعار اللي انت تقولها ..؟ انت اخوي تتعامل مع مكاتب الكويت او انت مكتب نفسهم ... تهولون المواضيع ... انا ما ارد الرزق لان الرزاق الله ... لكن وجهة نظر وحقيقة قلتها ... رضيت اهلا وسهلا مارضيت ما تشوف شر ... هذا منتدى للجميع

 

[man-kuwait]

انت ليش معصب هذا عرض وطلب ... وبعدين احب المظاهر على ايش ... لاتخبص بالكلام ... انا ما املك بهذه المنطقة اراضي عشان اعرضها ... وكلامي واضح انا اشتغل بالعقار وابخصة عدل واشتغلت بالخيران قبل لا انت تعرف اسمها ..؟ لي مكاتب بالخفجي اتعامل معاها وعمري ما عرض علي نفس الاسعار اللي انت تقولها ..؟ انت اخوي تتعامل مع مكاتب الكويت او انت مكتب نفسهم ... تهولون المواضيع ... انا ما ارد الرزق لان الرزاق الله ... لكن وجهة نظر وحقيقة قلتها ... رضيت اهلا وسهلا مارضيت ما تشوف شر ... هذا منتدى للجميع

اخوي انا مو معصب انا اشرحلك ليش الواحد يقول شي وماعنده دليل او اثبات؟؟
وانا لما اتكلم عن الاراضي اللي عندي واثق من سعري انه اقل سعر ولما ارتفعت قلت اوقف اشوف السوق والبيعات الصجيه عشان المصداقية
لكن انت داش بطول وعرض وقاط كلام مادري تشكك في مصداقيتي!!ولا تبي تظهر نفسك !!! ولا عن حسن نية!!

انا رديت بموضوعية قلت لو عندك شي تثبت فيه كلامك الحين اعرض الاراضي الرخيصه اليوم باجر عقب اسبوع صفحتي مفتوحه لكل انسان يبي يعرض اراضي بالخيران بس بشرط تكون ارخص من سعر السوق،
اساس فتح الموضوع هو وضع الاسعار الحقيقية للارض وليس سعر الدلالين،
اتصل علي واحد معروض عليه شارع واحد بـ44,000 د.ك
قدرت ارد عليه قلتله هالسعر عندي ارض بطن وظهر بـ44,000 د.ك لا يضحك عليك الدلال.

انت الحين تقول ما انعرضت عليك هالاسعار اوكيه روح عند المكاتب ودور على الاسعار اثبت لكل من يقرأ ان ماعندي مصداقية في طرح الموضوع ان تقول الارض شارع واحد بـ 35,000 اثبت !!

وتقول تشتغل بالعقار يالله الموضوع مفتوح اثبت كلامك
ارض بالسعر اللي تقوله بالخيران السكنية
وياريت تكون ريال وتثبت ولا تقط حجي فاضي مو قده
وترد بحجي بدون اثبات
وادري المنتدى الكل يدش بالنك ماله ما يدش بالاسم
المنتدى مو ديوانية الواحد يعرف منو جدامه عشان يثمنه
بس بالمنتدى من كلامه تعرف اصله وفصله
وانا من كلامك اعطيك فرصه تثبت نفسك
وانا ما اسبك ولا اغلط عليك ومو معصب
انا اكتب هالكلام وتراني والله اتمنى يكون كلامك صحيح عشان الناس يستفيدون من الاسعار الرخيصه، واللي يقهرني اللي يقط كلام ومو قده.

 

[aloood10]

طولو بالكم ياشباب احنا هني عشان الكل يستفيد ويترزق الله ..
اب اسال بس يصير الارض اتسجل باسم 2 موشخص واحد آن واخوي مثلا ؟

 

[man-kuwait]

طولو بالكم ياشباب احنا هني عشان الكل يستفيد ويترزق الله ..
اب اسال بس يصير الارض اتسجل باسم 2 موشخص واحد آن واخوي مثلا ؟

إسال خبير العقارات كابتن 1

موضوعي مؤجل حتى اشعار آخر