بشتري اسكاليد .. وأبي نصيحتكم ؟؟

[أحلى منتدى]

السلام عليكم ..
أبي شنو رايكم بالاسكاليد الي وراد امريكا موديل 2007 او 2008 طبعا من مكاتب حولي وميدان حولي ؟ ؟ الي يعرف لا يبخل علينا ,,,, وشكرا

 

[أحلى منتدى]

أعتذر عن الخطأ .. الي وارد أمريكا ..

 

[investor100]

اخوي العزيز حبيت انصحك فقط ... انا لا اعلم شيء عن الاسكاليد الوارد من الخارج ولكن ارجوا منك فحص السياره عدل و عن طريق كراج معروف و ثقه و تأكد من الشاصي و الجير و الماكينه بالكامل .. و افحص البدي بعد و كن دقيق ...

ولا تنسانا بالدعاء

و بالتوفيق...

 

[sound blaster]

الاكسسوارات غَاليه بسعر خَيالي ... وأهم شَي جيّك على الكَارفكس لا يَطيّحون العَداد ويقصون عَليك..

بالتّوفيق ...

 

[أحلى منتدى]

مشكورين يالربع ان شاء الله بميزان اعمالكم .. بس لو أحد يعلمني شلون اجيك على الكارفكس ؟

 

[lvdlogdt]

ننطر اهل الخبره

 

[الحوت88]

اخوي ابعد عن الامريكي اكيد تبي تقول ليش؟؟ لان الامريكي اذا جيت تبيعه راح يطيح بجبدك مع اني ولا مره جربت بس هذا الكلام المتداول
والاسكاليد قطع غياره معروفه انها غاليه يعني مايمدي ينزل المعاش الى طاير كله
واتمنى اني فدتك

 

[أحلى منتدى]

مشكورين على المشاركة ... والله ياخوي الحوت كلامك عدل انا محتار .....
يعني نحول لكزس صغير ؟؟

 

[بوحسين1976]

خالي نصيحتين خذهم مني انا كان عندي مكتب سيارات 10 سنوات في ميدان حولي اخذ رقم الشاصي مال السيارة وروح الوكالة جيك علية يطلعون تاريخ السيارة بالكامل راح تدفع رسوم بس مو خسارة بالنسبة لسعر السيارة والنسر الامريكي لاتتعامل معاة لانة يجيب سيارات مدعومة وانت بكيفك

 

[أحلى منتدى]

جزاك الله خير يا أخوي بوحسين .. والله هالمكاتب مادري ليش متخوف منهم بس الله يجيب الي فيه الخير وتسلم لي يابوحسين

 

[نواف الخالدي]

اخوي مكاتب حولي 100%100 ينزلون عداد انا كنت ادور اسكاليد عندههم خذيت كل ارقام الشواصي وجيكت عليهم كلهم منزلين العداد