انا اختلف معاكم بنقطه واتفق معاكم بنقطه,,, بالنسبه للاي فون انا اشوف سعره جدا مناسب وخصوصا عندنا بالكويت لان اول شي مو كل الناس تقدر تطلب من برا او تعرف تطلب من برا وبعدين الجهاز صج انه اغلى بالكويت من امريكا لكن انت عندك امتيازات لان الجهاز مكفول واي شي يصير فيه تقدر توديه وتضبطه على الكفاله اما جهاز امريكا اذا ضرب قطه بالزباله او توديه وهم بتدفع عليه فلوس وبيطلع عليك اغلى من بيع الكويت فسعر 300 دينار اعتقد انه معقول نوعا ما ويكفي انه مكفول اما مميزات الجهاز بالاضافه الى الاتصال الصوتي ( انه تلفون ) فهو عباره عن لابتوب تحطه في مخباتك وتقدر تنجز كل اعمالك فيه ناهيك عن البرامج فهو كذلك يغنيك عن استخدام ال جي بي اس وتقدر تدير اعمالك في البورصه عن طريقه خلنا نفككها شوي
على سبيل المثال انت مسافر شنو تحتاج وياك بالسفر اشياء ضروريه ....
1- تلفون فالنفرض نوكيا حلو سعره مابين ال 50 الى ال 100 دينار
2-جهاز جارمن او جي بي اس سعره مابين ال 150 الى ال 200 دينار
3- جهاز لابتوب خفيف وكويس سعره مابين ال 100 الى ال 200 دينار
4- كتيبات وخرايط تدليك اماكن التسوق والاماكن الترفيهيه والمعالم السياحيه للبلد المراد زيارته وهذي راح تشيلها وياك وكل دقيقه تفتح وتطالع
الان احسبها وياي لابتوب وجارمن وتلفون بجم يطلعون عليك تقريبا بتحوش ال 400 دينار ناهيك عن الحموله الزايده اللي وياك بتشيلها وتشقلها كل ماتحركت
الاي فون موفرلك كل اللي ذكرته سابقا بجهاز واحد وخفيف فهو تلفون وهو لابتوب وهو جارمن وهو كتاب تنزل فيه برنامج اي بلد تبي تزوره وسهل انك تشيله وياك وخفيف الوزن وانيق وذرب
عرفت اللحين اخوي ليش الناس تشتري الاي فون اب 300 واب 400 دينار
ياريت اكون فدتك وانك اقتنعت بكلامي
واذا على المصرف وقطه الفلوس احنا شعب يحب يبذر ويبذخ على غير سنع مو بس بالتلفونات
روح شوف الناس بالشتى بجم تشتري قطعه الخامه للدشداشه الوحده والله تطق على راسك والساعات والاقلام وحتى الجواتي عزك الله ماردت اهي على التلفون بس
ياخوي في ناس تشتري بواكه على 300 دينار واهي عمرها ماحطت هالمبلغ في البوك وكله سلف وعمات عين وديون الواحد مايقول الا الله المستعان وربي لا تزولها من نعمه
دمت بود