أين وصلنا في بنك وربه ؟؟؟ حقك يالكويتي وين وصل !!

الموضوع في 'السوق الكويتي للأوراق الماليه' بواسطة Winchester SX3, بتاريخ ‏9 أغسطس 2010.

  1. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    سؤال يدور بالبال


    وأسهم من حقي ولا اعرف أين هي الآن؟

    -صدر القانون رقم 1\2008 بشأن تأسيس شركة مساهمه تزاول المهن المصرفيه وفق احكام الشريعه الاسلامية

    -حرر عقد التأسيس بناء على كتاب وزاره التجارة والصناعه رقم 13125 ووقع بتاريخ 28 ابريل 2009 والمسجل رقم آلي 672744 بتاريخ 3 مايو 2009 ( هنا )

    -نشره الاكتتاب للمواطنين المسجلين بالهيئه العامة للمعلومات المدنيه بتاريخ 4 اكتوبر 2009 والدوله مشكورة تحملت مصاريف الاكتتاب ( هنا )

    ثم بدأنا جميعا بالإكتتاب :) ما ننلام،، شي حلو من الحكومه المره

    يالله العوض ولا القطيعه

    نكمل بما يدور بالبال

    تحدد إجتماع الجمعيه العموميه التأسيسيه 21 ديسمبر 2009

    وكلنا يعلم بأهميه الجمعيه التاسيسيه فبنودها تحتوي على الاستماع لتقرير لجنة المؤسسين وإعلان تأسيس البنك نهائيا وتعيين مجلس ادارة ومراقب حسابات ولجنة رقابه شرعيه

    ولكن للأسف تم تاجيل الإجتماع !!! ( هنا )


    الى تاريخ 17 فبراير 2010

    ثم تمت الجمعيه ولله الحمد :)

    عقدت الجمعية العمومية التأسيسية لبنك وربة اليوم الأربعاء الموافق 17/2/2010 في وزارة التجارة والصناعة في تمام الساعة الحادية عشرة ظهرا ، وتم إعتماد مجلس الإدارة على النحو التالي :

    1- السيد / جسار دخيل الجسار – رئيس مجلس الإدارة
    2- السيد / يوسف الميلم – نائب الرئيس
    3- السيد /موسى معرفي
    4- السيد / وائل القطامي
    5- السيد / أحمد عبدالرحمن الملحم
    6- السيد / جمال دشتي
    7- السيد / أحمد الدعيج


    لجنة الرقابة الشرعية :

    1- الشيخ / د.عجيل النشمي
    2- د.عادل القصار
    3- د.نايف العنزي
    4- د.عيسى زكي
    5- د.عصام العنزي


    وسيعقد مجلس الإدارة اجتماعه الأول خلال الأيام القادمة .

    -------

    ونستمر بما يدور بالبال

    يتم تداول السهم بسوق الجت باسعار تتراوح ما بين 60 الى 80 فلس تقريبا طوال الفتره السابقه

    علما بأنها 100 فلس بالإكتتاب :mad:

    والآن لا نعلم ماهي تطورات البنك من حيث موقعه الرئيسي والتوجهات والاجراءات الوظيفيه للمواطنين و و و وو و و

    اسئله تدور في بالي واعتقد انها تدور في بال الكثير منكم

    طرحنا الموضوع لكي نسلط الضوء على حق من حقوقنا


    وما يثير الضحك خبر قرأته اليوم 9 أغسطس 2010 للتكتل الشعبي في جريدة الوطن ( هنا ) يطالب يقترح بإنشاء بنك إسلامي وشركه إتصالات وتكون 50% منهم للمواطنين

    كلامي الآن موجه للتكتل الشعبي
    شوفوا حل لبنك وربه اول بعدين يصير خير :p




    ومنا للمسؤولين!!
    اخوننا الصحفيين من يقرأون الموضوع شدوا حيلكم معاي :)

    أدوا دوركم بالصحافه
    أخواني المواطنين من لهم دور في بنك وربه أو يعرفون من له صله بالموضوع أيضا شدوا حيلكم

    نحن المواطنين نمتلك الاغلبيه الساحقه

    إن لم نتحرك الآن
    فإلى متى الإنتظار؟

    نحن الآن في أغسطس 2010 وضعنا في معمعه خطط التنميه والمشاريع وصفات زين و و و و و

    اترك لكم التعليق والمتابعه

    في امان الله
     
  2. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    معقوله محد مهتم !!
     
  3. الأخ طبوط x

    الأخ طبوط x عضو نشط

    التسجيل:
    ‏26 يوليو 2010
    المشاركات:
    112
    عدد الإعجابات:
    1
    مكان الإقامة:
    kuwait
  4. خبير النفط

    خبير النفط عضو نشط

    التسجيل:
    ‏15 يناير 2007
    المشاركات:
    4,638
    عدد الإعجابات:
    54
    انا ما طبعت الاسهم لليوم الناس ملت
     
  5. sgs_q8

    sgs_q8 عضو جديد

    التسجيل:
    ‏24 ابريل 2008
    المشاركات:
    273
    عدد الإعجابات:
    0
    عاد أنا توني راد من ديوانية عروقها بالماي ويقولون بسوون الديرة طبقات :p خلها على الله يالغالي وعلى قولت المثل : السلام يجر كلام والكلام يجر بطيخ وسللملي على طبيشي
     
  6. بوعبدالله _ 66

    بوعبدالله _ 66 عضو نشط

    التسجيل:
    ‏22 يوليو 2007
    المشاركات:
    510
    عدد الإعجابات:
    5
    والله كلامك جميل وماخليتلنا شي نعلق عليه

    وكفيت وفيت :)

    لكن يالغالي السؤال اللي يطرح نفسه

    شنو المطلوب منهم يعلنون عنه بهالفتره :confused:
     
  7. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت
    أي مستجدات تهم المساهم

    الموقع الرئيسي
    طلبات الوظائف
    من هو المدير العام بالبنك
    ماذا تم الى الآن

    ماندري شصار غير اجتماع الجمعيه التأسيسيه!

    طيب شصار بعدين؟
    الله أعلم

    أحد عنده أخبار عنه؟
     
  8. السهم المجروح

    السهم المجروح موقوف

    التسجيل:
    ‏9 فبراير 2009
    المشاركات:
    760
    عدد الإعجابات:
    0
    مشكووور على الموضوع المهم اللي طرحته
    اتوقع بيزهقون الناس وبيخلونهم يبيعون الاسهم بسوق الجت بهالاسعار وانا كان لي راي بهالموضوع بقسم الاسهم غير المدرجه بموضوع بنك وربه واللي صاير بوق عيني عينك ولا سهم مكتتب بنك اسلامي مكتتب وخالص هلى ٦٠ و ٧٠ فلس الظاهر مسوا ايام بنك بوبيان البطاقه المدنيه بروحها وصلت ١٠٠ دينار هذا غير اللي يدفعه للأكتتاب والمشكله والقهر لما يردون عليك ويقولون اسهم ببلاش لو تبيعها بفلس انت ربحان في ناس ظروفها تعبانه وماألومهم اللي تلقاه الفقير مو لاقي دينار بجيبه يقضي اغراض بيته بس اللي يقهرك اللي هالشي صار عنده هوايه عنده خير بس يجهل معناة الاكتتاب والمشكله الاسهم واصله لي حلجه مقشره لو انه بيدفع نقول ماله خلق ينطر هالروتين الممل اللي بالديره اللي تخليك تنطر السهم سنتين وثلاث علشان الادراج عندي وايد كلام ابي اقوله بس راح اكتب اكثر من صفحه لان تقدر تقول قلبي متروووووووووسه من القهر
    والله المستعان
     
  9. Winchester SX3

    Winchester SX3 عضو مميز

    التسجيل:
    ‏4 يناير 2009
    المشاركات:
    7,923
    عدد الإعجابات:
    1
    مكان الإقامة:
    الكويت

    انا أبيك تكتب

    عشان الي له صله يشوف :mad:
     
  10. الباحث الشرعي

    الباحث الشرعي عضو جديد

    التسجيل:
    ‏23 مارس 2010
    المشاركات:
    210
    عدد الإعجابات:
    0
    البنك لم يتم تأسيسه بدراسة جدوى لان ما يقدر حتى ينافس بل اللي قاعد نسمعه ان راح يحول الى بنك لتنميه المشاريع يعني ماكو ادراج و لاهم يحزنون