ضربة شاصي .. راس شاصي . مضروب الشاصي

الموضوع في 'اعلانات المركبات' بواسطة MOHAMMED11, بتاريخ ‏11 أغسطس 2010.

حالة الموضوع:
مغلق
  1. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    ياجماعه ليش انا وانت وغيرنا نرتعب من هالكلمة اذا شرينه سياره !!

    يعني الواحد يشوف سياره وتعجبه ويسوقها وتدخل مزاجه ويوم الفحص لا سمع
    كلمة الشاصي مضروب هوّن .

    ليش الكل ينحاش من السياره اللي فيها شاصي . ؟
    حتى لو طقة بسيطه . لاسمع شاصي انحاش .. !

    وانا مااتكلم عن غيري بس اتكلم عن نفسي . واذا سألتوني ليش . صراحة ماعندي جواب . لكن هذي ثقافة المجتمع اللي فيها شاصي انحاش عنها
    وترا سعرها مايسوى . وانا معاهم بهالشي رغم اني مو مقتنع
    لاني في صحيح سيارة مضروب الشاصي فيها ونشوففها بالشارع تمشي عوجه
    وفي شي لا بسيط ولا تحس فيها . لكن الاسم او المصطلح ( الشاصي مضروب ) يخليك تنحاش من السياره . وخصوصا ان المجتمع متفق ان السياره اللي لو فيها طقه بسيطه بالشاصي معناتها ماتسوى .!!


    ليش ..؟
    والسؤال الثاني اخوان .
    هل كل طقّة شاصي تأثر عل ىسياره . (بسيطة قوية عادية ) المهم طقة
    هل تأثر .
     
  2. ابن ضعيان

    ابن ضعيان عضو نشط

    التسجيل:
    ‏11 مايو 2008
    المشاركات:
    349
    عدد الإعجابات:
    0
    ضربة الشاصي يا صديقي تعني أن الدعمة قوية لدرجة أن الشاصي تأثر من الدعمة يعني كل ما بين الحديد الخارجي والشاصي قد تلف أو تأثر بشكل كبير... فالتصليح وخاصة السيارات الحديثة غالي فأغلب أهل هالسيارات يصلحونها بأقل الأسعار وأي كلام ويسرعون في بيعها... يعني إذا الشاصي مضروب من الأمام فالسيارة تكون شبه سكراب لأن المكينة والقير و الأجزاء الحساسة في السيارة قد تأثرت وداير مدار السيارة وخاصة السيارات الحديثة فيها أجزاء حساسة.
     
  3. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    في الدول المتقدمة ... امريكا مثلا ... اذا السيارة صار عليها حادث قوي وتضرر الشاصي يجبر صاحب السيارة انه يسكربها او يصدرها خارج امريكا ... بس ما يستخدمها على الاراضي الامريكية .... بتقول ليش بالكويت يخافون من السيارة المضروب شاصيها ؟؟ انا اقول لك ليش ..... لأن السيارة متضررة بحادث قوي وفقدت شروط الأمن والسلامة واصبحت أقل من المعدل الطبيعي لمؤشر المواصفات والمقاييس العالمية .... واحنا بالكويت الحمد لله الله مرهي علينا .. ليش نغامر وناخذ سيارة مشكوك في متانتها وقوتها ؟؟ .... اللي بايع عمره يشتري سيارة مضروب شاصيها عشان يعرض حياته وحياة عياله واهله للخطر.

    واحد يسأل وين الخطر ؟؟ السيارة تمشي وشحلاتها !!

    لقول ان السيارة فعلا تمشي وشحلاتها ... ولكن في ظروف معينة وفي اجواء معينة وفي مواقف معينة (مثال احتجت انك تلزم بريك قوي وتلف يسار عشان تتفادى قطعة حديدية في الشارع) لا تستجيب السيارة لأوامر السائق بالشكل المطلوب وتنحرف بشكل اكبر مما هو مطلوب وبالتالي يترتب عليها حادث مما يشكل خطر على حياة مستخدمي الطرق.

    والله يعافينا ويعافيكم من شر الحوادث
     
  4. HABBOOB

    HABBOOB عضو جديد

    التسجيل:
    ‏29 يوليو 2010
    المشاركات:
    91
    عدد الإعجابات:
    0
    السلام عليكم

    مبارك عليكم الشهر اخواني وحبايبي...

    اسمحوا لي اشارك وياكم بالموضوع انا بقولكم تجربتي والصراحة كل واحد حر بكيفه ويدور اللي يناسبه ..

    بالنسبة لي انا اذا ابي استعمل السيارة مده طويله وحصلت سيارة شاصيها مضروب اكيد بيكون طايح من سعرها مايقل عن 1000 دينار . واستعملها سنة سنتين ثلاث ماكو مشكله بس اهم شي مايكون فيها قص..

    انا قبل ثلاث سنين شريت فكتوريا 2001 من رفيجي وقالي شاصيها في طقة من جدام والايرباقات طاقه قلت مو مشكله اهم شي محركات قالي محركات افحصها بالمجموعة لاتفحص بالرمال.
    وفعلا فصحتها بالرمال وعطوني نسبة الماكينة 76 والقير والبككس اوكي . والحمدلله استعملتها تقريبا اكثر من سنة و 9 شهور والله كديتها كد سوريا والاردن رحت لها اكثر من مرتين والبحرين يمكن ثلاث مرات ومكة رحت لها مرة غير تمشياتي وقزقزتي بالخليج ولمن اخذتها منه كانت ماشية بحدود ال 90 الف كيلو وبعتها على عيال خالي بالسعودية وماشية تقريبا 270 الف والحمدلله ماشيه معاي اوكي والى الحين مع عيال خالي ماشية اوكي.
    بس الشاصي معدل تعديل مو مقصووص.

    واللي يبي يستعمل السيارة اللي فيها شاصي اهم شي يكون طقة الشاصي من جدام مو متعورة وايد يعني راس شاصي او بالكثير 5 سانتي ورا راس الشاصي وبعدها يمكن يأثر بالميزان حق السيارة والشيالات والهيئة الامامية.

    اتمنى اني كنت خفيف عليكم بس حبيت انقل لكم تجربتي.
     
  5. normal141

    normal141 عضو جديد

    التسجيل:
    ‏26 مايو 2007
    المشاركات:
    54
    عدد الإعجابات:
    0
    الله يعطيك العافيه اخوي وانا ابي اقولك قصه صارت معاي انا شريت سياره ولا فحصتها على النيه شريتها وثلاث سنوات وانا استعملتها سياره ولا اروع ماشاء الله عليها نظيفه ولما قررت ابيعها وفحصها الشراي طلع فيها ضربه شاصي ومن عرفت ان فيها ضربت شاصي كرهتها وبعتها بسعر رخيص وايد
     
  6. اليوفي الثاني

    اليوفي الثاني عضو نشط

    التسجيل:
    ‏12 أكتوبر 2008
    المشاركات:
    569
    عدد الإعجابات:
    0
    انا عندي مكسيما 2001 راس شاصي من الامام والخلف شوف عيني بسيطة الضربة

    سافر فيها اخوي مرتين الامارات
    سافر فيها الدمام غير استعمالي انا واستعمال اختي

    اذا تبي تاخذ تاكد من ضربة الشاصي هل قوية ولا عادية

    بخصوص الحوادث يمعود مواتر يديده تطلع من الوكاله والناس يتسببون بحوادث ابشع من المواتر المشيصة المنتهية الصلاحية

    سهالات واظن بعد التجربة المكسيما ادرولي عن موتر نظيف وشاصي طبعا اشوف واقدر وارفع الموتر بالفحص وتاكد واشتريها بارخص من السوق 1000 ولا 1500 دينار
     
  7. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    يعطيكم العافية اخواني كلن بإسمه على المشاركة واثراء الموضوع
    كلامكم كله طيب ومقنع صراحة


    وانا احب اعلق على كلام اخواني
    habboob
    اليوفي الثاني

    فعلا هذا اللي بغيت اوصل له . ان السياره وضربة الشاصي نسبية
    وممكن تكون بسياره اقل من سيار رغم تشابه المسمى واهو ضربة شاصي
    او راس شاصي . بمعنى ممكن تكون ضربة بسيطة ولا اتأثر كثير
    واحيانا الضربة ممكن ماتكون من حادث . يمكن طاق رصيف . او يمكن داعم بايب من تحت الخ الخ . يعني مو شرط حادث

    واللي خلاني اكتب الموصوع ان فحصت جيب قبل مدة بسيطه كنت بشتريه
    والموتر نظيف . لكن بعد الفحص قالو لي فيه شاصي . المهم راعيه ماقصر
    وقالي طايح لك 500 دينار من سعره . لكن ربعي اللي معاي مارضوا
    وقالوا خلاص خل الموتر عنك وهون عن الشروة السيارة فيها شاصي
    وماتسوى . ياجماعه السيارة جديدة . والشاصي واضح طقتة بسيطة
    شنو المشكلة . لا يمعود بكرة تبي تبيع محد يشتريه خل يولي
    المهم هونت وانا خاطري بالسيارة .
     
  8. HABBOOB

    HABBOOB عضو جديد

    التسجيل:
    ‏29 يوليو 2010
    المشاركات:
    91
    عدد الإعجابات:
    0
    اخوي محمد

    احنا مشكلتنا بالكويت هني ذبحنا المهايط وقعدات الدوانيات والحجي اللي ماله داعي. تحصل ربع ولا شباب قاعدين بالدوانية ويسولفون سيارة فلان شاريها وجنها قالبه وسيارة فلان شاريها وفيها شاصي...... انزين وانتوا شكوا فيها شاصي ولا قالبه ولا محترقه شحارق جبدك دافع شي من حلالك. بكيفه ...

    يبا اقولك شي انت اذا رحت تفحص سيارة وحتى لو طلع فيها شاصي يعني خفيف مو مقصوص قص يعني راس شاصي او طقة مطب او رصيف عادي اخذه وخل يطيح لك راع السيارة على الاقل 800 او 1000 وقول لربعك السيارة تمام التمام فحصتها واوكي واستعملها سنة الى 4 سنين وبعدها صدقني راح تبيعها حراج بدون فحص والله ياخذونها منك اقل من سعر النظيف بحدود 500 الى 700 دينار.

    وانت الربحان
     
  9. syassi

    syassi عضو نشط

    التسجيل:
    ‏18 فبراير 2009
    المشاركات:
    109
    عدد الإعجابات:
    1
    الشكوه لله

    السلام عليكم

    والله اخوي صاحب الموضوع المشكله مو جذيه المشكله اكبر من الشاصي المشكله ان لو تبي تبيع سياره اول سؤال يقولك فيها صبغه تجميليه ؟؟؟؟

    واذا قلت له اي مثلاً المدقر مصبوغ تلاقيه يقووولك لالالالالالالالا شلون جذيه ووسيده يقولك الله يبارك لك ويعطيك اظهره

    وانتا تقول شاصي والناس ليش ماتاخذ السياره

    انا سؤالي اذا مصبوغ المدقر ومستحيل تصيده بالعين ان مصبوغ شنو يبي يضرك مثلاً بالسياره ؟؟ ياخي اموت واعرف

    وعلى فكره انا انتقلة لي العدوه ماشتري سياره فيها لو نقطة صبغ بتقولي ليش بقولك مادري
     
  10. و111حد

    و111حد عضو جديد

    التسجيل:
    ‏9 يوليو 2010
    المشاركات:
    139
    عدد الإعجابات:
    0
    مكان الإقامة:
    الكويت
    [​IMG][/url]..[/IMG]


    صورة سيارتى الافالون بعد الحادث


    [​IMG][/url]..[/IMG]



    وهذى بعد التصليح طبعا راس شاصى من الصوبين
    وقاعد استعملها ولا اروع كلفتى 2860دك بس كراج محترم وقطع اصلية وكاله
    خصوصا انها انسامت قبل التصليح ب 800د من افغانية السكراب
    ماشية 50 الف كم
    حراااااام قلت اصلح وخليها كد ومد
    بس للعلم الوكالة طلبو فوق ال 5000دك بعد ما سويت مقاييس عندهم
    للعلم السيارة ممتازة ومافيها ميلان من الخلف الى ينضرب شاصيها من الخلف اهى الى تشوفها بلمشى مايلة


    الله يستر عليكم من الحوادث عندنا اذا ماتدعم تندعم يعنى من 10 سيارات
    تحصل 4 الى ما حاشتهم طقه على ما اظن
     
  11. بن زيمه

    بن زيمه عضو نشط

    التسجيل:
    ‏16 ابريل 2008
    المشاركات:
    1,699
    عدد الإعجابات:
    1,591
    الحمدلله على سلامتك أخوي و111حد
     
  12. اليوفي الثاني

    اليوفي الثاني عضو نشط

    التسجيل:
    ‏12 أكتوبر 2008
    المشاركات:
    569
    عدد الإعجابات:
    0


    لا اخوي حط صورتك بعد :d
    يمعود شيل الصور العين يخوك العين الللي ما تصلي على النبي ص
    الحمد الله على سلامتك

    اللي يبي يستعمل يشتري موتر شاصي ..........
     
  13. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    المشكلة مو الفحص . لاني فعلا لقيت سياره ثانية وايضا فيها شاصي :)
    حظي مع اهل الشواصي ^_^
    لقيت شفر ال 2007 ماشية 67 الف فيها شاصي عند واحد من الربع
    وقالي خواتها بأربعه خذها بــ 3000 آلاف لك :(






    ههههههههههههههههههههههه بهذي صدقت . وانا مثلك انتقلت ليي العدوة
    من زمان وطبقت الطريقة وسؤالي دايم ( مصبوغ الموتر ولا صبغ الوكالة )

    والمشكلة مااحصل إلا اللي فيها شاصي :)

    لكن صدقني مثل ماقلت انا في بداية موضوعي ان هذي ثقافة المجتمع
    . سيارة فيها صبغ . ينزل من سعرها . حتى لو صابغها بالوكالة

    سيارة لو فيها خدش بالشاصي ماتسوى !!








    الحمد الله على السلامة اخوي وخطاك السوء . بالحديد ولا فيك

    وماشاء الله تبارك الله رجعتها مثل قبل :)
    وزين سويت انك صلحتها ومابعتها .. حرام 800 دينار :(

    المهم لاتنسى دعاء الركوب دائما ^_^
     
  14. و111حد

    و111حد عضو جديد

    التسجيل:
    ‏9 يوليو 2010
    المشاركات:
    139
    عدد الإعجابات:
    0
    مكان الإقامة:
    الكويت
    بن زيمه
    اليوفى الثانى
    محمد11


    الله يعطيكم العافية اليوفى العين حق وذاكرين الله والسيارة زى الناس مافيها زايد
    وما يصيبنا الله قضاء الله وقدره
    وابشرك بلحديد نحمد الله كسر شعر فى اليدين والرجل وطبنا الحمدلله
    ولو ما الله والايرباقات جان الاصابات بتكون اكثر مع البلاستيك والحديد الى داخل

    وبنسبة لموضوع اخوى محمد11
    يالغالى اذا بغيت تشترى سيارة مايكون الشاصى مقصوص وملحم لان اى ضربة ممكن
    تفصل السيارة نصين
    اذا معزم وتبى كد واستعمال ومنك للسكراب اخذ الى فيها راس شاصى لانه اذا مدخلها كراج سنع
    ماراح تحس بأى شى واذا كان واثق بسيارته اطلب منه فواتير الشغل والقطع الى مركبهم
    وبالآخير اطلع سوقها وحاول تسوى مناورات فيها بمكان خالى راح تبين متانتها وثباتها
    وانتبه على الايرباقات لازم يكون مغيرهم مع فحمة السكان والكمبيوتر والسنسرات الى جدام
    ومبدل احزمة الامان عشان السيفتى مستقبلا
    ومايمنع تاخذها سهالات بس اذا مسويها قص ولحيم ما انصحك ابد ولاتنسى انه سعرها بيكون ارخص من مثيلاتها بكثير
    وهذا الى عندى ونسمع مشاركات الاخوان
     
  15. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    لو مالله ثم الايرباق
    والحمد لله على السلامة والله يعوضك خير منها
     
  16. و111حد

    و111حد عضو جديد

    التسجيل:
    ‏9 يوليو 2010
    المشاركات:
    139
    عدد الإعجابات:
    0
    مكان الإقامة:
    الكويت
    عدل اخوى مهم للغاية جزاك الله خير على التصحيح
     
  17. سوق واجف

    سوق واجف عضو نشط

    التسجيل:
    ‏7 أغسطس 2005
    المشاركات:
    134
    عدد الإعجابات:
    0

    بسم الله الرحمن الرحيم

    حبيب قلبي الكويتيين الحين قاموا يفهمون بكل شي

    يفهمون بالبورصه - الكراجات - السياسه - بالفحص - كلهم واصلين

    اول مره يمر علي شعب يفهم بكل شي
     
  18. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    والله اخوووي الشراي لازم يلقاله عذر ... علشان ينزل من سعر السيارة


    1- السيارة مصبووغه .
    2- شاصي .
    3- بككس واكسات .

    وهذوول كلهم مو شرط انهم يكونون مهمين .


    سيارة مصبووغه يعني واحد شاري سيارة موديل 2005 مثلا .... ويبي السيارة من 5 سنوات مشي ولا دعمه !!! قويه ما تصير ..

    وبنسبة للأكسات والبكسس ماكو كراج بالكويت الا ويصلحها ومن يسمع المشتري العادي كلمة بكسس يقوووول (((( ليحوووووووووووووووشك لا يامعود هذي خطرره ))) وتلقاه اصلا مايدري شنو الاكسات والبكسس ولو يدري انها خراب عاادي ويتصلح جان ما قال جذي ...


    بالنسبة للشاصي لو كانت ( ضربه خفيفه - ضربه متوسطه ) فهذا مافي داعي الحديث عنه وشي عاادي اهم شي التقرير للسيارة يكون مضبوط من النواحي الثانية . لكن لو كانت ضربه قوويه فلازم تبيعها بسعر ارخص وهذا حق ما ينزعل منه .




    السيارة قبل لا تشتريها ( سوقها بنفسك - وجربها بنفسك - واخرط فيها مطبات بنفسك - وألعن خيرها بنفسك - وافحصها بنفسك من الرمال الذهبية او النجووم او مكان ثاني انت تثق فيه ) وجيك على السيارة من داااخل ... وشوووف الي يسووق السيارة مرأة أو رجل ... وكم العمر وشنو وظيفته هذا كله يعكس على جودته ونظاافة السيارة ................. وانتبه وانتبه حق سالفة السكن شوفه ساكن بالمناطق القريبه او البعيييده .... انه الصراحه لو بغيت اشتري سيارة بسوي كل هذا ومن غير ما الشرراي يحس من سألتي


    >>>>> تقول رايح يخطب مو يشتري لوووووووووووول
     
  19. al-dbel

    al-dbel عضو جديد

    التسجيل:
    ‏9 يونيو 2009
    المشاركات:
    152
    عدد الإعجابات:
    0
    طيب لو نعوج عمودك الفقري شوي بتعرف تمشي عدل ولا لا ؟ اكيد محرول
     
  20. fasal1979

    fasal1979 عضو جديد

    التسجيل:
    ‏26 يوليو 2009
    المشاركات:
    511
    عدد الإعجابات:
    0
    انا استخدامي سياره شاصي من الامام خفيف
    وكاشخ وسعر اقل
    واذا بغيت ابيع بسعر عادي
    لانها طالعه رخيصه
     
حالة الموضوع:
مغلق