ابيكم تساعدوني في هالخطه الي في راسي

الموضوع في 'اعلانات العقار' بواسطة xokx, بتاريخ ‏14 أغسطس 2010.

  1. xokx

    xokx عضو جديد

    التسجيل:
    ‏30 مارس 2008
    المشاركات:
    1,210
    عدد الإعجابات:
    0
    :rolleyes:


    يا شباب انا طلبي بعيد 2002
    وعلى هالاوضاع شكل السالفه تبي تطول
    ورجال قد حالي اقدر ادبر مبلغ بس مو محرز فوق 70 الف مالت الحكومه
    يعني بحدود 30 الف يعني يطلع 100 الف

    بكرت في فكره وابيكم تساعدوني فيها هل فكرتي فيها شي من الصواب
    واتوقع اكثر الموجودين ناس كبار ونستفيد من خبرتهم ويعتبروني اخ صغير لهم



    فكرت اشتري بيت في منطقه غير مرغوبه مثل ام الهيمان مثل ولا اقصد التكسير فيها بالعكس بس الواقع يقول مثل ما اسمع
    يعني بحدود 90 الى 100 الف بيت مرتب شوي
    وبعدها احط طلبات للبدل بيت في ام الهيمان مع سعد العبد الله
    او جابر الاحمد
    او الدوحه لاني من سكانها

    او ااجر البيت واستفيد من اجاره الى ان يرتفع سعره وابيعه واشتري مكانه بيت في الدوحه او مكان قريب ومرتب فرق الزياده 10 الى 15 الف
    ويكون مكان انا راغب فيه يعني شي افضل من الانتظار اشرايكم ابي حكمتكم بالرد

    ;)
     
  2. ahmad zuman

    ahmad zuman عضو جديد

    التسجيل:
    ‏13 يوليو 2010
    المشاركات:
    44
    عدد الإعجابات:
    0
    والله شوف
    انا ادور بيت في ام الهيمان ابي اشتريه لكن اغلب البيوت يبون بدل
    يعني انت لو تشتري بيت راح تلقى 200 واحد قبلك مسوين هل شي

    وفكرة تأجير البيت جيده لكن المشكلة ان الاجار هناك رخيص مو مثل باجي المناطق

    انا اقول اخذلك بيت استثماري في مناطق مثل الظهر او المنقف القديم - المدخول من 600 إلى 700 دينار وخلال 3 سنوات انت مطلع تقريباً 25 الف بيع البيت ويصير الي عندك 125 او 130
    والله كريم عاد حزتها يمكن العقار يرخص وتشتري بيت بالمكان الي يناسبك
     
  3. q8_king1

    q8_king1 عضو نشط

    التسجيل:
    ‏31 أكتوبر 2009
    المشاركات:
    960
    عدد الإعجابات:
    10
    مكان الإقامة:
    العاصمة
    فكرة حلوة بس فيها مغامرة اشوي الانة يمكن مايرتفع سعر البيت ويثبت .......وايجار البيت طريقة حلوة الاستثمار البيت بس لازم تختار المؤجر المناسب الي يحافظ علي البيت ....وعلي فكرة انت دورك ماهو بعيد وقرب حيل علي مدينة صباح وحتمال علي السنة الياية يحوشك فيها تقدر تاخذة ابلاش وتبنية وتاجرة او تبيعة وراح ايبلك سعر انشالله اكثر من بيت حكومة في ام الهيمان
     
  4. سرور

    سرور عضو نشط

    التسجيل:
    ‏11 أغسطس 2009
    المشاركات:
    6,207
    عدد الإعجابات:
    4,373
    لاتدخل نفسك بلويه .. اصبر سنة لما تتضح الامور
     
  5. خالد خالد

    خالد خالد عضو نشط

    التسجيل:
    ‏24 فبراير 2006
    المشاركات:
    304
    عدد الإعجابات:
    0
    انطر مدينة صباح الاحمد واصل الدور اذا انت موفارقة عندك المناطق البعيدة مثل ام الهيمان
     
  6. الدينار الخليجي

    الدينار الخليجي عضو جديد

    التسجيل:
    ‏6 يناير 2006
    المشاركات:
    91
    عدد الإعجابات:
    0
    السلام عليكم بعطيك حسبه

    شراء بيت ب 90الف بام الهيمان وايجاره 450 دينار تقريبااا


    يعني ربح 450 - 150 بدل ايجار سقط عنك - 100 قسط التسليف - 50 فواتير كهرباء وماء وتعرف بعض المأجرين يحلل الايجار - صيانه من فتره لي فتره وعند خروج المستأجر

    حسبه خاسره بجداره ناهيك عن اضاعة فرصة الارض والقرض

    الافضل الصبر اذا توفر لك السكن في بيت العائله

    والافكار كثيره ولله الحمد

    هذي الحسبه ابي و منك تدعي لي وللمسلمين كافه
     
  7. متوازن

    متوازن عضو نشط

    التسجيل:
    ‏21 أكتوبر 2009
    المشاركات:
    723
    عدد الإعجابات:
    1
    مكان الإقامة:
    الكويت
    الله يوفقك .... وام الهيمان ارتفعت اسعارها اسئل عنها وسوف تنصدم

    بالتوفيق
     
  8. طيران

    طيران عضو جديد

    التسجيل:
    ‏31 أكتوبر 2005
    المشاركات:
    324
    عدد الإعجابات:
    0

    هذا الرد اصاب كبد الحقيقه والواقع
    وانا صار معاى نفس الكلام هذا يعنى بدون اى فايده
     
  9. Rotary

    Rotary عضو جديد

    التسجيل:
    ‏22 ديسمبر 2007
    المشاركات:
    595
    عدد الإعجابات:
    0
    مكان الإقامة:
    الكويت
    حبيبي أذا تبي تقدم على أي خطوه أفضل تكوووون في الربع الأول من السنه الجديدة2011
    بعدين مسألة أنك تاخذ بيت 100 ألف أسمحلي راح يكووون بيت خرابه يعني تبي تحط على 100ألف 20ألف ثانيه علشان يصير بيت مثل الناس والعالم لأنه ألي راح يبيع بيته100ألف راح يتوهق ومايلقى بيت ثاني بهاذي الأسعار المرنفعه...
    لاتنسانا بالدعاء لي ولي والدينــا...
     
  10. q888

    q888 عضو جديد

    التسجيل:
    ‏3 يونيو 2010
    المشاركات:
    34
    عدد الإعجابات:
    0
    انطر ليين مايسمحون لك في البدل وبدل وفك نفسك من هل لفه
     
  11. zidantheking

    zidantheking عضو نشط

    التسجيل:
    ‏24 سبتمبر 2008
    المشاركات:
    985
    عدد الإعجابات:
    0
    اخذلك قرض او تسلف من اي واحد من الاهل او الربع هل 10-20 الف زيادة و اشتر بيت على مزاجك

    او نفس ما قال الي فوقي
     
  12. بوجـــاسم

    بوجـــاسم عضو جديد

    التسجيل:
    ‏13 أغسطس 2010
    المشاركات:
    26
    عدد الإعجابات:
    0
    فعلا ان لي قالوا فالمشوره بركـه :)

    لا والله ياخوك فكرتك مووو خوش بالمره , ولاتنسى ان الكلام سهل بس التطبيق صعب

    يقولون ماخاب من استشار .. ولا ندم من استخار

    فعليك بالاستخاره بعد

    وعسى يوفقك خيوو
     
  13. Golden8

    Golden8 عضو نشط

    التسجيل:
    ‏11 أغسطس 2009
    المشاركات:
    156
    عدد الإعجابات:
    0
    هذا ويجيك يوم نفس هالوقت

    قبل العيد او ارمضان والمعاش بعيد

    شنو راح تسوي ؟

    اكيد ماراح تتسلف من فلان وعلان وفلوس الإيجار موجودين بالبنك :)


    راح تقول مره وحده بس ........ والثانيه

    بعدين تستسهلها وتدل طريج البنك :)

    ورايح جاااي صبح وليل


    نصيحه لا تدهور حالك وانطر الفرج من الله



    وخذ الحكمه من افواه المجانين

    http://www.youtube.com/watch?v=ANVNu5G8Vys

    الصبر جميل :D
     
  14. مارس1

    مارس1 عضو جديد

    التسجيل:
    ‏19 مارس 2008
    المشاركات:
    564
    عدد الإعجابات:
    0
    حسبتك انت غلطان فيها تدرى ليش
    1انت تقول 100الف بيت بام الهيمان كلام سليم وراح تحصل لكن وهنيه تكمن المشكله لما تبى تبدل كم يبون منك للبدل ؟؟؟؟؟؟
    لايقل عن 30الف يعنى 30الف شراء البيت و30 الف البدل المجموع 60الف
    60الف +70الف الحكومه =130 الف تشترى افضل بيت بسعد العبدالله


    نصيحه اصبر اصبر بس سنه وتشوف بعدين وين توصل الطلبات
     
  15. xokx

    xokx عضو جديد

    التسجيل:
    ‏30 مارس 2008
    المشاركات:
    1,210
    عدد الإعجابات:
    0
    بيض الله وجيهكم
    والله انكم فتحتوا لي امور مخفيه
    عسى الله لايحرمني منكم خبره تفتح العينين :d