ساعدوني فديتكم محتاره ابي بيت

عنودي

عضو نشط
التسجيل
13 أغسطس 2010
المشاركات
36
الإقامة
المحترم في كلمتـه يفـرض علـي الاحتـرام
اخواني الافاضل انا حابه اشكركم واشكر كل شخص حب يساعدني وفادني بكلامه واراءه واقتراحاته وكلها علي راسي
لولوه التناك ماتقصر يخوي بس انا كان اهم شي عندي السرداب
عموما انا خلاص لقيت قسيمه بالعدان دورين ونص وسرداب وراس ب٢٣٥ بس حاليا قاعدين نتناقش عالسعر
وانشالله ينزل منه
عموما ماقصرتوا كلكم يجزاكم ربي كل خير لانكم بجد ساعدتوني كثير باقتراحاتكم
والشخص اللي قال عني كلام يضايق بقوله ابشر يخوي ماعاد اجي منتداكم واشكر لك ترحيبك فيني والظاهر هذا اسلوب الترحيب اللي انته تستخدمه في بيتكم ماتقصر من طيبك وطيب اصلك وانا عارفه ليش قلت عني هالشي بس لاني حرمه
بس وانا اختك مرات الوحده تنحد علي شغلات مهو بكيفها لان ظروفها تجبرها علي هالشي

اكرر شكري لاخواني

ومع السلامه
 

بكوش

عضو نشط
التسجيل
27 سبتمبر 2007
المشاركات
301
الله يوفقج بس سعرها غالي اعتقد.

اشتري من المالك مباشرة ووثقي بالعدل وخلي عنج المكاتب .

المنطقة والموقع وحداثة البنيان وجودته والجيران تؤثر تأثير كبير جدا في السعر.
 

اناصاحي لهم

عضو نشط
التسجيل
13 مايو 2009
المشاركات
62
مرحبا مليون

يا جماعه ابي قسيمه بالمنطقه العاشره جديده طبعا

سرداب دورين ونص... او ثلاث ادوار

والاهم يكون سعرها مقبول يعني مايتعدا 220

بليز ردوا علي بسرعه اتحرا ردودكم فديتكم

........................................................................................
فديتج والله حاضر غاليه والطلب رخيص طلبج عندي .
عندي بيتي سرداب ودورين ونص اطلع منه انا وعيالي واسكنج فيه بس بيتي مو في المنطقه العاشره في عبدالله المبارك ينفع . واذا ضروري المنطقه العاشره مو مشكله ابيع البيت واحط افلوسه على فلوسج واشتريلج احلى عماره في المهبوله بس تدللي
 

bomanaf

عضو نشط
التسجيل
8 مارس 2010
المشاركات
554
Duke wahid
ههههههههههههههههههههههه اي والله ملينا كله شوارب

صج شنو يعني نسناس!!!؟؟؟؟
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
اختي .... مبين عليج بنية حلال وما تعرفين امور البيع والشراء .... اخذي هالنصايح

1- لاتقولين حق احد كم عندج فلوس عشان مايرفعون سعر العقار عشان يناسب مستوى الفلوس اللي عندج.
2- في البيع والمشترى يفضل تفويض رجل لكي ياخذ ويعطي مع الباعة مع احترامنا لاخواتنا البنات بس هذا مجال اغلب اللي فيه ان لم يكن جميعهم رجال.
3- لازم تتأكدين من مواصفات البيت اللي تبينه مثلا انتي تبين سرداب لازم تكونين متأكدة انج محتاجة السرداب مو بس زينة وديكور وزيادة عدد لأن السرداب يرفع من سعر البيت بشكل كبير واذا شفتي ان السرداب تقدرين تستغنين عنه فمعناته ان سعر البيت راح يكون اقل.
4- المثل يقول اسئل عن الجار قبل الدار . لازم اذا حطيتي عينج على بيت اشوف منو جيراني ناس عيال حمايل هادين وبدون مشاكل والا كل يوم بمخفر ؟؟ (اعرف بيت بالرقة انباع 3 مرات والرابعة بالطريج بسبب احد الجيران ابنهم مختل عقليا وهادينه بالشارع وتعال شوف الافلام اللي يسويها مرة كاسر جامات السيارات مرة شاخط السيارة بمسمار مرة باط راس واحد من الصغار بحديدة مرة يمشي مفصخ بالشارع وحسبي الله ونعم الوكيل)
5- كل منطقة لها سلبياتها واجابياتها وعشان جذي امسكي ورقة وقلم واكتبي ايجابيات كل منطقة وسلبياتها وشوفي شنو اكثر منطقة ايجابيات واقلها سلبيات توكلي على الله واخذي فيها.
6- حاولي قدر المستطاع الابتعاد عن البنيان التجاري وتأكدي من ان البيت تشطيبه ممتاز وجميع الاشياء المستخدمة فيه هي نوعية ممتازة سواء صحي كهرباء نجارة المنيوم.
7- المثل يقول ...العجوز ما ترجع بنت ..... يعني حاولي قدر المستطاع ان يكون البيت بنيانه حديث وليس قديم.
8- من الاشياء المهمة في البيت انج تتأكدين ان البيت ما عليه مخالفات سواء بلدية او كهرباء وخلافة.
9- يجب التأكد من نظام التكييف في البيت هل التكييف فعال ويبرد البيت بشكل كافي وهل هو مكفول ام لا بالنسبة للمركزي والوحدات .... وما اعتقد احد يبي مكيف شباك في عصرنا هذا.
10- كيف تحكمين على سعر البيت انه غالي او مناسب ؟ يمكنك الاستعانة بالمقيمين العقاريين او اصحاب الشأن.
11- هناك بعض البنوك تقوم بعمليات مرابحة تحاول فيها كسب اكبر مبلغ من المال ابتعدي عن طرقهم الملتوية (السنة 10 شهور ) وخلافها وهذي يبيلها مقال كامل بروحها.
12- صلاة الاستخارة قبل شراء البيت.

واذا نسيت شي الشباب ماراح يقصرون يكملون النقاط
 

بندر العجمي

عضو نشط
التسجيل
1 يونيو 2010
المشاركات
102
نعم نصايح غاليه وعاليه بالدقه للجميع والف شكر
 

الموحد1

عضو نشط
التسجيل
9 أبريل 2008
المشاركات
402
اخوي مهم للغايه الله يجزاك خير على النصايح بس اذا امكن تفيدنا بالنصيحه رقم 11 (السنه بعشر شهور)لأني يوم شريت بيت قلت مابي هالطريقه ورفضوا؟

سؤال. انا مستمر بالدفع طول السنه توقع يطيحون فوائداو مرابحة الشهرين؟
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
اخوي مهم للغايه الله يجزاك خير على النصايح بس اذا امكن تفيدنا بالنصيحه رقم 11 (السنه بعشر شهور)لأني يوم شريت بيت قلت مابي هالطريقه ورفضوا؟

سؤال. انا مستمر بالدفع طول السنه توقع يطيحون فوائداو مرابحة الشهرين؟

اولا الله يبارك لك في حلالك ....وثانيا .... اعتقد انها شربت مروقها لكن ابشرك انك في دولة الكويت والذي ينص فيه الدستور على (حق التقاضي مكفول للجميع) بإمكانك سؤال محامي عن الموضوع وقد يرجع لك برد فيه خردة تستاهل

اخوي البنوك شطار جدا .... ومثل المنشار طالعين واكلين نازلين واكلين ....

انت تبي الفايدة ؟ اللي هي بالنسبة لك (أقل الضرر)

تفاوض مع البنك .... قول له ابي اقساطي متساوية وعلى 12 شهر راح يرفضون لأن طريقة السنة ب10 شهور يترتب عليها رسوم على المشتري
ويحاول البنك قدر المستطاع انه يمدد المدة عليك .... بدال ما يخليها 10 سنين يخليها 15 سنة او اكثر ..... طبعا بالطريقة هذي البنك زاد المرابحة عليك ....بس راح يقولون لك القسط راح يخف عليك ....لكن في المقابل اربح البنك اكثر ...لذلك

1- كثر ما تقدر اضغط على عمرك وقلل مدة القسط بدال مايكون 15 سنة خله 10 سنين او اقل اذا قدرت. (صج القسط ارتفع ...لكن المبلغ الاجمالي اقل بكثيييييييييييييير)
2- فاوض البنك على موضوع الاقساط المتساوية وحاول كثر ما تقدر تلغي سالفة السنة بعشرة شهور لأنها يترتب عليها رسوم على الفاضي. (هل هناك طريقة لتفادي هذا الأمر ؟؟ والله ما اعلم لكن ممكن يفيدونك المختصين).

3- يبقى التورق هو الحل الافضل للي يبي يشتري بيت وماعنده كاش كافي(بعد اخذ رأي مفتي معتمد) لأن فيه شروط يجب تطبيقها عشان يكون التورق صحيح وللعلم معظم اخوانا في التمويل مايتبعون طريقة التورق بشكل شرعي ...يعني على ورق. وعشان تعرف ماهو التورق بشكل صحيح اسئل مفتي معتمد.
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
مهم للغايه جعلني افداك ماتقصر عالنصايح كلها وكلامك صحيح مليون بالميه

الف شكر لك...


العفو .... واسئل الله العظيم ان يرزقكم البيت الوافي اللي يجمعكم على طاعة الله ويبعد عنكم عيال الحرام.

واذا حصل هالشي نبي علبة ماكنتوش حجم وسط حق شباب المنتدى.
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت

بندر العجمي

عضو نشط
التسجيل
1 يونيو 2010
المشاركات
102
انا ابي بطل فيمتو
 

مساهم11

عضو نشط
التسجيل
29 سبتمبر 2008
المشاركات
2,233
الإقامة
الكويت
مدري عنودي ليش عندي احساس انك رجال

عموما ماكو مشكله يجب يكون عندك طول نفس وعدم الاستعجال مطلوب
وابحث في 3 مناطق اما المنقف وبالجهه الغربيه فقط
وفهد الاحمد وانا شخصيا افضلها
او العقيله
والمعروض في هالمناطق كثير
بس حاول تسوي لك اعلانات بالشوارع وعند الاشارات
ورق اي فور ولصقي

وادعي الله يرزقك وابذلي السبب ولا تعتمدي علي النت كثير لان
وجود طلبك فيه لا يعد 2% لعدم الجديه او الهروب
 

عنودي

عضو نشط
التسجيل
13 أغسطس 2010
المشاركات
36
الإقامة
المحترم في كلمتـه يفـرض علـي الاحتـرام
بندر ... ابشر فيمتو بس نشتري البيت

مساهم احساسك خاطيء لاني بـــــــــــــــــــــــنــــــــت ماني برجال

واذا احد حاط في باله اني رجال يقدر يسآل نفسه سؤال واحد بس

دامي رجال شنو يمنع افتر عالمكاتب وادور علي كيفي واسال واشوف بعيوني لان هذا بيت مو لعبه وحق عمر جدام
بس وضعي كبنت يمنعني احوس عالمكاتب بين الرجال لان مهما كان روحتي للمكاتب غلط
فآآمن طريقه هي النت..

وانا بنت والا رجال ...مومهم المهم اني احصل بيت...

عموما اشكر مقترحاتك ..
 

سرور

عضو نشط
التسجيل
11 أغسطس 2009
المشاركات
6,904
مدري عنودي ليش عندي احساس انك رجالعموما ماكو مشكله يجب يكون عندك طول نفس وعدم الاستعجال مطلوب
وابحث في 3 مناطق اما المنقف وبالجهه الغربيه فقط
وفهد الاحمد وانا شخصيا افضلها
او العقيله
والمعروض في هالمناطق كثير
بس حاول تسوي لك اعلانات بالشوارع وعند الاشارات
ورق اي فور ولصقي

وادعي الله يرزقك وابذلي السبب ولا تعتمدي علي النت كثير لان
وجود طلبك فيه لا يعد 2% لعدم الجديه او الهروب

كفو والله
 
أعلى