قضيه جواز سفر

[مراقب الاسهم]

السلام عليكم

اودعت جوازات سفر ابنائي بتاريخ 13\7\2010 وذالك للتجديد في احد مراكز الخدمه بعد انتهاء صلاحيه الجوازات واعطوني وصلا مكتوب به المراجعه بعد 10 ايام استلام وبعد مضي 10 ايام تفاجأت بان الجوازات لم تجدد ولازالت في اداره الجنسيه والجوازات وذالك لعدم توفر الماده الخام وعلي الانتظار 45 يوم


الآن السفره راحت لكن المجال مفتوح لاي سفره قادمه برمضان او بعده
السؤال
أ-هل من الممكن ارفع قضيه مستعجله على وزير الداخليه وومدير الجنسيه بصفتهم وذالك لمطالبتهم
1- الزامهم بتجديد الجواز فورا
2- تعويض مادي وادبي عن الاضرار مع العلم بان لايوجد لدي اي صولات حجز فنادق وتذاكر سفر لان الجهه المراد السفر اليها الطائف و مكه عن
عن طريق المنافذ البريه

ب-والقضيه المستعجله كم تاخذ على مايصدر حكم فيها قابل للتنفيذ ؟

ج- وهل مطلوب اثبات آخر غير المكتوب والموجود في وصل استلام المعامله؟

ياليت لاخوه والاخوات يفيدوني بهالنطقه لانها ضرويه ومو بس انا ناس كثيره مثل حالتي وممكن اسؤأ من حالتي تكبدو خسائر تذكر سفر وحجز فنادق
ولكن جزيل الشكر وعظيم الامتنان ...

 

[rahaly]

اخي الكريم ..

يوجد احكام قضائة بخصوص تأخر الجهات الحكومية في انجاز المعاملات

فلا يمكن محاسبة جهة الادارة عن التأخير في انجاز المعاملة - نهائيا

والله اعلم

 

[بوفلاح1]

اخوي عندك واسطه تستلمه في ثلاث ايام
والله هذا اللي حصل معاي قالولي 45 يوم ::verymad::
وبالواسطه صار 3 ايام

 

[abatchy007]

اخوي اسمحلي بس هم الغلطة غلطتك يعني ما جددت الا وقت السفرة وينك عن التجديد يوم انتهو

والله شي يحير الي كل الكويتيين تقريبا فيهم هالطبع

 

[مراقب الاسهم]

اخي الكريم ..

يوجد احكام قضائة بخصوص تأخر الجهات الحكومية في انجاز المعاملات

فلا يمكن محاسبة جهة الادارة عن التأخير في انجاز المعاملة - نهائيا

والله اعلم

هلا برحالي

كنت متوقع انك اول من يرد على الموضوع دائما سباق

لكن كنت اتمنى في رد يثلج الصدر

ليش اغلب القضايا اللي تخص الحكومه (بعض المحامين يدقون بريك )

انا صراحه ودي اسيس القضيه واحرك المياه الراكده

لي متى الاهمال في مؤسسات الدوله

بشهر 4 و5 مدير الجنسيه ونوابه يصرحون على صدر الصفحات نحن جاهزون والجواز خلال 3 ايام عمل يخلص من التجديد

اليوم تغير الكلام ليش ؟


هل ماصرح به مسؤلين اداره الجنسيه والجوازات (مقلب كامره خفيه )
او ان مسؤلين الاداره لايعلمون امكانات ادارتهم ولايفقهون في عملهم شيء

اخوي عندك واسطه تستلمه في ثلاث ايام
والله هذا اللي حصل معاي قالولي 45 يوم ::verymad::
وبالواسطه صار 3 ايام

والله صح كلامك احد المسؤلين قالي جيب لي تذاكر سفر او اي برنت من مكتب سفريات باسم المسافرين مع وصل حجز فندق من مكتب سفريات
الجواز يطلع الجواز بنفس اليوم مو بعد 3ايم

طبعا انا رفضت هذا اللف الدوران عيب والله عيب ناس بتروح عمره تبي الله يغفرلها ذنوبها وهذول يعلمون الناس الجذب
والتحايل على القانون ويهينون المواطن بانه يبحث عن واسطه وحب الخشوم

اخوي اسمحلي بس هم الغلطة غلطتك يعني ما جددت الا وقت السفرة وينك عن التجديد يوم انتهو

والله شي يحير الي كل الكويتيين تقريبا فيهم هالطبع

شنو المشكله اداره عامه من مؤسسات الدوله لها ميزانيات ورواتب وكوادر فيها ضباط معينين بمرسوم اميري وقرارات وزاريه (((((((((هدفها خدمه المواطنين)))))))) انا كمواطن يحق لي التجديد دام اداره الجنسيه كاتبه انتهاء الصلاحيه محدد باليوم والتاريخ

عاد وقتها محد له سلطه قانونيه يحدد لي متى اجدد كل واحد وحسب ظروفه واللي يتاخر عن النجديد(بعد انتهاء الصلاحيه خل يحرقونه بغرامات ماليه )

مو عذر ليش ما اجدد قبل شهر او شهرين لانها معامله حكوميه مو طلبيه مصنع

(اصلا من سوؤ ادارتهم ان فيه قانون طيران دولي يمنع سفر اي شخص جوا ما لم يكن في الجواز صلاحيه اقل شئ 6 شهور والا الدوله اللي رايج لها المسافر يرجعونه على اقرب طياره لديرته المفروض ينبهون الناس بهالنقطه ويخلون هالنقطه مدونه بجواز السفر)


عموما مشكورين اخواني الاضافاتكم
و لازال الموضوع مفتوح للافاده القانونيه

 

[saeed]

حتى الجواز صار يبيله واسطه


اخاف يجى يوم ما تاخذ معاشك الا بواسطه

 

[SA7AB]

مرحبا
تقبل دعواك شكلا وترفض موضوعا

 

[فريح الكوح]

مجرد رأي :

دعوى مستعجله بالزام الادارة : لأ .

دعوى ادارية بالغاء القرار السلبي والتعويض : نعم ، ممكن .

 

[ابو عيسى]

اخوي عندك واسطه تستلمه في ثلاث ايام
والله هذا اللي حصل معاي قالولي 45 يوم ::verymad::
وبالواسطه صار 3 ايام

واسطتك بارده انا ماخذه بنص ساعه

 

[rahaly]

واسطتك بارده انا ماخذه بنص ساعه

على ايدك

 

[بومعالي]

يا جماعه والله قهر ... أنا جوازي من تاريخ 4/8 ليما الحين ما خلص .. بالله شنو الحل ؟

 

[rahaly]

يا جماعه والله قهر ... أنا جوازي من تاريخ 4/8 ليما الحين ما خلص .. بالله شنو الحل ؟

شلون يقولون يسلمون الجوازات بسرعة !!!!

مغود انا مسلم جوازي قالوا بعد اسبوع لا يكون يورطونا ويعطلونا !!!

 

[بومعالي]

شلون يقولون يسلمون الجوازات بسرعة !!!!

مغود انا مسلم جوازي قالوا بعد اسبوع لا يكون يورطونا ويعطلونا !!!

والله ياخوي مسلمهم الجواز من قبل رمضان بتاريخ 4/8 وليما الحين ماخلص يقولون ماكو جوازات ... حسبي الله عليهم ضيعوا علي العمره

الحين صارلي تقريبا 50 يوم شنو الحل ؟ المشكلة إن في ناس قاعد تستلم جوازاتها قبلنا هل هذا يجوز ؟ الواسطة حتى بالجوازات ؟ يبا يبون فلوس رشاوي ضرايب كمسيون يسمونه اللي يسمونه ندفع بس لا تتعطل مصالحنا ؟

مو حاله هذي جنا قاعدين بديرة فقيرة عايشه على المساعدات

حسبي الله ونعم الوكيل