آبوغلا
عضو نشط
- التسجيل
- 13 أغسطس 2009
- المشاركات
- 254
السلام عليكم ورحمه الله وبركاته
مبارك عليكم الشهر وتقبل الله طاعتكم
ياجماعه انا حاب اطرح مشكلتي بهلموضوع
وبكتبها لكم بالتفصيل الممل واتمنى تحكمون وتعطون نصيحه
بتاريخ 7-8-2010 رحت هاتف 2000 قلت بشتري ايفون 8 قيقا قلت للبايع كم سعره قالي السعر 195قلت ليش غالي الله يهداك انا محصله بالغانم بـ180 وكنت حزتها راجع من الغانم وبفرفر على المحلات...قال اذا الجهاز فيه اي مشكله الغانم ماراح يرجعه لك وحنا راح نعطيك برامج وكفاله + برامج +كفر+ستيكر حمايه +كفاله سوفتوير ...قلتله والهارد وير قال دا الهارد وير حق الي جهازه يتكسر اكيد راح يصلحه بفلوسه يعني مالها داعي ودي الكفاله حق كل شي اهني الي فهمته اذا الجهاز ماطاح مني او بسبب اهمالي او بسبب برامج انا حاطها هلكفاله راح تفيدني
المهم توكلت على الله وشريت الجهاز
من ثاني يوم الجهاز يهنق معاي ويعلق ....سألت ربعي الي عندهم ايفون قالو عادي حتى حنا ساعات يعلق عندنا ..قلت مو مشكله والمشكله لاعلق لازم تحط اصبع على الدقمه الي فوق واصبع على الماوس الي تحت عشان يتسكر وتظل ظاغط عليهم لمده دقيقه وبايلله يطفي
تكررت المشكله كذا مره وقلت طاف
وبعدها بيومين بالظبط بدت معاي مشكله ثاني
كل ما اتصلت على احد او احد دق علي المكالمه ماتطول اكثر من دقيقه ويطلعلي تم ألغاء الاتصال وللأمانه سببتلي ازعااج واحراج مع كل شخص يتصل علي او اتصل عليه....نطرت عليها يوم ..يومين....ثلاث ..ماكو نفس المشكله اسكر الجهاز اشغله..ماكو فايده
المهم بعد ثلاث ايام من معانات للمشكله قلت خل اتوكل على الله واروح فرع هاتف 2000 واشرحله سالفه الاتصال الي مايطول اكثر من دقيقه وسالفه الجهاز لمن يعلق ويهنق
سلمته الجهاز وقالي خلال ثلاث ساعات وامورك طيبه قلت اكيد قالي اعتمد هذي مشكله سوفتير..قلت ماكو مشكله
جيته بعد ثلاث ساعات واستلمت التليفون
ونفسسسسسسسسسسسسس المشكله ماتغيرت ولا جنه مسويله شي
راجعته اليوم الثاني قلتله ياخوي شسالفه ترا امصخت السالفه كل شوي جايك على شان تليفون شوف شقصته....قالي مالك الا تروح فرع الصيانه الي بالضجيج....المهم رحتله وتوكلت على الله....دشيت عليهم شرحت لهم الموضوع ...قالو راح نسويله سوفت وير...قلت شحقه سوفت وير وانا امس مسويه قالو طيب خلنا نفحصه...المهم شالو خطي كانو يحسبون المشكله من خطي..مع العلم خطي وطنيه واهم خطهم زين يعني الاخطوط مختلفه...المهم جربو من خطهم وخلال دقيقه فصل...قال الموظف اكيد المشكله من النت وورك الي داخل الشبكه بالتليفون...قالو انت كفالتك سوفت وير !!! يعني مو هارد وير..؟قلت ياحبيبي انا شاري الجهاز عشان الكفاله شنو الي سوفت وير وهارد وير...قالي السوفت وير شغل برمجه ...والهارد وير الاعطال بالجهاز...! قلت انا اللحين دافع 195 على شان الكفاله ومحصله بالغانم من غير كفاله بـ180 وانت تقولي سوفت وير واذا صلحناه لازم انت تدفع فلووس...قلت ربي وربك واحد دينار ما ادفع ....والجهاز مايتبطل دامه الخطآ الي فيه مصنعي انتم تتحملون مسؤليته...قال حضرتك روح للمدير...كلمت المدير ونفس الحاله ...قلت ابي اكلم صاحب الشركه..قالي روح الفروانيه المجمع مقابل المطافي الدور الثاني...المهم يوم رحت وشرحتله المشكله نفس االحاله وكلامه نفس كلام المصري
اقترح علي اقتراح صاحب الشركه قالي انت خل الجهاز عندهم يسووله سوفت وير اكيد المشكله بالسوفت وير قللتله ياطويل العمر انا امس مسويله سوفت وير شلون اسويله اليوم..قال سوله وماعليك هذوول فنيين ويعرفون كل شي...قلت اسوويه بس مايبطل الجهاز...قال ماراح يبطله اصلا ومايبطله الا لمن يتصل عليك ...قلت شكثر يبيله..قال 24 ساعه قلت تم
رديت الضجيج وعطيتهم التليفون وقبل لا اطلع منهم قالي ترا احتمال تكون المشكله من داخل الجهاز قلت ماتبطل الجهاز من داخل ولا بره مابي وللا برغي يتبطل...قال طيب واذا نبي نبطله نتصل عليك...قلت لاتبطله ويلله مع السلامه
طافت 24 ساعه ومادقو.....طافت 48 ساعه ومادقو...قلت خل اروح اليوم بتاريخ 16-8-2010 المهم يوم رحت قلتله هاك الفاتوره قال الجهاز لسه ماخلص!!!..؟؟؟ قلت شلون ماخلص وانت تقول بس سوفت وير وبرمجه خلال 24 ساعه ...قال حضرتك الجهاز فاتحينه!!! قلت له شلون تفتحه قال استنى اشوفه المهم نطرته...قال ما افتحووه؟ قلت طيب جيبه..قال لسه ماخلص جهازك قلت مو سويتله سوفت وير وبرجمه ...قال اي...قلت طيب جيبه....جاب الجهاز ...كنت ناوي اروح الفروانيه حق صاحب الشركه....قلت قبل لا اروح بشيك على الجهاز...يوم شيكت ولا الصدممممممممممممممممممممممممه...الجهاز مبطل وبراغيه مو متسكره عدل !! واكلمهم وشلون تبطلون وانا قايلكم لاتبطلونه؟؟؟ الكل توهق ويجذب وماعرف شيقول وانا محذرهم ومكلم صاحب الشركه...حولوني على مدير الفرع دشيت عليه قلتله شنو هذا ..قال ده مش مقفوول عدل...قلت من سمح لكم تبطلون الجهاز وبأي حق تبطلونه...توهق وماعرف شيقول قال ماعرفش حنا مابطلناه واكيد انت الي مبطله....صراخ وشد وكلام قلت مالي الا صاحب الشركه
المهم رحت مكتبه وماحصلته قالولي يجي بكره الصبح خليتهم يتصلون عليه مايرد على اتصالاتهم قال تعال بكره وكلمه
الزبده الي بالموضوع....انه الجهاز صار مبطل وخربان وفيه عيب مصنعي...شلحل اللحين ووين ألجآ وهل راح يفيدوني حمايه المستهلك ولا لأ انا اللحين فلست من الجهاز ومن الفلوس يوم كلمتهم انهم يردونه مارضو قلت فيه عيب مصنعي مارضو يرجعونه قالو انت تصلح بفلوسك وانا حلفت دينار ما اقطه على الجهاز وفلوسي مو لاقيها بالشارع يوم اني اشتري جهاز جديد واهو ماطاح مني وولا فيه ولازلغه واخر شي يطلع خربان وفيه عيب مصنعي
واسمحوولي على الطواله بس والله من القهر الي فيني وان شاء الله بكره بروح حق صاحب الشركه ولو اني داري انه ماراح يرجعلي لافلوسي ولا يبدل التليفون
وانتم احكمو وعطوني رايكم
تحيآتي
مبارك عليكم الشهر وتقبل الله طاعتكم
ياجماعه انا حاب اطرح مشكلتي بهلموضوع
وبكتبها لكم بالتفصيل الممل واتمنى تحكمون وتعطون نصيحه
بتاريخ 7-8-2010 رحت هاتف 2000 قلت بشتري ايفون 8 قيقا قلت للبايع كم سعره قالي السعر 195قلت ليش غالي الله يهداك انا محصله بالغانم بـ180 وكنت حزتها راجع من الغانم وبفرفر على المحلات...قال اذا الجهاز فيه اي مشكله الغانم ماراح يرجعه لك وحنا راح نعطيك برامج وكفاله + برامج +كفر+ستيكر حمايه +كفاله سوفتوير ...قلتله والهارد وير قال دا الهارد وير حق الي جهازه يتكسر اكيد راح يصلحه بفلوسه يعني مالها داعي ودي الكفاله حق كل شي اهني الي فهمته اذا الجهاز ماطاح مني او بسبب اهمالي او بسبب برامج انا حاطها هلكفاله راح تفيدني
المهم توكلت على الله وشريت الجهاز
من ثاني يوم الجهاز يهنق معاي ويعلق ....سألت ربعي الي عندهم ايفون قالو عادي حتى حنا ساعات يعلق عندنا ..قلت مو مشكله والمشكله لاعلق لازم تحط اصبع على الدقمه الي فوق واصبع على الماوس الي تحت عشان يتسكر وتظل ظاغط عليهم لمده دقيقه وبايلله يطفي
تكررت المشكله كذا مره وقلت طاف
وبعدها بيومين بالظبط بدت معاي مشكله ثاني
كل ما اتصلت على احد او احد دق علي المكالمه ماتطول اكثر من دقيقه ويطلعلي تم ألغاء الاتصال وللأمانه سببتلي ازعااج واحراج مع كل شخص يتصل علي او اتصل عليه....نطرت عليها يوم ..يومين....ثلاث ..ماكو نفس المشكله اسكر الجهاز اشغله..ماكو فايده
المهم بعد ثلاث ايام من معانات للمشكله قلت خل اتوكل على الله واروح فرع هاتف 2000 واشرحله سالفه الاتصال الي مايطول اكثر من دقيقه وسالفه الجهاز لمن يعلق ويهنق
سلمته الجهاز وقالي خلال ثلاث ساعات وامورك طيبه قلت اكيد قالي اعتمد هذي مشكله سوفتير..قلت ماكو مشكله
جيته بعد ثلاث ساعات واستلمت التليفون
ونفسسسسسسسسسسسسس المشكله ماتغيرت ولا جنه مسويله شي
راجعته اليوم الثاني قلتله ياخوي شسالفه ترا امصخت السالفه كل شوي جايك على شان تليفون شوف شقصته....قالي مالك الا تروح فرع الصيانه الي بالضجيج....المهم رحتله وتوكلت على الله....دشيت عليهم شرحت لهم الموضوع ...قالو راح نسويله سوفت وير...قلت شحقه سوفت وير وانا امس مسويه قالو طيب خلنا نفحصه...المهم شالو خطي كانو يحسبون المشكله من خطي..مع العلم خطي وطنيه واهم خطهم زين يعني الاخطوط مختلفه...المهم جربو من خطهم وخلال دقيقه فصل...قال الموظف اكيد المشكله من النت وورك الي داخل الشبكه بالتليفون...قالو انت كفالتك سوفت وير !!! يعني مو هارد وير..؟قلت ياحبيبي انا شاري الجهاز عشان الكفاله شنو الي سوفت وير وهارد وير...قالي السوفت وير شغل برمجه ...والهارد وير الاعطال بالجهاز...! قلت انا اللحين دافع 195 على شان الكفاله ومحصله بالغانم من غير كفاله بـ180 وانت تقولي سوفت وير واذا صلحناه لازم انت تدفع فلووس...قلت ربي وربك واحد دينار ما ادفع ....والجهاز مايتبطل دامه الخطآ الي فيه مصنعي انتم تتحملون مسؤليته...قال حضرتك روح للمدير...كلمت المدير ونفس الحاله ...قلت ابي اكلم صاحب الشركه..قالي روح الفروانيه المجمع مقابل المطافي الدور الثاني...المهم يوم رحت وشرحتله المشكله نفس االحاله وكلامه نفس كلام المصري
اقترح علي اقتراح صاحب الشركه قالي انت خل الجهاز عندهم يسووله سوفت وير اكيد المشكله بالسوفت وير قللتله ياطويل العمر انا امس مسويله سوفت وير شلون اسويله اليوم..قال سوله وماعليك هذوول فنيين ويعرفون كل شي...قلت اسوويه بس مايبطل الجهاز...قال ماراح يبطله اصلا ومايبطله الا لمن يتصل عليك ...قلت شكثر يبيله..قال 24 ساعه قلت تم
رديت الضجيج وعطيتهم التليفون وقبل لا اطلع منهم قالي ترا احتمال تكون المشكله من داخل الجهاز قلت ماتبطل الجهاز من داخل ولا بره مابي وللا برغي يتبطل...قال طيب واذا نبي نبطله نتصل عليك...قلت لاتبطله ويلله مع السلامه
طافت 24 ساعه ومادقو.....طافت 48 ساعه ومادقو...قلت خل اروح اليوم بتاريخ 16-8-2010 المهم يوم رحت قلتله هاك الفاتوره قال الجهاز لسه ماخلص!!!..؟؟؟ قلت شلون ماخلص وانت تقول بس سوفت وير وبرمجه خلال 24 ساعه ...قال حضرتك الجهاز فاتحينه!!! قلت له شلون تفتحه قال استنى اشوفه المهم نطرته...قال ما افتحووه؟ قلت طيب جيبه..قال لسه ماخلص جهازك قلت مو سويتله سوفت وير وبرجمه ...قال اي...قلت طيب جيبه....جاب الجهاز ...كنت ناوي اروح الفروانيه حق صاحب الشركه....قلت قبل لا اروح بشيك على الجهاز...يوم شيكت ولا الصدممممممممممممممممممممممممه...الجهاز مبطل وبراغيه مو متسكره عدل !! واكلمهم وشلون تبطلون وانا قايلكم لاتبطلونه؟؟؟ الكل توهق ويجذب وماعرف شيقول وانا محذرهم ومكلم صاحب الشركه...حولوني على مدير الفرع دشيت عليه قلتله شنو هذا ..قال ده مش مقفوول عدل...قلت من سمح لكم تبطلون الجهاز وبأي حق تبطلونه...توهق وماعرف شيقول قال ماعرفش حنا مابطلناه واكيد انت الي مبطله....صراخ وشد وكلام قلت مالي الا صاحب الشركه
المهم رحت مكتبه وماحصلته قالولي يجي بكره الصبح خليتهم يتصلون عليه مايرد على اتصالاتهم قال تعال بكره وكلمه
الزبده الي بالموضوع....انه الجهاز صار مبطل وخربان وفيه عيب مصنعي...شلحل اللحين ووين ألجآ وهل راح يفيدوني حمايه المستهلك ولا لأ انا اللحين فلست من الجهاز ومن الفلوس يوم كلمتهم انهم يردونه مارضو قلت فيه عيب مصنعي مارضو يرجعونه قالو انت تصلح بفلوسك وانا حلفت دينار ما اقطه على الجهاز وفلوسي مو لاقيها بالشارع يوم اني اشتري جهاز جديد واهو ماطاح مني وولا فيه ولازلغه واخر شي يطلع خربان وفيه عيب مصنعي
واسمحوولي على الطواله بس والله من القهر الي فيني وان شاء الله بكره بروح حق صاحب الشركه ولو اني داري انه ماراح يرجعلي لافلوسي ولا يبدل التليفون
وانتم احكمو وعطوني رايكم
تحيآتي