هاتف 2000...!!! حيآكم الكل يدش للظروره

[husain_q8]

حمايه المستهلك ويردون لك فلوسك بالكامل لاتحاتي
لان ان رفظوا رد البيزات راح يرفعون عليهم قضيه
والشركه ماتحب تخسر سمعهتها عشان جهاز واحد فقط
روح لاتتاخر بس

 

[sound blaster]

دامك قاعد تتعامل مع مصاروه .. تعال قابلني اذا طلعت بحق .. يبه هذول النصب يمشي بدمهم

وربي اني انقهرت .. مع إني مو راعي الجهاز .. حسبي الله عليهم

 

[Jasim]

السلام عليكم
اخوي الله يعينك بس اسمع الحق ولاتزعل
الجهاز انت شاريه بدون كفاله ومالك عليهم حق ان شاء الله لو انك توك شاريه و اول ماتطلع من المحل يخرب الهارد وير مالك حق عليهم دام الكفاله على السوفتوير بس وانت موافق من البدايه سوولك ريستور وبرو ذمتهم يا انك تصلحه بفلوس او انك تخلي جهاز مثل ما اهو او انك تكلمهم يمكن طيب من عندهم يصلحونه بلاش او يبدلونه لك مو غصب
وهذا الحق والحق ماينزعل منه
انا شاري ابفوني ب 300 دينار من الغانم قبل و 16 جيجا بعد اول ايامه طبعا وموقع على الفاتوره انه بدون كفاله يعني لو يخرب ماردلهم حتى لو من اول يوم دامك قبلت ودفعت خلاص تحمل
اما سالفت يبطلون الجهاز هذي مالهم حق ابدااا
وانا والله مالي علاقه فيهم ولكن هذا الحق
والله يعينك ويعوضك ان شاء الله
تقبل مروري

 

[الحريه وطن]

نصبو علي قبلك

ولاحصلت من وراهم الا الغثاء

 

[zar]

السلام عليكم جميعا
ابوغلا الله يعينك حماية المستهلك اللي بالفروانيه ومسئولهم ربع صاحب الشركه ومسئولهم من نفس قبيلة صاحب الشركه والعلاقه قويه جدا راح ياكلونك انا ادري روح شوفلك احد يمون على راعي الشركه ترا يوجب ربعه الخاصين والله يعينك وانشاءالله ينتهي موضوعك على خير
وبالتوفيق انشاءالله

 

[جرح الكويت]

السلام عليكم جميعا
ابوغلا الله يعينك حماية المستهلك اللي بالفروانيه ومسئولهم ربع صاحب الشركه ومسئولهم من نفس قبيلة صاحب الشركه والعلاقه قويه جدا راح ياكلونك انا ادري روح شوفلك احد يمون على راعي الشركه ترا يوجب ربعه الخاصين والله يعينك وانشاءالله ينتهي موضوعك على خير
وبالتوفيق انشاءالله

نفس الكلام بس مع إزالة جملة (( ترا يوجب ربعه الخاصين )) :d

الله يعينك

 

[آبوغلا]

شاكر لكم تفاعلكم بالموضوع
وتقبل الله صيامكم وقيامكم
وانا موعدي الساعه 10 ونص
وبخصوص الكلام الي تم تداوله بين الاخوان بخصوص حمآيه المستهلك
اذا طلع كلآمكم صح بهلحآله اقدر اروح حمايه مستهلك تبع لمحافضه ثانيه ولأ لأ
وللأمانه انا ما اشكك بحمايه المستهلك ولا شي واعتقد انهم جهه محايده
وان شاء الله ينصفوني اليوم
واذا مالقيت اي فايده والسالفه فيها خلط اوراق
بروح مخفر الفروآنيه واقدم شكوى

 

[ذباح النوق]

بشر يابوغلا القوات كلها جاهزه للتحرك والمسانده

وقوات المؤشر نت الخاصة وكتيبة الاقتحام ​

 

[هامور 2000]

انا شريت كمام للأقتحام على هاتف 2000

 

[آبوغلا]

هههههههههههههه
ماتقصرون وبيض الله وجيهكم
ورحت وقدمت الشكوى وللأمانه المسؤل بحمايه المستهلك بقمه في الشفافيه والأخلآق وجميع الموظفيين
اسمعو رآيي ورآي مدير الشركه ووقفو معاي بالحق طبعآ وقالولي تعال بعد شهر اذا محد اتصل عليك
وراح تتحول وزاره التجاره واهناك يحولونها النيآبه بأذن الله
تحيآتي لكم وشاكر لكم مشاركتكم

 

[Bo-SaNaD]

ياخوي شلك بعوار الراس خلها دفعه بلا عنك وعن اهلك ووكل الله فيها شلك بالطلايب

 

[راعي المرسدس]

لا يخوي كمل وعلمنا بالتطورات
انا كنت باخذ جهاز من عندهم بس بعد كلامك غيرت راي

 

[ابو رجا]

هاتف 2000 كل التلفونات اللي عنده تجميع الامارات النوكيا والايفون ومحد شرا منهم جهاز ومدحه

اللي يبي ايفون من يوريكا او الغانم صحيح بدون كفاله بس اصلي

قاطعو هاتف 2000 عشان يحسون باللي قاعد يسوونه مع الناس

 

[آبوغلا]

ياخوي شلك بعوار الراس خلها دفعه بلا عنك وعن اهلك ووكل الله فيها شلك بالطلايب

ليش عوار راس وطلايب
بالعكس انا جذي مرتاح اللحين والفلوس مو لاقيها بالشارع ولا اهم بيت الزكاه عشان اتصدق لهم
والساكت عن الحق شيطآن اخرس
شاكرلك على المرور ولاهنت
تحيآتي لك

 

[آبوغلا]

ماقصرتو يا اخوان وان شاء الله بعلمكم اول بأول
وصح كلامك اخوي امس مدير الشركه يقول التليفونات نجيبها من الامارات ونبيعها ويقول مافيها شي الاجهزه واصليه <<على كلامه
شاكرلكم مروركم وتحيآتي لكم

 

[mm7]

تقبل الله طاعتكم

اخوي دش على موقعنا مؤشر نت فوق ((آخــر الأسـعــار والــعـروض عــلـى جـمـيـع الـهـواتــف الـنـقـالـة )) تلاقي اعلان هاتف 2000 لاجهزة الايفون ومكتوب عليه كفالة سنه صوره وخذه معاك يمكن يفيدك ويبين تلاعبهم
وتقبل تحياتي

 

[nokia*nokia]

الله بالخير يا أخوان

بخصوص شراء الجهاز في شركه وأتوقع اهي الوحيده بالكويت تكفل الآيفون

(( هاردوير + سوفت وير = سنة ))

وشرط فاتوره مع ورقة الكفاله + سيريل نمبر الجهاز

لكن : الجهاز يفرق عن السوق بحدود 20 دينار زياده

يعني اذا الجهاز بدون كفاله تاخذه بـ 200 دك ، ماراح تفرق معاكم 20 دك تزيدها وتاخذ كفاله

سنة شاملة الجهاز كله .

وعلى فكره الجهاز مفتوح رسمي على كل شبكات العالم وهالشيئ لازم تكون عندك معلومه ومعرفه بالأكواد المفتوحه رسمي و المقفله .

وهذي صورة الكفاله وانا بنفسي مسحت آخر أرقام للخصوصيه :

وهذي الصورة توضح لكم مكان الكود :

وأخيرا : لاتشتري شي إلا اذا كان مكفول أو عالأقل تشتري من مصدر موثوق فيه
وبالخليج عموما لاتوجد ثقه نهائيا إلا بوجود الكفاله .

وأي شيئ يخص الآيفون وحاب يستفسر انا حاضر

وتحياتي لكم ...... موفقين بإذن الله​

 

[بـــــوبدر]

امس كنت ادور ايفون 4 وبالصدفه دخلت علي محل بالفراونية يبيع الايفون 4 بسعر 325 دينار كفالة 3 اشهر سالته كفالة شنو قال هاتف 2000 قلت له لو تعطيني الجهاز ب100 دينار ماخذيته منك لان سمعتكم صارت بالحضيض وقلت لهم الي صار مع اخونا ((ابو غلا)) .
ولما افتريت اكثر حصلت الجهاز ارخص منهم لاكن بدون كفاله والدفعه الثانية بدون مشاكل علي قولت صاحب المحل .

اخوي ابو غلا علمنا بجميع التطورات شنو يصير معاك ............. بالتوفيق

 

[STU]

ياجماعه قبل جم يوم في واحد عنده جهاز ومسبب مشكله واهم يقولوله احنا نصلحه واهو يقول تبديل ويوم سالت شنو مشكلته قالولي انه جهازه يفصل ما يطول بالمكالمه طبعا جهازه اي فون وكفالة الفين
مع ان جهازي هاتف الفين ما شكيت منه شاريه من زمان بس هم هاتف الفين تشتشري وتحط ايدك على قلبلك

 

[آبوغلا]

ماقصرتو على المشاركه وشاكر مروركم
تحيآتي لكم