سؤال عن كيفية ضمان الحق

الموضوع في 'اعلانات المركبات' بواسطة look4lands, بتاريخ ‏17 أغسطس 2010.

حالة الموضوع:
مغلق
  1. look4lands

    look4lands عضو جديد

    التسجيل:
    ‏17 أكتوبر 2009
    المشاركات:
    99
    عدد الإعجابات:
    0
    السلام عليكم ،،،

    عندي سؤال أوجه للأعضاء الكرام في المنتدى ، كيف تضمن حقك لما تبيع سيارتك ، أقصد من ناحية استلام الفلوس ، اذا كان الدفع كاش عادة يستلم البائع الفلوس قبل التحويل أو بعد التحويل أو عند التحويل؟

    اشلون تضمن حقك و المشتري يضمن حقه؟

    أتمنى تجاوبوني لأني راح أبيع سيارتي إن شاء الله عن قريب بس ماني عارف آلية الصفقة ، أنا متعود أثمن عند الوكالة بس هالمرة غير
     
  2. anonymes

    anonymes عضو نشط

    التسجيل:
    ‏31 أغسطس 2005
    المشاركات:
    259
    عدد الإعجابات:
    0
    مكان الإقامة:
    الكويت
    عادي الموضوع إستلم فلوسك في مبنى المرور قبل التحويل عشان ما يسويلك ما عندي فلوس بعد التحويل (انا عن نفسي في واحد الله يسامحه بعد ما اتفقت وياه عالسعر وحولنا السيارة قال ناقصتني 200 دك)
     
  3. snouman

    snouman عضو نشط

    التسجيل:
    ‏26 يوليو 2008
    المشاركات:
    263
    عدد الإعجابات:
    0
    لو منو ما كان يالغالي لا توقع على أي ورقة قبل ما تستلم فلوسك بالكامل

    عمليات النصب كثيرة و كلها من هالشريطية

    بيقولك سعر و تتفاجئ يطلع لك 100 علة بسيارتك تحس انك راكب سكراب

    خلك ثابت على أول سعر بينكم و صدقني راح يلتمون عليك 5 أو 6 يبونك تنزل من السعر

    نصحيتي لك اول شي يلغة ان التحويل على الشاري و انك ما راح توقع قبل ما تستلم فلوسك

    بالتوفيق يالغالي
     
  4. mrhbaa

    mrhbaa عضو نشط

    التسجيل:
    ‏2 فبراير 2009
    المشاركات:
    195
    عدد الإعجابات:
    0
    مكان الإقامة:
    kuwait
    السلام عليكم

    اخوي الموضوع هذا وايد مهم وحساس ابنفس الوقت
    اول شي لا تنعدم ثقتك بالناس ابد وخلك على سجيتك سجية الكويتيين الطيبين وخل اتكالك على الله ابكل امورك
    مثلا انا ما استلمت ابدا سعر سيارة قبل ما احولها ابحياتي واغلب اعضاء المنتدى يوافقوني هالراي على الرغم اذا جيت للحق فعلي ماهو مضبوط مثل ما تفضلوا الاخوان بالسابق المفروض تستلم وتحول
    بس يعتمد الموضوع على عدة نقاط
    1-مبلغ السيارة كبير ولا صغير
    2- وجه اللي بتحول له السيارة مرتاح له ولا لأ
    3-خبرتك بالحياة وتصفحك ابجنسياتهم وطريقة كلامهم اسلوب تعاملهم
    بس بشكل عام والله الشريطي او غيرة تلقاه بالذات بفلوس السيارة يخاف يسلمك الفلوس لانه يدري انه دعوة المظلوم ولو كافر مستجابة يخاف اول شي انه يتعلق بالمستشفى قبل مخافته من الله صدقني او اذا شريطي مايتوفق فيها ولا اتعله عل ابخراباتها ويطول شرح هالموضوع ابصفحات لو بعلل
    ((بختصار الموضوع مو هين انه ينصب عليك ابمبلغ سيارة لانه يخاااااف))
     
  5. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    أخوي لا وَرقه ولا يَحزنون

    قبل التَحويل كلم الظَابط قُوله ببيع سيارتي وبنترك المَبلغ عندك لما نحوّل .. وآخذهم منّك ...

    إذا المُشتري مارضى على العَرض أعرف أنه مومَظبوط...

    وهل يُومين في خوش عصابة بالنّصب بالسيّارات .. فلوس التّحويل تلقاها موعنده ..حتى فلوس السياره مو عنده ..ومن تحوّل السيّاره ..يمسح رقم تلفونك ..ويسحب عليك سحبة قهر ..

    وتعال شُوف من يّرد لك سيارتك ...!
     
  6. Kaubar

    Kaubar عضو نشط

    التسجيل:
    ‏24 أكتوبر 2009
    المشاركات:
    258
    عدد الإعجابات:
    3
    القانون لا يحمي المغفلين (عذرا)

    قاعده ذهبيه الكل ينساها بسبب النوايا الحسنه

    العقود شريعة المتعاقدين

    اذا بعت اذا شريت لازم عقد وبعد البيعه يأتي أبراء الذمه

    يعني خلف العقد تكتب اذا انت شاري انك سلمت المبلغ بالكامل الى البائع

    لأنه ممكن يرفع عليك قضيه لأنه لم يستلم المبلغ

    وأذا انت بائع لا تسلمه دفتر السياره ألا اذا سلمك الفلوس والله يعينك اذا طلعوا من هذولا

    اللي بعد التحويل يقولك فلوسي ناقصه
     
  7. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي


    كلام جميل .
     
  8. خالد32

    خالد32 عضو نشط

    التسجيل:
    ‏15 أكتوبر 2009
    المشاركات:
    358
    عدد الإعجابات:
    0
    يااخوان اذكرو الله ماوصلنا للمرحله هذي الحمدلله الثقه لازالت موجوده ولايقدر اصلاً يبوقك ولاانت ساكتله بياخذ السياره بتهدم وجهه قبل لايطلع من المرور شالسالفه الامان والثقه لازالت موجوده وعند الاغلبيه ان لم نقل الكل والعمليه بسيطه تروح معاه المرور فلوسه معاه وسيارتك معاك طلع اوراق التامين وحوله وقبل يستلم الدفتر يعطيك فلوسك وانتهى الموضوع قالك ماعندي اوبعدين انتو فيها للحين بالمرور ردها باسمك واتفل بوجهه جدام العالم وامشش وياما حولنا سيارات اسعارها فوق 14 الف وتكون واقفه عند بيتهم وعطونا فلوسنا بدون جدال
     
  9. ابو الجوري1

    ابو الجوري1 عضو جديد

    التسجيل:
    ‏12 سبتمبر 2009
    المشاركات:
    293
    عدد الإعجابات:
    0
    سلام عليكم ياااااشبااااب والله جدام عيني صار الموقف هاذا واحد حول السياره وطرف اثاني ماعطاه افلوسه ولا اسياره صارت بسمه المفروض قبل لا تحول اسياره بسم الشاري انت صير ذكي قول الفلوس معاك ولا لأ اذا قال بسياره قوله اخوي لو سمحة جيبهم وعدهم واذا كاملين حول اسياره والفلوس معاك اوكي والله صارة مذبحه جدام المروور العاصمه وطلع المودير وقال تهاوشو براء مو اهنيه يقولك(القانووون مايحمل المقفلين ) لاحد يزعل ياشباب والله الي يبي يشتري يكون افلوسه معاه ويعدهم اطرف البايع وبعدين يحول اسياره بسم شاري اوكي ومع اسلامه
     
  10. سهم استراتيجى

    سهم استراتيجى عضو جديد

    التسجيل:
    ‏19 فبراير 2006
    المشاركات:
    827
    عدد الإعجابات:
    0
    اخوي القانون لايحمي المغفلين

    انتبة!!!

    اذا بعت سيارتك شوف اسم الشراي من بطاقتة كامل هل هو نفس الشخص اللي فاوضك بالشراء شخصيا هو اللي يمشي وياك للتحويل يعني مويشتري منك واحد ويقولك حولة باسم هالبطاقة واخلية يحضر بالمرور دربالك اذا مو هو لايحوشك قلة فلوسي قبل لااحول بالتامين فمابالك بالمرور .

    وخذ وياك عجرة سبحان الله يخون ولا شيء واذا فية امكانية حضر اخوانك وربعك لازم يكون عددهم على كثر العشرينات اللي بتاخذها كل واحد يمسك عشرين دينار من قيمة السيارة ولانك تعرف جم بعت سيارتك راح تحضر كثرهم من ربعك وجماعتك وتوزع عليهم كل واحد عشرين ولمايخلصون الفلوس تصوت هل فية احد مااخذ عشرين اذا جاوبك احد بنعم اعرف ان الشراي حرامي ونقص عليك واذا محد قال نعم يعني كلهم خذو ا بجذي تكون طقيت عصفورين بحجر عديت فلوسك وخرعت المشتري حتى مايفكر يلعب منية او مناك واذا بتبيع سيارة غالية فوق 10 الاف ماتنفعك هالطريقة لان لازمك قبيلة كاملة على شان تعد فلوسك هههههه!!!!

    الفقرة الاولى احرص عليها والفقرة الثانية فكاهة !!!!
     
  11. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    نصيحة ،،، أفضل توقيت لأستلام الفلوس عند التحويل لما يقول لك انتظر 5 دقايق علشان نطبع الدفتر بالخمس دقايق تقعد تعد الفلوس على راحتك و الأفضل شيك مصدق ،،، للعلم آنا مرة عارض سيارة للبيع ب q8 car و الا يدق علي سعودي و قال لي شريت السيارة على كلامك بدون فحص بس شرط تبعثها لي على الحدود ،،، طبعا آنا فحصتها له عند الرمال الذهبية عن الحلال و الحرام ودزيتله صورة الفحص عالأيميل ،،، تصدقون 3 يوم و الا الفلوس بحسابي و آنا حتى السيارة ما جمركتها ،،، بعد يومين تواعدنا عند حدود السالمي و سلمته السيارة ،،،
     
  12. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    ا


    لاويقُولون الدّنيا بَخير .. وإذا ماعطاك الفلوس كسّر وجهه .. بَعرف بعد تكسير وجهه وين أصرفه بأي بنك هذا إذا ماطلعت أنا الغلطان والحق معاه ..

    يَجماعه .. أحنا نتكلّم على شَخص ما نَعرفه ..لكن إذا كان شَخص ثقه عَطه وأنت مغمّض...أنا والله أبوعلي حولت له الفين دينار مقدم سيّاره ..

    قبل لا أشوفه لا وقبل لا أستلم حتى العقد ..وكان الكلام بيننا بس عل تلفون ...يعني في ناس ثقه وفيها خير

    .. وفي خمّه حشاكم هذول ما يرتاح إذا ما نصب على ثلاث أربع ..يعني كلامنا على شلّة حسب الله ..
     
  13. MOHAMMED11

    MOHAMMED11 عضو جديد

    التسجيل:
    ‏24 يوليو 2006
    المشاركات:
    3,046
    عدد الإعجابات:
    1
    مكان الإقامة:
    قلب امــــي
    اخوي اسمح لي اعارضك وانا هنيه ماادافع عن الشريطية ، عن اي شخص يشتري سياره . ولاينفهم كلامي اني اذم الشريطي . الشريطية حالهم حال الناس الباقين فيهم اللي يحلل ويحرم وفيهم اللي مايهمه رزقه من وين يجي اهم شي يزيد الرصيد .. لكن حاب اعلق على جزئية من كلامك

    انت تقول يطلع لك 100 عيب بالسياره ويقولك نزلي من سعرها

    انا اقولك معاه حق يقولك نزلي من السعر .. يعني تخيل انا اشتري منك سياره وادفع عربون وفلوس الدلال والفحص . وبعد الفحص تطلع السياره فيها تهريب
    زيوت . او صوت هنيه ولا هنيه .المهم يطلع خرابات .. اكيد بقولك نزلي من السعر لاني راح اصلح السياره . انت قلت لي شرط الفحص وبعد الفحص طلع بالسياره عيوب .. من باب الذوق انك تنزل من سعرها وتراعيني . والشي الاخير انت بتكون عرفت كل عيوب السياره بعد الفحص . يعني حتى لو لغيت البيعه . وحبيت تبيعها على شخص ثاني انت ملزم شرعا انك تقوله عيوب السياره اللي اطلعت واكيد راح يايستكثر سعرها ان كان سعرها سعر النظيف او يسومها بأقل من سعرها

    اما لو كانت السياره بعد الفحص مافيها شي ، خلاص السعر المتفق عليه اهو اللي يمشي ومالي حق اقولك نزل لي من السعر
     
  14. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    الموضوع جدا بسيط

    جيب معاك 2 شهود خلهم يشهدون على البيعة .

    واذا فيه خير .... خله يخون .......بكل بساطة هذي الطريقة الأضمن في البيع والشراء......


    لكن ابشركم ....لازالت الدنيا بخيييييييييييييييييييييييييييييييييييييييييير
     
  15. Bo-SaNaD

    Bo-SaNaD عضو نشط

    التسجيل:
    ‏23 أغسطس 2007
    المشاركات:
    414
    عدد الإعجابات:
    0
    مكان الإقامة:
    الكويت
    يا اخوان والله الدنيا بخير ليلحين وحتى لو قص عليك الشاري وماعطاك الفلوس راح تصير عليه نار في بيته وبين عياله هل يسوون عيالك قيمه سياره لا حول ولا قوه الا بالله

    بس في طريقه اغلب الناس تجهلها .....

    روح عند الموظف الموكل بتحويل الدفتر وقوله انا بايع سيارتي على هذا الشخص ومتفقين على الملبغ الفلاني خلك شاهد على البيعه وفي حال انه ماسلمني المبلغ جدامك الموظف هذا دايركت يرد السياره بأسمك سهله مايبيلها شي واذا الموظف مارضى روح للمسؤل وقوله نفس الحجي راح يرضى

    سلامي للجميع
     
  16. look4lands

    look4lands عضو جديد

    التسجيل:
    ‏17 أكتوبر 2009
    المشاركات:
    99
    عدد الإعجابات:
    0
    الله يعطيكم العافية على الردود ، و الله وضحتوا الصورة

    أعتقد إن العملية غير منظمة و للأسف ، في إحراج للبائع اذا تعامل على أساس عدم الثقة و في مخاطرة اذا تعامل على أساس الثقة

    بعد التمعن في أجوبتكم أعتقد ان الدفع المسبق مع عقد بيع للطرفين مع إيصال استلام من البائع للمشتري أفضل حل ، و أعتقد إن عقد البيع لازم يذكر نوع السيارة و رقم الشاصي و طريقة التسليم (الدفع قبل التحويل) ، و يذكر من عليه رسوم التحويل و الفحص و شروط فسخ البيعة.

    بهذي الطريقة ضمنت حق الطرفين ، و لا بعد ما تتحول السيارة اعتقد إن ما في أي حق قانوني للبائع على السيارة و لا دليل بعدم استلام المبلغ من المشتري ، فلازم يتم الدفع قبل التجويل كما هو الحال عند الوكالات ، عدل؟
     
  17. Anas7

    Anas7 عضو جديد

    التسجيل:
    ‏30 ابريل 2008
    المشاركات:
    24
    عدد الإعجابات:
    0

    الموضوع فعلا مو سهل و الكل اخذها من طرف انه هو الي يبيع السيارة طيب لو الواحد كان هو الي يشتري وعطى راعي السيارة فلوسه و راحوا للمرور مشان تحويل السيارة وما رضي يحولها لك شنو راح يصير بهل الحالة ومافي شي يثبت انك سلمته الفلوس. ونفس الشي القانون لايحمي المغفلين لانه انت الي عطيته الفلوس بايدك.

    اعتقد لازم يكون في اجراء معين بالمرور مشان حل هل المشكلة. ​
     
  18. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    يُرفع للفائده

    لعلّ وعسى أن يوجد غطاء قانوني يُخرج كلا الطّرفين من الإحراج النّاتج عن عدم الثقه بالطرف الآخر
     
حالة الموضوع:
مغلق