أستفسار عن حملات الحج وأسعارهم لعام 2010

[4 Ever Kuwait]

نشكر الأخ العاشق على المعلومات القيمه
لحملات المملكه العربيه السعوديه الشقيقه
والله يجزاك خير وتقبل الله طاعتك
وإذا عندك معلومات جديده اخوي العاشق لاتقصر على ربعنا بالمنتدى
والف شكر لك ....

 

[عكس السير]

وعليكم السلام ورحمة الله وبركاته
علينا وعليك يتبارك ومنا ومنك صالح الأعمال أن شاءالله
وحياك الله اخوي عكس السير والف شكر على المعلومات الطيبه
والله يجزاك خير ويتقبل منك ان شاءالله سعرها حلو جداً وشنو ناوي تلتحق فيهم سياره ولا ؟ .......

يامرحبا حياك الله ابوي

اي والله حجزت وياالرجال وبأذن لله خلصت منه والحين قاعد ادور حجز طياره بس اتأكد من التاريخ بالضبط وحجز وقولكم انشالله عن الحجز الطياران

 

[4 Ever Kuwait]

يامرحبا حياك الله ابوي

اي والله حجزت وياالرجال وبأذن لله خلصت منه والحين قاعد ادور حجز طياره بس اتأكد من التاريخ بالضبط وحجز وقولكم انشالله عن الحجز الطياران

حياك الله أخوي عكس السير
طريقه ممتازه وغير مكلفه
ونحن بالأنتظار وعسى الله يوفقك ...

 

[4 Ever Kuwait]

يعطيكم العافيه ياجماعه
في بعض الحملات سكرو باب التسجيل
لكتفائهم بالعدد المطلوب
والي بيحجز للحج خل يلحق ويعطيهم عربون على الأقل
ويعطيكم العافيه ...

 

[ما شاء الله]

تدرون ليش الاسعار غااااااااااااااااااااااااااليه
1- الاصراف في البوفيهات والمبالغه فيها من لحوم الغزلان والارانب وبوفيهات الايس كريم
2- الهدايا الى مالها معنا مثل الشنط وشرائح التلفون ..... الخ

 

[العاشق]

تدرون ليش الاسعار غااااااااااااااااااااااااااليه
1- الاصراف في البوفيهات والمبالغه فيها من لحوم الغزلان والارانب وبوفيهات الايس كريم
2- الهدايا الى مالها معنا مثل الشنط وشرائح التلفون ..... الخ

والله وأنا اخوك موهذا السبب

السبب الطمع بالربح والمبالغه فيه ::verymad::

انا حاج العام مع حمله الحمد لله محد ذكرها من الشباب السعر غالي

وبوفيهم طحت عليهم يطبخونه بالحوش والمطر ينقط فيه
وبوفيهم يفشل قزرناها مطاعم واذا تعابا ننام على جوعنا

المبالغه بالسعر مودايم لها علاقه بالخدمه للأسف

الواحد لو يشوف خدمه تسواااا نظير فلوسه اللي دافعهم جان عادي الواحد
مايهتم بس القهر انك تدفع مبلغ وقدره والخدمه زباله للأسف

ويستقلون سالفه ان الواحد حاج يدور الاجر ماله خلق الهواش والطلايب
ويبلع أخطائهم اللي ماترقع

للأسف والله بعض الاخطاء تخرب حجتك سوا بالمناسك او الايمانيات المطلوبه للحج وخصوصيته​

 

[العاشق]

نشكر الأخ العاشق على المعلومات القيمه
لحملات المملكه العربيه السعوديه الشقيقه
والله يجزاك خير وتقبل الله طاعتك
وإذا عندك معلومات جديده اخوي العاشق لاتقصر على ربعنا بالمنتدى
والف شكر لك ....

أخوي حصلة حمله حيل يمدحونها والسعر مناسب

بس حاولت اتصل عليهم مايردون ابي اكثر تفاصيل ماردو اللي مهتم

هذا رقمهم 00966553338804

حملة الفرقان بالقصيم

لواحد من عائلة المزيني​

 

[4 Ever Kuwait]

والله وأنا اخوك موهذا السبب

السبب الطمع بالربح والمبالغه فيه ::verymad::

انا حاج العام مع حمله الحمد لله محد ذكرها من الشباب السعر غالي

وبوفيهم طحت عليهم يطبخونه بالحوش والمطر ينقط فيه
وبوفيهم يفشل قزرناها مطاعم واذا تعابا ننام على جوعنا

المبالغه بالسعر مودايم لها علاقه بالخدمه للأسف

الواحد لو يشوف خدمه تسواااا نظير فلوسه اللي دافعهم جان عادي الواحد
مايهتم بس القهر انك تدفع مبلغ وقدره والخدمه زباله للأسف

ويستقلون سالفه ان الواحد حاج يدور الاجر ماله خلق الهواش والطلايب
ويبلع أخطائهم اللي ماترقع

للأسف والله بعض الاخطاء تخرب حجتك سوا بالمناسك او الايمانيات المطلوبه للحج وخصوصيته​

صحيح كلامك اخي العاشق وانا سمعت عن حمله معروفه
واعلاناتها قويه جداً وأسعارها غاليه في أحد المنتديات يتشكى شخص بسبب المواد الغذائيه وهذا كلامه ناسخه لك ..


انا حجيت بحملة (=====) قبل كم سنة و أظن 1100 دينار

أنصح الجميع بعدم الحج فيها ،،،

والسبب البخل ،،،

حتى الأكل نشتريه من البقلات

هذي المشكله أكثر الأشخاص يتشكون منها ...

 

[4 Ever Kuwait]

أخوي حصلة حمله حيل يمدحونها والسعر مناسب

بس حاولت اتصل عليهم مايردون ابي اكثر تفاصيل ماردو اللي مهتم

هذا رقمهم 00966553338804

حملة الفرقان بالقصيم

لواحد من عائلة المزيني​

الله يعطيك العافيه اخوي العاشق وجزاك الله خير وانا كذالك
أتصلت عليهم مايردون وأن شاءالله أذا ردو اجيبلكم كل
المعلومات عن الحمله ولاخلاولاعدم يالعاشق والله لايحرمنا من جديدك ...

 

[ابوالنمر]

السلام عليكم

الله يجزاكم خير على فتح الموضوع ...

وانا عن تجربتي كانت مع حملة (( الوسام )) بصراحة احلى مافي الحملة الاداريين واصحاب الحملة

نفوسهم حلوة وياخذون ويعطون معاك .. ويتعبون تعب مو طبيعي .. طبعا كانت حجة 2004

بس مستوى اقدر اعطيهم 60%

الأكل بوقته ريوق-غداء-عشاء .. الغرفة كان وياي 7 اشخاص وكل دور فيه شاي وحليب وماي
والشورما تشتغل قدام العمارة من بعد العصر لين يخلص تقريبا سيخين ..((لاتشوف الزحمة حتى الي مو من الحملة ياخذ - الله يجزاهم خير))
ولآيس كريم الثلاجة اذا فضت اترسوها <----(( طايحله بريد رايح جاي ))..

والباصات شغالة رايحة جايه في كل حزة .. وحتى اذا طافتك طلبولك تكسي ودفعو عنك ..
وعندهم صندوق امانات علشان تحفظ افلوسك الكاش .. ((يعني بالعربي كي نت ناطق- الله يذكره بالخير ابوعنتر)).

وخيام منى اعطيهم عليها 40% ..

واخير شيء ... بيض الله وجيهم معانا سنة 2004 .. وكان سعرهم 590 دينار شامل تذاكر الطيران.

 

[mrasm]

افضل حمله في الكويت ولعدة سنوات هي حملة الكندري

صحيح غاليه شوي لكن خدمات ممتازه , يكفي سرايرهم في منى

موقعهم

 

[4 Ever Kuwait]

السلام عليكم

الله يجزاكم خير على فتح الموضوع ...

وانا عن تجربتي كانت مع حملة (( الوسام )) بصراحة احلى مافي الحملة الاداريين واصحاب الحملة

نفوسهم حلوة وياخذون ويعطون معاك .. ويتعبون تعب مو طبيعي .. طبعا كانت حجة 2004

بس مستوى اقدر اعطيهم 60%

الأكل بوقته ريوق-غداء-عشاء .. الغرفة كان وياي 7 اشخاص وكل دور فيه شاي وحليب وماي
والشورما تشتغل قدام العمارة من بعد العصر لين يخلص تقريبا سيخين ..((لاتشوف الزحمة حتى الي مو من الحملة ياخذ - الله يجزاهم خير))
ولآيس كريم الثلاجة اذا فضت اترسوها <----(( طايحله بريد رايح جاي ))..

والباصات شغالة رايحة جايه في كل حزة .. وحتى اذا طافتك طلبولك تكسي ودفعو عنك ..
وعندهم صندوق امانات علشان تحفظ افلوسك الكاش .. ((يعني بالعربي كي نت ناطق- الله يذكره بالخير ابوعنتر)).

وخيام منى اعطيهم عليها 40% ..

واخير شيء ... بيض الله وجيهم معانا سنة 2004 .. وكان سعرهم 590 دينار شامل تذاكر الطيران.

وعليكم السلام ورحمة الله وبركاته
حياك الله اخوي ابوالنمر وجزاك الله خير
عاد هذي أول حجه لي وحجزة بحملة ( الوسام )
لكن عندي واحد من الجماعه كل سنه يحجز فيها ويروح مع الحمله
ويمدحونها وانت واحد منهم
وسعرهم الحين 800 دينار
ومليون شكر لك على المعلومات عن الحملة ...

 

[4 Ever Kuwait]

افضل حمله في الكويت ولعدة سنوات هي حملة الكندري

صحيح غاليه شوي لكن خدمات ممتازه , يكفي سرايرهم في منى

موقعهم

حياك الله اخوي مراسم
شي حلو وممتاز يالغالي
والف شكر لك لنقلنا عن هذي الحمله
المتميزه عندنا فالكويت والف شكر لك مرا ثانيه ....

 

[4 Ever Kuwait]

حملـــة السبيعــــــي

السعــر : 950 د.ك

حولى - بيان للاتصال: 25391158
العنوان: الدائري الخامس - مقابل فرع 24 ساعة

 

[4 Ever Kuwait]

الحج:

هو الركن الخامس من أركان الإسلام الأساسية، ويمتاز بأنه جامع لما تضمنته الأركان الأخرى.
ومعناه في اللغة: القصد إلى مُعظم.
ومعناه في الاصطلاح الشرعي: زيارة أماكن مخصوصة في أوقات مخصوصة بأفعال مخصوصة.


فضيلة الحج:

عن أبي هريرة (رضي الله عنه) أن رسول الله (صلى الله عليه وسلم) قال: (من حج لله فلم يرفث و لم يفسق رجع كيوم ولدته أمه).

شروط وجوب فريضة الحج: [/b
0 الإسلام
0 الاستطاعة
0 البلوغ
0 العقــل
0 الحريـــة


وجوه الاستطاعة:
0 سلامة البدن
0 عدم الحبس
0 عدم العدة للمرأة
0 أمن الطريق
0 وجود المحرم أو الزوج للمرأة

شروط صحة أداء الحج:
0 الإســلام
0 المكان (ميقات الإحرام المكاني)
0 مباشرة الأفعال بنفسه إلا بعذر
0 الإحـرام
0 التمييز
0 عدم الجماع
0 الزمان (ميقات الإحرام الزماني) 0
0 العقــل

وجوه أداء الحج:
وهي ثلاثة:
1- الإفراد: و هو نية الحج فقط.
2- التمتع: و هو نية العمرة أولاً (أي يحرم بالعمرة من ميقات بلده و يفرغ منها ثم يحرم للحج من مكة).

(وسمي متمتعاً لاستمتاعه بمحظورات الإحرام بين العمرة و الحج.)
3- القِران: و هو نية الحج و العمرة معاً (أي يحرم للحج و العمرة معاً).

قال الله تعالى: (فَمَنْ تَمَتَّعَ بِالْعُمْرَةِ إِلَى الْحَجِّ فَمَا اسْتَيْسَرَ مِنَ الْهَدْي فَمَنْ لَمْ يَجِدْ فَصِيَامُ ثَلاثَةِ أَيَّامٍ فِي الْحَجِّ وَسَبْعَةٍ إِذَا رَجَعْتُمْ تِلْكَ عَشَرَةٌ كَامِلَة ٌذَلِكَ لِمَنْ لَمْ يَكُنْ أَهْلُهُ حَاضِرِي الْمَسْجِدِ الْحَرَامِ)



(يجب على القارن والمتمتع أن يذبح شاةً (هدي) شكراً لله تعالى, حيث وفقه أن يأتي بالعمرة والحج في أشهر الحج في سفر واحد, فإن لم يجد, لزمه صوم ثلاثة أيام في الحج وسبعة إذا رجع إلى أهله.)

 

[اساهيم]

والله حرام هالاسعار ..

نصب وحرمنه بس بطريقه رسميه ..

شنو رحلة حج خمس او ست ايام تكلف 1200 دينار ..؟؟

يعنى مصروف يومى 200 دينار ..؟؟

الشرهه على وزارة الاوقاف اللى مخليتهم على راحتهم ..

والنكته لما يقول لى حملة وقفيه ..؟؟!!...اذا وقفيه صحيح ياخوى الحجاج اولى باسعار الوقف لانهم يبون يقومون بركن من اركان الاسلام ..خفف عليهم شوى ..

 

[4 Ever Kuwait]

والله حرام هالاسعار ..

نصب وحرمنه بس بطريقه رسميه ..

شنو رحلة حج خمس او ست ايام تكلف 1200 دينار ..؟؟

يعنى مصروف يومى 200 دينار ..؟؟

الشرهه على وزارة الاوقاف اللى مخليتهم على راحتهم ..

والنكته لما يقول لى حملة وقفيه ..؟؟!!...اذا وقفيه صحيح ياخوى الحجاج اولى باسعار الوقف لانهم يبون يقومون بركن من اركان الاسلام ..خفف عليهم شوى ..

حياك الله اخوي
الأسعار الي حاطهم بشهر رمضان يعني هالايام
فيه ارتفاع بالاسعار كل مايقرب موسم الحج ترتفع الاسعار اكثر واكثر والحملات الي حاطهم اسعارهم مناسبه
في اغلا من هالاسعار لكن شيسوي الواحد لازم يحج وينجبر
وفيه حملات فيهم التحاق اسعارهم على 500 دينار هذي مناسبه
وتحجز على طيران مثال 80 دينار ذهاب واياب تطلع حجتك 580 دينار
والله يكتب الاجر ....
وحياك الله اخوي

 

[BO NASER]

السلام عليكم

الله يعطيكم العافية على الموضوع المفيد

أسعار الحملات مرتفعة وكل سنة ترتفع أكثر

الطيران 1000 وفوق

والالتحاق مو أقل من 800

ولاتنسى حملات ال vip

حملة المبارك سعر الالتحاق فيها 450 ( سعر مناسب للحملات )

العام حجيت ومعاي 4 من الربع على سيارتنا الخاصة ( رصيف )

والسكن بجبل النور شقة 3 غرف وصالة ودورتين مياه مؤثثة بالكامل

تكلفة الشخص الواحد 130 مع السكن والاكل والمواصلات

تكلفة 5 أشخاص يعادل تكلفة الشخص الواحد بالالتحاق بحملة

وتقبل الله طاعتكم



​

 

[4 Ever Kuwait]

السلام عليكم

الله يعطيكم العافية على الموضوع المفيد

أسعار الحملات مرتفعة وكل سنة ترتفع أكثر

الطيران 1000 وفوق

والالتحاق مو أقل من 800

ولاتنسى حملات ال vip

حملة المبارك سعر الالتحاق فيها 450 ( سعر مناسب للحملات )

العام حجيت ومعاي 4 من الربع على سيارتنا الخاصة ( رصيف )

والسكن بجبل النور شقة 3 غرف وصالة ودورتين مياه مؤثثة بالكامل

تكلفة الشخص الواحد 130 مع السكن والاكل والمواصلات

تكلفة 5 أشخاص يعادل تكلفة الشخص الواحد بالالتحاق بحملة

وتقبل الله طاعتكم



​

وعليكم السلام ورحمة الله وبركاته
والله يعافيك أخوي أبوناصر
عدل كلامك الأسعار كل سنه ترتفع
وحملت الرصيف غير مكلفه
وسلسه إذا كانت شباب
وتقبل الله طاعتكم
وألف شكر لك على المرور يالغالي ..

 

[ابو برهوم]

ياريت اللي جرب وحج بحملة الدوسري يبلغنا عن مميزاتها وهل تسوى اقط فلوسي بالحملة ولا لأ
شاكرلكم