شكر خاص لأولاد السلطان

[بوخلي]

اود ان اشكر اولاد السلطان شكر خاص
علي مابذلوه من جهد في رفع كفاءة شركاتهم وحسن ادراتهم وحنكتهم


والله وايد كويتيين استغنوا من وراء عيال السلطان من خلال الاستثمار في احدي شركاتهم المدرجة بالبورصة ( سلطان - مخازن - وطنية عقارية)


فلهم جزيل الشكر والامتنان

مشكورين وماقصرتوا وكثر الله من امثالكم
ودمتم فخر للكويت
والله علي راسي

 

[المستثمر الراكد]

و الله يستاهلون و ما قصروا مع أهل الكويت ( احسن من بعض التجار اللى الجرايد تسوى لهم دعايه بدون معنى و هم يزيدون علينا الأسعار)

و تحيه خاصه للاخ العزيز طارق العيسى رئيس مجلس إدارة المخازن على عمله الدؤوب . الذى يعرف الأخ طارق يعرف ان هذا الرجل ليس لديه وقت للكلام الفاضى و هو بيزنس مان من الطراز الأول

 

[alajmiktv]

يا شباب إدعوا لهم بالتوفيق
واللـــــــــــــــــــــــــــــــــــــــــــــه يوفقهم
هههههههه ماتبونى نمسكهم رئاسة مجلس الوزراء :d

 

[beckham_23]

اود ان اشكر اولاد السلطان شكر خاص
علي مابذلوه من جهد في رفع كفاءة شركاتهم وحسن ادراتهم وحنكتهم


والله وايد كويتيين استغنوا من وراء عيال السلطان من خلال الاستثمار في احدي شركاتهم المدرجة بالبورصة ( سلطان - مخازن - وطنية عقارية)


فلهم جزيل الشكر والامتنان

مشكورين وماقصرتوا وكثر الله من امثالكم
ودمتم فخر للكويت
والله علي راسي

بو خلي كلامك وايد ممتاز بس يبيلة اشوية تعديل
اول شئ هذا كان بارادة اللة سبحانة و فضلة علي اهل الكويت حيث الكويت الدولة السباقة في اعمال الخير سواء في الداخل او في الخارج
الثاني هو ان اولاد السلطان اصاب ثقافة عالية و نفوذ و معرفة التعامل و جني الارباح انا اشوف ان اولاد السلطان و شركاتهم اكثر شفافية و حسن ادارتها من باقى الشركات المدرجة في البورصة
و شكرا

 

[خوش ولد]

الله يرزقك ويكثر مالك ويبارك لك فيه يا بو خلي

 

[الادهم]

بارك الله فيك وفى مالك واولادك

لا تنسى الصدقه واحب اذكرك بانه يوجد شىء اسمه التورق فهو حلال

واما القروض الربويه فهى حرام .... والله اعلى واعلم

 

[rahaly]

من لم يشكر الناس لم يشكر الله ..
ما قصروا اولاد السلطان .. والشكر موصول لاهل الكويت اللي لولا مساهمتهم في المخازن .. كان ما قامت للشركة قائمة ..

الله يرزق كل واحد على نيته

 

[سوق المناخ]

طبعا يا شباب الفضل الاول يرجع لله سبحانة وتعالي
وهلشي الكل عارفة

والله يا شباب سمعوا قصتي انا

انا كنت موظف عادي بوزارة الاشغال من سنة 1993
وكنت معتمد اعتماد كلي علي الراتب الي اخذة من الوزارة وكان يادوب يكفيني انا واعيالي
المهم انا ماكنت اعرف شي بالبورصة الي ان جاء لي شخص كثر الله خيرة وقالي ليش ماتاخذ قرض وتدش علي سهم المخازن؟
بالبداية فكرت بالموضوع لان بصراحة هذة كانت اول مرة ادش فيها عالم الاسهم
المهم بعد الاتكال علي الله ومن كثر انا ما اثق بهذا الشخص اخذت قرض بمبلغ كبير وشريت المخازن بكل مبلغ القرض بالاجل لمدة سنة
كان سعر المخازن ايامها 740 730 فلس
والحمد لله بعدها بفترة ليست بطويلة صعدت وبعت اسهمي كلها بسعر 1.280 وصعد السهم بعدها لغاية 1.320
وحققت ربحت ممتاز
ثم هبط السهم مرة اخري حتي وصل سعرة الي 750
وبعدها عدت العملية وشريتة بسعر 910 هم بعد اجل بكل فلوسي لمدة سنة بس هلمرة كميتي كانت اكبر بكثير من المرة الاولي
والحمد لله توفقت خير توفيق لان السهم صعد لغاية 1.500 ونزل شوي ومن ثم صعد صعود قوي الي ان وصل الي 2.300 وانا بعت اسهمي كلها بسعر 2.140
وحققت ربح خيالي
ومن يومها زاد راس مالي وماقمت افكر بالاجل وقمت اشتري ربع المخازن وطنية عقارية و سلطان
وظل راس مالي ينمو بفعل تلك الشركات الثلاثة فقط الي ان في يوم من الايام
قررت الاستقاله من دوامي وفتحتلي شركة نقل بالتعاون مع المخازن وقمت اطلع بالشهر الواحد ما يعادل راتب اكثر من سنة وسبعة شهور بالاشغال

هذة قصتي من المجموعة الماسية الي لها فضل علي بعد الله سبحانة وتعالي
فشلون ماتبوني احبها واتعلق فيها؟

اتمني للجميع ان يصير فيهم نفس الي صار فيني لان بصراحة انا كنت وين وصرت وين

اخاف باجر تزعل مع المخازن ويطلع لنا كمال السلطان ثاني

 

[أحمد بورصة]

للرفع

الشكر لله

 

[kuwaity_kuwaity]

قالوا هالحجي حق البحر من قبل وندموا

اولا عيال السلطان آخر شي فكروا فيه انك تربح ولا تخسر المهم عندهم فقط اولا واخيرا هو مضاعفة اموالهم ولو على رقبتك يالفقير ولا أدل على اللي قاعد يصير وصار بالمجموعه المصديه من اسبوعين واللي قلبه على البلد وعيال البلد ما يعرض خمس ملايين سهم بالحد الادنى لمدة اسبوعين علشان يحرق كل شي جدامه وتقول بعد شكرا لهم على شنو على اللي ورطهم بالاجل وقعدهم على بساط الفقر واللي دخلهم المستشفيات ولا اللي بيعه بقالته مثل الشايب اللي حطوا قصته بالقبس اليوم بس انه ما الومك قبلك قال بالبحر اكثر من هالحجي وبعدين ندم

 

[سوق المناخ]

شكرا على عدم الشفافيه

 

[المستثمر الراكد]

كلمة شكرا لا تكفى بحق من أسعد الكثير من أهل الكويت
تحيه إلى مجلس إدارة المخازن على المجهود الكبير

و الحمد لله رب العالمين

 

[فؤاد]

ياجماعة هذا عمل وليس فيه شكر
قبل كم يوم الكل طاح فيهم ذم
وانا من ناحيتي لاذم ولاشكر ولم اشتر من سلعهم ....

والله سبحانه متعالى اعلم بالصالح والطالح

 

[المستثمر الراكد]

ياجماعة هذا عمل وليس فيه شكر
قبل كم يوم الكل طاح فيهم ذم
وانا من ناحيتي لاذم ولاشكر ولم اشتر من سلعهم ....

والله سبحانه متعالى اعلم بالصالح والطالح

من لا يشكر الناس لا يشكر الله . و انا و الحمد لله من الشاكرين

 

[s man]

لو أن السهم نازل.....

جان سبيتوا ولعنتوا خيرهم , سبحان الله , صار السنع اللى عنده فلوس والتعبان المفلس

 

[السهم الخارق]

لاتمدح رجال تحتاج مسبته

 

[المستثمر الراكد]

جان سبيتوا ولعنتوا خيرهم , سبحان الله , صار السنع اللى عنده فلوس والتعبان المفلس

أخى s man انت عضو جديد و أول مشاركه لك و داخل بقوه حيل .... هدى شوى

و أهلا بك عضو جديد

 

[فؤاد]

مو لازم تشتري من سلعهم ( انت الخسران ) :d

الشركة ما شاء الله عليها عيني عليها باردة رايحة للاعلي

محد يقدر يقيم سعر سهم المخازن الان بظل العقد الجديد


الله يهنيء ملاكة ويرزقهم من رزقة

وشكرا لعيال السلطان كفيتوا ووفيتوا
اله يزيد من امثالكم بالديرة

اخوي العزيز اناكوندا حنا لانصير مزاجيين ان حبينا صعدنا وان كرهنا نزلنا..قبل اسبوع ذم فيهم تبي اطلع لك من الارشيف..

سهم المخازن كنت اقدر اشتريه العام على سعر 1,6 دينار بكل سهولة ولكن ماني مرتاح له ،ماارتاح لشركة توكل وتطعم هالاشكال:

ولعلمك هذا مات وهو صايم وحاولوا يجبرونه على الافطار
صورة جندية واقفة على جثة سجين في ابوغريب وهي تبتسم وهي الان تحاكم في امريكا...واعتراف وزارة الدفاع امس بتدنيس القرآن الكريم في عدة حالات....الترفع عن هالرزقة مطلوبة والسوق فيه 132 سلعة...

وبعدين لازم نترك هالنفاق ...شنو شكرا للجناعات يبا هذوله يشتغلون لمصلحتهم مثل اي تاجر في السوق وين المصلحة والتوفير يتوجه له...يبقى انك استفدت فهذا من حقك يعني هم عطوك السهم ببلاش صدقة..والا لاقيه ..
اذا بتشكر اشكر ...الحكومة تصرف عليك من المهد للحد على حسابها...لازم كل يوم تشكر ربك ثم تشكرها...

 

[حريص]

والله حالكم عجيب يا اهل المنتدى

كل يوم لكم سالفه

هذا يناجر هذا علشان قال خبر وللاسف طلع غلط
وهذا يناجر هذا علشان قال عن سهم انه راح ينزل وصعد والعكس
وهذا مو عاجبه اسلوب الثاني
وهذا يبي يمشي الناس كلهم على راي والي يخالفه يطلع مو زين

اهدووو شباب شويه
هذا منتدى يعني كل واحد الي في خاطره شي يقوله من غير اي تحفظات وعلى الطرف الثاني يا انه يايده او يختلف معاه وبكل الاحوال الاختلاف بالراي راح يكون في فايده لباقي الاعضاء لان راح يوضح لهم امور يمكن تكون غايبه عنهم
بس موضوع انه هالشركه توكل هذول او تساعد هذوول يا اخي كل واحد حر بفلوسه بدش على هالسهم او يطلع منه اهوو
وبصراحه امركم عجيب والله في كلام وايد المفروض انه ينقال بس اعتقد نكتفي في هالقدر والله يوفق الجميع