مدمن .. ممكن مساعدة؟؟

[rahaly]

نصيحة

ونصيحة اقولها لاخواني .. واالله اخبرني شخص متخصص ومطلع على معلومة نسيت مصدرها لانها من 11 سنة :
1) أعلم ان 93% من (عدد) المتداولين الافراد(مثلنا) بالسوق الامريكية يخسرون ..
والباقي ..
4% هم محافظ عملاقه او متفاوته
و2% أفراد محترفين
و1% يربحون بالحظ المجرد!!

وخلو هذه في بالكم ..

وتركوا عنكم قصة مليونير المضاربة .. صدقوني ما راح تصير ..
ممكن يربحك صندوق استثماري في السوق الامريكية نعم لكن مضاربة اسهم وتصير مليونير انسى ياخوي..

وعندي قصص وحكايات علمتها مباشرة من بروكر يعمل في مورغن ستانلي حضر الى الكويت وهو من اصل عربي ..
والله يا جماعة لو تعرفون ما يجري في السوق الامريكية من اتفاقات ولعبات جامبو ..
كان غيرتوا رايكم نهائيا ..

وعرفتوا اسباب اتجاه الاسهم عكس التوقعات :d

 

[عمدة البورصة]

والله ياخوك أنا أشوف أحسن نصيحة هي نصيحة أخونابو راشد لك ..

يعني 16 سنة ولا صرت مليونير ؟

الظاهر ما كنت تتعلم طول هالفترة .. أنا أعرف ناس صار لهم سنة و شوي قام يقدمون إستشارات ماشالله عليهم ..

بعدين إنت مريت بعصر ماسي و ليس ذهبي و هي شركات الإنترنت .. و هم خسرت !

المشكلة مو بسالفة الإدمان ..

لأن في ناس وايد إتابع يوميا لكن أرباحها فوووق ..

و في ناس كثير صاروا أغنياء من السوق منهم وارن بوفت .. و للعلم هذا ثاني أغنى رجل بالعالم و قريبا راح تسمع فيه أغنى رجل لأن أرباحه أسرع من أرباح بل قيتس نفسه ..

و عندك دان زنجر عنده 18 مليون من البورصة و يقول حتى بعطلتي للإستجمام ما أقدر أفارق السوق ..

أنا نصيحتي الشخصية إذا الموضوع صعب من ناحية إدمان ..

إسحب كل فلوسك من السوق و حطهم في صندوق إستثماري إسلامي ..

و راجع مرشد نفسي و لا تتردد شوف مثلا طارق بن علي الحبيب ترى خوش رجال..

و بالتوفيق

 

[the unknown]

سؤال الأخ يختص بالسوق الأمريكي فقط .... لذلك لم أورد المثال الأقرب لي ...

احد الأشخاص - أعرفه شخصياً - كان موظفاً متوسط المستوى ... بدأ في السوق السعودية برأس مال معقول ... ومنذ أقل من 16 شهراً فقط ... والآن ما شاء الله عليه لا تقل ثروته عن 80 مليون ريال .... لكنه بعد بدايته بأشهر لم يكتفي برأس ماله ... بل غامر واستثمر لمجموعة من الأهل والأصدقاء مقابل نسبة من الأرباح فقط ... وبتوفيق من الله جمع هذا المبلغ وهو في تزايد مستمر نسأل الله له التوفيق ...


تحياتي

 

[rahaly]

اخي العزيز عمدة البورصة ..
لا أعلم لماذا تصرون على قصة مليونير!!!
مع ان هذي القصة كانت في بالي اول خمس سنوات بعده بطلت عنها

والعصر الماسي اللي تقول عنه .. تحمد ربك انك ما مريت فيه ..

كنت أطلب السهم ماركت برايس وهو ب 40 دولار ما أصيده الا ب 60!!!
واذا نزل يكون ب 70 تسأل عنه اليوم الثاني والا هو ب 20 !!!
هذا العصر الماسي ..!!!
فالعصر الماسي شرينه LU ب 60 ونزل الى 5 !!
ربعي من 100 الف توصل الى 400 الف النتيجة؟؟ .. صاروا مطلوبين 20الف!!!
(مارجن) ... هذا العصر الماسي ..
انا أحسنهم سلمت على 5% من راس المال

وأعلمكم الفرق بين التحليل الفني والخبرة في السوق ..

(وذلك للعلم ويشهد الله انني لا امدح نفسي ولا اذم غيري في ذلك )

أنظر الرابط التالي واحكم بانصاف :

http://www.indexsignal.com/vb/showthread.php?t=25766

وهكذا هو السوق يابن عمي .. وتقولي تحليل فني ؟؟!!!

وتريد ان تصير مليونير!!!!
اتمنى لكم ذلك .. بس اسمحلي مستحييييل ....

تحياتي

رحالي

 

[رشاد]

الله يلوم اللي يلومك شيخ رحالي
اجل انت من المخضرمين هههه
صراحة انا من 96 بالسوق وشفت وذقت حلاوة و مرارة السوق
بس بصراحة وقتها السوق كان يشيلنا لفوق والا لا معرفة ولادراية لا خطوط طول ولاعرض ههه مو مثل الان بعد دورة المؤشر ما أروح ولا أجي الا وانا متأكد ان علبة الهندسة بمخباي ههه عشان ارسم التحليل الفني
الاااااااااااااان
عرفت الفيبوناتشي والدعم والمقاومة (مير ذي معروفة من اول ) وكسر خط الاتجاة والتماسك والقدح وغيرهاا .. من خلال دورة المؤشر .


اجل تقول مدمن وشاري ياهو فوق 200دولار .. عاد تصدق بذاك الوقت لما كنا نتداول بالصالات ومن زود الثقة بالسوق وجهلنا بالتحليل كان اي واحد من الشباب بيشري سهم مثل الياهو يشري له ويشري لشلة اللي قاعدين معه على طاولة دون علمهم وبعد مايبيعها يقول عاد ياشباب شريت لي الف سهم ولكل واحد فيكم الف سهم ياهو على 230 دولار وبعتتها ب 231 دولار
وتعال خذ واتفرج على اللي يحصل بالصالة .. من هرج ومرج
لا وحلاوتها لما كان السوق الفرنسي يفتح لك ابوابه ويعطيك حرية التعامل الى نهاية الشهر لتقفيلة الحساب .. اشتر وبع ماحد يقولك محفظتك ماتغطي ولا يسألك عن عنوانك ..

بس وللحق انها ادمان ولتغلب عليها سهلة مو صعب بس يبيلك تسيطر على رغباتك اكثر وبقوة يعني يجب ان تزرع قناعة بداخلك ان غيابك ليوم او يومين عن السوق لن يؤثر في ارباحك ولن يغير شئ بل قد يزيدك خسارة قد لاتكوون بالحسبان ...وقسم لو ماتقدر تغير قناعاتك من الداخل مابتقدر تطلع من هالادمان .
وقسم كنا من صباح الله اول مايفتح السوق الفرنسي الى ان يغلق السوق الامريكي بالصالات.. وكأننا خفافيش الليل متسحبين لبيوتنا واللي لايصدقة عقل عندما يلعب السوق فينا وقسم بالله كان المبات جوة البنك وهذي صالة البنك الفرنسي بالخبر تشهد على هالشئ ... مير كل واحد يحذف ثوبة بصوب وايحط راسة واليوم الثاني نفطر والغداء بالبحرين وقبل العصر وقبل مايحضرون موظفين البنك الا واحنا مقعدين امامهم مثل العفاريت امام الشاشات ههه اعوذ بالله ...
هو ذا ادمان والا عشق والا صرعة والا مرض اما شيباني يقولون انك مريض وقسم وقتها يحلفون اني مريض ههه شافانا واياك من هالمرض استاذي رحالي وخلك من الترحال هههه واقضب ارضك هههه ودعائي لك بالصحة والسلامة وارباح خيالية بسوق المجانين والمهبل .

بس بسسسسسسسسسس
تعلم تقييد النفس وعدم الاستجابة لرغباتك الداخلية بمقابلة السوق
وان ماتجنية من مربح سوف تجنية بأقل وقت مما تقضية الان امام شاشات اللعبة الكبرى (لعبة الاسهم )
وشوف لك هواية او لعبة تلعبها مع اطفالك هههه ترا مو عيب المهم انك تشغل نصف الوقت اللي تقضية الان امام السوق وبحول الله قريبا نراك من المتعافين من هذا الادمان ونرى لك دروس تساعد بعلاج المدمنين هه بااااااي
اية نسيت بالاخير اقولك شئ مهم .. ابعد عن اسهم الخفافيش خلك مع الكبار ولايلدغ مؤمن من جحر ..الخ ) يكفي ما ذقناة بفقاعة الانترنت ..ههه على قولة اخونا ابو راشد .. سلااااااام

 

[عمدة البورصة]

رحالي ..

ياخوي نظريتك غلط .. حتى سوق البعارين في اللي صارو مليونيريه فيه ..

أوكي أوافقك يمكن 16 سنة ما تصير مليونير بس على الأقل عندك خبرة دسمه جدا من تحليل و نظريات و أفكار و تصورات ..

ثم إن في بداية شركات الإنترنت و ما ربحت مش معناته إنها كانت مرحلة أي كلام .. لكن معناته إنت ما إستثمرت فلوسك وقتها عدل .. و طالت مؤشرات الشركات كيف صعدت (على المدى الطويل) في تلك الفترة ..

لأنه حتى لو كان السوق صاعد مثل الصاروخ .. راح تلقى ناس تخسر .. مثل اللي حاصل بالسوق الأمريكي حاليا .. في ناس تربح على الرغم من هبوط السوق .. و مثل ما هو حاصل عندنا بالكويت في ناس تخسر على الرغم من صعود السوق و تسجيله أرقام قياسية جديدة ..

بعدين إذا أنت 16 سنة خسارة بالسوق شلون تبينا نسمع نصايحك :d

يمكن الله كاتبلك النجاح في مجال ثاني .. العقار مثلا ..

و بالتوفيق و سامحنا

 

[rahaly]

رحالي ..

ياخوي نظريتك غلط .. حتى سوق البعارين في اللي صارو مليونيريه فيه ..

أوكي أوافقك يمكن 16 سنة ما تصير مليونير بس على الأقل عندك خبرة دسمه جدا من تحليل و نظريات و أفكار و تصورات ..

ثم إن في بداية شركات الإنترنت و ما ربحت مش معناته إنها كانت مرحلة أي كلام .. لكن معناته إنت ما إستثمرت فلوسك وقتها عدل .. و طالت مؤشرات الشركات كيف صعدت (على المدى الطويل) في تلك الفترة ..

لأنه حتى لو كان السوق صاعد مثل الصاروخ .. راح تلقى ناس تخسر .. مثل اللي حاصل بالسوق الأمريكي حاليا .. في ناس تربح على الرغم من هبوط السوق .. و مثل ما هو حاصل عندنا بالكويت في ناس تخسر على الرغم من صعود السوق و تسجيله أرقام قياسية جديدة ..

بعدين إذا أنت 16 سنة خسارة بالسوق شلون تبينا نسمع نصايحك :d

يمكن الله كاتبلك النجاح في مجال ثاني .. العقار مثلا ..

و بالتوفيق و سامحنا

أخي العزيز عمدة البورصة ..
لاحظ انني لم اقل انني عديم الخبرة بالسوق .. فالخبرة موجودة ولله الحمد ..
لكن الشارتات والتحليلات الفنية صدقني ليست هي التي تربح ..
ومن الان عطني سهم وقولي عن سعره بالتحليلات الفنية والشموع والفونيس....
وانا ياخوي معطيك سهم بدون تحليلات :
الرابط:
http://www.indexsignal.com/vb/showthread.php?t=25722

وشوف انا ولا تحليلاتكم

لكن القصة اللي اتكلم عنها الادماااااان ....
وياخوي قصة المليونير ماهي الا حلم .. فكم مليونير سيكون من هذا السوق وماهي الظروف التي ستجعله مليونيرا؟؟
انا اكلمك عن دراسات تفيد نسب من يكونون مليونيرية من السوق(الافراد)

وانا انصحك عشان لا تخسر ياخوي

تحياتي

 

[rahaly]

حبيبي رشاد ..
والله اني كأني اشوف نفسي في المراة :d

والله كلامك ذهب ذهب ..
ياخوي العادة والادمان على السوق ذبحنا ..
لو تدري اننا قاعدين في ديوانية 15 واحد مجابل الشاشة ..
وواحد فينا ماشالله محترف يخبرك بالسهم عن صعودة ونزولة بالسنت الواح وبدون (شموع)..


تعرف ان عندي واحد صديق لما يسافريجابل الشاشة اسبوعين ولما يرجع يقول الحمدالله خسرنا بس الفين دولار .. نحسبها وناسه مالت السفر!!!!
بذمتك هذا مو مدمن مثلي؟؟!!!

والله يا رشاد انني اصلا مالي علاقة بالدخل من ورا هالشغلة .. بس ادماااان ..

اقولك معلومة ..

كم تتوقع تطلع من ورا السوق بدون خسارة ؟؟
30 ... 40 ... 50 % ؟؟؟؟

انا ادليك عليها بدون شاشة ولا اذية .. ومأمونة .. وسهلة .. وحلوة ..


لكن نبي نتخلص من هالشاشة وهالادماااااان ...
وهذا هدف موضوعي ..


تحياتي يا بو زمل :d

 

[Qpeedo]

تبي الحل

تزوج

 

[the unknown]

تبي الحل

تزوج

جبتها

 

[rahaly]

أتزوج؟؟!!!!

؟؟تقصد الرابعة؟؟​

بس يا جماعة احلى شي بالاسهم اذا طلبتك المرة شي زايد افتح الشاشة وقولها " شوفي اليوم بس خسران 3000 دولار"