سؤال .. الاوسط هل أشتري غدا؟؟

[rahaly]

أنا خارج الكويت حاليا ..
واريد تحويل مبلغ لحسابي الاوسط الليلة عن طريق الانترنت ..
واريده في حسابي قبل فتح السوق غدا..
أخاف احول المبلغ للاوسط .. بكره ما يدخل الحساب .. ولا اقدر ادخل عالموقع ولا اوسط برو .. ولا أحد يرد علي بالتلفون ..

وفلوسي تحولت!!!


ممكن جواب من الاوسط .. او صاحب تجربة ..

ضرووووري لو سمحتوا



تحياتي


رحالي

 

[دنانير]

انا ما عندي تجربة من خارج الكويت ولكن تجربتي معاهم من داخل الكويت
واعتقد اذا ماني غلطانة ما في غير طريقة واحدة والله اعلم

غير تحويل فلوسك الى الاوسط عن طريق الانترنت
ارسال فاكس الى الاوسط
الاتصال من الساعة 8:30 للتأكد من وصول الفاكس ولا تسكر التلفون مع الشخص اللي اتكلمه حتى تتاكد من دخول المبلغ المحول لحسابك لأنهم سووها فيني مرة بعثتلهم فاكس التحويل والفاكس وصلهم ولكن لا حياة لمن تنادي . يعنى لازم متابعة من قبلك وتكون على راسهم والا اذا كانوا مشغلوين كالعادة . ما لك الا الله

والطريقة الاسلم انك توصى احد من معارفك فى الكويت لمتابعة التحويل مع الاوسط . والله اعلم

 

[يوسف غضنفري]

الاخ الكريم

هل المبلغ المحول من بنك محلي في الكويت ؟؟

اذا كان البنك محلي يمكنك ايداع المبلغ في حساب الأوسط في البنك المحلي (عادة يكون لهم حساب في البنوك المحلية) بشرط انك تذكر رقم حسابك بالاوسط حتى يتم تحويل المبلغ من حسابهم في البنك الى حسابك في الاوسط ...

انا جربت باني اودعت المبلغ في حسابهم في بنك الخليج صباحا وبعد ساعة تقريبا او اقل وجدت المبلغ في حسابي بالاوسط

اما اذا كان بنكك خارج الكويت فهذا يعتمد على الحوالة البنكية الخارجية فقد تستغرق يوما او يومين

تحياتي

 

[بوحسن]

وغلاك حولت مره فلوس من في نهاية يوم الساعه 12 الظهر ما انزلت الا بعد يومين وبعد ما دقيت وجيكت والخ الخ ..الناس بالاوسط مشغولين اليوم ..دق عليهم ودزلهم فاكس بالتحويل الي تم

ومره حولت الصبح الساعه 8 ..لقيتهم منزلين الساعه 9 من نفس اليوم !

يعني شغل كويتي يا الطيب الي عندنا بالاوسط ..دق عليهم وقولهم ان دزيت صوره من التحويل بالفاكس ..واذا تبي رقم الفاكس دش على موقعهم تحت كلمة تحويل المبالغ

ملاحظه وان دقيت عليهم وردو عليك وشالو التلفون انصحك تشتري اي سهم اليوم لان اليوم بيكون يوم حظك

( هالتحويلات تمت خلال هال 10 ايام ) بس

 

[rahaly]

ابشركم

الحمدالله عدت على خير

حولت من بنكي في الكويت البارح
دزيتلهم ايميل ( ترجييييتهم) ان ينزل التحويل في حسابي اول الصبح

شيكت الصبح الظاهر ما قرو ايميلي ..

اتصل وبعد فترة ولله الحمد رد علي الموظف ..

ترجيته وحلفته براس امه ان ينزل المبلغ قبل لا يحمى السوق

الحمد الله الحمدالله تم التحويل بعد نص ساعة والحق يقال


الفال لكم