أجتماع طاريء للحكومه

[Dardoor]

أجتماع طارىء للحكومه وتعليق جلسة مجلس الأمه لمدة ساعه

 

[عندك سلف]

الله يستر

الله يستر... لا يكون الموضوع فيه حل لمجلس الأمة.... السوق مو ناقص مثل هالأخبار

 

[Dardoor]

تبون الصراحه على مدى سنتين شنو أستفدنا من المجلس الحالي؟؟
ولا شيء غير المداحر والمنافر!! والله عجب يا كويت الخير.......
أحنا اللي كنا متقدمين عن أخوانا الخليجيين بالسبعينات ردينا ألحين ألى القرن الحجري بسبب مجلسنا الحالي.......

أخوانا بالخليج ما عندهم مجلس أمه مثلنا بس عندهم شيء لا يوجد عند أخوانا في المجلس.....

تدرون شنو؟؟ حبهم للخير للكل وأبراء الذات من الطمع والجشع والمداحر....

عيل أحنا من متى نقول هذا أحضري ولا هذا بدوي ولا هذا كيت وهذا كيت
عيب هذي سوالف لليهال مو ناس أكل عليها الدهر وشرب
.........
والله أني منغذ من هل مجلس الله لايبارك فيه
كله صراخ بصراخ والحق ضايع

 

[بوحسن]

بالعكس احلى شي ليم يحلون مجلس الامه

والله العظيم اغلب المشاكل بسبتهم
ما تردت الديره الا بتدخلاتهم الغريبه
صارت اكثر مع مجلس الامه
تفشي الواسطات بشكل مرعب من تعيين الفراش لي صارت بالتدخل بالي يقود البورصه منو ؟

تعرفون منو رئيس البورصه ؟ والله زمان

واتوقع من الطرافه ان الاعضاء اتوقع بياخذون قروض حكوميه وبيدشون البورصه

على الاقل بيلقون وقت علشان يتداولون بفلوس الانتخابات اليايه

بصراحه كل مشاكل الديره من الاوسط

 

[ربحت]

ان تم حل مجلس الامه....فبشروا ياأهل الكويت بالسعد ...اولا سوف تقوم الحكومه بارساء عقود ضخمه على القطاع الخاص بعد الحل مباشرتا ( هنا توجيه رساله للمواطنين بان المجلس كان العقبه لتلك العقود ) ومما سوف ينعكس هذا على البورصه...ثانيا سوف تمرر الحكومه مشاريع القوانين المعلقه واعتقد منها مشروع المراه وزيادة الرواتب ( ضربه اخرى للمجلس ) وبالنهايه اتمنى من كل قلبىان يتم حل المجلس نهائيا والا غيررررررر رجعهوبمطالعة فترة ازدهار البلاد عبر التاريخ سواء من النوحى الاقتصاديه او الاجتماعيه او السياسيه نجد ان مجلس الامه كان غير قائمومن هنا لابد ان نطالب نحن وبصوت واحد لا ولا ولا والف لا لمجلس الامه...وراضين بحكومتنا تمشينا كيف تشاء

 

[rahaly]

رغم مساوئ مجلس الامة .. فانه يبقى صمام الامان للبلد

الحل ليس هو الحل ..

ثم يا جماعة من اتى بالاعضاء الحاليين .. اليس نحن الذين اتينا بهم؟؟


تحياتي

رحالي

 

[ستوك]

رغم مساوئ مجلس الامة .. فانه يبقى صمام الامان للبلد

الحل ليس هو الحل ..

ثم يا جماعة من اتى بالاعضاء الحاليين .. اليس نحن الذين اتينا بهم؟؟


تحياتي

رحالي

هنا مربط الفرس .. عشان من جماعتي ولا قبيلتي رشحته والحين احصد مازرعت .. والحين اذا انحل المجلس و صارت انتخابات ثانية تلقى عندهم نفس الدافع ونفس الاختيار .. بصراحة الديموقراطية انحطت حق اللي يفهم لها .. مو حقنا .. اللي يشوف تفاهة أعضاء المجلس الحالي يقول حتى مجلس أمة نيجيريا أبرك

 

[بوحسن]

وهذي من مساؤى الديمقراطيه

بس مو احنا الي يبناهم

يمكن اهم الي غشونا لان المفروض نختار احد للمجلس لا ايي الاسوء

فمرات اخترنا احسن السيئين
والطيب ماله نصييب بالمجلس غالبا ليش ؟

لان الاغلبيه الي اتفقت على راي واحد سواء قبلي او طائفي كان
نتيجته خروج اشكال محترمه تخصصت بالسفر الى الخارج والقفز على القوانين تسمى بعضو مجلس الامه



صحيح ان الله لا يغير ما بقوم حتى يغيرو ما بانفسهم
بس

يا اخي القران يقول

اكثر الناس لا يعقلون اكثر الناس لا يؤمنون

اكثر الناس لا يعلمون

شنسوي اذا الاكثريه دايما اهي المسيطره بالعمليه الانتخابيه ؟

اذا نحتاج لشوية ديكاتوريه تحط وترجع الامور الى نصابها

وتخلي النشاط الاقتصادي بالديره اهو سيد الامور

مع ضوابط اجتماعيه تخص مجتمعنا

جذي وبالحريه الماليه والاقتصاديه نتطور

 

[careful_invest]

مع اني لست من مؤيدين حل مجالس الأمة..لكن هذا المجلس بالذات يبيله حل من امه..حل لمصارينه واعضاءه..انا اقول هذا مجلس مصالح..ومزايدات انتخابية..وابتزاز..عيل تهقون شنو يطلع من مجلس اكثر من نص اعضاءه وصلوا بالمال السياسي والانتخابات الفرعية وخدمات كسر القوانين..يعني تهقون هالاصلاح راح يكون على يد مخربين الاصلاح..

تبون الصج..اذا صار الحل راح تشوفون السوق مولع خضران في خضران..لان اشوف الاستقرار السياسي والاقتصادي راح يكون في غياب المجلس أكثر من وجوده.. وخلنا نشوف على الأقل شهرين من الصعود الاستثنائي للبورصة اثناء فترة الحل الدستوري..عشان يرد احمر برجوع مجلس جديد..
ودمتم

 

[عارف الحال]

انشالله يحلون المجلس
لانه فى تاريخ الكويت بعد الحل ترتفع البورصه

يالله ينحل

 

[البواردي]

الكــــويت ما زالت جميله ... تفـــــاؤلوا

السلام عليكم

بالرغم ان هذي الجمله للدكتور احمد الربعي ولكن انا حبيتها ... لحبي لهذا الوطن


يا جماعه انا احبكم جذي

الله لا يفرقنا

 

[كويتي]

ياليت ينحل
واتوقع ينحل لان احد الاعضاء الحكومين صار يخلص المعاملات بسرعة وانجاز

 

[الراقي]

ياشباب ان شاء الله يحلون المجلس علشان عندي معامله ابي اخلصه

 

[خوش ولد]

اطاالب بحل الحكومة وليس المجلس

اعضاء الامة نحن اخترناهم بأسلوب ديمقراطي

وزراء الحكومة منو اختارهم ؟؟؟؟؟؟؟؟؟؟؟؟؟ فرضوا علينا فرض

نحن لم نختار الحميضي ولم نختار الطويل ولم نختار رشيد الحمد ....الخ

الله يذكرة بالخير ابو الديمقراطية الشيخ عبد الله السالم رحمة الله عليه

لما كان مسافر في مهمة رسمية للهند سمع ان هناك صدامات بين المجلس والحكومة وعندما رجع الى الكويت حل الحكومة وقال ان المجلس من اختارة الشعب ( اذا في خطأ الرجاء تصحيح المعلومة )

لذلك اطالب بأن يشارك مجلس الامة في اختيار الوزراء وهذا افضل حل للبعد عن الصدامات , فالمجلس ليس هو سبب الصدامات وانما الحكومة التي لا تريد تنفيذ مطالب ممثلي الشعب .. !!

 

[علمونى]

خوش ولد.

الحكومه وافق عليها المجلس اللى انت اخترتهم وبالتالى انت موافق على الحكومه.

ونقول للمجلس دفعت مردى والهوا....


مجلس لعب وصدامات ومصالح انتخابيه

 

[CHART TRADER]

لو تم حل للمجلس فهو بشارة خير للبورصه


لان تاريخيا عند كل حل للمجلس يكون هناك صعود لمؤشر السوق


ولا تنسون انه هناك مواضيع كثيره ومهمه يقف المجلس الحالي


حجرة عثر في اتمامها واهمها مشروع حقول الشمال وبعدين حقوق

المرأه السياسيه وفي رايي هذا الموضوع سخيف ان تم حل المجلس

من اجله وليس هو السبب الحقيقي ..



الزبده .... المجلس الحالي فاشل وياريت يشيلونه ويخلصونا

من هالخمه اللي فيه ....


تحياتي لكم ....