وردني قبل قليل من مصدر مطلع ان هناك محفظة احتمال تدخل على اسهم المجموعة على نهاية التداول دعوة للمتابعة واحتمال الخبر يكون غير صحيح ..!! فقط دعوة للمتابعة : يعني اذا صارت صفقات كبيرة ... دشو على طول
السلام عليكم............ مشكور اخوى خوووش ولد والمعلومه صحيحه وتم الدخول على اسهم المجموعه اخر السوق . بس مو كلها . مشكور
السلام عليكم ياشباب ياحلوين المنتدى اصبح منتدى المخازن ؟؟؟؟؟ ترى سهم التبريد زين والكويتيه للاستثمار سهم ذهبي ؟ لايكون بس راح تظلون على هالحال على طول ؟ تحركوا اشتغلوا ترى البورصه زينه حتى مع نزول اليوم ... في ملاحظه يمكن ماوصلت .... اسهم الجناعات اذا نزلت ادنى بيع واذا ارتفعت اقصى اشتر .. هذي من الامور البديهيه بالسوق .. اخسر دينار ولا تخسر دينارين .
بالعكس ليش ما تقول امسك مجنونك لا يجيك اجن منه ..... وهذولا مثل ما يقولون اسهمهم ماسيه اقصد مجموعه المخازن .
تحية للأخ نبيييييييييييل ، صراحة مو مجاملة ولا تملق ، بس أخونه نبيل أنا امتابع نصايحه وتحليلاته وأخباره ، ما شفت مره قال شي إلا وأحس انه يبي مصلحت اخوانه في المنتدى ، واملاحظ واقعيته بالطرح وعدم تحليقه مع الإشاعات ، تذكروا زين ، أن نبيل قال عن المعادن يوم كانت بدينار ونصح بالشراء وانها بتروح 2,500 وطلع كلامه عدل ، وقالكم عن وايد أسهم ودايما عدل ، وقالنا عن اسهم الجناعات وان لا نستعجل وخل نتمهل ، والبعض بدا يحط على اخونه نبيل ، والحيييييييييين طلع نبيل اهو الصح ، وكلام ووعود الأخضر والأزرق والأحمر وكل الألوان تبخر كلامهم وصار صبغ أحمر لمدة أسبوع صابغ لون اسهم الإجناعات وصغار المستثمرين ادموعهم أربع أربع ما فادهم كلام ووعود العقود وخاصة الإشاعة الجديدة أن العقد صار 12 مليار !!!!!!!! وصارت الإشاعات تطلع على مجلة وول ستريت ويمكن باجر واحد إييب خبر عن عقد المخازن من مجلة بموريتانيا وتعال دور المصدر عاد، يارييييييييييييييت سامعين كلامك يانبيل وبايعين من يوم السبت 1/5 لصارت عطلتنه هذي كلها فرح ، بس سمعنه إشاعات بعض المطبلين لأسهم الجناعات دون دليل ، والنتيجة أن صرنا خسرانين أكثر وأكثر وما يندره الظاهر بتصير أسهم الجناعات مثل جيزان ، وانا كثير من أصدقائي خذو قروض واشترو اسهم الجناعات بعد التوزيع والحين حاشهم قلق بسبب النزول والمشي وراء نصائح بعض الأعضاء المطبلين لأسهم الجناعات . المهم أخونه نبيل تنصحنه أنبيع سهم سلطان يوم السبت حتى لو نازل ، ولا تنصحنا نصبر مادام خربانه خربانه ، هل المره راي نبيييييييييل وبس
مساء الخير تبون نصيحتي بردوو بالنازل حتى يتغير الكوست عليكم وثانيا لا تعطونهم الأسهم بسعر رخيص أهم بيحاولون ياخذون الأسهم منكم بس عاد متى السهم يرتد لسعركم الله العالم والعلم بأيد عيال سلطان والله يوفقكم يارب
يجماعة انا اليوم عرضت مركز سلطان بحد ادنى ومحد اشتراة منى والكمية كثيرة وين هذا اللى قاعد يلم ليش مااشتراة منى؟ بس الحمداللة انة ماراح والحين وللة مابيعة اللى بربح انشأللة لو يقعد عندى سنة .
من خلال عملية التداول اتضح لي ان اسهم بيان والوطنية العقارية راح يثبتون في هذه المناطق السعرية الي فيها , بيان ما راح تنزل تحت الدينار والوطنية باذن الله ما راح تنزل عن 1300 ويمكن تتراوح قريب من هذا السعر سلطان والمخازن الى احد الآن ... لكن انا متفائل خير بالاسبوع القادم بأذن الله
نصيحتي للأخوان : أن لايتم الشراء في المخازن وسلطان والوطنية العقارية ... إلا بعد أن يتم إعلانهم للربع الأول ومعرفة سلوك المحافظ والصناديق تجاه هذه الأسهم ... وأحذروا الصفقات الوهمية التي تحدث بالسوق مثل ماحدث للوطنية العقارية يوم الأربعاء ... يقال أن أرباحهم للربع الأول لاتوازي قيمتهم السعرية وخصوصاً الوطنية العقارية ولاحظوا باقي أفراد المجموعة بيان واللبنانية ثبتوا على أسعار محددة نظراً بإعلانهم عن الربع الأول ... وأيضاً سلطان أعلن عن الربحية ولكن معياري 39 و40 سيئ الذكر أثر على السهم ... أعيد وأكرر أنتتبهوا للصفقات الكبيرة التي تتم على السهم بالحد الأدنى ... ولاتنجرفوا وراء سلوك المحافظ المشبوه بتصريف أسهمهم والله أعلم ...
