mobl والسير على خطا neom

[أبو غازي]

ارتفع اليوم موبل بشكل قوي
وهذا يذكرنا بنفس السيناريو اللي حصل مع نيوم

فمن السابق ومن المسبوق خلال اشهر ......

 

[بشارة]

مرحبتين اخوي ابو غازي
اليوم موبل ليس للشراء
بس للاستمتاع
شريت منه الاسبوع الماضي على 0.195 بس للاسف الشديد ما كان عندي فلوس يوم اشتري
ربحي في الاسهم اللي شريتها 34% لكن يقولون : اللي ما يكتب عسِــــر

اللهم ارضنا بما كتبت ، واقسم لنا من رزقك اوفاه واجزله ولا خواننا المسلمين

 

[أبو غازي]

ههههههههههه
مبروك
بس تعال ... انت وراك تشتري سكاتي .... ولا كن لك ربع

تدري يابشارة .... اني ماسك نيوم وموبل من سنين .... ليه ؟؟؟ ... مادري

تقول احبهم ... تقول اعشقهم .... تقول ؟؟؟؟؟؟ ..... مادري هههههههههه

 

[أبو غازي]

على فكرة ... اظن موبل بيسجل هاي سنوي جديد اليوم والله اعلم

 

[بشارة]

هلا ابو غازي
شاري من سنين ؟؟؟!!! والله الشايب
تذكرني بشايب عندنا كل ما حصل قرشين راح يشتري بهم سابك يوم ان سابك بمية وعشرين وحواليها
ولا فكها الا يوم صكت على 1977 ريال
فان شاء الله فالك طيب
بس شغلة اني اصبر على السهم اكثر من اسبوعين هذي فيها نظر
بع واشتر، واربح وخل غيرك يربح
الرجنة على السهم مهيب لك وانا اخوك
وعموما انت ابخص
الله يربحك ربح ما حلمت به

 

[أبو غازي]

هههههههه
على طاري الشايب .... خذ هالسالفة

يقولك هذا الشايب كل يوم يروح البنك ويدخل 5000 ريال بحسابه... الموظفين استغربوا
وفي يوم من الأيام قال لهم المدير إذا جاء نادوه أكيد هو غني ولازم نكسبه زيادة
لما جاء الشايب ودخل البنك دخلوه الموظفين على المدير

قاله المدير أنت وين تشتغل؟..قال: عاطل مالي شغل

قاله المدير من وين لك الفلوس اجل؟: قال:أنا أتحدى الناس من 5000 ريال وأكسب.

قاله المدير كذاب قول الصدق...

قال الشايب: خلاص تتحدى أبوس عيني من 5000 ريال

قال المدير أتحدى...

قام الشايب وفك عينه وباسها ورجعها ==== عينه تركيب

قاله المدير شلون !!!!!!!!!!!!!!!!

قال الشايب تتحدى أعض أذني من 5000 ريال

قال المدير أتحدى....

قام الشايب وطلع سنونه وعض أذنه ورجعها ==== سنون تركيب

عطاه المدير 10000 ريال وطلع الشايب

من باكر لما دخل الشايب للبنك نادوه الموظفين ودخلوه على المدير

قاله المدير يابن الحلال تكفى رجع لي فلوسي

قال الشايب: خلاص أنا بتحداك على شي إذا أنت فزت أعطيك فلوسك ومعاهن مثلهن وإذا أنا فزت تعطيني 5000 ريال بس

قاله المدير على ايش تتحدي

قاله الشايب: تتحداني أن لون سروالك الداخلي أزرق

قال المدير وهو فرحان لا مو أزرق

قال الشايب لا أزرق

قال المدير لا مو أزرق

قال الشايب اجل طلعه أشوفه

فسخ المدير سرواله وطلع الداخلي

التفت الشايب على الموظفين اثرهم قاعدين يناظرون راح الشايب ولم من كل واحد 5000 ريال وقالهم ما قلت لكم راح أخليه يفسخ سرواله

 

[أبو غازي]

موبل على مشارف الهاي السنوي .........
باقي على الحلو تكه ..... قرايندايزر انطلق

 

[بشارة]

ههههههههههههههههههههه
الله يرج ابليسك يا بو غازي
وش هالشيبان عندكم بالشرقية مراجيج من جد
اشوف الشرقاوية مشتغلين فتح شركات ، واكتتابات (الصحراء، والتصنيع، و ... والخ)
اثر الدعوى من طقة هالخمس الاف

الله يربحك ، ويعينك
الا النيوم وش بلاه تقل استخف

 

[أبو غازي]

الا النيوم وش بلاه تقل استخف

هههههههههههههه
ماعليك .... استراحة المحارب ان شاء الله ويكمل المشوار

العين الان على موبل .... اليوم وبكرة وبعده

 

[أبو غازي]

موبل يسجل هاي سنوي جديد اليوم
0.305
والى الامام ان شاء الله

نيوم بدا يترنح ... الظاهر واحد معطيه " سلفركس خلفي "

 

[أبو غازي]

mobl
يسجل هاي سنوي جديد 0.322
مبرووووك لملاك السهم

neom
يتراجع .... فاي نقطة سيكون منها الارتداد ياتري
هل هي 0.45

سبحان الله لايعلم الغيب سواه
لو كنت اعلم الغيب لا ستكثرت من الخير

شوفوا لنا العطار ياخوان ... يمرنا ويتحفنا بتحليلاته

 

[أبو غازي]

وكمان هاي جديد لموبل

قل لي الى اين المسير .... في ظلمة الدرب العسير
طـالـت ليـــاليـــه بنـــا .... والعمر لو تدري قصير

 

[waseem]

الف مبروك يابو غازي والان يعتبر نصاب الكسر تقريبا مكتمل اذا ماحدث كسر خامس خلال اسبوع
.44 المقاومه التالية تعقبها .53 وبعدها .66

بالتوفيق

 

[أبو غازي]

هلا بالحاضر الغايب ههههههه
متى العودة تراك طولتها

هل فرصه كبيره لكسر هذه المقاومات ام لا

 

[alattar]

بوغازي

انا قريت مشاركتك في موضوع بوعمر انا ناسيك

انت خبير في اسهم الجرابيع وماتحتاج من يقولك مسارهم

بوغازي neom

اهم شي لايقفل تحت 50 سنت اذا اقفل تحتها اتصور والله اعلم الى 40 سنت

ولكن هذا في حالة نزوله واقفاله تحت هذا الرقم ذكرني اشوف شارته وتمخمخ عليه على اصول التمخمخ من زمان ماتمخمخت

صموده الأن فوق 53 سنت شيء جيد ومامنه خطوره ان شاء الله



تحياتي

 

[أبو غازي]

وسيم
امس موبل سجل هاي جديد
ثم هبط بشكل حاد
مالسبب في رأيك ؟؟؟
ومازالت كمية التداول فيه عاليه

 

[waseem]

امس سجل يابو غازي كسر خامس للهاي السنوي والمفترض يتبع بكسر سادس واخير ولكن النصاب مثل ماقلت قبل اعطاه كامل والمفترض كان خروج والكسر الاخير في احيان كثيره يتأخر في فتره لا تزيد عن اسبوعين .

 

[الهامور المشوي]

السلام عليكم

اللي فهمته من ال مسج بوردز مال الامريكان
ان NEOM رافعه قضيه على virgin mega stores
بسبب استغلال virgin لتكنلوجيا ال paperclick
يقولون ان القاضي حددلهم جلسه في 17 \ 5

و يقولون انهم توصلوا حق تسويه راح يقدمونها للقاضي في هذا
التاريخ او قبله
و للتنبيه ان السالفه كلها عرفتها من المسج بورد مالهم فما في شي
مؤكد !

 

[أبو غازي]

امس سجل يابو غازي كسر خامس للهاي السنوي والمفترض يتبع بكسر سادس واخير ولكن النصاب مثل ماقلت قبل اعطاه كامل والمفترض كان خروج والكسر الاخير في احيان كثيره يتأخر في فتره لا تزيد عن اسبوعين .

تقصد بأنه من المتوقع يكسر الهاي السنوي خلال اسبوعين
ام ان الخروج الان افضل ؟

ولو تلاحظ نيوم كذلك كسر الهاي السنوي 5 مرات ويبدو انه في طريقة للسادسة 0.749
فهل يكون البيع بعد الكسر مباشرة ام ان هناك ارتفاعات اخرى ؟

 

[بشارة]

ابو غازي الطمع شين

بع الله يربحك ويبارك لك .

نيوم مهوب اخو شما على ماقال اخونا m&m لكن ان شاء الله يعوض العبث اللي سواه في اعصابنا الاسبوع الماضي