السوق الكويتي محترم بكل ماتعنيه الكلمه ونزوله هذا يأكد كلامي

alattar

عضو محترف
التسجيل
17 يونيو 2003
المشاركات
2,468
اعزائي اعضاء منتدى الكويتي

انا لا أشتري ولا ابيع في سوقكم هذا ولكن اقسم بالله العلي العظيم اني من بعد تحليل لسوقكم بدأت افكر بجديه ان احول اليه

اخواني الأاعزاء لو كانو ملاك السوق حراميه وغير موثوق فيهم مانزوله بهذا الشكل العامودي وبدون توقف

لو قلنا ان ملاك السوق يبون يبوقونكم جان وقفو هذا النزيف وردو اشوي وخلو مستثمرين ثانين يدشون ويردون ينزولنه مره ثانيه الي اقصده جان اسحبو ضاحايا جدد


الي حاصل انهم قاعدين يسرعون تحقيق اهداف التصحيح بسرعه وبعدها يستقر وبكل مصداقيه بدون جر رجل الاخرين اشكرا يقولون للي بره انتظرو

بالله عليكم هل نحترم سوق مثل هذا السوق ام لا

عن يقين اقولها يوم الي راح يرتد ارتداد قوي ماراح ينزلونه نزول قوي راح يستقر استقرار مريح جدا

الي حصل ان السوق ثلاث شهور متتاليه صعود بدون توقف وبدون عملية جني ارباح يعني صعود شبه عامودي والأن نزول شبه عامودي

عملو عملية تصحيح وحده بس من عند 7600 ونزوله الى 7300

واقسم اني مستغرب من هذا الذعر الي حاصل فيكم

اكرر كل شخص يمسك على الاسهم لايبيع بخساره حتى لو نطر ثلاث اشهر السوق مايخوف ابد


وتأمل من الله ان يستجيب دعائي وان يرتد من باجر من عند 8200 على اقفال اليوم


تحياتي
 

wanasa

عضو نشط
التسجيل
28 أبريل 2005
المشاركات
1,341
الإقامة
بالبيت وانت ?؟
السلام عليكم
الله يعطيك العافية يالعطار على الكلام الطيب والشرح اللي تكرمت فيه ومشكور وما قصرت
بالنسبة ان سوق الكويت محترم جدا اايدك 100%
أما بالنسبة للمتشائمين أتمني أنهم يتنازلون اشوي ويرضون بالسهم إذا دخل بالحمر أو وقف فترة على سعرة حتى لو امتدت اشهر أو أسابيع .
وفي نقطة البعض يمكن نساها والله اعلم.
إن في أسهم للحين ما تحركت من مكانها أو نزلت عن سعرها وصار لها أكثر من سنه من كان المؤشر بحدود +- 5000 وبنفس الوقت الشركات هذى لها عقود وأتحقق صفقات طول ألسنه المالية ومع ذلك بمكانها.
في حين شركات أخرى اند بل سعرها أكثر من 100% ووصل المؤشر أكثر من 8500

وأتمني سعة صدر الجميع للفترة القادمة لان في أخبار والكل ايتناقلها والكل يعلمها إن في رؤوس أموال خارج الكويت وتجار كبار يوميا أيدخلون وايتابعون البورصة الكويتية
لو إن في تعاملات البورصة اى شي أيشكك جان ماخذت الاهتمام هذا من خارج الكويت
ودمتم , ,

:)
 

alattar

عضو محترف
التسجيل
17 يونيو 2003
المشاركات
2,468
حياكم الله اخواني الصياد2 و wanasa

اخوي الصياد كلامك سليم مئه بالمئه بالنسبه لسهم المخازن وتأثيره على السوق
وسبب هذا التأثير هو ضخ الأموال الي قاعده تدش وتشتري من السهم

المخازن انا كان لي تحليل معاه ونقاط الدعم هي 3.800 وهو اليوم اقفل من عندها فإحتمال ارتداده اليوم

3.500 وهي الي وارده بشكل قوي

المهم ان السوق + المخازن معاً في طريق واحد في عملية جني الأرباح

يعني الخوف مامنه فايده الصبر مفتاح الفرج والي كنت اقصده ان سوقكم مايخوف ابد واضح وضوح الشمس ليش هذا الذعر والخوف


نعم اخي او اختي وناسه

كلامك سليم مئه بالمئه السوق الكويتي عليه الأنظار من بعيد وقريب نحن اقرب دوله الى العراق والعراق في تحسين اوضاعها لي الحين مانتهت

الكل يعرف ان الدوره الاقتصاديه هي خمس سنوات ازدها وخمس سنوات ركود ونحن في السنه الثالثه يعني امامنا سنتين ازدهار ان شاء الله

وللعلم اتصور ان الازدهار سوف يمتد عندنا خمس سنوات اضافيه والله اعلم والسبب ان دولة العراق لازالت تحسن اوضاعها مع نهاية خمس سنوات ازدهارنا

فالخوف مرفوع الأن لماذا الذعر والتخوف هذا ؟؟

الي حاصل عندكم ياجاعه ان محد فيكم عنده صبر يبي يهبر وبس

واقسم لو كنت في محلكم ما اتابع السوق هذي الايام ويوكون عندي صبر ست شهور مع ان الست شهور مبالغ فيها ولكن حطو لنفسكم ست شهور جدام وراح ترتاحون نفسياً

وسلام ختام
 

الخلوري

عضو متميز
التسجيل
17 مارس 2004
المشاركات
831
الإقامة
الكويت
اخي العزي العطار
بعد التحية والسلام

انا من المتابعين لتحليلاتك فى السوق الامريكي ولو اني توقفت منذ فترة طويلة بالتداول بالسوق الامريكي

انني هنا اليوم اود ان اشكرك نيابة عن الاخوان لقيامك بالتوجه الى السوق

الكويتي فى هذه الظروف العصيبه وتحليلك الفني لمؤشر السوق والاسهم

الكويتية ونصائحك لاخوانك مع علمي اليقين بأنك لا تتعامل بالسوق الكويتي

فتحية اخوية لك وحياك الله بالسوق الكويتي وان شاءالله تكون عضو دائم

معنا بالسوق الكويتي ونستفيد من خبراتك الفنية بالتحاليل ، ولك كل الشكر

الخلوري
 

المهذب جداً

عضو مميز
التسجيل
28 مارس 2004
المشاركات
3,017
الإقامة
مانشستر يونايتد
.


العطار ملك الناسداك و البيني ستوك المعروف


المشكلة بالآجل ياطويل العمر


.
 

بوحسن

عضو مميز
التسجيل
15 مارس 2004
المشاركات
3,021
وهل يصلح العطار ما افسده الدهر

والله يا العطار كلامك حلو بس مو داش براسي لانك تقول انك توك تدش السوق

يعني هل نلغي كل خبراتنا السابقه وانا متداول بالسوق الكويتي من 8 سنوات



لاحظ ان السوق الكويتي فيه شي مميز غير عن السوق الامريكي الي يدش فيه الياباني والكندي والعربي والافريقي وكل واحد وهو قاعد بدولته قاعد يتداول
فلابد من وجود اليه تعرف فيها سلوكيات التنبؤ والتحليل وهذه بتنفع معاها المبادئ العلميه


بس سوقنا طال عمرك فيه مبادئ حلوه غير عن الي مع احترامي لك وانت توك داش علينا اني اعطيك بعض منها

شوف مبدا ما طار طير وارتفع الا كما طار وقع .. هذا عندنا

ومبدا من صاده عش عياله ... هم عندنا

ومبدأ جاور السعيد تسعد .. هم عندنا



وعموما ..اذا عندك خبر قول ... شي من مصدر عن اتفاقيه عن مناقصه عن لملمه محافظ ..الخ ..هني هالشغلات اهي الي تحرك السوق

عيل 3 اشهر على قولتك صعود وجني ارباح بدون نزول وتقولي سوق طيب ؟؟

لايبا مو طيب الطيب الي له اتزان ..مو 3 اشهر صعود وشهر ونص نزول ؟ وين قاعدين

عموما يا العطار احنا انشالله بتستفيد من عطرك ودواك ..بس جدام اتوقع مو الحين ..وبعد كل هالنزول الكل يقول فيه ارتفاع ودمتم
 

درب العصامى

عضو نشط
التسجيل
14 يوليو 2004
المشاركات
1,009
السوق الكويتى به خاصية فريدة ...؟

مجموعة مستثمرين يستطيعون التلاعب فى الاسعار بغض النظر فى حالة السهم الاساسية والفنية ؟؟؟؟ والامثلة عديدة ..

ليش ؟

لان السوق الكويتى عدد اسهمه قليلة نسبيا ..والتجار الكويتيين ما شاء الله لديهم فائض مالى لذلك يسهل التحكم ليس بالسهم لكن بالقطاع والسوق كله؟ .. السوق الامريكى فيه الاف الاسهم والشركات .. وانت عارف تجارنا والجشع وطريقة تفكيرهم ... قال لى زميل قطرى تاجر ساخرا .. تجاركم يخرعون واحنا بالسوق القطرى ما نبيكم ؟؟؟
السوق الكويتى .. فقط 80 - 120 مليون دينار تلعب بالسوق لعب ؟؟ان نزل 10 -20 مليون .رحنا فيها ؟؟

هذا هو الفرق سيدى العطار ؟
 

CHART TRADER

عضو نشط
التسجيل
22 يناير 2004
المشاركات
1,043
الإقامة
الكويت
الاخ العزيز ............. العطار


والله كلامك 100 % سليم والسوق الكويتي اكثر من رائع



وارجو من الاخوان الانتظار الى الاسبوع القادم فقط


وينتهي التصحيح ... ولحد يبيع



تحياتي لكم ...
 

careful_invest

عضو نشط
التسجيل
27 يوليو 2004
المشاركات
903
كلامك اخوي العطار ينطلق من مبدأ كل من يغني على ليلاه..يا اخوي العزيز الماخذين آجل مقروصين قرصة اليهد وصايرلهم 10 ايام مو قادرين يبيعون وتقولي صناع السوق سوولنا خدمة..
اذا فعلا نيتهم زينة المفروض يعطون فرصة للناس تبيع وتشتري بارادتهم..لكن الحاصل ضغط متعمد بمعروض وبدون طلب..هل المنطق يقول انزال السوق بحدود 13 يوم بغض النظر اذا الأوضاع الاقتصادية زينة أو شينة..
شوف أخوي..انا صج مقروص بنزول الاسعار مع اني بردت أكثر من مرة كاش..والحمدلله ما اتعامل آجل أو عندي قروض..لكن أعرف من ربعي عايش مآسي بسبب ما حصل..وعلى قولة اخوانا اللبنانيين اللي (ايدو بالمية مش زي الايدو بالنار)..والحاصل بالسوق الحين (يا طخو يا افتح بطنو)..فخلك على السوق الامريكي أفضل لك..
 

alattar

عضو محترف
التسجيل
17 يونيو 2003
المشاركات
2,468
حياكم الله يا اخواني

اشكرك عزيزي الخلوري على هالتحيه الطيبه ماقصرت

اخوي رومان انا لايمكن اهد السوق الامريكي حط ابطنك بطيخه صيفي

اخوي المهذب جدا سوق الآجل مسوي ازمه عندكم وعندنا والله المستعان

=========================

اخوي الصبر مفتاح

انا مالي شغل في السوق الكويتي نعم ولكن عندي اخواني ولوالد الله يحفظه لهم باع طويل في هذا السوق

ولي نقاش معاهم شبه يومي منذ سنين على السوق الكويتي يعني انا متعايش مع السوق وعارف ازماته ونتعاشاته

وعرف خفاياه ولكن انا مالتفت للسوق الكويتي في المنتدى الا هذي الايام وهي لتخفيف معانات اخواني الاعضاء

وهذا الكلام لرد ايضا على اخونا
careful_invest

ولي حسيت من رده ان مستهتر في قدراتي ومستخف فيني وياريت اكون غلطان
===============

اخوي الحربي على راسي من فوق انت من الناس الي تحترم التحليل الفني وخفاياه وها هي نفسيتك مطمئنه ان شاء الله

تسلم عزيزي

==============================

اخوي درب العصامى

مالي الا ان اقف لك احتراماً عزيزي كلامك افضل ماقيل في هذا الموضوع

كلامك هذا يحتاج الى جلسه طويله

لان السوق الكويتى عدد اسهمه قليلة نسبيا ..والتجار الكويتيين ما شاء الله لديهم فائض مالى لذلك يسهل التحكم ليس بالسهم لكن بالقطاع والسوق كله؟ .. السوق الامريكى فيه الاف الاسهم والشركات .. وانت عارف تجارنا والجشع وطريقة تفكيرهم ... قال لى زميل قطرى تاجر ساخرا .. تجاركم يخرعون واحنا بالسوق القطرى ما نبيكم ؟؟؟
السوق الكويتى .. فقط 80 - 120 مليون دينار تلعب بالسوق لعب ؟؟ان نزل 10 -20 مليون .رحنا فيها ؟؟



وبالفعل قد تحدثت من لهم باع طويل في الاسواق العالميه مع الاسواق العربيه فقالو نفس كلامك الله يحفظك
لا نستطيع ربط الأسواق العالميه مع الأسواق العربيه والسبب قلة الشركات في اسواقنا معدوده

اما الاسواق العالميه فهي مفتوحه تصل عدد الشركات مايقارب 5000 شركه وانت طالع
ممكن يكون كلامك مئه بالمئه صحيح ودخولي بينكم كان علط
على العموم انا عارف ان كلكم مو مقتنعين بجدارة التحليل الفني مع سوقكم

واذا شاء الرحمن راح اسوي موضوع فيه توصيات مبنيه على التحليل الفني فقط وشرط لن تتعدى الأهداف الي راح اذكرها سواء صعود او نزول

شغل تمخمخ

بس انا الحين راح اكون متابع الى ان اعرف الطبخة كبار المستثمرين عندكم

واسف على التطفل ودخولي بينكم ما كنت اعرف انكم مشدودين الأعصاب الى هذا الحد وماعندكم قابليه للنقاش

شغل تعجرف ولله الحمد تعالو عندنا سوق الأمريكي نخسر ونضحك ونتناقش بكل ود
ووصلنا الى الأحترافيه بناء على التعاون بدون شد الأعصاب

وهذا الكلام للبعض ولله الحمد اشوف بينكم ناس تنحط على الجرح تبره
تحياتي
 

alamer70

عضو نشط
التسجيل
18 ديسمبر 2004
المشاركات
413
اخ العطار حياك الله فى المنتدى الكويتي وارجو منك الاستمرار فى ابداعاتك فى التحليل الفنى

انا متابع السوق الامريكي انت ما شاء الله عليك اخر ابداع با التحليل وارجو ان تعذر الاخوان ( تدرى النفسيات تعبانه )

بس عندى ملاحضة للاخوة اللى يقولون سوقنا ما يمشى مع التحليل الفنى فى اخر دورة للتحليل الفنى حضرتها قبل شهرين ان اغلب المشاركين مدراء ومحللين من محافظ كبيرة يعنى هناك توجه للتحليل الفنى


وبارك الله فيكم
وموفقين
 

alattar

عضو محترف
التسجيل
17 يونيو 2003
المشاركات
2,468
تسلم اخوي alamer70

ماقصرت على هذا الكلام الطيب والي من شخص طيب والله يعوض على الاخوان خسايرهم ونشوف ضحكتهم من جديد

في موضوعي هذا انا ماتطرقت للتحليل الفني انما هي نظره عامه وبدون شارت اذا كان المغزى من وراها حرب على التحليل الفني انما انا ذكرت ما اراه من خبره في الأسواق الأكثر تعقيدا من السوق الكويتي وجر ارجل ناس وضحايه جدد

الف شكر لك يالأمير
 

careful_invest

عضو نشط
التسجيل
27 يوليو 2004
المشاركات
903
alattar قال:
انا مالي شغل في السوق الكويتي نعم ولكن عندي اخواني ولوالد الله يحفظه لهم باع طويل في هذا السوق

ولي نقاش معاهم شبه يومي منذ سنين على السوق الكويتي يعني انا متعايش مع السوق وعارف ازماته ونتعاشاته

وعرف خفاياه ولكن انا مالتفت للسوق الكويتي في المنتدى الا هذي الايام وهي لتخفيف معانات اخواني الاعضاء

وهذا الكلام لرد ايضا على اخونا
careful_invest

ولي حسيت من رده ان مستهتر في قدراتي ومستخف فيني وياريت اكون غلطان ===============

تحياتي


يسلم راسك اخوي العطار على الرد الطيب..وحشا والله ما اقصد الاستهزاء ولا التقليل من شأنك..فواضح ان امكانياتك وقدراتك التحليلية فوق أي شبهة..لكن امانة مستاء حق اللي قاعد يصير مع الربع وشعرت ان في ظلم واقع عليهم..على العموم استسمحك عذرا ان اخطأنا في حقك بدون قصد..وعساك على القوة وما نستغنى عن توجيهاتكم..
 

alattar

عضو محترف
التسجيل
17 يونيو 2003
المشاركات
2,468
اخوي careful_invest

انا عمري ما اتسرع في الحكم على احد والي بقلبي على اللساني وانا كتبت هذي الجمله علشان استوضح منك ماهو المقصد

واحنا اخوان مابينا اسف ويشهد ربي اني قاعد اعاني معاكم بهذه المأسات

والله يعينكم ويعين الجميع ويلهمك الصبر يارب

تحياتي
 

درب العصامى

عضو نشط
التسجيل
14 يوليو 2004
المشاركات
1,009
الاخ alattar المحترم

اهلا وسهلا بك وسط اخوانك ... واعتقد ان لك وجهة نظر- راقية- نحترمها جدا...

بانتظار مشاركاتك الاخرى .. التوفيق لك و للجميع..
 

الفهلوي

عضو مميز
التسجيل
22 سبتمبر 2003
المشاركات
4,254
الإقامة
في قلب أمي
alattar قال:
واسف على التطفل ودخولي بينكم ما كنت اعرف انكم مشدودين الأعصاب الى هذا الحد وماعندكم قابليه للنقاش



اخوي العطار


اولا حياك الله معانا في منتداك المؤشرنت سواء كويتي او امريكي


وثانيا ليس من حق اي شخص ان يمنعك من المشاركة سواء بتحليل او نقاش

خصوصا انك ماتتكلم بعبث بل تستخدم اسلوب الإقناع وتأكد كلامك بالأدله والبراهين

اضف الي ذلك انك من مشاهير المنتدى المحترفين والذي نقف لهم بكل احترام .

هذا رأيي وهو ايضا رأي كل المشرفين والمراقبين والكثير من الأعضاء في هذا المنتدى الطيب .


وتقبل اعتذاري عن اي سوء فهم حصل من الغير تجاهك .

وبأنتظار ابداعك ... وكما يقال " الميه تكذب الغطاس " للمشككين بك .


الفهلوي
 

بومهدي

محلل محترف
التسجيل
7 أكتوبر 2004
المشاركات
383
الإقامة
الكويت
السلام عليكم و رحمة الله

الأخ الحبيب العطار

انت صاحب الدار وأحنا عندك ضيوف وفقك الله ورعاك ونفعنا بعلمك

نسألكم الدعاء جميعا
أخوك بومهدي
 

um7jool

عضو نشط
التسجيل
28 فبراير 2005
المشاركات
30
الإقامة
kuwait
بومهدي قال:
السلام عليكم و رحمة الله

الأخ الحبيب العطار

انت صاحب الدار وأحنا عندك ضيوف وفقك الله ورعاك ونفعنا بعلمك

نسألكم الدعاء جميعا
أخوك بومهدي

اهلين
ياهلا بالوقار
 

بومهدي

محلل محترف
التسجيل
7 أكتوبر 2004
المشاركات
383
الإقامة
الكويت
السلام عليكم ورحمة الله

الأخت الكريمه شكرا على الترحيب ، بس عندي سؤال شلون عرفتي اني شايب ، ومثل ما يقولون الشيب وقار ؟؟؟

شكرا مره ثانيه والله يفتح عليكم من فضله

بومهدي
 
أعلى