شرايكم بالعالم الغريب هذا

[تركي2000]

كل شي يدعو للارتفاع

والنزول شغال بقوة

والله حاله

 

[alattar]

بوفوز اتوقع هذا النزول لأن البترول ارتفع

البترول قريب جدا من نقطة فاصله اما صعود او نزول اتوقع والله اعلم نزول

الصبر اشوي بس وبعدها نشوف دربه

 

[تركي2000]

البترول الشمعة الاخيرة فيه للسكستي

تقول انه على وشك ارتفاع

علما بان البترول

ماهو شارت
البترول سياسة دول

يعني ما يعتمد على الشارت الا ما قل

 

[alattar]

بوفوز حبيب السوق كان من المفترض ان يحوش 1950 ولكن في حالة نزوله عنها ننتظر ساعه من الأن ونشوف اذا كان تحت 1950 ولا فوق

اهم شي لايبات تحت 1950 ساعه كامله

خل نقول الحين الساعه 11 بتوقيتهم يعني الي نحتاجه نص ساعه مو ساعه

علشان انعرف مساره

تحياتي

 

[meshal]

ابوفواز يطولي بعمرك تقرير العجز في الميزاينه اقل من التوقعات وهذا جيد

لكن اقرء هذا الكلام في دريال

جاءت بداية البورصة اليوم الأربعاء لتخالف نهاية جلسة أمس فاليوم كان نهج الارتفاع هو صاحب الكلمة العليا وذلك بعد القراءة المشجعة لتقرير العجز في ميزان التجارة و التي جاءت أدنى من جميع التوقعات حيث وصل العجز إلى 55 بليون دولار فقط في شهر مارس في الوقت الذي كانت فيه التوقعات تشير إلى إمكانية وصول العجز إلى رقم قياسي وهو 62 بليون دولار نتيجة توقع ارتفاع أسعار الواردات من النفط و ارتفاع ورادات الملابس من الصين ولكن جاء الانخفاض في العجز بنسبة 9.2% جاء ليقلب هذه التوقعات رأسا على عقب حيث ساهمت ارتفاع الصادرات الأمريكية من السلع الرأسمالية و من الأغذية و من المشروبات جاء ليعادل الصورة و ساهم ذلك في بداية مرتفعة لوول ستريت حيث ارتفاع مؤشر أس اند بي 500 بواقع 1.82 نقطة و ارتفع مؤشر ناسداك بواقع 4.48 نقطة كما ارتفع مؤشر داو جونز بواقع 9.40 نقطة.

========

وهناك ترقب ايضاً للتقرير الاسبوعي لمخزون النفط

فلابد يابو فواز نعرف ليش السوق قاعد ينزل او يصعد بمعرفة التقارير اللي راح تصدر بنفس اليوم ولا ناخذ تقرير واحد وننسا الباقي ونقول الحركه اللي حاصله غريبه

ومثل ماقال بومحمد لابد نصبر على الاقل شوي علشان تتضح التقارير وعلشان نعرف توجه السوق من خلال الرسم البياني

 

[alattar]

بومحمد متى التقرير الثاني ؟

بوفوز حبيبي شوف الشارت باقي 5 دقايق وتتضح الصوره ان شاء الله

اما فوق 1950 اما 1938

تحياتي

 

[alattar]

حبيبي بوفز بس حبيت اضيف شغله وحده اليوم انت ذكرت هدف لمؤشر السوق وهو 2007

اذا الناسداك صمد فوق 1938 تقريبا راح يكون هدفك سليم مئه بالمئه

اما اذا نزل الى 1920 فلنا كلام ثاني

الصبر الصبر ولكن بخصوص البترول والتحليل الفني يبيلي قعده معاك طويله

تحياتي

 

[alattar]

خلصت الساعه

تحت الخط بشيء بسيط جدا الصوره صارت عليها ضباب

1951.25

من المفروض 1952

راح يبان الحين ان شاء الله وهذا احنا معاه

 

[سالم العيفان]

أبو فوز ، أبو محمد شكله نزول الله يستر ويظل عند الأرقام ألي ذكرتوها !! نعمة أذا تجاوزها اليوم !!!

 

[meshal]

بومحمد ماعندي علم بالساعه اللي راح يصدر فيها من هذا اليوم

يمكن احد الاخوان يفيدنا بالساعه اللي راح يصدر فيها التقرير

موقع دريال راح يذكرها بالوقت اللي راح يصدر فيه التقرير

 

[alattar]

اخوي سالم العيفان

ما في شي يقول نزول لحد الان

خل نشوف النص ساعه الجايه ونشوف دربه

مؤشر السوق ثبت عند 1950 مثل ماتصورت له قبل ساعه

اهم شي لاينزل عن 1948


انروح انصلي وبعدها نشوف دربه

تحياتي

 

[alattar]

هلا بومحمد

ننطر المنقذ بوراشد الحين اييب لنا الساعه من موقع بريفينق

تسلم يالغالي

 

[تركي2000]

انا الان اقول انه متجه

الى 1942

والله يستر

 

[Day_trading]

هلا بومحمد

ننطر المنقذ بوراشد الحين اييب لنا الساعه من موقع بريفينق

تسلم يالغالي

لاتعليق

البيت الابيض يقولك فوقه هلكبترات وتهديد نفطى للمنشات النفطية الكويتية والله يحفظ الكويت والسوق كاسر شارت الويكلي

 

[Day_trading]

[12:14am]
إخلاء البيت الأبيض و مجمع الكونغرس بسبب تهديدات بوجود طائرة تحوم في سماء المنطقة ...

 

[alattar]

من صجك يابوراشد ولا تتغشمر

اذا غشمره نطوفها بس اذا صج الله يستر وشدعوه الطياره ببشيره مو عارفين وينها ولا شنو قصتها شغل اي كلام بس هم الله يستر


====================

بوفوز انشهد انك ماشاء الله عليك تصيده بسرعه وتستوعبها

الله يكافيك شر العين

تبي اقولك اشلون طلعت معاك 1942

موفق يابوفوز وان شاء الله الأحترافيه قريبه منك قول آمين ونشوفك من اصحاب الملايين مثل وسيم وتسلفني الف دولار بس

تحياتي

 

[النوووخذه]

بو محمد هنااااااا
بو محمد ( العطار )...حبييبي اشلونك شخبارك .. والله ولك وحشه

حبيت بس انتهز هالفرصه واشيد فيك وبعطائك وبنشاطك .. اسئل الله العلي القدير ان يوفقك .... ويجزيك عنا خير الجزاء

ابشرك وسيم راكب راسه الا يشتري مايكروسوف ... وبيل غيتس معند ولا راضي
ما شاء الله الريال وصل ولا عاد يبين .... الفال لنا

 

[Day_trading]

من صجك يابوراشد ولا تتغشمر

اذا غشمره نطوفها بس اذا صج الله يستر وشدعوه الطياره ببشيره مو عارفين وينها ولا شنو قصتها شغل اي كلام بس هم الله يستر
تحياتي

صج يا العطار تروع شوف القنوات الاخبارية

 

[Day_trading]

[01:09pm]
السلطات الأمريكية تعطي ضوءاً أخضر لعودة الحياة إلى طبيعتها في البيت الأبيض و مجمع الكونغرس بعد هرب الطائرة المجهولة ...



[01:06pm]
أسعار النفط الخام تهبط إلى مستوى 50.75 دولار للبرميل ...

 

[alattar]

أنـــــــــــــــــــــــــــــــــــا مو مصدق عيني

صج جذب هشــــــــــــــــــام الهنـــــــــــــــا ياريتني كنت انـــــــــــــا معانا

ياهلا ياهلا يهلا والف مرحبا

وينك انت يالغالي شالغيبه الطويله والله ثم والله لك وحشه كبيره

بشرني اشلون الاسهم معاك ان شاء الله امورك طيبه خلك من وسيم خلاص انتهى هذا الرجل من الوجود بس تزوج يطل طله اصغيرونه وظاهر على الافه

تسلم لي يالغالي والفال لك نفرح فيك عن قريب وخل تكملت الدراسه تولي كمل نص دينك

تحياتي