يا إخوان أبغى نصيحتكم عاااااجلا ...

[المحيط]

شريت في iso قبل سنة على 64. وإلى الآن متعلق فيها كل ما ارتفعت شوي قلت أبصبر وإذا نزلت ندمت على اني ما بعت....علماً اني الآن محتاج لفلوسها....والكمية حول مئة ألف سهم ................ وش السواة يا جماعة الخير ....أبغى حلّ!!!!!!!!!!!!!!!!!!!! ...تراني طفششششششششششت بالمرة....وهل فيه أمل بالارتفاع قريبا؟؟؟علشان أنتظر بعد شوي..
ولكم تحياتي

 

[rahaly]

ISCO International Inc (ISO)

اذا هذي شركتك ياخوي .. عجيبة شلون شاري ب 0.64 ؟؟

مع ان السهم ما وصل هالسعر من اكر من سنتين !!!

عموما وش اللي منطرك عليه؟؟

اذا كنت منتظر اكثر من 35 سنت .. تسمحلي يا خوك ..
ماني محلل فني .. وبدون شموع يابانية .. ولا فوانيس مصرية ..

لو كنت مكانك بعت السهم وريحت بالي ..

(مدري منين طايح على هالشركة!! حتى البورصة يمكن ما تعرفها!!)



أسمحلي يا الحبيب .. شيله من البورتوفوليو عشان لا تعور قلبك


تحياتي

رحالي

 

[the unknown]

والله يا الغالي ....

لو أنا مكانك ... أبيعه بقلب جامد ... وبالمبلغ أعمل كم صفقة خلال شهرين أو ثلاثة أعوض الخسارة ... طبعاً إذا الله وفق ...

لكن جمود طوال هذه المدة ... حل غير عملي ...

طبعاً هذا لو أنا في وضعك .... قد تختلف شخصيتك وتفكيرك ورؤيتك للاستثمار في الأسهم ...

أمنياتي لك بالتوفيق

 

[kingofthstocks]

الله يعوض عليك بخير

السلام عليكم ورحمة الله وبركاته.
الله يعوض عليك بخير . ونت منت اخر واحد يخسر في هذا السوق فانصحك يا خوي ان تبيع السهم وتتداول بباقي المبلغ في غيره . وانصحك بعدم الدخول في اي سهم الى بعد تحليله فنين وتحليل اساسي .
اخوي الله يصبرك علي بلوتك والفلوس تروح وتجي وهذا وسخ الدنيا فصبر وهذا اختبار وصدقني مادام انك صبرت كل هذا الفتره فالله بيعوضك كل خير.
والله يوفقك ويرزقك من حيث لا تحتسب.

 

[rahaly]

للمواساة .. والاستفادة

أقرأ الرابط :

http://www.indexsignal.com/vb/showthread.php?t=25768

وياخوي دير بالك من الشركات اللي تشتري اسهمها

بالتوفيق

 

[الضوش]

نصيحة منى تنطر بعد أسبوع واحد وأن شاء الله يصعد هالسهم خلال هالاسبوع

 

[المحيط]

الأخ/rahaly شكرا عل نصائحك الغالية ولكن هذا أمر الله.....وشكراً على الرابط المفيد جددددا..وجزيت خيرا
الأخ/the unknownوالله أنا لي فترة وأنا أفكر في اللي ذكرت وعسى الله يجيب القلب الجامد.
الأخ/kingofthstocksاللهم آمين وتقبل الله دعائك...وكلامك صحيح:الفلوس تروح وتجي .
الأخ/الضوش..أفكر في كلامك والله يختار الزين

ولكم ولأعضاء المنتدى الجميل تحياتي لمشاركاتكم وإفادتي بما يجب أن أفعله في مثل هذه الأحوال.​