خافوا الله يا المحافظ

بورصراتي

عضو متميز
التسجيل
8 مارس 2005
المشاركات
2,895
الإقامة
الكـــ مشرف ــــويت
والله مو حاله هذي كل ما قلنا السوق صاعد خفستوا فينا والله حرام لعبتوا في بيان واللبنانيه وبس هذي حالتنا كل مانزل السوق ننطرد كلام من الشيخ صباح علشان تتراجفون وتصعدونه :mad:
 

سندباد

عضو نشط
التسجيل
2 مايو 2004
المشاركات
150
لعبة الكبار

لعبة كبار بس الصبر مفتاح الفرج :)
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

اقسم بالذي رفع السما من غير عمد ان السوق زين .
المشكله مو في المحافظ المشكله فينا اللي مانعرف شناخذ او مانعرف متى وقت الارتداد والهجوم الانعكاسي .
وايضا لاتنسون انكم ياصغار المستثمرين فيكم حسد .يعني ماتحبون ان المحافظ تربح كانكم نسيتم ان بالمحافظ ناس يحبون يربحون نفسكم .
فانا اعتقد ان سهم المخازن سوف يصعد شاء من شاء وابى من ابى وسوف يرتد ارتداد شديد وبغضب .(انا لا انصح بالمخازن لسبب شخصي ).
--------------------------------------------------------------
فقط اريد منكم التمعن في مردودات العائد النفطي ومن يقول ان النفط سوف يتراجع ارد عليه بانه مسكين لان ارتفاع النفط ه لكبح جماح الصين .
ولذلك امامنا 5 سنوات من الفوره الاقتصاديه الكبرى ومن لم يستغلها سوف يظل من اصحاب الدخل المحدود ومهمشا الى اجل مسمى .
وان كنتم لاتصدقوني فاسئلوا اهل هونك كونج وتايوان حيث ان اكثر شعوبهم مليونيريه ومن غير نفط فقط ثوره اقتصاديه .
--------------------------------------------------------
الخلاصه ان كنت مقتنع بسهم فاحتفظ به الى ان تبيعه بسعر مناسب ام ان كنت متشكك فهناك حلان ام انك تضارب ام انك تخرج نهائيا من سوق الاوراق الماليه .
 

البواردي

عضو نشط
التسجيل
28 فبراير 2005
المشاركات
1,686
الإقامة
المخ التجاري
لا مو مشكلتنا

السلام عليكم
اخوي خير الكلام
احييك يا الغالي
واسمحلي اقولك ترى مومشكلتنا والله انها مشكلة المحافظ تدري ليش ؟؟
لان المحافظ فعلاً يلعبون علينا اي نعم يبون يربحون مثل ما احنا نبي نربح بس مو بهاشكل القذر ثلاث ايام تعليق لاسهم الجناعات بيكفيهم ؟؟؟
ما اضن لانهم شرو يوم الاربعاء اللي فات وهذول طماعين اكثر من اي مخلوق واحنا مو مشكلتنا لمن نشتري السهم ويرتفع شوي ويادوب بادي يغطي خساراتنا يجونك محفظتين يلعبون بالاسهم ويخلونه بالحضيض يا اخي والله حرام
ما عليه انت بيع وترزق الله بس ليش تنزل السهم
ممكن انهم يبيعون بالعالي ويشترون بعدها بالنازل بس لازم يعدلون السهم وما يقفلونه حد ادنى ( اهني تكون المشكله مشكلة المحافظ والصناديق ) يا اخي والله العظيم الناس للناس والكل بالله ويا الله ارزقني وارزق مني لكن هذول ما طبقو هالدعاء ولا يبون يطبقون ويبون الناس تدعي عليهم كل يوم لين يصير فيهم شي
انا بالنسبه لي والله كم اتمنى انهم ينردعون بقرار من الشيخ صباح الاحمد الصباح وقرار وزاري وقرار من الركيبي مدير السوق ..........



وحسبي الله ونعم الوكيل
 

خير الكلام

عضو نشط
التسجيل
9 سبتمبر 2004
المشاركات
1,030
السلام عليكم

أخي الحبيب البواردي المحترم .تحيه وبعد .
يوم كان سعر اللبنانيه ب750 الكثير من صغار المستثمرين اشتروا .
وايضا الكثير باع على 1100 .ممكن تحسب الربحيه ؟؟؟؟؟؟؟؟؟؟؟؟؟؟؟؟؟؟
الله واكبر عليك ياسوق 400 فلس ربح باليد وفي ناس تتشكى منك .
يالبواردي شمعنى تتشكى على بعض الاسهم ؟؟؟؟؟
عندك المخازن ثابت مثل جبل من جلمود .
شمعى المخازن مانزلوه حد ادنى ؟؟؟؟
واكرر المحافظ مو رجل الي يبي يبلع الفلوس لا المحافظ فيها فلوس ناس مثلي ومثلك ومن حقها تربح .
وفي شئ مهم جدا لاتظن ولاتفكر ان فقط مجموعه المخازن هي التي فيها الخير بالعكس فالاستمرار بالمجموعه فيه خوف .
شوف الاسهم وادرسها زين وانشالله راح تربح .
 
أعلى