ما تفهمونا السالفه !!!!

الموضوع في 'السوق الكويتي للأوراق الماليه' بواسطة bodalal, بتاريخ ‏13 يونيو 2005.

  1. bodalal

    bodalal عضو مبدع

    التسجيل:
    ‏25 ابريل 2005
    المشاركات:
    394
    عدد الإعجابات:
    0
    خبر : المصدر القبس اليوم الاثنين 13 يونيو 2005

    المـخازن تفوز بعقد جديد قيمته 300 مليون دولار سنويا
    بعد اقل من 10 أيام على فوزها بعقد عملاق حده الاقصى 14 مليار دولار، اعلنت شركة المخازن العمومية امس انها فازت بعقد جديد مع قوات التحالف، قيمته السنوية 300 مليون دولار، ومدته الممكنة 5 سنوات. والعقد يتعلق بنقل معدات ثقيلة لصالح وزارة الدفاع الاميركية.
    وأوقفت إدارة السوق أسهم شركات المخازن وبيان ومركز سلطان والوطنية العقارية والكويتية - اللبنانية عن التداول، بسبب اشاعات سبقت اعلان العقد. التفاصيل

    ===========

    التعليق :

    يا جماعة شسالفة .. أقوى عقود بالخليج كله .. ومع هذا اللبنانية بالحظيظ والمخازن اليوم طايحه بعد !!!!!!!!!!!!!!!!!!

    سوق هذا والا بسطه

    فهمونا يا أهل التحليل الفني
     
  2. dnyay

    dnyay عضو نشط

    التسجيل:
    ‏22 ابريل 2004
    المشاركات:
    346
    عدد الإعجابات:
    0
    يا معود اسكت لا يروحون المحافظ والصناديق يشترون البسطه واللى فيها بعد
     
  3. cool-man-28

    cool-man-28 عضو نشط

    التسجيل:
    ‏7 ديسمبر 2004
    المشاركات:
    271
    عدد الإعجابات:
    0
    صج ياجماعة شصاير والله محنا قادرين نركز شنو سبب هبوط اللبنانيه والباقى ليش حركتهم صارت أخر السوق والمخازن طايحه إلى ماقبل الإقفال
    ليششششششششششششششششش + ليشششششششششششششششششش :((
     
  4. المتمكن

    المتمكن عضو نشط

    التسجيل:
    ‏26 ابريل 2005
    المشاركات:
    271
    عدد الإعجابات:
    0
    السلام عليكم
    ياجماعه الخير لا تابعون البورصه على الاقل هاليومين وكبر المخده وشوف شغلك
    الخير ياي بالطريج انشاء الله
     
  5. bodalal

    bodalal عضو مبدع

    التسجيل:
    ‏25 ابريل 2005
    المشاركات:
    394
    عدد الإعجابات:
    0
    يا المتمكن .. مساك الله بالخير :)

    إذا كلامك صحيح .. فهذا معناه ان اللبنانية تصبح على الأقل سهم استثمار طويل أو متوسط الأجل

    صح وإلا قلط ( غلط :) ) ؟؟؟

    فإذا كان الكلام هذا صح .. عيل ليش العالم قاعدين يبيعون برخيص .. اليوم نزل لي 890

    فهمني أرجووووووووووك ...

    ومشكوووور على التواصل
     
  6. الخطاف

    الخطاف عضو جديد

    التسجيل:
    ‏5 يونيو 2005
    المشاركات:
    16
    عدد الإعجابات:
    0
    سمعت عن اليهال الي يلعبون بلاي ستيشن هذول مدراء المحافظ والسوق يا جماعة عقليتهم مثل اليهال ما يفكرون جدااااام يشوفون تحت ريولهم نزل وخم وصعد وقط ما يشبعون ما يدرون أنه بالحركات هذي يضروون اقتصاد البلد بحيث يكون السوق الكويتي غير جذاب للمستثمرين......وبالتالي الكل يسحب فلوسه ويدورله مكان ثاني .....هذا الي حاصل اليوم ويمكن باجر......ماكو الا حل واحد :cool:

    قانون يحكم المحافظ .....اخخخخ بس وين الي يسمع :confused:

    اخيرا ......لحد يقط سهمه ووهقوهم :D
     
  7. سندباد

    سندباد عضو جديد

    التسجيل:
    ‏2 مايو 2004
    المشاركات:
    150
    عدد الإعجابات:
    0
    هوشة

    يا جماعه السر عندكم بالأمان يقولون أن الأستثمارات الوطنية زعلانه مع عيال السلطان بس ما يندره نرجو الإفادة
     
  8. Wise

    Wise عضو محترف

    التسجيل:
    ‏5 ابريل 2005
    المشاركات:
    2,024
    عدد الإعجابات:
    0
    مكان الإقامة:
    الكويت
    الرجاء من الاخوان الانتباه من حركات التطفيش ،، وبعد هذى العقود اللي تعادل مزانيات دول ،، اللي قاعد يحصل بعد هذى العقود ما صارت فى اي سوق فى العالم الا فى السوق الكويتي لئن المحافظ الله يحفظهم يحبون الخير اهم ويا الصناديق اللي مرصعه بالجواهر من الداخل ارجو الانتباه والشخص اللي يعرف كيف يلعب معهم يلعب واللي ما يعرف يترحم الله ولا يتابع البورصه الا بعد الربع الثاني .​