زحمة السوق ...... الحل ؟؟

الموضوع في 'إستراحة المنتدى' بواسطة As You Like, بتاريخ ‏14 يونيو 2005.

  1. As You Like

    As You Like عضو جديد

    التسجيل:
    ‏8 مايو 2005
    المشاركات:
    166
    عدد الإعجابات:
    0
    أول شي أحب أسلم على الجميع أعضاء وزوار المنتدى الكرام ,, بصراحه عندي موضوع حاب أخذ رايكم فيه وهو الزحمة الموجودة داخل مبنى البورصة ( قاعة التداول ) والزحمة برة مبنى السوق...
    أنا أتداول بسوق الكويت صارلي مدة لكني بصراحة أتداول عن طريق الكمبيوتر والتليفون يعني من بعيد لبعيد وصارلي فترة ما ييت البورصه لكن اليوم رحت البورصة مو عشاني عشان شخص عزيز علي وشفت شي غريب ,, والله صرت ألف أكثر من نص ساعة أبيلي موقف للسيارة ماكو والمواقف اللي قريبة من البنك الوطني العدد كامل والبراحات متروسه حتى الرصيف وطبعا تدرون المخالفات وإحنا ما ودنا نخالف المرور,, المهم بعد نص ساعة إضطريت أصفط وراء حسينية معرفي ورحت مشي لمسافة اعتقد إنها طويله خصوصا مع جو مثل جو الكويت ولله الحمد...
    الحين مو المفروض يبنون مواقف جديدة تستوعب العدد الكبير اللي شفته اليوم داخل قاعة التداول والغريب يا ناس ولا تزعلون علي ودي أعرف هل كل هالناس مستأذنه من دواماتها أو ما تدوام خير شر بصراحه شي غريب لأن في شباب وايد ما أدري ما عندهم شغل ....
    عموما آسف على الإطالة بس حبيت آخذ رايكم ومشكورين :rolleyes:
     
  2. circle

    circle موقوف

    التسجيل:
    ‏5 نوفمبر 2004
    المشاركات:
    4,611
    عدد الإعجابات:
    0
    مكان الإقامة:
    الكويت
    الكثير منهم متقاعدين ,, وبعضهم يشتغلون حق ,, كل واحد حق معزبه ,,, وبعدين انت تعرف تكدس الموظفين فى الدوائر الحكوميه ,, مالهم مكان ولا حتى كراسى ,,,, خلهم فى البورصه .
     
  3. diya

    diya عضو جديد

    التسجيل:
    ‏31 مايو 2005
    المشاركات:
    1
    عدد الإعجابات:
    0
    زحمة البورصة

    بصراحة انا اروح قاعة تداول النساء ما ادري ليش حطوا قاعة للنساء وموحاسبين حسبتهم من ناحية المواقف بالنسبة لي انا اذا رحت البورصة تصوروا معاي الوضع عشان احصل علي موقف علي الاقل مقابل مسجد صغير انا اسفه ما يحضرني اسمه بس هو للسنه وكلنا مسلميناوصل عيالي المدرسه
    وسحبه مره واحدة الي موقع البورصة واحيانا الف لفهة واحدة عشان ىاحصل موقف لا ريوق ولا شاي واذا دخلت قاعة النساء استكانه صغيرة وشاي خفيف
    وما اقدر اطلب شيء اااكله لان من كثر ما اسمع في الصحف التعليقات علي صالة النساء شسوي احشم نفسي

    المهم ما حسبو حسبتهم بس الحين الحريم بالهبل بالصاله بعد كم يوم مافي كرسي نقعد عليه وملاحظه فيهم حريم كبار صحتهم ما تتحمل المشي مسافات طويله :confused:
     
  4. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    شيوديج الصاله اختي المسلمه :)

    سمعي نصيحتي ..اشتركي بالاوسط ومن الكمبيوتر سوي كل معاملاتج وانتي بالبيت والخدامه تحت عيونج ...وتشرطي عليها الشاي والماي والخم والطباخ بعد لانج منتي فاضيه ليم ال12 والربع متى يمديج تطبخين :)

    الاوسط برو خوش برنامنج لربات الاسر .. as seen on tv

    :)
    تحياتي لكل المتداولات ببورصه الكويت واقولهم الاوسط وبس
    www.alawsat.com